النيابة الادارية دفعة 2009

السلام عليكم
معلش ممكن سؤال انا كنت فى عمرة ولسة راجعة امبارح وانا من اسكندرية وسالت على المنتدى قالولى ان تحريات اسكندريه نزلت من اسبوع ونص
فهل فيه طريقه اعرف بيها ان انا تحرياتى نزلت ولا لا لانى وانا بالسعوديه اتصل بيا كذا رقم غريب وانا ماكنتش برد عشان ماكنتش باخد الموبيل معايا المسجد
ارجوا منكم سرعة الافادة وسؤال اخير بعد اذنك هى التحريات بتنزل بيترتيب الاعلى فى المجموع او بترتيب تقديم الملف ولا عادى وهل تحريات جماعة اسكندريه خلصت ولا لا
ياريت حد يرد عليا لو سمحتوا وشكرا

ممكن تسألي في امن الدولة

اسال مين وازاى هل فى تليفون ممكن اتصل بيه ولا ايه

أخى الحبيب عبد الناصر
اولا :هل الاتصال سيكون على المحمول ام الارضى
على المحمول ... وإذا تعذر التوصل عن طريقه يتم الإتصال على الأرضى ...

ثانيا : هل سيكون الذهاب فى امن الدوله فى نفس اليوم ام فى اليوم التالى
إما أن يتم الإتصال بك ليلاً ويخبرك أنك مطلوب اليوم التالى صباحاً ... او يتصل بك صباحاً ويخبرك أنك مطلوب فى نفس اليوم ليلاً ....

ثالثا :هل لابد من حفظ بيانات اخواتى واعمامى واولادهم ...وغيرهم ممن هم موجودون فى الملف ام يكفى مجرد الاسم والوظيفه فقط.
يلزم بياناتهم جميعها .... ويمكنك الإستعانه بصورة الوثيقة أثناء المقابلة دون أدنى مشكلة ...

أختى roro
وبالنسبة لكلامك يا أستاذ رامى عن إن التحريات مازالت مستمرة إنت كمان قلت إنهابتنزل فى حدودمن 30 : 45 يوم والفترة دى عدت بالنسبالى.وبس عايزه أعرف إيه السبب فى نزول التحريات لأشخاص مجموعهم أقل؟؟....
هذه النسبه خاصة لبداية نزول ملفات التحرى للجامعة ... وليس لجميع ملفات التحرى ... أى أن فى تلك الفترة ستبدأ نزول تحريات الجامعة ... ثم سيتم إرسال ملفات أخرى للتحرى على مجموعات ....فقد تكونى فى مجموعة تاليه وليست فى أول مجموعه للتحرى ... تابعى الأمر .. ولاتقلقى ... فمازال الوقت مبكر على إنتهاء التحريات ...

أختى nonalawyer
وياريت يا استاذ رامى اول لما تنزل تكتب انها نزلت
هى بالفعل نزلت ...

فهل فيه طريقه اعرف بيها ان انا تحرياتى نزلت ولا لا
يمكنك الذهاب لمديرية الأمن ... مكتب التحريات أو الحاسب الآلى ... وتسألى بإسمك عن نزول تحريات لكى وسيخبرك بنزولها من عدمه ....

هى التحريات بتنزل بيترتيب الاعلى فى المجموع او بترتيب تقديم الملف ولا عادى
ليس لها معيار فى النزول ...

وهل تحريات جماعة اسكندريه خلصت ولا لا
مازال الوقت مبكراً على إنتهاء أى تحريات لأى جامعة ...

اسال مين وازاى هل فى تليفون ممكن اتصل بيه ولا ايه
لايمكن بالتليفون ... فقط إذهبى لمكتب التحريات الموجود بمديرية الأمن أو الحاسب الآلى وإسألى عن نزول التحريات لكى ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

استاذ رامى انا مقابلتى يوم 31/6 فحضرتك ممكن تحرياتى تكون امتى ان شاء الله وايه النصايح اللى ممكن حضرتك تديهانى قبل المقابله اريد الاستفاده من خبرة حضرتك ولك منى جزيل الشكر .

يا ريت الاخوة الاعضاء اللى نزلهم تحريات يذكروا النسب بتاعتهم فى المية ؟ وبالتوفيق ليهم ان شاء الله

مفيش اخبار عن مجلس الدولة الدفعة التكميلية للجيد؟

لا تندم على شيئ فعلة قلبك وتمنا شيئا لم يكن يتوقع خلافة

فقد ياتى القدر على خلاف ما تمنا قلبــــــــــــــك

فالقدر صعب لانة قد لايصادف الحلم والتمنـــــــــى

فـــــــــــــؤمن بقـــــــــــــــــــدرك الذى من الله
قبل ان تؤمن بقلبك الذى هو جزء من حســــــــدك

لان حسدك ليـــــــــــس ملـــــــــــــــــــــــــك
فهــــــــــــــــــــــو ملــــــــــــــــــــــــــــــــك لله

فؤمن بالله وبقـــــــــــــــــــــــــدرة

امضاء
سيادة النــــــــــــائب

وليـــــــــــــــــــــــد بيه

أخى الحبيب حسام الدين
استاذ رامى انا مقابلتى يوم 31/6 فحضرتك ممكن تحرياتى تكون امتى ان شاء الله
بمشيئة الله إنتظرها من نهاية شهر يوليو حتى منتصف أغسطس ...

وايه النصايح اللى ممكن حضرتك تديهانى قبل المقابله
النصيحة هى التهيئة النفسيه ... فهى العامل الأساسى والكبير ... ومن أهم أسباب التهيئة النفسية الإستعداد بمذاكرة أسئلة مقابلة النيابة الإدارية ... وهذا ليس بسبب أن الإجابة على السؤال له معيار .. فكما ذكرت من قبل الإجابة ليس معياراً فى نزول التحريات .... ولكن إستعدادك بالأسئلة ستجد بداخلك شعور لا إرادى بالثقة والإطمئنان ... أى ستجد بداخلك إستعداد للمقابلة ... ولم يتبقى لك سوى تهيئة نفسك خارجياً بمنظر منسق ... وطريقتك فى الإجابة والحديث معهم بدون قلق أو توتر ... فالأمر سهل جداً ويسير ... وبمشيئة الله سنبارك لك على التعيين .... بالتوفيق ...

أخى الحبيب سيادة النائب
يا ريت الاخوة الاعضاء اللى نزلهم تحريات يذكروا النسب بتاعتهم فى المية ؟
التحريات نزلت لجميع النسب ... من 65% فما فوق ...

مفيش اخبار عن مجلس الدولة الدفعة التكميلية للجيد؟
كنت أتمنى أن أجد مشاركتك فى موضوعها الصحيح .. على العموم ... لايوجد أخبار ..

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

نسبة نزول التحريات بالنسبة للادارية بتكون كم فى المية ؟ لانة على حد علمى ان النسبة فى الادارية بتكون اكتر بكتير من العامة فما مدى صحة هذا الكلام

ســــــــــــــــــؤال شخــــــــــــــــــصى للرامى بية ارجوا الاجابة عليــــــــــــــة

ما هو مـــــــــصدر معـــــلومــــــــــاتــــــــــــــــك؟

بمعنى انت بتجيب اجابتك على جميع الاسئلة المطروحة منين ؟

اشكرك يا استاذ رامى على الاجابه وعلى هذه النصايح الغاليه التى بمثابة الدرر الغاليه منك والله اسأل ان يوفق الجميع وان يحقق للجميع آمالهم انه ولى ذلك والقادر عليه
على فكره استاذ رامى انا غلطت وكتبت مقابلتى يوم 31/6 وهى 31/5 وهذا خطأ من السرعه اعتذر عنه وعلى هذا يمكننى انتظار التحريات ان شاء الله فى نهايه شهر 6 او منتصف شهر 7 صح كده ؟

يا حسام بية انت جامعة اية بالظبط ؟

هل الى مجالوش تحريات لغايط دلوقتى من جامعة عين شمس يفقد الامل والنسبه 66% ولا لسه فيه امل

سيادة النائب كتب:: ســــــــــــــــــؤال شخــــــــــــــــــصى للرامى بية ارجوا الاجابة عليــــــــــــــة

ما هو مـــــــــصدر معـــــلومــــــــــاتــــــــــــــــك؟

بمعنى انت بتجيب اجابتك على جميع الاسئلة المطروحة منين ؟

علم لا ينفع وجهل لا يضر
بمعنى اخر لما تلاقى استاذ رامى قال معلومة غلط ابقى اسأله مصدر معلوماته لكن غير كده معتقدش ليها لازمة الاجابة
وبالتوفيق للجميع

اعتقد ان ما فيش ضرر على رامى بية لو قال بيجيب مصدر معلوماتة منين وان كان سؤلى فية شوية جرائة منى وممكن البعض يعتبرة تتـــفل بس انا غرضى مش كدا انا كنت عاوز اتاكد ان المعلومة اللى بجيبهلنا سيادتة مشكورا يكون موثوق فيها لانها جاية من مصدر سليم وموثوق فية واعتقد انى دة حقى فى انى اتاكد من المعلومة اللى بخدها واللى ممكن يتبنى عليها فيما بعد اشياء يصعب تتدركها وعلى العموم انا بشكرة جدا على اهتمامة وردة على اسالة الاعضاء ( بس عاوز الاجابة على سؤلى ) وشكرااااااااااا

-------

[ندعوك للتسجيل في المنتدى أو التعريف بنفسك لمعاينة هذا الرابط]

-------

[ندعوك للتسجيل في المنتدى أو التعريف بنفسك لمعاينة هذا الرابط]

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية