النيابة الادارية دفعة 2009

انت جامعه الزقازيق يا على؟؟
دى معلومه مؤكده؟

يا جماعه انا اتاكدت البنت الى فى جامعة القاهره وجالها تحريات جايبه 70% بظبط

ايوه انا جامعه الزقازيق

ومتاكد من الكلام ده لاني شفت الكشوف وانا بجيب اسمي

[b][i] السلام عليكم
اولا حبه اشكرك على المجهود الممتاز ده
ثانيا انا عاوزه اعرف انا تقديرى جيد بالظبط ولسه مش عملت المقابله بس بصراحة كلامك يا استاذ رامى انهم مش بينزلوا تحريات الى الناس الى اقل من 70 % جابلى اكتئاب وحاسه انى مقابله بالنسبالى تحصيل حاصل ياريت تفيدنى لما هو مش حتنزل لينا تحريات يعنى احنا مرفوضين طب ليه عملوا لينا ميعاد مقابله
ثالثا انا من اسكندرية ياريت اى حد من اسكندريه يتواصل معايا وده ايميلى (عفوا ممنوع تبادل الايملات - الادارة)

استاذ رامى انا جامعة عين شمس وتقديرى 72% جيد هل ممكن ان التحريات تنزل لمرشح بدون علمة ارجو الرد فى اسرع مايمكن وجزاك الله خير

فيه تحريات بتنزل للى جايب 65% فلا تيأسى يا اخت نونا لوير
ويا مجمد بك لو نزلتلك تحريات لازم تعرف لانك من الاخر هتتبهدل فى التحريات دى وهتكره اليوم اللى قدمت فيه فى النيابت
هتروح امن الدولة وتتكدر هناك شوية وهتروح القسم بتاعك وهتتكدر غير الاشتبهات اللى غالبا هتجيلك زى ما حصل مع كل المتقدمين فى السنوات السابقة

للمرة الثانية فيه ناس كتير 65% ونزلها تحريات و اخر 11 واحد فى القرار بتاع 2007 كانوا 65%

الله يبشرك بالخيييييييير يا استاذ محمود ويحققلك كل ما تتمنى

جزاك الله كل خييير يا اخي

ربنا يوفقكم يا شباب

يا جماعة انا وصلتلى تحريات امس من امن الدولة عن طريق الموبايل ورحت عملت مقابلة مع رائد مجرد تاكيد بيانات فقط مع العلم انا اقل من 70% وبالتوفيق للجميع

اله يبشرك بالخير استاذ احمد ممدوح
شكرا جزيلا لحضرتك

ده يؤكد كلامى ان التحريات فى النيابة الادارية بتنزل بنسبة 85% لكل المقدمين
ثانيا يا استاذ رامى انا مش قصدى ان تعيين 65% ده امر طبيعى بالعكس انا بقول ان الامكانية متاحة لان التقدير واحد فى كلا النسبتين لذلك فلن يعوقهم تعيين احد فى تلك النسبة للتغطية على اولاد المستشارين الباقين الذين يحصلون على مثل تلك النسبة
ولا اقصد بذلك انه اجراء طبيعى بالعكس انه استثنائى جدا
والنيابة الادارية تهتم بأسم الجامعة والتقدير فوق 75% بنسبة كبيرة
بمعنى اخر لو انت نسبتك 75% فما فوق وخريج احد الجامعات الاتية وتحرياتك سليمة ان شاء الله هتبقى من المقبولين بأذن الله
والجامعات هى
القاهرة
عين شمس
الاسكندرية
اسيوط
بنها

وده ميمنعش ان فيه ناس من جامعات تنية بتتعين دون وساطة ولكن العين بتبقى على تلك الجامعات
يارب اكون طمنت بعض الناس

بالنسبة لمقابلة امن الدولة وهى اللى عليا هالدور دلوقتى
فيه بعض مكاتب امن الدولة بتبقى متساهلة جدا جدا جدا من حيث مقابلة المرشح لا اكثر
وفيه مكاتب بتعقد الدنيا وتتكلم مع المرشح بحدية وما الى ذلك
فلا تقلقوا نهائيا
علما بأن تحريات امن الدولة تنتهى فى غضون عشرة ايام من تاريخ استدعائك فاا ما زادت المده عن ذلك فاعلم ان عندك مشكلة فى التحريات
طيب وازاى هعرف انها زادت عن ذلك
الاجابة اذا تم استدعائك بعد الاستدعاء الاول بفترة كبيرة فاعلم ان لك مشكلة فى امن الدولة
وهذا متعلق بأمن الدولة فقط
اما بخصوص تحريات القسم فاعلم انك وبنسبة 95% هيجيلك تشابه اسماء يعنى هيجيلك تشابه اسماء فلا تقلق من ذلك فالكل هكذا
وبناء عليه فى القسم ممكن تروح بدل المرة عشرة وبين كل مرة ومرة ممكن يكون شهر او اكثر
وطالما نزلتلك تحريات امن دولة اعرف انك فى انتظار تحريات القسم حتى لو فصل بينهم وقت زمنى كبير .
وفقكم الله

جزاك الله خيرا أ/محمود على هذا المجهود أكثر من الرائع

هل معنى كلامك انة اذا كانت تحريات امن الدولة جيدة لا يتم أستدعاء المرشح مرة أخرى ؟!!!
وهل بعد أنتهاء التحريات من الممكن معرفة ما انتهت الية التحريات وتقريرها فى هذا الشأن أم أنة أمر سرى

شكرا لمجهوداتكم الرائعة

مبروك يا استاذ احمد ممدوح على التحريات بس ممكن اعرف انت جامعة ايه وتبع قسم شرطة ايه

شكراا يا استاذ محمود يونس على الافاده بس بقول انا نقصلى درجه على 75% وجامعة عين شمس ممكن اكون من الناس الى بيتاخدوا فى العتبار الى هما اكتر من 75%

ازيكم يا جماعه انا بقالى كتير مدخلتش وشاركتكم فى الموضوع بس انا حبه اقولكم حاجه
انا الحمد الله نزلى تحريات امن دوله من حوالى اسبوعين وتم استدعائى هناك وروحت وقابلت الرائد وقالى ان فى بعض بيانات للعائله ناقصه من ازواج بنات العمات وهكذا وقالى كمليها وكلمينى اقولها له طبعا طلع عينى على بال ما جمعت الناقص وبرده فضل حوالى شخصين معرفش عنهم اى حاجه لانهم مش فى مصر وبالفعل كلمته وبلغته والكلام ده من اسبوع ولكن لحد دلوقتى لا حس وله خبر
وانا على فكره تقديرى 65 وخريجه القاهره
وربنا يوفق الجميع ويجعل التعين من نصيبنا امين
وياريت الكل يدعيلى عشان انا حامل وفى شهرى الاخير وتعبانه كتير ادعولى يجعلها ولاده سهله
قوله امين

spy كتب:

شكراا يا استاذ محمود يونس على الافاده بس بقول انا نقصلى درجه على 75% وجامعة عين شمس ممكن اكون من الناس الى بيتاخدوا فى العتبار الى هما اكتر من 75%

بص يا استاذى ده هيعتمد بنسبة كبيرة على نسبة التقديرات فى دفعتك هل هى مرتفعة نسبيا او منخفضة
يعنى مثلا احنا فى جامعة القاهرة كنا اربعة جيد جدا وواحد كان جيد واترفع بقى جيد جدا وباقىة العشرة كانوا جيد مع العلم ان الاول كان جايب 82%
علشان كده نزلوا حتى 75%

ثانيا انت ناقصلك درجة فى الميو ولا درجة عادية علشان لو مثلا جايب 74.9
اكيد بيجبروهالك.............
ياريت تعرفنى تفاصيل دفعتك ده من جانب
ومن جانب اخر بتعتمد على عدد اللى النيابة العامة ومجلس الدولة اخدوهم من الطلبة اللى تقديرهم اعلى منك لذلك لا تعقد امل معلى الان واصبر لعل الله يقدر لك اى هيئة اخرى
ولكن فى جميع العموم لو تقديرك مقارب جدا جدا ل 75 وانت من عين شمس فأتوقع لك خيرا ...... وتبقى تجيلى امرنك بقى عندى فى النيابة
تماما يا باشا
يارب يوفق الجميع

sonatote28 كتب:

ازيكم يا جماعه انا بقالى كتير مدخلتش وشاركتكم فى الموضوع بس انا حبه اقولكم حاجه
انا الحمد الله نزلى تحريات امن دوله من حوالى اسبوعين وتم استدعائى هناك وروحت وقابلت الرائد وقالى ان فى بعض بيانات للعائله ناقصه من ازواج بنات العمات وهكذا وقالى كمليها وكلمينى اقولها له طبعا طلع عينى على بال ما جمعت الناقص وبرده فضل حوالى شخصين معرفش عنهم اى حاجه لانهم مش فى مصر وبالفعل كلمته وبلغته والكلام ده من اسبوع ولكن لحد دلوقتى لا حس وله خبر
وانا على فكره تقديرى 65 وخريجه القاهره
وربنا يوفق الجميع ويجعل التعين من نصيبنا امين
وياريت الكل يدعيلى عشان انا حامل وفى شهرى الاخير وتعبانه كتير ادعولى يجعلها ولاده سهله
قوله امين

طالما لم يتم التاتصال بك مرة اخرة للهاب الى مقر امن الدولة مجددا وذلك بعد طلب استكمال بعض البيانات ومر تلك الفترة وهى اسبوعين فابشرى ان شاء الله فان تحرياتك سليمة وعدت
وربنا يجلعك من الموفقين ان شاء الله
ويسهلك امرك الذى انتى فيه الان ويتمم لك على خير

ميرسى جدا يا استاذ محمود على انك طمنتنى
ويجعلنا من الموفقين بالتعين يارب
وياريت لو اى حد عرف اى حاجه تانى ياريت يخبرنا
للمناقشه فى هذا الموضوع
والله ولى التوفيق

ربنا يوفقك يا
sonatote28

ربنا يوفقك يا رب وعقبالنا كلنا
وربنا يبشرك بالخيييييييييير

السلام عليكم ازيكوا يا اهل المنتدى...
النهارده كانت مقابلتي مقدرش اوصف انا قد ايه متضايقه لدرجه اني بكتم العياط اللي جوايا. انا اتسألت سؤال اللي جنبي مكملتوش وجيت اكمل عليه متلقلتش ولا حاجه بس قلت اللي هي قالته لاني مش بعرف اكملعلى حد.لقيته وقفني وقاللي كملي متقوليش من الاول وكان السؤال بخصوص اختصاصات النيابه الاداريه وانا مزكراه وعادي اتلخبط لما قاللي -بس بمنتهى الثقه- ففضلت اقوله تختص بفض التنازع قاللي لأه السؤال كان ما هي اختصاصات النيابه الاداريه قاللي ايوه فجيت اكمل مش عارفه ليه قلت نفس الكلمه هي التي تختص بفض التنازع وبعدين كملت فيما معناه انها بتنظر في القضايا الل بتجيلها من المحاكم التأديبيه وفجأه قلتله مش متزكره الصراحه قاللي: الصراحه!!
فرئيس المجلس قاللي ما انتي ماشيه صح ..
ومسألنيش تاني بس قاللي ابقي خلى فض التنازع ينفعك؟لزمته ايه الكلام ده؟؟ بس انا اخدت بالي انه لما بيسأل حد بيعمل عنده علامه معملش عندي ولا انا بيتهيألي مش بيعمل علامه؟؟
بس هو ليه مدانيش فرصه تانيه رغم انه سأل كل واحده اكتر من سؤال واللجنه كانت بتلقلق وعادي ومع اني كنت مش متزكره الاجابه بس من طريقته وهو بيضغط عليا الا اني متوترتش بس طلعت منهاره في بحر من الدموع.وحاسه اني مصدومه جدا
بس بجد لكل الناس اللي معملتش مقابله الموضوع سهل جدا.وفي الاخر بجد شكرا جدا لكل الناس الكويسه جد اللي كانت بتتعاون واللي مكنتش بتتعاون معانا
وبالتوفيق للجميع...

بصى يا خلود اعلمى ان كل شئ نصيب
واود ان اسألك اولا ترتيبك على الدفعة كام او تقديرك كام وانتى جامعة ايه
وبناء علي ما سوف تقولينه سوف اقول لكى سبب هذا الاسلوب معكى
وانا متأكد مليون المائة ان من تهكم معكى هكذا فى القول هو المستشار تيمور مصطفى؟؟؟؟؟؟
ارجوا الاجابة سريعة لاخبارك نتيجة مقابلتك

انا معرفش هو مين ولا صفته ايه بس هو كان قاعد جنب الرئيس من ايديه اليمين
وانا جامعه المنصوره شعبه انجليزي وتقديري 73%

متقلقيش خالص يا حبيبتي ان شاء الله هتعدى على خير
ربنا يكرمك بالتعييين ان شاء الله
متخافيش يا حبيبتي

ميرسي جدا يا جوجو.انا والله فعلا من اول ما ركبت لحاد ما وصلت البيت ولحاد دلوقتي بكلم في نفسي بسوالله الكلمتين بتوعك دول دخلوا قلبي وشالوا كل الكرب ده..