هيئة قضايا الدولة دفعة 2009

الى roro
1.بالنسبه للدخل الشهرى للوالد........هوه طبعآ الخانه اللى موجوده مش كبيره ومش هتديكى مساحه تكتبى براحتك ولا حتى بالتفصيل فانتى بتكتبى المرتب الاول +الدخل التانى سواء كان دخل من تجاره او ايجاره ارض زراعيه او غيره ولو ايجاره ارض فالعقود اللى بتقديمها بتاعت ملكيه الارض هتثبت ده اما لو كان من تجاره فتكتبى اعمال حره وهما فى التحريات هيعرفوا يثبتوا ده
2.ارقام التليفونات طالما ليها خانه يبقى لازم تتكتب يعنى حاولى على الاقل تكتبى ارقام اخواتك وقرايبك على اد ما تقدرى عشان بيحتاجوا الارقام دى فى التحريات فانتى مش هتخسرى حاجه لما تكتبى ارقام التليفونات انما اللى مش عارفه تجيبى تليفونه حد مسافر ولا حاجه خلاص سبيها فاضيه وبلاش تكتبى مسافر ولا حاجه
وربنا يوفق حضرتك وبالتوفيق دايمآ

شكرا يا استاذ احمد على الرد وربنا يوفقنا جميعا بغذن الله
بس معلش مفهمتش النقطة بتاعة الدخل يعن اكتب مجموع الدخول ولا كل دخل منفصل عن الاخر؟ وليا سؤال كمان لو التحقت بأكتر من مدرسة فى المرحلة الواحدة اكتب المدرسة اللى اخدت منها الشهادة ولا اكتب المدرستين جنب التاريخ ؟

الىroro
لا شكر على واجب يا استاذه
1.الافضل تكتبى كل دخل منفصل لواحده انما لو عاوزه تكتبى المجموع على بعضهم برده ماشى
2.اكتبى المدرسه اللى اخدتى منها الشهاده وخلاص وبعدين مفيش مكان تقعدتى تكتبى فيه انا كنت فى كذا وحولت لكذا.....فانتى اكتبى اللى اخدتى منا الشهاده وخلاص

بعتذر يا جماعة عن اسالتى الكتيرة دى بس مش عارفة الملف ده ملخبط معايا كده ليه؟
وكنت عايزة اسال هل يمكن ابدال ورقة متصورة محل ورقة من الاستمارة بسبب وجود بعض الاخطاء مع العلم ان الورقة المتصورة مختلفة شوية عن ورق الاستمارة من حيث لونها وخامتها ولا ينفع اصلح بشكل ما والورقة الاصلية؟وهل ممكن التعديل ايضا فالورق المصور بقلم اسود ولا ماينفعش؟
وهل المطلوب تصوير الاستمارة فقط صورتين ام الورق المرفق ايضا يتم تصويره؟
وجزاكم الله خيرا.

كنت عايزة اسال عن حاجة هوا ان شاء الله لو ربنا كرمنى ونجحت فى المقابلة ونزلى تحريات هل هايخدوها من تحريات النيابة مع العلم ان الحمدلله نزلى تحريات نيابة وخلصت ع خير ولا هيبلغونى بيها لان سمعت من وكيل نيابة صديق لنا انهم بيخدوا التحريات من تحريات النيابة وهل هيبلغونى بيها ولا لا

الى roro
ما تعتزريش على حاجه المهم بس نكون بنعرف نفيدك
1.التصليح فى الورقه الاصليه غير مستحب يعنى ما ينفعشى اصلح بقلم كولكتر ولا اشطب ولا الحاجات دى ..........انتى عاوزه ترفقه ورقه فى الملف بدل ورقه مكتوبه فعلآ عشان الاخطاء اللى فيها طيب انتى قدامك كذا حل
اما يكون عندك صوره من الورقه اللى انتى لخبطتى فيها فتكتبى فيها البيانات بطريقه صحيحه او تصورى ورقه من ملف حد لسه ما كتبشى الملف
او توجهى صفحه فى الملف تكون فاضيه مش كاتبه فيها حاجه وتقولى فى اولها عنوان مثلآ ((الاعمام))
او ترفقى ورقه وتكتبى فيها البيانات بشكل صحيح وتحطيها فى الملف والحل اللى يعجبك اعمليه بس من رأى الحل الاول او التانى افضلهم
انتى عاوزه تعدلى فى الورق المصور ليه لما تعدلى الاصلى تصورى الورق من تانى الموضوع مش صعب يعنى انما لو ماكنشى مستاهل تصوير ممكن تعدلى فى النسختين بأى قلم
اللى مطلوب تصويره هوه الاستماره فقط صورتين مش الورق المرفق

الى elham salah
انتى بتسألى على حاجه لسه بدرى عليها بس على العموم والله اعلم انهم هيخدوها من تحريات النيابه بس الاكيد انهم هيبلغوكى بالتليفون
وربنا يوفق حضرتك وكل سنه وانتى طيبه

سؤال ضروري لو سمحت يا احمد سليم انا جامعة الزقازيق واخر معاد لتسليم الملف بكرة اللي هو يوم 19 انا روحت امبارح اسلملهم الورق بس الفيش مكنش معايا عشان لسه مطلعش جيت ادي الست الوصولات بتاعت الفيش مرضيتش تستلم الملف والفيش هيطلع بعد ميعدي معاد الجامعة بتاعتي
ينفع اودي الملف بتاعي في يوم جامعة تانية عشان يكون الفيش طلع ولا خلاص راحت عليا كده فرصة التقديم؟؟؟؟؟؟ ارجو الرد

الى macamico
طيب لما انت ميعاد الفيش بتاعك هيتأخر عن ميعاد التقديم ما طلعتش ليه فيش مستعجل بيطلع فى نفس اليوم انت قدامك حلين اما تشوف فى الزقازيق انهى مركز ممكن تطلع منه فيش فى نفس اليوم او انك لما تستلم الفيش تروح تقدم فى اى يوم تبع جامعه تانيه وتشرحلهم انك كنت بتقدم فى يومك بس ما اخدوش الملف عشان الفيش وان شاء الله هياخدوه منك
بس يا ريت تشوف حكايه الفيش المستعجل ده الاول
وربنا يوفقك وتلحق تقدم

الى macamico
حاول تطلع الفيش المستعجل انهارده من اى مكان مش قصدى الزقازيق وبس اى مكان تطلع منه الفيش المستعجل

لو سمحتو يا جماعة هى مواعيد مقابلة جامعة الاسكندرية يوم اية .............وشكرا

الى ماما
لسه بدرى على المقابلات وكمان لسه ما اتحددتشى مقابلات لاى جامعه

يا جماعة رقم الاستمارة نكتب فيه ايه

shmys كتب:: يا جماعة رقم الاستمارة نكتب فيه ايه

سيبه فاضى ما تكتبشى فيه حاجه هما هناك اللى هيكتبوا

لا يا جماعة رقم السنمارة بيبقى مكتوب على الوثيقة من برة

ماما كتب:: لا يا جماعة رقم السنمارة بيبقى مكتوب على الوثيقة من برة

انا سألت الموظف وانا بقدم ايه رقم الاستماره ده قالى سيبه فاضى قولتله طب ممكن اكتب الرقم اللى على استماره تسجيل البيانات قالى لا ده رقم البيع رقم بنعمله عشان نعرف بيعنا كام استماره مش اكتر والكلام ده انا متأكد منه عشان انا اللى كنت بقدم بنفسى وانا اللى سألت الموظف وكذا واحد كان بيقدم معايا جامعه عين شمس قاله نفس الكلام

شكرا يا استاذ احمد سليم واكيد طبعا بنستفيد من اجاباتك.ربنا يوفقك
وجزاك الله كل خير.

فين الاستاذ رامى والاستاذ المدير العام ؟يارب تتواجدوا قريب ويارب المانع يكون خير

roro كتب:: شكرا يا استاذ احمد سليم واكيد طبعا بنستفيد من اجاباتك.ربنا يوفقك
وجزاك الله كل خير.

لا شكر على واجب يا استاذه المهم نكون بنعرف نفيدك وربنا يوفق الجميع

نحن هنا
وفى انتظار اسئلتكم للاجابة عليها

سلمت الملف بس مش انا بنفسى وكان فيه ورقة تثبت التحاقى بالدبلومة من الجامعة بس الموظف خرجها من الورق مع عقد ايجار يثبت ملكيتنا لشقة ومأجرينها لان عقدالملكية مفقودفالوقت الحالى فارفقنا الاوراق دى .وانا مش عارفة ليه الموظف خرجهم وهل يمكن تسليمهم مرة اخرى عند الذهاب لمعرفة معاد المقابلة اوفى اى يوم من ايام الجامعات الاخرى؟ولا الامر غير هام؟بس انا كنت عايزاهم يكونوا مع الورق على سبيل الاثبات.

الامر غير هام لانهم بيعتمدوا على تحريات المباحث لبيان مدى صدق البيانات المنحررة بمنعرفتك

اى حد جامعة المنصورة ميعاد معرفة يوم مقابلتة هيكون 17 او 18 اكتوبر

و لازم الى يروح يعرف ميعادة يروح بشخصة او حد من اهلة .

ممنوع يقولوا لحد من اصحابة.

يجماعة انا بعد ما سلمت الملف اخدت ورقة مكتوب عليها تاريه 20/10 او 19/10 المه لراجل قالى تعالى فى الميعاد ده شوف ميعاد مقابلتك

ينفع حد غيرى يقوم بالموضوع ده
بعدين هنروح المجمع ولا المقر الرئيسى بتاع الهيئة ؟؟؟؟؟؟؟؟

patient man كتب:: يجماعة انا بعد ما سلمت الملف اخدت ورقة مكتوب عليها تاريه 20/10 او 19/10 المه لراجل قالى تعالى فى الميعاد ده شوف ميعاد مقابلتك

ينفع حد غيرى يقوم بالموضوع ده
بعدين هنروح المجمع ولا المقر الرئيسى بتاع الهيئة ؟؟؟؟؟؟؟؟

اى حد يحضر ومعاه الورقه دى هياخد ميعاد المقابله وياريت يكون حد من قرايبك وهيحضر فى المجمع اكيد............... وبالتوفيق دايمآ

» مواعيد تقديم ملفات هيئة قضايا الدولة دفعة 2009
» هيئة قضايا الدولة دفعة 2008
» اعلان هيئة قضايا الدولة 2009
» أسئلة هيئة قضايا الدولة
» رئيس هيئة قضايا الدولة يؤدي اليمين أمام الرئيس