النيابة الادارية دفعة 2009

[b]السلام عليكم أود أن أعرف هل عدم زول التحريات له علاقة بالمجندين؟

حمدالله على السلامه يا استاذ رامى ويارب تكون فى تواجد معنا دائما
انا برده مفهمتش الموضوع مطبق على اى دفعه بالظبط وهل مطبق على دفعه 2009 وله بدا من دفعه 2010 واللى بعدها ؟
بالنسبه لينا وهما خريجى دفعه 2009 خلاص مش مهم وله لزم
عشان لو كده اللى ناوى يقدم فيها يلحق ؟
ارجوا الرد سريعا وشكرا للجميع

لو سمحت يا استاتذ رامى ممكن تقولى الدبلومة دى هتكون فى ايه فى القانون الادارى ولا غير ذلك وانا فى جامعة المنصورة ينفع اخدها فيها ولا فى جامعة القاهرة ارجو الرد ضرورى وللك جزيل الشكر وحمدلله على السلامة معلش جت متاخر شوية

أصدرالسيد المستشار ممدوح مرعي وزير العدل القرار رقم 11261 لسنة 2010 بتيعيين النيابات الادارية والادارات التي تتكون منها وفروعها واختصاص كل منها وقد تضمن القرار انشاء 11 نيابة جديدة .........
*1*هل معنى ذلك سيكون عدد الذين سيتم تعيينهم ان شاء الله فى دفعتى (2008)( 2009 ) كبير ؟
*2*ما هو العدد - المحتمل - المطلوب تعيينه فى دفعتى 2008,2009 وعلى الخصوص 2009 ؟
*3*ما هى اخر اخبار دفعه 2008 (مواعيد الكشف الطبى للجيد والجيد جدا)؟
شكرا وبالله التوفيق

ملخص الاجابات السابقة تقتضى الاتى
1:- الدبلومة تم انشائها فى جامعة القاهرة واسمها دبلوم قانون وقضاء التأديب وتم عقد البروتوكل الخاص بها بين المستشار تيمور ورئيس جامعة القاهرة وسوف يتم التسجيل فيها بدأ من العام الحالى ونص تصريح المستشار تيمور ان تلك الدبلومة سوف تكون شرط للتعين للدفعات التالية ولن يتم التعيين الا بعد الحصول على تلك الدبلومة . والكلام ده انا سامعه من المستشار تيمور بنفسى

2:- الدبلومة دى فى جامعة القاهرة فقط وهى تختلف كليا عن دبلوم العلوم الادارية .

3:- اصحاب التقديرات المرتفعة لهم الاولوية القصوى فى التعيين للعامين القادمين وذلك ابان عهد المستشار تيمور الذى يكره الواسطة وكل ما يمل له او يلوح بها

4:- اخيرا فان انشاء هدد 11 نيابة ليس المقصود بهم ان تلك النيابات لم يكونوا موجودين من قبل ولكم نلك النيابات كانت موجودة ولكن تم فصلها عن بعضها البعض فمثلا نيابة السياحة والاعلام كانت موجودة تحت مسمى اليقافة والسياحة والاعلام فتم فصل الثقافة وتم استحداث نيابة مستقلة تسمى السياحة والاعلام وهكذا الزراعة والرى وهكذا الازهر والاوقاف .

5:- عدد الدفعات القادمة قليل جدا وهذه معلومة مؤكدة فالنيابة الادارية تعانى من وفرة مبالغ فيها فى اعداد الاعضاء وهذا على لسان المستشار تيمور بنفسه

هى دفعه 2009 اللى نزلهم تحريات يعملوا ايه دلوقتى ؟ يعنى نبدأ نتحرك امتى والتصفيه هتبقى امتى ؟ والتعيين ؟

استاذ رامى حمد الله على سلامتك يا باشا واحشنا والله كنا مفتقدينك لعل المانع خير يا باشا
هوه الدبلومه الجديده مطلوبه من دفعة 2009 ولا لأ ولا هيه ميزه ممكن تزود فرصتى ف التعيين فلو ممكن اخدها دلوقتى اتوكل على الله ومرحلة التصفيه بتكون امتى بالظبط والتوصيه تكون امتى وبتتم التصفيه على اى اساس وايه الاسباب اللى قللت من الاشخاص اللى يتعينوا من دفعة 2009

دفعة جديدة من الأطباء والمهندسين وخريجي الجامعات بالكلية الحربية

وافق المشير حسين طنطاوي القائد العام وزير الدفاع والانتاج الحربي علي قبول دفعة جديدة من خريجي الجامعات اعتبارا من اليوم وحتي 11 نوفمبر القادم.
أعلن ذلك اللواء أركان حرب محمد علي فليفل مدير الكلية الحربية ومدير مكتب تنسيق الكليات والمعاهد العسكرية.
تشمل الدفعات الجديدة من خريجي الجامعات الدفعة 98 أطباء والدفعة 69 مهندسين والدفعة 57 مختلط.. وتتضمن دفعة الأطباء طب بشري واسنان وبيطري وصيادلة "ذكور واناث" ورئيسات تمريض اناث وكذلك الحاصلين علي درجة الدكتوراه والماجستير في الطب البشري لجميع التخصصات بالاضافة إلي تخصص طب الطواريء والاسعافات الأولية وكذلك الطب البيطري والصيادلة.
ويشترط لدفعة الأطباء ان يكون المتقدم حاصلا علي المؤهل عام 2010 والسنوات السابقة له وان يكون قد أمضي فترة الامتياز وبتقدير جيد فاعلي بالنسبة للأطباء البشريين والأسنان ومقبول فأعلي لباقي التخصصات بيطري وصيادلة "ذكور واناث" ورئيسات تمريض خريجي كلية التمريض علي ان يتم ارفاق شهادة انهاء فترة الامتياز وترخيص مزاولة المهنة والا يكون قد اعفي من الخدمة العسكرية لعدم اللياقة الطبية وان يتم إرفاق بيان المعاملة التجنيدية علي ان يتم استخراجها من ادارة التجنيد أو مركز التجنيد التابع له الطالب.
ويشترط لسن المتقدمين من خريجي كليات الطب البشري والاسنان الحاصلين علي البكالوريوس 30 عاما في أول يناير القادم و28 سنة للطب البيطري والصيادلة ذكور واناث 28 سنة وخريجي لكليات التمريض 26 سنة.
أما الحاصلون علي درجة الماجستير فتكون السن 34 عاما لخريجي الطب البشري لجميع التخصصات بالاضافة الي تخصص طب الطواريء والاسعافات الأولية و30 عاما للطب البيطري و32 عاما للصيادلة.
ويشترط السن للمتقدمين من الأطباء حملة الدكتوراه 38 عاما للطب البشري و30 عاما للطب البيطري و34 عاما للصيادلة.
تشمل التخصصات المطلوبة للدفعة 69 مهندسين "ذكور" كهرباء قوي حواسب اتصالات والكترونيات ميكانيكا قوي ميكانيكا انتاج هندسة نسيج وهندسة بحرية وبناء سفن ميكاينكا سيارات وهندسة طيران ومدني وعمارة وهندسة نووية.
ويشترط للمتقدمين من خريجي كليات الهندسة ان يكون حاصلا علي المؤهل عام 2010 وما قبلها بشرط التقيد بالسن وبتقدير مقبول فأعلي والا تزيد السن في أول يناير القادم علي 26 عاما وان يتم إرفاق شهادة عضوية من نقابة المهندسين.
وتشمل التخصصات المطلوبة من خريجي الجامعات كيمياء خاصة ومزدوجة وحيوية وميكروبيولوجي وجيولوجيا وفيزياء وعلوم رياضة وعلوم حواسب وتكنولوجيا المعلومات وعلوم فلك وحقوقا وتجارة "محاسبة" وزراعة وتربية رياضية وآداب علم نفس ويسمح للضابطات المكلفات بالقوات المسلحة بالتقدم في حالة انطباق الشروط عليهن من خريجات علم النفس.
كما تشمل التخصصات خدمة اجتماعية وعلاج طبيعي ذكور واناث وسياحة وفنادق واعلام وصحافة وتربية موسيقية وخريجي الجامعات من أقسام اللغات في تخصصات انجليزي وتركي وصيني وروسي ولغة عربية.
يشترط لدفعة خريجي الجامعات "المختلط" ان يكون حاصلا علي المؤهل طبقا للتخصصات المطلوبة 2010 والسنة السابقة لها فقط وبالنسبة لتخصص "علوم فلك" الحاصلين علي المؤهل 2001 وما قبلها حتي عام 2007 ويشترط الحصول علي المؤهل بتقدير جيد فأعلي ولا تزيد السن في أول يناير القادم عن 26 عاما وان يكون أمضي فترة الامتياز للعلاج الطبيعي..يسمح للضباط الاحتياط والمكلفين وافراد القوات المسلحة الموجودين بالخدمة حاليا التقدم لهذه الدفعة بنفس الشروط..تسحب ملفات القبول من المكتب الرئيسي بالكلية الحربية اعتبارا من اليوم وحتي 11 نوفمبر القادم.

السلام عليكم ورحمة الله
انا دفعة 2008 جيد اسفة لوجودى هنا بس انا دخلت على النيابة الادارية2008 وسألت عن متى ستكون النتيجة لدفعتى و الكشف الطبى وهل ستظهر جميعها على مرحلة واحدةام ستكون جيد جدا وجيد ارجو كل المعلومات الاكيدة عن ما يحدث لدفعتى واسفة للاطاله
بس انا لم الاقى ردا فى النيابة الادارية 2008 فارجو الرد سريعاplz

اولا اشكر الاستاذ رامى على ردوده
ثانيا انا تقديرى78%ونزلى التحريات النيابة الادارية كلها والحمد لله واظهرت التحريات ان خالى عليه قضية تبديد وتم سقوطها بالتصالح الجنائى وجوز خالتى لديه قضية مشاجرة وحصل فيها على براءة
فهل يؤثر ذلك عليا لدرجة عدم التعين اطلاقا واسف على الاطالة

أأنا عارفة ان موضوع الدبلومة دة اتكلموا فية كتير بس أنا عوزة افهم حاجة الدبلومة دى هتتطبق من دعة 2010 ..........احنا 2009 لو اخدناها لينا فرصة اكبر فى التعييين يعنى هتزودنا كمرشحين ولا عادى......أنا كنت ناوية أعمل دبلومة فى جامعة عين شمس بس دلوقتى مش عارفة اعمل اية..........وشكرا

الى الاخ eltraky

لا تؤثر على التعيين

الى الاخ heba

طبعا لو خدتيها هيكون ليكى فرصة كويسة جدا جدا فى التعيين

طب يا جماعه انا ليا استفسار هل لو روحت قدمت على الدبلومه دى مع العلم انى دفعه 2009 لزم احضر وانجح فيها وله هى حاجه شكليه فقط الغرض منها دفع فلوس واستنفاع فقط ليس اكثر وطبعا انتوا فهمين ياريت حد يرد عليا سريعا
وانا مش شايفه اقبال ليه على موضوع النيابه العسكريه هى مش كويسه وله ايه اريد الرد سريعا وشكرا

شكرا جزيلا

هيا النيابة العسكرية دى ممكن بنات حقوق يقموا فيها ولا هيا اولاد فقط ارجو الرد

هيا الدبلومة بتع المستشار تيمور دى باب التقديم فتح فيها ولا لسة ولفتح اخر ميعاد امتة وهل لازم نحضر ولا نروح نقدم ونمتحن وخلاص ارجو حد من المشرفين ع المنتدى يفدنا الله يخليكم

يا جماعه رده علينا لان بجد الموضوع مقلق وخاصه انى متجوزه وعندى بيبى صغير وعايزه اعرف مدا اهميه موضوع الدبلومه دى ولزم احضر فيها وله هو استنفاع مش اكتر وهى المفروض نقده فيها امتى وشكراا

elham salah كتب:

هيا الدبلومة بتع المستشار تيمور دى باب التقديم فتح فيها ولا لسة ولفتح اخر ميعاد امتة وهل لازم نحضر ولا نروح نقدم ونمتحن وخلاص ارجو حد من المشرفين ع المنتدى يفدنا الله يخليكم

انا لا اعرف تحديدا تم فتح باب القبلو فيها ولا لا
بس اللى انا متأكد منه انه تم عقد البرونتوكول بالفعل بين النيابة الادارية وجامعة القاهرة على تخصيص تلك الدبلومة
واخر ميعاد للتقديم فى اى دبلومة فى جامهعة القاهرة هو شهر يناير
الحضور غير اجبارى ممكن تقدمى وبعدين متروحيش غير على الامتحانا فقط

elham salah كتب:

هيا النيابة العسكرية دى ممكن بنات حقوق يقموا فيها ولا هيا اولاد فقط ارجو الرد

اولاد فقط

sonatote28 كتب:

طب يا جماعه انا ليا استفسار هل لو روحت قدمت على الدبلومه دى مع العلم انى دفعه 2009 لزم احضر وانجح فيها وله هى حاجه شكليه فقط الغرض منها دفع فلوس واستنفاع فقط ليس اكثر وطبعا انتوا فهمين ياريت حد يرد عليا سريعا
وانا مش شايفه اقبال ليه على موضوع النيابه العسكريه هى مش كويسه وله ايه اريد الرد سريعا وشكرا

الدبلومة فى عهد المستشار تيمور مهمة جدا وياريت تعرفى تاخديها

ميرسى كتير للمدير العام على الاهتمام والرد
وانا عندى فكره ياريت الكل يستجيب ليها زى ما عملنا فى اسئله النيابه الاداريه لما روحنا نمتحن وكل اللى رجع من الامتحان قال على الاسئله وكلنا استفادنا نعمل برده كده لكن فى الدوبلومه دى ياريت اللى يعرف حاجه او راح الجامعه وسال او لسه هيسال يبلغنا بالجديدوامتا هتفتح ولو فتحت اخر معاد فيها امتى والمبلغ المطلوب للدبلومه كام بالظبط والدراسه فيها امتى بالظبط ياريت نتعاون كلنا مع بعض واللى يعرف اى حاجه يقولها وانا عن نفسى لو عرفت حاجه هقول طبعا
ارجوا اننا نتعاون وشكرا للجميع