هيئة قضايا الدولة دفعة 2009

السلام عليكم ورحمة الله وبركاتة والله وحشنى جداجدابس والله عندى ظروظ مش بعرف اشارك المهم يا شباب انى عاوز اعرف مقابلة جامعة ازهر دمنهور ياريت تردو عليا بسرعة وهل لازم اروح فى الميعاد المحدد لمعرفة والمقابلة واللى ممكن اشوفها فى اى وقت

انا ملاحظة يا جماعة ان المنتدى نايم كدة ومحدش بيشارك ولا حد بيقولنا عمل اية فى المقابلة ولا الاسئلة ازاى يعنى من يوم ما المقابلات بدات ومحدش قلنا ع النظام اية غير اتنين معقولة دة احنا ياجماعة عايزين روح التعاون ايلى كانت مابنا فى النيابة ترجع تانى وكلة يشارك ورجاء ياجماعة ايلى راح المقابلة يشارك ويقولنا الاسئلة اية بالضبط وملاحظة ان المدير العام والاستاذ رامى مباوش يشركوا خالص لعلى المانع يكون خير

ولا اية راى اصاحبى الاعضاء معايا فى الكلام دة ولا لاولا هية هيئة قضايا الدولة مش زى بقية الهيئات عشان كدة محدش مهتم بيها زى بقية الهيئات رجاء ياجماعة كلة يشارك ولو اى حد عندة معلومة ميبخلش بيها ع اصدقائة لان كلة فى ميزان حسناتكم ان شاء الله واسفة جدا ع الاطالة وشكرا

دى بعض الاسئلة ايلى قدرت احصل عليها كانت يوم25و26 1-عرف قاضى التنفيذ واذكر اختصاصاتة 2-ماهى الشفعة ومن لة الحق فى الاخذ بها3-اذكر 5 من الشخصيات الحائزة على جائزة نوبل 4-اين تقع دولةرومانيا وعصمتها5-اركان المسئولية التقصرية6-مسئولية التابع عن اعمال المتبوع 7-القرار الادارى واركانة

وللاسف انا مش عارفة الاجابة

اسماء الحصلين على جائزة نوبل
1-انور السادات
2-نجيب محفوظ
3-احمد زويل
4-محمد البرادعى
5- ياسر عرفات

ياريت يا شباب الى عمل المقابلة يحكى لينا هى عاملة ازاى

اناعملت مقابلة انهاردة احنا بندخل خمسة خمسة وفى الأول اتسئلنا سؤال معلملومات عامة ان ما المقصود بمصطلح الأسكندفانية؟ وفى ناس اتسئلت عن عواصم دول فى اوربك كتتير....وبعدين سؤالين فى القانون اغلبهم مرافعات ركزوا أوى على المرافعات والتنفيذ الجبرى والسؤال بيمر عليكوا كلكوا حتى لو فى حد جابوه.........ربنا معاكو و خير ان شاء الله

انا كنت عوزة اسأل هو تحريات هيئة قضايا الدولة بتنزل على امتة ولا بياخدوا من الأدارية ومش بتنزل تحريات جديدة؟

الاجابه الصحيحه هى :
شروط التنفيذ الجبرى:
ممكن تكون الاجابه هى""""
لا يجوز التنفيذ الجبرى إلا بسند تنفيذى اقتضاء لحق محقق الوجود ومعين المقدار وحال الأداء
والمقصود بالسند التنفيذى هو&احكام & او أحكام محكمين & أو الأوامر & أو المحررات الموثقة &أو محاضر الصلح......
وشكرا وبالله التوفيق

اركان المسؤليه التقصيريه: الخطا والضرر وعلاقه سببيه بين الخطا والضرر
وشكرا وبالله التوفيق

الاجابه الصحيحه هى :
شروط التنفيذ الجبرى:

لا يجوز التنفيذ الجبرى إلا بسند تنفيذى اقتضاء لحق محقق الوجود ومعين المقدار وحال الأداء
والمقصود بالسند التنفيذى هو&احكام & او أحكام محكمين & أو الأوامر & أو المحررات الموثقة &أو محاضر الصلح......
وشكرا وبالله التوفيق

(1) يكون المتبوع مسئولا عن الضرر الذى يحدثه تابعه بعمله غير المشروع ، متى كان واقعا منه فى حال تادية وظيفته او يسببها .
(2) وتقوم رابطة التبعية ، ولو لم يكن المتبوع حرا فى اختيار تابعه متى كانت له عليه سلطة فعلية فى رقابته وفى توجيهه ....
وشكرا وبالله التوفيق

السلام عليكم ورحمه الله وبركانه
مقابلتى كانت 1/11 والحمد لله كانت مقابله جيده فعلا والمستشارين بيحاولو يساعدوك ومفيش توتر
المهم تم سؤالنا اولا سؤال فى المعلومات العامه وهو
ما هى دول حوض النيل
والسؤال مر على اللجنه كلها
وبعد ذلك قام بسؤالنا كل منا علىحده سؤال فى القانون او تقوم بتكمله سؤال زميلك قام بسؤالنا كل واحد سؤالين وبعد ذلك المقابله تنتهى
والاسئله التى سؤلت لنا وللجان الاخرى التى استطعت جمعها هى
الفرق بين الضريبه والرسم
التقادم
الاستئناف الذى لايتقيد بميعاد(وهو عند صدور الحكم غيابيا)
اوامر الاداء وشروطها
اشكالات التنفيذ
اقسام مجلس الدوله
القرار الادارى
كيفيه اعلان رجال القوات المسلحه والدبلماسين فى الخارج والمساجين
كيفيه رفع الدعوى
مده شطب الدعوى
مده تعجيل الدعوى
ماذا يحدث عند غياب المدعى
تعريف القرارالادارى والسلبى
الاستثناءات التى تملكها الاداره فى العقد الادارى (منها امكانيه فسخ العقد بارادتها المنفرده)

واسئله المعلومات العامه كانت اكثرها عواصم
عاصمه باكستان وعاصمه افغنستان وعاصمه بولغاريا
ودول حوض النيل
والله الموفق

رجاء ياجماعة ايلى يحوط سؤال ياجب علية واطلب من المدير العام او الاستاذ رامى كمال ايلى نسينا خالص اوى اى حد عارف اجابة الاسئلة دى ياجب عليها

سؤال شخصى موجة للاستاذ المدير العام هل تعلم لماذا امتنع الاستاذ رامى كمال عن المشاركة فى المنتدى واسفة جدا انى بسال السؤال دا بس والله بسال للاطمئنان علية بس مش اكتر لانة عضو مميز فى المنتدى ومشاركة لينا فى افادة لينا زى مشاركة حضرتك بالضبط وبجد احنا مفتقيدينوا زى مبنفتقد حضرتك لما بتغيب علينا احيانا وشكرا

طبعا من غير المعقول ان انا او رامى كمال هيجويوا كل الاسئلة دى
ولكن المفروض انتم تحاولوا شوية واللى عارف حاجة يقولها وليكوا عليا اى سؤال محتاج مساعدة اكيد اكيد بفضل الله هنحاول نحله مع بعض

والاستاذ رامى كمال مش يسدخل لظروف خاصة به ولا يوجد اى مشاكل بيه وبين القائمين على المنتدى كما تردد

دى بعض الاسئلة ايلى اتسالت يوم 1/11
1-الفرق بين الرهن الرسمى والحيازى
2-ماهو الاختصاص المحلى
3-هل يمكن الاتفاق على ان يكون حكم اول درجة نهائى
4- متى يمكن الطعن فى الاحكام القاعدة والاستثناء

يا جماعه محدش يعرف مقابلة ازهر اسيوط يوم كام ؟ ارجو المساعده

الناس اللى كان اتحدد لها تيجى الساعه 12 دخلت فعلا فى ميعادها وبتوع 9 دخلوا فى معادهم؟؟
انا قالولى تعالى الساعه 12
اروح 9 ولا 12؟؟

ايمان عادل كتب:

السلام عليكم ورحمه الله وبركانه
مقابلتى كانت 1/11 والحمد لله كانت مقابله جيده فعلا والمستشارين بيحاولو يساعدوك ومفيش توتر
المهم تم سؤالنا اولا سؤال فى المعلومات العامه وهو
ما هى دول حوض النيل
والسؤال مر على اللجنه كلها
وبعد ذلك قام بسؤالنا كل منا علىحده سؤال فى القانون او تقوم بتكمله سؤال زميلك قام بسؤالنا كل واحد سؤالين وبعد ذلك المقابله تنتهى
والاسئله التى سؤلت لنا وللجان الاخرى التى استطعت جمعها هى
الفرق بين الضريبه والرسم
التقادم
الاستئناف الذى لايتقيد بميعاد(وهو عند صدور الحكم غيابيا)
اوامر الاداء وشروطها
اشكالات التنفيذ
اقسام مجلس الدوله
القرار الادارى
كيفيه اعلان رجال القوات المسلحه والدبلماسين فى الخارج والمساجين
كيفيه رفع الدعوى
مده شطب الدعوى
مده تعجيل الدعوى
ماذا يحدث عند غياب المدعى
تعريف القرارالادارى والسلبى
الاستثناءات التى تملكها الاداره فى العقد الادارى (منها امكانيه فسخ العقد بارادتها المنفرده)

واسئله المعلومات العامه كانت اكثرها عواصم
عاصمه باكستان وعاصمه افغنستان وعاصمه بولغاريا
ودول حوض النيل
والله الموفق

السلام عليكم ورحمة الله وبركاته
1- دول حوض النيل هي عشرة دول وهي مصر السودان اثيوبيا اريتريا أوغندا كينيا تنزانيا رواندا بورندي الكونغو
....................................................................
2-الشفعة هي احد اسباب كسب الملكية ويعرفها القانون المدني بانها رخصة تجيز في بيع العقار الحلول محل المشتري في الاحوال وبالشروط المنصوص عليها في القانون
......................................................................
3-الشخصيات الحائزة ع جائزة نوبل
نجيب محفوظ في الادب
محمد انور السادات في السلام
احمد زويل في الكيمياء
محمدالبرادعيفي السلام
.......................................................
4-تقع دولة رومانيا في شرق أوروبا وعاصمتها بوخارست
....................................................................
5- اركان المسئولية التقصيرية... خطا وضرر وعلاقة السببية بين الخطأ والضرر
...............................................................
6- القرار الاداري هو افصاح الادارة عن ارادتها الملزمة بما لها من سلطة بمقتضي القوانين واللوائح بقصد احداث مركز قانوني معين متي كان هذا جائز قانونا ويبغي مصلحة عامة
واركانه هي الاختصاص والسبب والشكل والغاية والمحل
.........................................
7- التقادم هو انقضاء الحق اذا مضت عليه مدة معينة دون ان يطالب به الدائن او ان يستعمله صاحبه
.........................................................
8- اوامر الاداء تنص المادة 209 من قانون المرافعات علي انه يسري ع أمر الاداء وعلي الحكم الصادر في التظلم منه الاحكام الخاصة بالنفاذ المعجل حسب الاحوال التي بينها القانون
شروطه هي
انه لايجوز تنفيذ امر الاداء تنفيذا جبريا مادام قابلا للطعن فيه بالتظلم او الاستئناف مالم يكن مشمولا بالنفاذ المعجل
...................................................
9- اشكالات التنفيذ هي منازعات التنفيذ الوقتية وهي التي يطلب فيها الحكم باجراء وقتي لايمس اصل الحق كوقف التنفيذ مؤقتا او الاستمرار فيه مؤقتا حتي يتم الفصل في موضوع المنازعة اما ببطلان التنفيذ او صحته
...................................................
10- اقسام مجلس الدولةهي قسم الفتوي وقسم التشريع والقسم القضائي والجمعية العمومية لمجلس الدولة والمجلس الخاص للشئون الادارية
..............................................................
11- يتم اعلان رجال القوات المسلحة بواسطة النيابة العامة الي الادارة القضائية المختصة بالقوات المسلحة
ويتم اعلان المساجين بواسطة تسليم الورقة لمأمور السجن ويعتبر الاعلان بذلك قد تم دون الاعتداد بقيام المأمر بتسليم الاعلان الي المسجون
ويتم اعلان الدبلوماسيين في الخارج بواسطة النيابة العامة عن طريق ارسالها الي وزارة الخارجية لتوصيلها بالطرق الدبلوماسية ويجوز ايضا في هذه الحالة وبشرط المعاملة بالمثل تسليم الصورة مباشرة الي مقر البعثة الدبلوماسية للدولة التي يقع بها المراد اعلانه لكي تتولي توصيلها اليه
.................................................................................
12- كيفية رفع الدعوي
تمر الدعوي عند رفعها الي القضاء بثلاثة مراحل هي
1- مرحلة تحرير الصحيفة
2- مرحلة تقديم الصحيفة وقيدها
3- مرحلة اعلان الصحيفة
....................................................................
13- مدة شطب الدعوي هي اذا انقضت 6 شهور من اخر اجراء صحيح من اجراءات التقاضي
...................................................................................
14- القرار الاداري السلبي هوسكوت جهة الادارة عن الرد ع الطلبات المقدمة اليها من الافراد وقد اعتبر المشرع المصري ان سكوت جهة الادارة 60يوما من تاريخ تقديم الطلب رفض ضمني له
..................................................................................
الاستثناءات التي تملكها الادارة في العقد الاداري هي
1- تملك الادارة في بعض الحالات التي ينص عليها في العقد او في دفاتر الشروط العامة او لائحة العقود الادارية ان تفسخ عقودها الادارية دون الحاجة الي اللجوء الي القضاء
2- ومن جانب اخر للادارة ان تنهي عقودها الادارية دون الحاجة لنص في قانون او لائحة اذا اقتضت المصلحة العامة ذلك دون وقوع خطا من جانب المتعاقد مع تعويضه عن ذلك عند الاقتضاء
.............................................................................
15- عاصمة باكستان هي جاكارتا
عاصمة افغانستان هي كابول
عاصمة بلغاريا هي صوفيا
......................................................
بالتوفيق للجميع انشاء الله

عاصمه باكستان اسلام اباد تقريبا

عاصمه باكستان اسلام اباد .... واندونيسيا هى عاصمتها جاكرتا والف مليون شكر لsheriasi لاجاباتها الممتازه وسلامى للاهل طنطا
وبالتوفيق ان شاء الله

الزملاء الافاضل قمت بعمل موضوع لما تم سؤاله من اسئلة في مقابلات هيئة قضايا الدولة واجوبتها وربنا يوفق الجميع يارب

MeShOoO كتب:

الزملاء الافاضل قمت بعمل موضوع لما تم سؤاله من اسئلة في مقابلات هيئة قضايا الدولة واجوبتها وربنا يوفق الجميع يارب

نأسف قمت بوضع الاسئلة بأجوبتها داخل موضوع اسئلة هيئة قضايا الدولة