هيئة قضايا الدولة دفعة 2009

استاذ رامى كنت عايزة اعرف ممكن حد يروح يسلملى الملف ولا لازم انا اروح لانى صعب جدا انى اروح لظروف ما وكل سنة وحضرتك طيب

استاذ رامى ممكن بعد ازنك اعرف اذا كان ممكن حد يروح يسلملى الملف ولا لازم اروح انا بنفسى مع العلم انى صعب اروح لظروف ما ارجو من حضرتك الرد وكل سنة وحضرتك طيب

إلى elham salah

اي حد ممكن يروح يقدملك الملف مفيش مشاكل
وبيمضي بإمتضتك
انا لسه مقدم الملف النهاردة والحمد لله التسليم منظم جدا ومقعدتش 5 دقايق يادوب اخد مني الملف وراجع الأوراق المطلوبة وخلاني امضي ومشيت.

وكل سنة وكل اعضاء هذا المنتدى المحترم بألف خير

إلى elham salah
ممكن اى حد يروح يقدملك الملف عادى ومحدش بيتشدد فى الموضوع ده ويمضى بدالك وخلاص طالما انتى بتيجى من سفر والموضوع صعب عليكى بس اهم حاجه تراجعى اوراق الملف عشان ما يبقاش ناقص حاجه وربنا يوفق الجميع

الى markinoo
وانت بألف صحه وسلامه يا جميل..............رمضان كريم

انا متشكرة ليكم جدا ع الاجابة وسرعة الرد وجزاكم الله كل خير وبجد انتوا ونعم الشباب وكل سنة وانتة طيبين

إلى elham salah
دى حاجه بسيطه يا الهام وربنا يوفق الجميع...........وانتى بالصحه والسلامه

كنت عايز اسال سوال
هو بيان الدرجات هنا بيكون صوره ولا اصل
ممكن الرد بسرعة

mahmoud kamal كتب:

كنت عايز اسال سوال
هو بيان الدرجات هنا بيكون صوره ولا اصل
ممكن الرد بسرعة

صورة

elham salah كتب:

استاذ رامى كنت عايزة اعرف ممكن حد يروح يسلملى الملف ولا لازم انا اروح لانى صعب جدا انى اروح لظروف ما وكل سنة وحضرتك طيب

ممكن اى حد يستلم او يودى الملف عادى جدا

حسام الدين كتب:

استاذ رامى رمضان كريم وكل سنه وحضرتك طيب وربنا يجازيك عنى وعن باقى الاعضاء خير لانك بجد بتتعب جدا عشان تمد الاعضاء بالمعلومات الاكيده
ثانيا : حضرتك انا شغال معلم مساعد مواد قانونيه بالتربيه والتعليم فهل مطلوب منى اجيب موافقة الشغل على تقديمة فى الهيئه ولا اعمل ايه بالظبط وانا سألت قلولى الموافقه بتكون من وكيل الوزاره صح الكلام ده ولا اكتب طلب لمدير المدرسه ويمضيلى هوه بالموافقه ويختمهولى ختم المدرسه والشعار ان وجد يا ترى كده ينفع ولا همه مش بيدققوا على الحاجات دى

اخى الفاضل اعتقد ان عليك الذهاب الى مدير الادارة التعليمية فى المنطقة التى انت تابع لها وتحصل على موافقة منة على تقديمك لهيئة قضايا الدولة.لان مفروض انك تابع للمديرية.

هل لما اقدم الملف هيدونى اى اوراق بميعاد المقابله ولا ايه هى الخطوه الجايه بالظبط؟

كل سنة وجميع الأعضاء طيبين
رمضان كريم.

هل لا بد من كتابة سنوات التخرج للاقارب بالظبط ولا ينفع بالتقريب او متتكتبش خالص افضل؟وخاصة فى حالة صعوبة الحصول عليها؟؟وكذلك بالنسبة لنوع المؤهل والوظيفة الحالية؟
ولو أنا ملتحقة بالدبلومة بس لسه مخلصتش أكتبها بخانة الدراسات العليا للمرشح ومعاها ورقة تثبت الالتحاق ولا لازم أكون حصلت عليها بالفعل؟وهل اكتبها كمان فى خانة المؤهلات الخرى التى حصل عليها المرشح ولا إيه؟
وكمان فى خانة دورات الكمبيوترواللغة انا معلوماتى كويسةواخدت بعض الدورات بس مفيش شهادة تثبت ده أكتب عادى أسماء الكورسات ولا لازم ارفاق مايثبت ذلك؟
وبالنسبة للدخل الشهرى والممتلكات بتتكتب بالتفصيل؟ويجب ارفاق ما يثبت ذلك أيضا؟وهل صحيح أنه لابد أو من الافضل ألا يقل الدخل الشهرى للوالد عن 4000 جنيه؟
وياترى لو لو فيه توصيه وهقول رقم ملفى لحد فبيكون الرقم ده هو اللى مكتوب على إستمارة تسجيل البيانات؟؟
وهل يفضل التوصية بعد تسليم الملف أم قبل المقابلة مباشرة أم بعدها؟
أعتذر عن الاطالة وأرجو سرعة الرد.وجزاكم الله خيرا.

لوبالنسبةللتأجيل بإحدى المراحل التعليمية هل له تأثير أو يعتبر من سنوات الرسوب أم يتم كنابة سنة الالتحاق والتخرج بشكل عادى؟مع العلم انه سيظهر من التاريخ وجود سنة زائدة عن عدد السنوات الاساسية؟؟

الى ايهاب
لا طبعآ لما تقدم هيديك ورقه فيها ميعاد بتحضر فيه عشان تعرف تاريخ مقابلتك

الى roro
1.بالنسبه لسنوات التخرج فالافضل انك تكتبى التاريخ طالما تعرفيه او بالتقريب انما لو ماتعرفيش يبقى هتظطرى تسبيه طبعآ وبالنسبه للوظيفه فلازم تكتبيها طبعآ عشان الحاجات دى بتفرق معاهم وكمان ممكن يحتاجوها فى التحريات
2.تكتبى ملتحقه بالدبلومه وتقدمى ما يثبت ذلك مثلا لو فيه وصل من الكليه ولا حاجه
3.اعتقد بيحتاجوا شهادات تثبت انك اخدتى الكورسات دى بس على العموم اكتبى انك مثلآ تجييدى اللغه الانجليزى والحاسب الالى ومش هتخسرى حاجه
4.بالنسبه للدخل الشهرى فلازم يتكب بالتفصيل مثلآ دخل الوالد لازم شهاده من عمل الواد تثبت ما يتقاضاه من راتب وكذلك فى حاله ما اذا كانت الوالده تعمل وبالنسبه للاملاك فأنت بتقدمى صوره من عقود الملكيه بتاعت الاسره عقد البيت مثلآ عقود الاراضى مثلآ وهكذا اذا كان فيه حساب فى البنك بتقدم ما يثبت ذلك وحكايه ان الدخل ما يقلش عن مبلغ معين فده محدش يعرفه
5.الرقم اللى مكتوب على استماره تسجيل البيانات ده مش رقم الملف ده رقم بيحطوه عشان يعرفوا باعوا كام استماره فلو كنتى عاوز توصى توصى باسمك دلوقتى
6. والتوصيه عادتآ بتبقى قبل المقابلات الشخصيه ولو عاوزه توصى من دلوقتى مفيش مشكله انما لازم توصى قبل المقابله مش بعدها
7. بالنسبه للتأجيل انتى مش موضحه التأجيل فى انهى مرحله تعليميه فى المدرسه ام الجامعه بس فى الغالب اعتقد انه لايؤثر على التعينات فتكتبى سنه الالتحاق وسنه التخرج عادى
والله اعلى واعلم وربنا يوفقك
وكل سنه وحضرتك طيبه

بالنسبه لخانه المؤهلات الاخري اكتب فيها دبلوم القانون العام ولا اكتفي بكتابته في الدراسات العليا وبالنسبه للمؤهلات الدراسيه للقرايب في بعضهم مش عارفاه لازم اكتبهم ولا ايه وعدد خانات ابناء وبنات الاعمام غير كافيه للاسماء اكتفي ب15 بس ولا لازم اكتبهم كلهم وبالنسبه لمفرادات المرتب للوالده ارفقه ولا لا
اسفه للاطاله

الى مونى سعد
1.تكتفى بكتابه الدبلومه فى خانه الدراسات العليا
2.بالنسبه لمؤهلات القرايب فبتكتبى اللى تعرفيه يعنى على اد ما تعرفى تكتبى مؤهل القرايب واللى ما تعرفهوش خلاص هتعملى ايه يعنى
3.بالنسبه لعدد ابناء وبنات الهمات فلازم يتكتبوا كلهم طبعآ ما تسبيش حد اما تصورى ورقه من ورقات الملف اللى فيها ابناء وبنات العمات وتكتبى فيها اللى ناقص او تجيبى ورقه بيضه وتكتبى فيها اللى ناقص وتحطيها مع الملف بس كده
4.بالنسبه لمفردات مرتب الوالده ف اللى مطلوب مرتب الوالد فقط بس مفيش مانع لما تحطى مفردات مرات الوالده وكله بيضيف ليكى فى الاخر فى المستوى المادى يعنى
وربنا يوفق الجميع وكل سنه وانتى طيبه

شكرا لرد حضرتك.... وانتا بالف صحه وسلامه

شكرا لسرعة الرد يا استاذ احمد سليم وجزاك الله كل خير وكل سنة وانت طيب وبصحة وسلامة.

الى الاستاذ اتحمد سليم
جزاكم الله خيرا
ردودك كلها شافية كاملة غير منقوصة

بالنسبة لخانة الدخل الشهرى للوالد لو فيه اكتر من دخل بنكتب الاتنين مجموعين على بعض؟ولا كل حاجة لوحدها؟وبالنسبة للدخل اذا كان نتيجة اعمال حرة بيتكتب بشكل تقريبى ؟طيب وايه اللى يثبت صحة الكلام ده؟ونكتب ده لو مطلوب فين وهو اصلا مش مكتوب بالتفصيل ولا فيه مساحة للكتابة؟

وبالنسبة لارقام التليفونات لازم تتكتب ولا لو متتكتبتش نهائيا ده عادى؟

الى السيد/ المير العام
تسلم يا استاذى على الكلام الجميل ده دى شهاده اعتز بيها وربنا يوفق الجميع..........وكل سنه وحضرتك طيب