النيابة العامة دفعة 2009

ربنا يحفظك يا استاذ رامى
وجزاكم الله خيرا

أخى الحبيب ايهاب
العفو ... وربنا يكرم الجميع إن شاءالله ... بارك الله فيك

أخى الحبيب خالد كامل
جزاك الله كل خير .... لاتدرى كم قرأت كلماتك الطيبه فى حالة من السعادة جعلتنى عاجزاً عن وصفها ... فما تقوله وسام أضعه على صدرى وأكثر .... فأنت وباقى الأعضاء بكل تأكيد تستحقوا كل الخير ... فوالله لاأفعل ما يستحق تلك الكلمات ... هذا قليل فى حقكم ... وربنا يكرم الجميع إن شاءالله .. ويوفقك وباقى الأعضاء ....

أخى الحبيب محمود يونس
وجزاك الخير وحفظك من كل سوء ... فكل ما نحن فيه توابع لمجهودك الذى يعم الجميع ... وفقك الله ....

بالتوفيق للجميع إن شاءالله

بجد انا بشكر اسرة المنتدى دة بجد منتدى رائع رائع جداجدا وشكرا لافادتنا .

الشكر لله يا استاذ عمرو
وعاوزين نشوف حضرتك فى باقى اقسام المنتدى

ورد اليوم ف جريدة الوفد ما بلى
عتمد مجلس القضاء الأعلي ‬اليوم ‬برئاسة المستشار عادل عبدالحميد رئيس محكمة النقض، ‬تعيين »‬535« ‬معاون نيابة عامة، من خريجي كليات الشريعة والقانون والحقوق عام ‬2008، ‬وكان المجلس قد ناقش في جلسة أول أمس السبت، ‬الاجراءات النهائية لاعتماد تلك الدفعة، ‬تمهيداً ‬لاستصدار القرار الجمهوري لشغل وظائفهم.‬ من جهة أخري، ‬يبدأ مجلس القضاء الأعلي خلال الشهر الجاري اختبار المتقدمين لشغل وظيفة معاون نيابة عامة من دفعة ‬2009، ‬وتستمر تلك الاختبارات حتي ابريل القادم.‬

ممكن اعرف صحة هذا الكلام هل من الممكن ان تبدأ اختبارات اللجنة السباعية الشهر الجارى ام ان الصحفى اعتبر مقابلات التفتيش القضائى ضمن الاختبارات !!!!!!!

أخى الحبيب abe el rahman
ممكن اعرف صحة هذا الكلام هل من الممكن ان تبدأ اختبارات اللجنة السباعية الشهر الجارى ام ان الصحفى اعتبر مقابلات التفتيش القضائى ضمن الاختبارات !!!!!!!
يجب أن نضع أمام أعيننا إحتمالين ..... الأول هو أن الإختبارات التى قصدها الصحفى هى مقابلات التفتيش القضائى ... فلاتنسى أن التفتيش فعلا إختبار لشخصيتك وتعاملك مع السيد المستشار ...... المهم ... الصحفى إعتبر التفتيش إختبارات... إلا أنه بالرغم من ذلك نجد أن مقابلات التفتيش أخرها فى شهر فبراير ولم تصل إلى إبريل ..... أما الإحتمال الثانى هو أنه أخذ خبر من السيد المستشار عادل عبدالحميد رئيس المجلس الأعلى للقضاء بأنه سيتم بدء مقابلة السباعية مبكراً فى شهر مارس بعد إنهاء التفتيش وذلك للإنتهاء منها فى إبريل قبل خروجه على المعاش ...
لا أقول ما لا أعلمه ... فلا أستطيع أن أحدد لك أي من الإحتمالين أقرب إلى الصواب ... إلا أن الكثير سيخبرك أن الإحتمال الأول هو الصواب .... وذلك لعدم إعتيادهم أن تكون السباعية فى وقت مبكر قياساً على الدفعات السابقة ...

ما فيه الخير سيكون ولاتقلق ... كن مطمئن
وبالتوفيق إن شاءالله
الدعاء والتوكل والإستغفار

انا اعتقد فعلا ان الاحتمال الاول هو الاقرب للصواب لان اختبارات التفتيش مازالت قائمه وسوف تستمر حسب معلوماتي الي منتصف الشهر الجاري ................ولكن هل من المتعارف عليه في اختبارات اللجنه السباعيه انها من الممكن ان تتم واختبارات التفتيش قائمه حقيقه لاادري لكن اتمني من الله ان تكون اللجنه السباعيه علي الاقل في شهر مارس

انا روحت التفتيش وكانت سهلة جداااااااااااااااااا ((( جامعة المنصورة)))

الساعة 8.30 ندهو ع الاسماء وكونوا مجموعة من 10 اعضاء .

و بعدها خادونا ع مكتب من مكاتب المستشارين وفضلنا واقفين ف الطابور من 8.35 الى 9.30 وكل ما نيجى نسأل حد خارج الفراشين يجروا ويقولوا يلا يا استاذ و عاملين تعتيم تام .

المهم دخلت الساعة 10 كدا وقالى اتفضل اقعد .

وسأل فى :
اسمك اية بالكامل؟
عيد ميلادك اية ؟
مؤهلات اخواتك اية ؟ (((( سأل على الرجالة بس اما اختى لا)))
وظيفة الام زى الوالد ولا اية ؟
اسماء اخوالك اية ؟ (( رجال))
اسماء عماتك اية؟ ((( اناث))
هل انت محامى تحت التمرين ؟ ((( سال السؤال دا مرتين)))

سأل عن عمتى المتوفية وكان عندها 5 شهور و بيقولى عندها كام عيل ؟
قولتلة متوفية وهى طفلة , قال اة اة . وبعد شوية سأل نفس السؤال تانى .

ووقف شوية عند اسم خالى لانة كان مستشار وبعدها كمل اسئلة وقالى بالتوفيق.
وسأل انا شعبة اية اكتر من مرة . قولتلة انجليزى اول ما دخلت وسال ف نص الكلام برضوا. وسأل ف الاخر

وارخم سؤال: هل شلت مواد قبل كدا؟

الف شكر علي توضيح هزه التفاصيل

لو سمحت يا اخى انا دفعة 2009 وقدمت والحمدلله فى النيابه العامه السنادى ورحت مقابلة التفتيش القضائى بس انا دلوقتى مش عارف امته هيحددو مقابلة اللجنه السباعيه ياترى هيتصلو بيه فى التليفون ولا ده هيكون اذاى وكمان هيكون امته
ارجو الرد عليه بسرعه وشكرا يا اخى

أخى الحبيب احمدالمهدى0
لو سمحت يا اخى انا دفعة 2009 وقدمت والحمدلله فى النيابه العامه السنادى ورحت مقابلة التفتيش القضائى بس انا دلوقتى مش عارف امته هيحددو مقابلة اللجنه السباعيه ياترى هيتصلو بيه فى التليفون ولا ده هيكون اذاى وكمان هيكون امته
مقابلات السباعية تبدأ بإذن الله فى أواخر شهر مارس ... النصف الأخير من مارس .... وسيتم الإتصال بك على هاتفك المحمول لإبلاغك بميعاد مقابلة السباعية الخاص بك ... ويكون ذلك قبل ميعاد المقابلة بأسبوع إذا كنت جامعة القاهرة .... أما الجامعات الأخرى ستجد أمامها وقت أكبر وذلك لتسلسل الجامعات حسب أيام مثل ماحدث فى مقابلات التفتيش .... أى أنها ستكون جامعه تلو الجامعه ... فيجد خريجى الجامعات المتأخره أن أمامهم وقت عن خريجى جامعة القاهرة والتى هى أول جامعة فى المقابلات ....

شكرا جدا استاذ رامى على التوضيح؛؛؛؛؛

وشكرا لك الثعلب العربى... على المعلومة.

انا على ايامى كانوا بيبعتوا تلغراف فمش عارف النظام اتغير ولا ايه يا استاذ رامى
اللى اعرفه مش تليفون
تلغراف
دوالله اعلم

ahmedbadr كتب:

؟؟؟؟؟؟؟؟؟؟؟؟؟؟؟؟؟؟؟

؟؟ حكاية الشايل المواد دى بتاثر وخصوصا اذا كتبها فى التفتيش القضاء كملاحظة

انا كنت شايل مادة فى سنة اولى وكنت جايب مقبول فى سنة اولى بس فى سنة 3و4 جيدجدا بس هو سالنى قلتلة اه كنت شايل مادة فى سنة اولى وكتبها فى الملاحظة دى ليها تاثير ؟؟؟؟؟؟

مسألة التقدير فى النيابة العامة دى اخر شئ بينظر اليها اهم حاجة فى النيابة العامة ان يكون الابوين حاصلين على مؤهلات عليا
ثم من بيئة اجتماعية مناسبة ودخل يبدأ من 3000 شهريا
بعد كده دور الواسطة فى باقى المعايير من حيث الثقة فى الاجابة ثم اذا ما كانت اجابتك صحيحة من عدمه

وفى حالة التساوى فى كل المعايير يتم النظر الى التقدير فى النهاية والتدير يشمل ضمن ما يشمل تقدير كل سنة على حده من حيث شل المواد وخلافه
يعنى ان شاء الله ملهاش تأثير الا اذا اتساويت مع حد اخر بنفس ظروفك السابق الاشارة اليها

لوسمحتوا انا كنت عايز اسال بخصوص النيابة الادارية وانا دفعة 2009 هل انا لو مقدمتش السنادى فى دفعتى بالنيابة الادارية لن استطيع فى السنة المقبلة التقديم لانى سمعت انة مينفعش اقدم غير فى دفعتى بس وهل لوكان الكلام دة غلط ومسموح بالتقديم السنة القادمة هل فرصتى بالقبول بالنيابة الادارية تتاثر بالسلب فى السنة القادمة على اعتبار انهم سيفضلون خريجى دفعة 2010 عن دفعتى انا وهى ستكون فى حينها الدفعة السابقة 2009 -ارجو الاجابة الموضحة وشكرااا

مينفعش تقدم غير فى دفعتك
وشكرا

شكرا ياباشا لردك السريع ولكن احب اسالك انا دلوقتى كدة مجبر على التقديم السنادى وللعلم انا لسة مسحبتش الملف وهروح باذن الله السبت اسحبة وهقدمة باذن الله يوم تسعة وهو اخر يوم ولكن هيكون نقصنى بعض الاوراق زى الفيش االجنائى لية ولوالدى هل ممكن ابقى اقدمها فى اول مقابلة زى مايحدث فى مقابلة التفتيش القضائى بالنيابة العامة ولا لا لان مستحيل فى خلال الاربع ايام المتبقيين اانى اطلع الفيشات وشكرا

أخى الحبيب محمود يونس
انا على ايامى كانوا بيبعتوا تلغراف فمش عارف النظام اتغير ولا ايه يا استاذ رامى
بالفعل ... التلغرافات كانت مطبقة فى نظام النيابة العامة حتى دفعة 2007 .... حيث أن دفعة 2008 تم الإتصال بهم هاتفياً ..... وكذلك سيكون نفس الأمر فى دفعة 2009 ...

أخى الحبيب عمرو حمزاوى
؟؟ حكاية الشايل المواد دى بتاثر وخصوصا اذا كتبها فى التفتيش القضاء كملاحظة

انا كنت شايل مادة فى سنة اولى وكنت جايب مقبول فى سنة اولى بس فى سنة 3و4 جيدجدا بس هو سالنى قلتلة اه كنت شايل مادة فى سنة اولى وكتبها فى الملاحظة دى ليها تاثير ؟؟؟؟؟؟
كما أخبرك أخى الحبيب محمود يونس .... معيار التقدير يعد المعيار الأخير للإختيار فى النيابة العامة .... لاتقلق .....

أخى الحبيب ahmed_abdoo
أرجوك أخى العزيز .... لطفاً لا أمراً ... النيابة الإدارية لها موضوعها الخاص .... فلانريد أن نخلط الأمور .... ننتظر سؤالك بكل ترحيب بخصوص النيابة العامة فى هذا الموضوع ... أو بخصوص النيابة الإدارية فى موضوعها الخاص ...

أما عن سؤالك فأسجيبك هنا بشكل مختصر ..... لايمكنك التقديم فى دفعة غير دفعتك ... فهى أخر فرصة لك ... أما عن الفيش فيمكنك إرفاق الإيصال وعليك تسليم الفيش يوم المقابلة للموظف قبل دخولك .... وهذا ما يتم التنبيه عليه هناك يوم المقابلة ... حيث سيتم سؤالك قبل الدخول عن أى أوراق تريدون إضافتها فى الملف ....

بالتوفيق للجميع إن شاءالله ...
لاتنسوا .... الدعاء والتوكل والإستغفار

اخى الحبيب رامى كمال انا بجد بحترمك اوى ... بس كنت عايز معليش اعرف حكاية الملاحظة الكتبها انى كنت شايل مادة معناها اية وهى ليها تأثير ولا اية ارجو الايضاح ومتخفش مش هزعل لان كل حاجة على ربنا ودة نصيب واسف على الايطالة ؟؟؟؟؟؟؟؟؟

يا استاذ عمرو مقابلة التفتيش القضائى عبارة عن ملخص بيقدمه المستشار للجنة السباعية عن حالت ملفك وبناء عليه فيه بدل الماحظة عشرين وهى عبارة عن ملخص لملفك وبناء عليه لازم يكتب الملاحظة دى علشان السبب اللى انا قولتلهولك قبل كده والمتعلقة بالافضلية

السلام عليكم يا مشرفي واعضاء المنتدي الكرام

كان لي استفسارين

1-/ ماهو اخر يوم لمقابلات التفتيش القضائي لدفعة 2009 ؟

2-/ ماهي اخر اخبار دفعة النيابة العامة 2008 هل تم نزول القرار لهم ام لم ينزل
ولو لم ينزل متي سينزل بضبط او حتي متي تتوقعون حضراتكم ان ينزل ؟

والسلام عليكم

» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009
» اعلان النيابة العامة دفعة2010