النيابة العامة دفعة 2009

احنا ممكن ننزال نسال فى مدرية الامن ولا نستنى شويه Question

سؤال مهم جدا &&ان شاء الله لو التحريات سليمه بنسبه 100%هل ذلك يدل على تعينى يكون بنسبه تقارب ال100% (ان شاء الله) ام من الممكن يحدث غير ذلك * هذا بالنسبه للنيابه العامه والاداريه ........ وشكرا وبالله التوفيق

أخى الحبيب spy
احنا ممكن ننزال نسال فى مدرية الامن ولا نستنى شويه
إذا علمت بنزول تحريات لجامعتك يمكنك الذهاب لمديرية الأمن ... غير ذلك فإنتظر ......

أخى الحبيب عبد الناصر
ان شاء الله لو التحريات سليمه بنسبه 100%هل ذلك يدل على تعينى يكون بنسبه تقارب ال100% (ان شاء الله) ام من الممكن يحدث غير ذلك * هذا بالنسبه للنيابه العامه والاداريه
النيابة العامه لاتسير على قاعدة واحدة إطلاقاً ... فكما يقولون النيابة العامه ليس لها كبير .... فمن الممكن أن يكون المتقدم من الأوائل وتحرياته سليمه ومع ذلك لايتم قبوله ... وهناك من يتم قبوله بدون أى توصية إطلاقاً ... وهذا أعلمه شخصياً ... كما أعلم شخص كانت لديه توصيه جعلته يصل إلى مرحلة الكشف الطبى وتم إجراء الكشف .... ومع ذلك لم يجد إسمه فى القرار الجمهورى .... فالنيابة العامه كما ذكرت لايمكن توقع تصرفاتها ولا طريقتها فى القبول .... لذلك لا أستطيع الإجابة على صحة التحريات فى النيابة العامه يعنى القبول كم فى المائة .... أما فى النيابة الإدارية .... إذا كانت التحريات 100% كما ذكرت وتقديره مرتفع نوعاً ما وخريج جامعة من الجامعات الكبرى فهو مقبول بإذن الله ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

هو لوحد منزلوش التحريات فى الاداريه يبقى اكيد مهتنزلش ليه تحريات فى العامه ولا ممكن تنزله بس بامل ضعيف

***... وهناك من يتم قبوله بدون أى توصية إطلاقاً**** (((( من الممكن ذلك ولكن بالطبع باعداد قليله)))) ... وهذا أعلمه شخصياً((( انا متأكد من صدق كلام حضرتك))) ... &&&&كما أعلم شخص كانت لديه توصيه جعلته يصل إلى مرحلة الكشف الطبى وتم إجراء الكشف .... ومع ذلك لم يجد إسمه فى القرار الجمهورى &&&&...هنا ياتى السؤال هل العينه ايجابيه ام سلبيه؟... ومتى حدث ذلك! اى دفعه كام؟ وهل يحدث ذلك فى كل عام . ام كانت هذه الحاله استثناء من الاصل! حيث الاصل هو قبول كل من تم اجراء الكشف الطبى عليه وكانت العينه سلبيه بالتأكيد,,,,,,, وشكرا

أخى الحبيب اسلام شاكر
هو لوحد منزلوش التحريات فى الاداريه يبقى اكيد مهتنزلش ليه تحريات فى العامه ولا ممكن تنزله بس بامل ضعيف
تحريات النيابة العامه مستقله إستقلال تام عن تحريات الإدارية ... فلايعنى نزول تحريات الإدارية أنه سيتم نزول تحريات عامه ... والعكس صحيح ... وكذلك لايعنى عدم نزول تحريات الإدارية أنه لايتم نزول تحريات عامه ... والعكس صحيح ...

أخى الحبيب عبد الناصر
من الممكن ذلك ولكن بالطبع باعداد قليله
بكل تأكيد ....

هنا ياتى السؤال هل العينه ايجابيه ام سلبيه؟... ومتى حدث ذلك! اى دفعه كام؟ وهل يحدث ذلك فى كل عام . ام كانت هذه الحاله استثناء من الاصل! حيث الاصل هو قبول كل من تم اجراء الكشف الطبى عليه وكانت العينه سلبيه بالتأكيد,,,,,,,
العينة كانت سلبيه .... وهذا كان دفعة 2006 ... وهو بكل تأكيد إستثناء من الأصل ... ولكنه حدث ... فأنا معك أن إجتياز الكشف الطبى يعنى القبول 99% ... ولكنه بكل تأكيد لايعنى 100% .... فيجب أن نضع أمام أعيننا كل الإعتبارات ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

الى شباب جامعة المنصورة

سيتم عمل اول مقابلة لشباب جامعة المنصورة يوم 16/5 القادم

يمكنكم الحصول على مواعيد مقابلتكم يوم 5/5 ان شاء الله

المقابلات حسب التقدير

انا كنت فى النيابة العامة امبارح وسألت على المواعيد ودا كلام الموظف بتاع الكمبيوتر

انا عن قفسى لما جاتلى التحريات جالى امين شرطة ومندوب شرطة ومخبر
هههههههههههه
كانوا جايين يقبضوا عليا باين ههههههه

موضوع: ارجو الرد سريعا 21st أبريل 2010, 1:43 pm

اارجو الرد على استفسار سريعا يا أستاذ رامي ، هل ابناء المستشارين نزلهم تحريات مع العلم انه قريبي والده مستشار و محدش كلمه.

mmandour75 كتب:: اارجو الرد على استفسار سريعا يا أستاذ رامي ، هل ابناء المستشارين نزلهم تحريات مع العلم انه قريبي والده مستشار و محدش كلمه.

تنزل التحريات لابناء المستشارين قبل السباعية

اما الاقارب فليس ليهم شان فى هذا , فقط ابناء المستشارين.

فلو كان خالك مستشارا او عمك , فانت مثلك مثل باقى العامة تنزل لك التحريات بعد السباعية ((((((((((((( طبعا فى الحالة دى مش تخاف لانك ضامن توصية))))))) Very Happy

السلام عليكم ورحمة الله
لو سمحت يا اخى الفاضل انا جامعة اسيوط وعملت المقابله يوم 14 /4 اللى فات يعنى كنت ضمن المتين اللى امتحنوهم عن جامعة اسيوط
بس كنت عاوز اسال هيعه التحريات هتنزل لجامعة اسيوط امته وهل هيستنوا لما ينتهو من الجامعه كلها ولا هينزلو تحريات لل 200 اللى امتحنو يعنى عشان ميضيعوش وقت
مع العلم انى علمت انهم هيبعتو مندوب لجامعة اسيوط للتاكد من صحة البيانات عن المتقدمين
وانا بعد اذن سياتك عاوز اعرف صحة الاجراء ده وكمان امته هينزلو تحري

معلش تكمله لكلامى هما هينولو تحريات لل200 اللى امتحنو الاول ولا هيستنو لما يخلصو جامعة اسيوط كلها
ومتشكر اوى على مجودهكم الجميل والرائع

التحرى عن صحة الشهادات المقدمة تم فعلا قبل اللجنة السباعية
والتحريات بتنزل بعد ما الجامعة ينتهى المقابلات الخاصة بها

مفيش اخبار يا اخوانا عن مقابلات جامعه الزقازيق

ايهاب كتب:: مفيش اخبار يا اخوانا عن مقابلات جامعه الزقازيق

روح الى دار القضاء العالى , فى البدروم الى احنا سحبنا منة الورق , هتلاقى مكتب تعيينات اعضاء النيابة ادخل بالبطاقة واعرف ميعادك من الموظف الى قاعد على الكمبيوتر

انا سألتة قالى تعال يوم 5/5 واعرف ميعادك لانى جامعة المنصورة , واول يوم للمنصورة هو 16/5

أخى الحبيب الثعلب العربى
جزاك الله كل خير على الأخبار ... بارك الله فيك وبالتوفيق ...

أخى الحبيب mmandour75
اارجو الرد على استفسار سريعا يا أستاذ رامي ، هل ابناء المستشارين نزلهم تحريات مع العلم انه قريبي والده مستشار و محدش كلمه
لاتستمع لما يقال حالياً بنزول تحريات لأبناء المستشارين ... لم يتم نزول تحريات للنيابة العامه حتى الآن ... حتى أبناء المستشارين الذين كان ينزل لهم تحريات لبعضهم قبل السباعية قد تغير النظام هذا العام ولاتوجد تحريات حتى الآن لأى متقدم ...

أخى الحبيب احمدالمهدى0
بس كنت عاوز اسال هيعه التحريات هتنزل لجامعة اسيوط امته وهل هيستنوا لما ينتهو من الجامعه كلها ولا هينزلو تحريات لل 200 اللى امتحنو يعنى عشان ميضيعوش وقت
لم تنزل لجامعة أسيوط حتى الآن ... وهناك جامعات سابقة لها لم ينزل لهم تحريات ...فالأمر ليس بتلك السرعة ... فأنصحك أن تستمر فى حياتك بشكل طبيعى ولاتفكر فى التحريات .... فقد تأتى مبكراً وقد تتأخر فليس لها معيار ... ويتم أولاً الإنتهاء من الجامعة ...

مع العلم انى علمت انهم هيبعتو مندوب لجامعة اسيوط للتاكد من صحة البيانات عن المتقدمين
يتم هذا الإجراءات قبل البدء فى مقابلات السباعية كما ذكر أخى الحبيب محمود يونس ...

أخى الحبيب ايهاب
مفيش اخبار يا اخوانا عن مقابلات جامعه الزقازيق
لم يتم تحديد مواعيد مقابلاتها حتى الآن مثل باقى الجامعات التى لم تحدد ...وسيتم ذلك فى بداية شهر مايو بمشيئة الله ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

يا جماعه فعلا انا صحبى ابوه نائب رئيس محكمة نقض وكان عامل المقابله نفس اليوم بتاعى ولسه مانزلوش تحريات

طب بالنسبة لادخال بيانات العائلة للدرجة الرابعة يعنى اية الدرجة الرابعة شكرا

يعنى ولاد وبنات عمامك وعماتك وولاد وبنات خلانك وخلاتك

ده فى الجنه السباعيه المستشار اسماعيل حمدى لا فرصتك مش حلوه النيابة العامة دفعة 2009 - صفحة 27 Icon_lol

ياعم مصطفى انا بهزر معاك متزعالش وربنا يوفقك وتبقى وكيل نيابه قد الدنيا وتانى حاجه ان العيله كلها ظباط جيش وشرطه بس اسمع منى الى هايفيدك فعلا بعد ربنا ان شاء الله هو قريب رئيس محكمة استئناف طنطا لان هو فى المجلس ودى حاجه كويسه اما بقيت اقريبك هايفيدوك فى التحريات وانا يبان ان مستوى العيله الاجتماعى كويس ومرتفع انا ليه نفس العيله زيك كده بس مفيش حد فى القضاء خلاص النيابة العامة دفعة 2009 - صفحة 27 Icon_lol

كلاهم ظباط وربنا يوافقك انشاء الله ومتزعالش تانى مره

سؤال الى من يقدر يجاوبنى بسرعة هو اللى باباه لواء جيش واخواتو ظباط شرطة وجيش بيتعملو تحريات ولا بيجبو تحريات اخواتو وباباه وكمان لية ابن خاله بيعمل رئيس محكمة ا دة اية وضعو من التحريات ارجو الرد

هو اكيد بيتعملو تحريات بس انا قصدى بيتم استدعاءة لاستكمال البيانات ولا بيتم التحريات من حيث لا يعلم وجزاكم الله خير بس ارجو الاجابة بالتفصيل البطىء لانى حاسيس انى مش فاهم اى حاجة فى موضوع التحريات رغم الكلام عنو طول اوى واسف لازعاجى باسئلتى بس انا طمعان فى كرم اخلاقكم

طبعا بيتعمل عليه تحريات وبيروح كمان لمقر امن الدولة ومفيش اى مشكلة خالص
ما هو ابناء نائب رئيس محكمة النقض بيروح وبيتعمل عليه تحريات ونعرف ابناء لواءات شرطة اتعمل عليهم تحريات
فعادى خالص

شكرا جدا يامدير بس انا بسال لان الموضوع فى الادارية طول ولغاية دلوقتى انا وناس كتير من نفس جامعتى عين شمس ماتصلوش بينا لغاية دلوقتى فالموضوع بقى غريب وبدل الواحد ماكن متلخبط شوية بقى مش فاهم حاجة خالص بس البركة فيكم طيب حضرتك شايف اية بالنسبة لتاخير التحريات فى الادارية هل صحيح ان التحريات تمت للبنات فقط حاليا ولا فى ولاد اتعملهم تحريات من عين شمس طيب ولو فى لية احنا متعملناش انا اسف اسئلتى كتير بس الموضوع بقى يتوة وياريت ترد عليا لانى مش فاهم بجد ودة بس والله اللى هيجننى بس لكن كل شىء بايد ربنا انا عايز افهم ارجوكو فهمونى رجاء من واحد مش فاهممممممم وربنا مايحيركو زىى ابدا

» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009
» اعلان النيابة العامة دفعة2010