النيابة الادارية دفعة 2009

[ندعوك للتسجيل في المنتدى أو التعريف بنفسك لمعاينة هذا الرابط] لالسه بدرى يا استاذ

بص هو واحد صحبى يعرف ناس فى مكتب الامن وقالى الى منزالوش تحريات من جامعة القاهره وعين شمس لاغيط دلوقتى يبقى خلاص عشان هما بعتوا كل الملافات الى عندهم من شهرين والتقرير جات خلاص بالنسبه للجامعتين دول بس

يا أستاذ سباى
أنا جامعة عين شمس ونزلى تحريات أمن دولة ولم تنزل تحريات القسم كيف تم أرسال التقارير وفى واحد صاحبى تحريات القسم شغاله معه الى الأن عشان هناك تشابه فى الأسماء

يا ريت لو أستاذ رامى يرد عليا لو سمحت وبالنسبة لى لسة ما فيش أخبار عن تحريات القسم وهل ممكن يتم إرسال التقرير دون أن أعلم بنزول تحريات القسم

بص يا استاذ احمد حسن انا صحبى جاله بردوا امن الدوله ومجالوش قسم بس التقرير بتاعه اتبعت ولكن انا جالى قسم وامن دوله وجالى تشابه فى القسم وخالص من زمان من شهر كده اعتقد ان كل الناس الى فى عين شمس اتبعتلها التقرير

اه عادى يا استاذه عين الحياه هو ده الى حصل مع صحبى وهو شاف التقرير بتاع الامن بتاعه ولقاه انه مقبول من الامن من غير مايروح تحريات القسم والمعلومات ديه انا متاكد منها 100%

ياترى يا استاذ رامى اللى منزلتلوش تحريات لغاية دلوقتى خلاص كده مش هتنزل وهل لسه ممكن؟وهل من الممكن محاولة التوصيةدلوقتى من اجل نزول التحريات تجيب فايدة؟ ولا اتأخرت خلاص والحكاية خلصت؟

spy كتب:: اه عادى يا استاذه عين الحياه هو ده الى حصل مع صحبى وهو شاف التقرير بتاع الامن بتاعه ولقاه انه مقبول من الامن من غير مايروح تحريات القسم والمعلومات ديه انا متاكد منها 100%

سباي بيه معني كلامك ان ممكن مرشح ينزله تحريات امن دولة ويخلصها وتحريات القسم او المباحث تخلص من غير ما يستدعوه او يعلموه بيها ؟
ولا انا فهمت معاليك غلط ارجو التوضيح وليك جزيل الشكر يا باشا

spy كتب:: اه عادى يا استاذه عين الحياه هو ده الى حصل مع صحبى وهو شاف التقرير بتاع الامن بتاعه ولقاه انه مقبول من الامن من غير مايروح تحريات القسم والمعلومات ديه انا متاكد منها 100%

سباي بيه معني كلامك ان ممكن مرشح ينزله تحريات امن دولة ويخلصها وتحريات القسم او المباحث تخلص من غير ما يستدعوه او يعلموه بيها ؟
ولا انا فهمت معاليك غلط ارجو التوضيح وليك جزيل الشكر يا باشا

ايوه فيه ناس حصل معاهم كده جاله امن دوله ومجالوش تحريات القسم وشاف التقرير بتاعه فى مكتب الامن

بس مش كل الناس كده انا عن نفسى روحت الاتنين القسم وامن الدوله ولكن صحبى راح امن الدوله بس والتقرير بتاعه راح مكتب الامن بتاع وزارة العدل وهو شافه

تمام يا باشا والف شكر يا سباي بيه وربنا يوفقنا جميعا

هل من الممكن ان تنزل تحريات لامن الدوله ومتنزلش للقسم او هل الى تحريات الامن بتاعته مش سليمه متنزلوش تحريات القسم وفى واحد صحبى عمل تحريات امن الدوله فى 18/5 ولسه منزلوش تحريات القسم

أخى الحبيب black_cres
يعني هل من الممكن لو واحد تحريات جامعته نزلت من زيادة عن شهرين ينزله تحريات ولا الموضوع كدا انتهى
إذا مر شهر أغسطس دون نزول تحري فإنتهى الأمر ...

أختى عين الحياة
أستاذ رامى هو التعيين بالنسبة لدفعة 2009 يبقى إمتى
بمشيئة الله سيتم تعيين دفعة الجيدجدا فى شهر ديسمبر لعام 2011 ودفعة الجيد فى شهر مايو لعام 2012 ....

والتقارير توصل للنيابة أمتى إن شاء الله
إذا كنتى تقصدى وصول تقارير التحرى للهيئة لتتم التصفيه فهذا بعد الإنتهاء من التحريات بشكل كامل ...

وما هى طبيعة العمل فى النيابة الادارية بشكل من التفصيل
تختص النيابة الإدارية بالتحقيق مع الموظفين عن الجرائم التى تمس وظائفهم وعملهم والإدعاء وغيرها من الأمور مثل النيابة العامه ولكن خاصة بالموظفين ....

وبالنسبة لى لسة ما فيش أخبار عن تحريات القسم وهل ممكن يتم إرسال التقرير دون أن أعلم بنزول تحريات القسم
لابد وأن تعلمى بها ... ومن المحتمل تأخرها .... فلاتنتظريها فى مده محدده ... ولكن هناك حالات قليله يتم فيها إرسال النتيجة دون مراسلتك إذا كانت تحرياتك نظيفة ... ولكن القاعدة الأساسية ضرورة إبلاغك ...

أختى roro
ياترى يا استاذ رامى اللى منزلتلوش تحريات لغاية دلوقتى خلاص كده مش هتنزل وهل لسه ممكن؟وهل
هناك أمل حتى نهاية شهر أغسطس بمشيئة الله ....

ياترى يا استاذ رامى اللى منزلتلوش تحريات لغاية دلوقتى خلاص كده مش هتنزل وهل لسه ممكن؟وهل
طبعاً لها فائدة ... ويرجى التحرك الآن وعدم التأخر أكثر من ذلك ...

أخى الحبيب اسلام شاكر
هل من الممكن ان تنزل تحريات لامن الدوله ومتنزلش للقسم او هل الى تحريات الامن بتاعته مش سليمه متنزلوش تحريات القسم
لايمكن حدوث ذلك بأى حال من الأحوال ... فليس من سلطات جهات التحرى وقف عمليه التحرى مهما كانت النتيجة سيئة ... فليس لهم سلطات سوى التحرى وإرسال النتيجة .. .لا أكثر ولاأقل ..

وفى واحد صحبى عمل تحريات امن الدوله فى 18/5 ولسه منزلوش تحريات القسم
ستنزل له التحريات عاجلاً أو أجلاً ... فليس لتحريات القسم مده محدده لنزولها ..

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

اللى نوزله تحريات امن الدولة
يبقى هينزله تحريات قسم ان شاء الله بنسبة مليوووووون فى المية
ومش لازم يروح القسم لكن مليون فى المية يجب ان يخطر بوجود تحريات تخصه لانه مليون فى المية اى واحد مقدم فى النيابات بيجيله تشابهات
نسبة ضئيلة جدا جدا جدا اللى تحرياتهم مبيكونش فيها حاجة خالص

يا أ / سالم شاكر
أنا نزلى تحريات من يوم 11/4 ولم تنزل إلى الأن تحريات القسم

بص يا استاذ احمد حسن
عن نفسى تحرياتى الخاصة بامن الدولة كانت نزلتلى فى شهر 4
وبعدين نزلتلى تحريات القسم فى اخر شهر 8
فلا تقلق نهائيا

الصراحه هو الواحد قاعد على اعصابه لان فى ناس نزلها تحريات القسم وانا لسه ومش عارف العطله دى جايه منين وهل ينفع اروح المديريه واسال عنها وله ايه

استاذنا الفاضل رامى كمال عذرا على كثرة الاسئله فانت الوحيد الذى تنير لنا هذا الطريق المظلم الذى لايعرف اخره الا الله سبحناه وتعالى ونحن راضين بقضاءه فيارب يسر لنا امرنا لما تحبه وترضاه لنا0
عذرا انا كان ليا استفسارعلى موقف حصل معايا فى امن الدولة, ان الظابط الكان بيراجع معايا الملف سالنى هو جدك اتحبس قبل كده وله لا , رديت عليه وقلتله لا, وبعد كده عرفت ان جدى كان محكوم عليه بالحبس لمدة سته اشهر اوسنه مش عارف ولكن مع وقف تنفيذ الحكم فى قضية تزوير سجل تجارى وكان ده حوالى فى سنة1995يعنى من 15سنه تقريبا ولكن هو معلهوش اى قضايا تانى, وكذلك باقى العائله لاتوجد اى مشاكل امنيه, فالحصل ده حيكون ليه تاثيرفى تقرير امن الدوله من حيث الرفض او القبول فى التقرير,وتحرياتى كده مفهاش مشكله وله ايه الوضع بالظبط0
ارجوا منك يااستاذ رامى الرد بصراحه لانى حقيقى تعبان من الموضوع ده واشكرك على سعة صدرك لينا0
0

أ / علاء
أنا كمان لم ينزل لى تحريات إلى الأن ولكن المدير العام طمنى وأ / سباى قالى أن فيه واحد صاحبه نزلت له تحريات أمن دولة ولم تنزل له تحريات القسم وراح شاف التقرير الخاص به فى مكتب الأمن بوزارة العدل .
وكمان معظم زمايلى اللى نزلهم تحريات كان فى تشابه فى الأسماء اللى كاتبنها فى الوثيقة يمكن الوثيقة يتاعتك لايوجد فيها تشابه .
وعالعموم التحريات هتنتهى آخر أغسطس يعنى كل حاجة اوشكت على الظهور.
وربنا يقدم اللى فيه الخير.

بخصوص كثرة التسائل عن تأخر تحريات القسم ... أولاً يجب العلم بأنه طالما نزلتك تحريات فتأكد أنها لابد وأن تأخذ سيرها دون توقف ... فلايمكن بأى حال من الأحوال أن تتوقف تحريات ولو حتى وجدوا قضايا لاتحصى ولاتعد على جميع أفراد العائلة ... فتوقف التحريات ليست من سلطات جهات التحرى ... فليس بأيديهم سوى التحرى وكتابة تقرير وإرسال النتيجة دون أى سلطة تقديريه من حيث إستكمال الإجراءات أو توقفها ... وإلا فما فائدة الهيئة والمجلس الخاص .... لذلك تأخر تحريات القسم يعود لإحتمالين .... الإحتمال الأول هو أن تحريات القسم لم تبدأ فى محافظتك وهذا طبيعى حيت أنه لايوجد وقت زمنى محدد بين مقابلة أمن الدوله وبين مقابلة القسم فقد تطول المده وقد تقصر حسب الظروف فمن الممكن أن تنزل لك فى شهر أغسطس .... الإحتمال الثانى هو الإنتهاء من تحرى القسم وإرسال التقرير وإنتهاء الأمر إذا لم يجدوا فى ملفك أى مشاكل وأن التحرى كان سليم دون أى عقبات فيتم الإنهاء من الإجراءات وإرسال التقرير دون علمك .... لذلك لايوجد أى قلق ... وتوكلوا على الله ... بالتوفيق ...

--------------------

أخى الحبيب علاء الدين
فالحصل ده حيكون ليه تاثيرفى تقرير امن الدوله من حيث الرفض او القبول فى التقرير,وتحرياتى كده مفهاش مشكله وله ايه الوضع بالظبط
لايوجد تأثير إطلاقاً أو ضرر مما ذكرت ... وفى النهاية مديرية الأمن هى التى تكتب التقرير حسب ما تراه أمامها من نتيجة تحرى من حيث إبداء الرأى بالموافقة أو الرفض ... وما ذكرته لايعول عليه الرفض إطلاقاً ... توكل على الله ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

معلش انا اسف على كثرة الاسئله بس كنت عاوز اعرف هو الجد من الدرجه الكام وهل الحكم بوقف التنفيذ يختلف عن اى حكم ثان , مع العلم انى عارف ان جرائم التزوير من الجرائم المخله بالشرف عشان كده ان حقيقى قلقان جدا مع ان كلام حضرتك طمنى ولكن متوتر لان عارف ان التحريات دى ممكن تاثر عليا فى تحريات النيابه العامه وشكرا

طيب لو انا عاوز اعرف تحريات القسم بتاعتى انتهت واتبعت التقرير بدون علمى ولا لسه هيبعتولى اعرف ازاى وأسأل فين بالظبط ؟

السلام عليكم
كنت عايز اسأل عن تحريات ازهر اسيوط انتهت ولا لسه......
وياريت لو في حد من محافظة الاسماعيليه يرد عليا........
ارجو الرد...........شكرا

أخى الحبيب علاء الدين
هو الجد من الدرجه الكام
من الدرجة الأولى ....

وهل الحكم بوقف التنفيذ يختلف عن اى حكم ثان
تم الحكم بوقف التنفيذ لوجود ظرف مخفف ... فالحكم ليس عقبة بتلك الدرجة الكبيره .... فلاتقلق وتوكل على الله ....

أخى الحبيب حسام الدين
طيب لو انا عاوز اعرف تحريات القسم بتاعتى انتهت واتبعت التقرير بدون علمى ولا لسه هيبعتولى اعرف ازاى وأسأل فين بالظبط ؟
إما أن تسأل فى القسم أو مديرية الأمن أو مكتب الأمن تدريجياً .... أى تسأل فى القسم عن وجود التحريات من عدمه ... أى تسأل عليها هل هى مازالت سارية أم تم الإنتهاء منها .... ثم تسأل فى مديرية الأمن عن الملفات هل مازالت موجوده أم تم كتابة التقرير والإنتهاء من التحرى .... ثم تسأل فى مكتب الأمن عن وصول الملفات وعن التقرير المكتوب .... فيمكنك السؤال فى أى جهه من تلك الجهات حسب معرفتك بهم ....

أخى الحبيب محمدخضيري
كنت عايز اسأل عن تحريات ازهر اسيوط انتهت ولا لسه
لم تنتهى تحريات أى جامعه ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية