النيابة العامة دفعة 2009

يا أخ على لو تسمحلى انى اتدخل بطريقة عابرة
انت ملكش حق أنك ترد على أستاذ رامى بأسلوب التريقة ده
احنا عمرنا ما شفنا من أستاذ رامى غير كل تقدير وأحترام
وكل اعضاء المنتدى تشهد بحاجة زى كده
وبعدين بالنسبة لكلام استاذ رامى انا مش شايفة فيه اى غلط
هو بيقول انك ليك الحق تقول ما تريد
وهو كمان ليه الحق فأنه يقول ما يريد
وبعدين انت لسة بتقول ان فى شك ولو حتى بنسبة 1% انها تكوت تحريات ادارية
اذن رأيك يا أستاذ على غير مستقر حتى الان

والله انا مش قصدي اتريق علي اي حد من اول الاستاز رامي لغايه اجدد عضو في المنتدي ومش قصدي والله اني اسبب اي توتر لاي حد انا والله العظيم قولت الي حصل بالظبط من غير اي تاليف قولت ان امين الشرطه الي اكد ليه الموضوع ده حتي قولت ان صحابي قالولي انها ممكن تكون اداريه وقولت كمان ان هروح بكره وهاجي اقول الي حصل كل ده قولته لكن الي منرفزني ان استاز رامي مصر ان في عندي مشكله وان الموضوع مش مظبوط حتي محطش في اعتباره ان يطمني ويقولي ممكن تكون اداريه مش عامه هوه معترض علي طول الخط وعموما انا اسف بس هوه لازم يراعي مشاعري برده كل الناس قالتلي انها ممكن تكون عامه وممكن تكون اداريه الا هوه مصمم انهم بيشتغلوني مش عارف ليه وعمومااااااا والله العظيم انا لا اقصد اني اسئ لاي حد بس اي حد يحط نفسه مكاني وبكره ان شاء الله هسال ازا كانت اداريه ولا عامه ولا اشتغاله ولا ايه بالظبط وانا عموما لا اكابر في الغلط ولا خر مره بقول انا مجبتش اي حاجه من عندي احنا مش في مكان رسمي لازم كل شئ فيه بالمستندات احنا في منتدي كل واحد بيقول الي حصل له واقسم بالله انا لم اكزب في الي قولته

انت جامعة ايه يا استاذ على؟؟؟

جامعه الزقازيق

على فكره دى غالبا 90% تحريات نيابه ادرايه مش عامه ربنا يوفقك ان شاء الله

معلش اخر حاجه هقولها
لو انته كنت لسه بتشوف المنتدي ولقيت ان التحريات للنيابه العامه هتنزل اول الاسبوع ده كان يوم الجمعه لقيت حد بيتصل بيك وبيقولك التحريات نزلتلك مبروك امين الشرطه اتصل عليه لاني كنت كاتب رقمه في الملف وقالي خد رقمه واتصل عليه لانه واقف في اول الشارع اتصلت وجيبته البيت قالي انها تحريات نيابه عامه اقولوا انته كداب اطلع بره مع اني لسه قاري ان التحريات هتنزل بكره
ياريت حد يقولي والله ده الي حصلي بالظبط
(وعموما كمان الحد الي اتصلوا عليه ده حد كبير يعني مش عامل فيه مقلب)

لا مش مقلب بس جامعة الزقازيق لسه بدرى عليها لما تنزال تحريات العامه بس ده وقت تحريات الاداريه وممكن يكون الى جالك اتلغبط عادى هو مش مهتميين بالحجات دى اوى عامه ولا اداريه كده كده كنت هاتكتب نفس البينات هما بس تلاقيه اتلغبطوا

تحريات النيابه العامه هتبداء بجامعات القاهره والاسكندريه وعين شمس واسيوط

1_أ / على أحنا مش معترضين على كلام حضرتك أنا نفس الكلام حصل معايا من حوالى شهرين أتصل بيا أمين شرطة وكان ذلك بعد مقابلة المجلس الأعلى للقضاء وقال لى أن ليك عندنا تحريات نيابة عامة ولما روحت عرفت أن هى إدارية مافيش داعى لأى قلق حضرتك هتروح أن شاء الله وتطمنا .
2-أ / رامى أتصل بى واحد زميلى من (جامعة عين شمس) وقالى أن فى أمين شرطة أتصل بى وأبلغه أن له تحريات عند نفس الضابط اللى كان عنده تحرياتى بالنسبة للإدارية لأنه يقع زميلى فى نفس محيط سكنى وقلتله أتأكد من نوع التحريات سأل الضابط قاله ده ملف النيابة العامة الخاص بك.
3-أ / رامى أنا كان نزلى تحريات نيابة إدارية هل لو نزل لى تحريات نيابة عامة سوف يتم إبلاغى بها ولا هيتم أستدعائى مرة أخرى لمكتب أمن الدولة .

هو انا ممكن اسءل بكرة في مكتب الامن علي ملفي ولا استني ؟ انا جامعة الزقازيق

احمد بيه حسن لو سمحت استفسار هل صاحبك كان مقدم ادارية ولا لأ ولو كان مقدم ادارية هل نزله تحريات فيها ؟
وجزيل الشكر لحضرتك

ياجماعه حصل خير كلنا اخوات والتوفيق للجميع

المهم الى يعرف بنزول تحريات العامة لاى حد يعرفنا ضرورى وشكرا للجميع

أ / ميشو هو كان مقدم فى النيابة الإدارية ولكن لم يوفقه الحظ فى الإجابة وعشان كده هو لم يكن عنده أمل أنه ينزله تحريات .
أنا فى حيرة الأن هو بيقول أنه سأل الضابط وقاله أن دى تحريات نيابة عامة !
وبالطبع لن ينزل تحريات نيابة عامة لجامعة عين شمس الإ بعد القاهرة وناس فى جامعة القاهرة قالوا مافيش حاجة نزلت .
وانا وصيت واحد صاحبى يسأل أذا كانت تحريات النيابة العامة نزلت ولا لأ فى مديرية الأمن أول ما يبلغنى هقولكم .
ربنا يوفقنا جميعاً .

يا أستاذ على ربنا يوفقك والله احنا بنتمنى ليك كل خير
وانا عن نفسى مصدقة كل كلامك لان انت مش من مصلحتك انك تكدب علينا
لان طبعا انت مش هتستفاد حاجة لو كدبت او ألفت
ويارب ربنا يطمنك ويوفقك ويجعل لك الخير حيث كنت وحيث تكون
ولكن سامحنى انا بأيد رأى أستاذ رامى وأظن ان ده رأى الأغلبية
لأن احنا عمرنا ما سمعنا ان جامعة الزقازيق تنزلها تحريات قبل جامعة القاهرة
وأنا بتوقع انها تكون تحريات الأدارية بنسبة 90% وطبعا الله أعلم
وكلها ليلة ونعرف من حضرتك الخبر الصحيح بأذن الله
وسواء كانت ادارية او عامة اتمنى ليك كل خير باذن الله

بص يا علي اللي نزلتلك دي تحريات نيابة ادارية لان حصل مع صاحبي باباه مستشار نفس الموقف ده بالظبط وبردو هو من جامعة الزقازيق امين الشرطة جه قالو دي تحريات نيابة عامة وهو اصلا كان لسه معملش مقابلة النيابة العامة الكلام ده كان من حوالي شهرين وعرف بعد كده انها كانت نيابة ادارية

معلش يا استاد على ممكن تطمنا التحريات الى جتلك اداريه ولا عامه
واه هى الاسماء الى امين الشرطه ذكر انها جلها تحريات
اصلى من جامعه الزقازيق وعايز اطمن

السلام عليكم
ياجماعه انا لاحظت في الردود كميه غير طبيعيه من القلق وده طبعا ليكم حق فيه لكن مش معقول ان القلق ده يخلينا نرد علي بعض كده وبعدين استاذ رامي رجل له كل الاحترام والتقدير وبالبلدي كده الراجل من يوم نزول الاعلان في الجرايد للحد الان مفيش معلومه جات غلط واستاذ علي بعد كل الضجه والردود ديه رجع في الاخر قال ان الامر لم يحسم بعد مع العلم ان استاذ رامي قال قبل كده ان دي هي فتره الاشاعات وان الموضوع بياخد وقت وبديهي ان جامعه القاهره تنزل تحريتها في الاول او ده العرف المعتاد مع احترامي الشديد للساده الاعضاء ارجو عدم الانفعال في الردود واللي عنده معلومه موكده يكتبها ولو شاكك فيها بلاش لان الوقت ده وقت عسير وياريت ياجماعه رجاء من اخوكم الصبر والدعاء لله وكلها وقت قليل وكل واحد يعرف ربنا كتبله ايه
ارجو تفهمكم لوجه نظري و شكرا ............. خالد كامل

لو سمحت يا استاذ رامي ايه اخبار ملفات جامعة المنصورة
هل وصلت مكتب الأمن ولا لسة؟؟؟؟

يا جماعه انا لسه جاي من امن الدوله دلوقتي والله العظيم التحريات دي نيابه عامه والله ولاول مره يا استاز رامي اقولك اني متاكد 100%

يا علي بيه انت كنت مقدم نيابة ادارية ولا لأ ومعاليك اتأكدت ازاي انها عامة وهل كان فيه زملاء معاك ولا لوحدك ؟؟؟
ياريت تطمنا لاننا كلنا علي اعصابنا ويمينك انت مسئول عنه امام الله ولك جزيل الشكر

انا هرد بالنيابه عن الاستاذ على والله ياجماعه هو راجل محترم جدا وصديق شخصى لي وكمان صديق دراسه والكلام اللى بيقوله صحيح ميه الميه هو فعلا راح المقابله بتاعة امن الدوله اليوم وتأكد ان ملفه اللى وصل ملف النيابه العامه دون اى جدال او اى شك حيث انه اطلع عليه بنفسه ومكانش فى غير واحد هناك بس دخل بعده بس الصراحه هوه مكانش عارف هوه داخل بخصوص ايه والشخص ده كان مرتدى زى عادى مش لابس بدله ده اللى شافه بالظبط لكن مفيش اى حد تانى من طلاب كان هناك

وللعلم انا كمان مقدم نيابه عامه وساكن معاه فى نفس المنطقه ومفيش تحريات جاءت لى حتى الآن ولا اى معلومات حتى عن الاصدقاء اللى نعرفهم حتى الاوائل على دفعتنا غير ذلك وبالتوفيق للجميع إن شااااء الله

مبروك يا استاذ على

يا جماعة اهدوا و صلوا على النبى اللى مكتوب له حاجة هيشوفها بس للامانة رامى بيه مبيقولش كلمة غلط والكلمة بتتاخد منه مسلم بيها

ياجماعه انهاردة كانت جلسة المحامين فى محكمة طنطا وانا كنت هناك وشفت الاحداث للاسف احداث صعبة لدرجة انه حصل مشاجرة بين المحامين والامن وكانت حادة جدا انا خرجت من المحكمة بالعفية هل الموضوع ده هايؤثر على تعين النيابة لدفعتنا الموضوع ربنا يستر علينا انا حاسس ان فى شىء حاسم هايحدث ليه تاثير سلبى علينا بعد الى شوفته انهارده

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009