النيابة الادارية دفعة 2009

ياعنى يا رامى بك فعلا لو فى قريب من الدرجة الرابعة وعنده قضيه ولم يحكم فيها الى الان هذا الامر لا يؤثر فعلاعلى التحريات وماذا يكتب عنه بتاع التحريات ؟
شكرا لسيادتكم
وبالتوفيق للجميع

ramy kamal كتب:: هل من حق عضو النيابة ان يقوم بالاشتراك فى اراضى المسابقات التى تقيمها الدولة ؟؟ام يمنع عليه ذلك ؟
ما هى أراضى المسابقات ؟؟ ....

تقوم الدولة كل فترة بعمل مسابقة اراضى مثال ذلك بنك التمنية والاسكان فالبنك دا من يكون لة حساب فى البنك قيمتة 6000 جنية فقط لة الحق فى الاشتراك فى القرعة او المسابقة التى يقوم بها البنك فى الاراضى الجديدة والمدن الجديدة مثل 6 اكتوبر او الشيخ زايد وهكذا ويكون المتسابق مع حوالى 30 الف متسابق اخر للفوز بشراء 1000 قطعة ارض فقط ويكون لة مرة واحدة فى العمر الفوز بها و يمكن تكسب ((( لو خسرت فلوسك بترجعلك))). فهل هذة الارض الى انت بتشتريها ب 6 الاف جنية واصلا قيمتها الحقيقية بتوصل الى 100 الف ولو اتسنبت 3 او 4 سنين هتوصل الى 200 او 250 الف جنية ((((( من 6 الى 250 الف سبحان الله))) هل لعضو النيابة الحق فى الاشتراك فيها ام لا؟

ولو مكنش في تصالح والقضايا دي قائمه لأن أخر حاجه منها أفتكر في 2007 هيكون أيه الحل؟؟
القضايا القائمة غير مؤثرة حتى تتم الإدانه ... أما التى قضى فيها عليه التصالح فيها أمام المحامى للعام والتخالص لكى لاتعوق التحريات ...

أنا مش فاهمه معنى الكلام ده..بس الحقيقي أن قريبي غير متعاون معانا وخايف يتورط في الحاجات دي.وللأسف في قضايا لاتم فيها تصالح ولا دفع فيه غرامه ولا قضى عقوبه حتى..وكتيره مش قليله طيب دلوقتي هي مؤثره أو مش مؤثره على أي خليفه لأنه قريبي من بعيد ولا لأنها تبديد وده طبيعي مع العلم زي ما سب وقلتلك دلوقتي أن في حاجات فعلا لسه قائمه..
قوللي بصراحه أنا موقفي أيه لأنهم كلموني النهرده يستعجلوني عشان أخلص الورق وأيه موقفي مع الأمين ؟ هل لأنه هو المسؤل عن كتابه التقرير وممك يتغاضى عن حاجات زي دي ولا خلاص طالما ملفي دخلته شبهه زي دي يبقى

...... وشكرا جزيلا للتعاون

أخى الحبيب EMADHAMDY
ياعنى يا رامى بك فعلا لو فى قريب من الدرجة الرابعة وعنده قضيه ولم يحكم فيها الى الان هذا الامر لا يؤثر فعلاعلى التحريات وماذا يكتب عنه بتاع التحريات ؟
نعم لايؤثر لأمرين ... الأول أن القضيه لم يتم الفصل فيها ... والثانى أنه قريبك للدرجة الرابعة ويوجد إتجاه بإقتصار تصفية التحريات على الدرجة الأولى والثانية فقط .... فلاتقلق وتوكل على الله ... والقضية لن يتم كتابتها ....

أخى الحبيب الثعلب العربى
هل لعضو النيابة الحق فى الاشتراك فيها ام لا؟
مما ذكرته لايوجد ما يمنع عضو النيابة من الإشتراك ...

أختى kholoud
أنا مش فاهمه معنى الكلام ده
ببساطه ... إذا كانت القضية قائمة ولم يتم الفصل فيها فهى غير مؤثرة ... أما لو تم الفصل فيها بحكم ولم يقوم بتنفيذه فعليه التخالص مع الخصم ... وذلك عن طريق المحامى العام ... كيف ذلك ؟؟ ... عليه التوجه للخصم ومصالحته ودفع الملبغ الذى عليه ... ثم يطلب من الخصم أن يصالحه أمام المحامى العام ... وهذه إجراءات يقوم بها المحامى وسهله ولاتوجد بها صعوبه ....

طيب دلوقتي هي مؤثره أو مش مؤثره على أي خليفه لأنه قريبي من بعيد ولا لأنها تبديد وده طبيعي مع العلم زي ما سب وقلتلك دلوقتي أن في حاجات فعلا لسه قائمه..
هناك شيئين يجعلوا الأمر سهلاً ... الأول أنه قريبك من بعيد وكما ذكرت أن هناك إتجاه بإقتصار تصفية التحريات على الأقارب من الدرجة الأولى والثانية فقط ... والشيئ الثانى أن قريبك عليه قضايا تبديد وهى غير مؤثرة ... حيث أن شعب مصر كله عليهم قضايا تبديد ... وهذا ما قد صرح به رئيس المجلس الأعلى للقضاء السابق ...

وأيه موقفي مع الأمين ؟ هل لأنه هو المسؤل عن كتابه التقرير وممك يتغاضى عن حاجات زي دي ولا خلاص طالما ملفي دخلته شبهه زي دي يبقى
يستطيع أمين الشرطه فعل الكثير ... فقط أجعلى والدك يتعامل معه ولاتقلقى ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

نشكرك كثيرا يا رامى بيه

وسؤال لو تكرمت

الى وقتنا هذا لم يتم الاتصال بنا بخصوص تحريات

فما الموضوع اذا ؟؟

وقمنا بالسؤال فى المديرية وقالوا لا لم ياتى بعد؟؟

مع العلم بوجود ملفات فى المديرية وامن الدولة تعمل فى

التحريات من فترة على قدم وساق ؟؟

س // هل مديرية الامن بالمحافظة ياتيها ملفات ابناء

المحافظة جميعا مع اختلاف الجامعات ؟؟ ام تاتى متفارقة

كل جامعة لوحدها ؟؟؟ وكيف يحدث اذا كان عدد ابناء

المحافظة قليل جدا على فرد اواكثر مثالا ؟؟

نشكرا على صراحتك معنا دايما وننتظر الرد منكم

مع وضوح ((ان لله الامر من قبل ومن بعد )) اليس كذلك

واللهم وفق الجميع

انا كنت عايز اسال سوال
هو انا لسه منزليش تحريات حتى الان
هل من الممكن انى ينزلى تحريات ولا كده خلاص
مع العلم ان جمعتى نزلت تحريات
وشكرا على المجهود الى انتو بتعملوه فى المنتدى هنا

استاذ محمود انا معرفش حضرتك جامعة اية لكن احب اقولك لسة بدرى اوى جدا على الياس دة التحريات شغاله لغاية تقريبا سنة قدام فلا تقنت من رحمة الله وان شاء المولى حنباركلك على التعيين فمتشغلش بالك احنا عملنا اللى علينا والباقى مش بتاعنا ان شاء الله لسة بدرى اوى على انتهاء التحريات وخير تفائل .......

استاذ رامى عاوز اسال على تحريات الامن العام الخاصه بالنيابه الاداريه نزلت عموما ولا لسه ولو كانت نزلت فهل نزلت فى جامعة اسيوط ولا لاء

أخى الحبيب فتى النيل
هل مديرية الامن بالمحافظة ياتيها ملفات ابناء
المحافظة جميعا مع اختلاف الجامعات ؟؟ ام تاتى متفارقة
كل جامعة لوحدها ؟؟؟
يتم الإرسال حسب الجامعات ... أى أن مكتب الأمن يقوم بإرسال دفعة ملفات لإحدى الجامعات لمديرية الأمن والتى تقوم بدورها بالتحرى عن المتقدمين من تلك الجامعة ... ثم يصل لهم دفعة من ملفات لجامعة أخرى ... فتقوم بالتحرى عنهم هم الأخرين ... فتجد أن المديرية تتحرى عن المتقدمين من أبناء المحافظة بإختلاف الجامعة ولكن الملفات تم وصولها على أساس الجامعات ...

وكيف يحدث اذا كان عدد ابناء
المحافظة قليل جدا على فرد اواكثر مثالا ؟؟
لايمكن أن يكون هناك متقدم واحد من محافظة بأكملها ... وعلى إفتراض ذلك جدلاً فهذا لن يعوق التحرى فى شيئ ....

أخى الحبيب mahmoud kamal
هل من الممكن انى ينزلى تحريات ولا كده خلاص
بكل تأكيد هناك أمل بنزولها ... فمازال الوقت مبكر على إنتهاء التحريات ...

أخى الحبيب احمدالمهدى0
استاذ رامى عاوز اسال على تحريات الامن العام الخاصه بالنيابه الاداريه نزلت عموما ولا لسه ولو كانت نزلت فهل نزلت فى جامعة اسيوط ولا لاء
نعم تحريات الأمن العام نزلت ... ولكن الأمر يعتمد على محافظتك ... فكما ذكرت من قبل أن فى فترة التحريات تكون لك محافظة مستقله بذاتها دون النظر للجامعات ... أى أن كل محافظة لها أسلوبها فى التحري ووقتها فى الإنتهاء ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

عندي أستفسار معلش..بخصوص التوصيه أو التزكيه أنت قلت قبل كده كل ما جت بدري وكل ما كانت من شخصيه تقيله كل ما كانت أفضل
طيب دلوقتي نقدر نقول اننا عدينا مرحلتين ده لو مكانوش تلاته وكمان تقرير أمن الدوله خلص وكده.
السؤل يعني دلوقتي لو حبيت حد يوصي عليا هيوصي مين يعني اللجنه اللي هتروحلها التقارير ولا مين؟!
وهل ده هيغنيني عن كون التوصيه كانت بدري أو متأخر..
وهل يمنع ان يكون صاحب التوصيه على المعاش او مستقيل؟!

kholoud كتب:: عندي أستفسار معلش..بخصوص التوصيه أو التزكيه أنت قلت قبل كده كل ما جت بدري وكل ما كانت من شخصيه تقيله كل ما كانت أفضل
طيب دلوقتي نقدر نقول اننا عدينا مرحلتين ده لو مكانوش تلاته وكمان تقرير أمن الدوله خلص وكده.
السؤل يعني دلوقتي لو حبيت حد يوصي عليا هيوصي مين يعني اللجنه اللي هتروحلها التقارير ولا مين؟!
وهل ده هيغنيني عن كون التوصيه كانت بدري أو متأخر..
وهل يمنع ان يكون صاحب التوصيه على المعاش او مستقيل؟!

اكيد هيوصى اللجنة الى هتورحلها التقرير و يدرج اسمك فى الكشف الطبى .
لو على المعاش يبقى ابو القضاة وكلمتة بتكون قوية علشان الخواطر او ممكن يكون كفتة علشان كان وحش زمان وكانوا كارهينة وخلصوا منة . بس دايما بتكون كلمتة مسموعة لانة يعتبر اب لكل واحد موجود دلوقتى من الكبار.

اما المستقيل ففى ناس بتستقيل وبيكون تقلها وعلاقتها اقوى بعد الاستقالة وفى ناس بتروح عليهم و يبقوا كفتة خالص .

بس الغالب انة بيخدم جامد جداااااااا لان هو بيستقيل علشان حاجة احسن من الهئية ((( فى الغالب)))

أختى kholoud
السؤل يعني دلوقتي لو حبيت حد يوصي عليا هيوصي مين يعني اللجنه اللي هتروحلها التقارير ولا مين؟!
حسب علاقاته ... فقد تكون له علاقات باللجنة مباشرة أو سيتوصل بطريقة غيرمباشرة ...

وهل ده هيغنيني عن كون التوصيه كانت بدري أو متأخر..
لو كان له ثقله وعلاقاته فلافرق فى الوقت ...

وهل يمنع ان يكون صاحب التوصيه على المعاش او مستقيل؟!
الأهم علاقاته ...

بإختصار ... دور التوصيه الأن أن تعمل على الموافقه عليكى بعد إنتهاء التحريات ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

شكرا جدا الثعلب العربي و Ramy Kamal

استاذ رامى كمال
تحية طيبة وبعد

نريد معرفة اسماء المستشارين اللى خرجوا على المعاش واللى اتعينه مكانهم
فى اللجنة كما فعلتم فى ذكر اسماء اللجنة للنيابة العامة
فنريد اسماء مستشارين التيابة الادارية

وكذلك نريد معرفة اخر اخبار بالنسبة للملفات التى لم ترسل من مكتب الامن الى المحافظات كما ذكرتهم حضرتكم من قبل

وهى كانت بعض جامعات الازهر وجامعتين اخرين

فهل تم ارسالهم للمحافظات لعمل التحريات وبالتالى فقد انتهى الامر ام لا

شكرا لكم ولمعلوماتك الجيدة والله الموفق للجميع

أخى الحبيب فتى النيل
نريد معرفة اسماء المستشارين اللى خرجوا على المعاش واللى اتعينه مكانهم
ما أعلمه فى حركة النيابة الإدارية أن رئيس الهيئة أصبح السيد المستشار تيمور فوزى ليكون السيد المستشار يسرى الهوارى هو النائب الاول لرئيس الهيئة .... أعتذر ...

وكذلك نريد معرفة اخر اخبار بالنسبة للملفات التى لم ترسل من مكتب الامن الى المحافظات كما ذكرتهم حضرتكم من قبل
تم إرسالهم بالفعل منذ وقت .... جميع الجامعات الآن تدور لها التحريات ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

لو سمحت يا رامي باشا هي تحريات الادارية بتستمر لحد امتى؟؟؟؟؟؟؟؟

اخر شهر اغسطس لان التعيينات هتكون فى اخر عشرة بالنسبة لدفعة الجيد جدا

المدير العام كتب:: اخر شهر اغسطس لان التعيينات هتكون فى اخر عشرة بالنسبة لدفعة الجيد جدا

الكلام ده يخص دفعه 2008 مش كده؟؟؟؟؟؟؟؟؟؟؟؟؟؟؟؟؟

لان لسه بدري على 2009 ولا ايه؟

أخى الحبيب black_cres
لو سمحت يا رامي باشا هي تحريات الادارية بتستمر لحد امتى؟؟؟؟؟؟؟؟
كما ذكر لك أخى الحبيب المدير العام أنها تستمر حتى شهر أغسطس بمشيئة الله ...

أختى jojo
الكلام ده يخص دفعه 2008 مش كده؟؟؟؟؟؟؟؟؟؟؟؟؟؟؟؟؟
صحيح ... فالمعلومة الخاصة بميعاد التعيين تخص دفعة 2008 ولكن المعلومه الخاصه بميعاد إنتهاء التحريات تخص دفعة 2009 ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

ما اقصده يا جوجو كما قال استاذ رامى
تحريات 2009 هتخلص فى شهر اغسطس القادم
وتعينات 2008 جدي جدا اخر شهر عشرة ان شاء الله تعالى

جزاكم الله كل خير وجعله في ميزان حسناتكم يا رب

ربنا يوفق الجميع باذن الله

يعني هل من الممكن لو واحد تحريات جامعته نزلت من زيادة عن شهرين ينزله تحريات ولا الموضوع كدا انتهى

انت جامعة ايه؟؟

اقتباس :: انت جامعة ايه؟؟

المنصورة

أستاذ رامى هو التعيين بالنسبة لدفعة 2009 يبقى إمتى والتقارير توصل للنيابة أمتى إن شاء الله وما هى طبيعة العمل فى النيابة الادارية بشكل من التفصيل وأشكرك جدا

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية