النيابة العامة دفعة 2009

يا محمود بك انت تبع مديرية ايه وجامعة ايه ياباشا

أ / رامى
حضرتك فين والله مفتقدينك جدا
يارب تكون بخير وترجع تطمنا علي حضرتك

استاذ علاء الدين انا من محافظه اسكندريه وكنت في الميريه الاحد اللي فات وللاسف ملقتش اسمي لكن الامين قالي تعالي الاسبوع اللي جاي لان في اسماء وملفات تانيه هتيجي في شهر اغسطس فلو تحب نتقابل ونتفق علي ميعاد ونروح المديريه الاسبوع اللي جاي وشكرا

يامحمود بك يا ريت أعرف منك هو أنت رحت سألت فى قسم النزهة سألت فى أمن الدولة ولا فى المباحث ؟ ولك جزيل الشكر يا باشا

انا عايز اسال هل تحريات البحث الجنائى او الكمبيوتر الجنائى بيظهر الاحكام النهائية فقط التى لايجوز الطعن فيها باى صورة من صورة ام ان الاحكام الابتدائية الصادرة والتى مازال الاستئناف فيها مستمرا ولم يفصل فيها تظهر ايضا عند التحرى الجنائى وذلك على اساس ان زوج بنت عمتى قد صدر حكم علية بالحبس فى قضية نفقة الا انة مازال يستانف الحكم حتى الان ولم يفصل فية نهائيا بعد-ارجو ممن يفيدنى بالاجابة ان تكون بناءا على معلومة موثقة

مبروك يامحمود بيك
انا على فكرة برضه جامعة عين شمس بس لسه مفيش حاجة نزلت
انت نزلك تحريات قسم انت تابع لاى قسم

الف مبروك لمحمود بك على التحريات وعقبال القرار الجمهورى لك ولجميع الاحباب والخوة اعضاء المنتدى .
ولعل الاخ رامى بخير ان شاء الله .

وشكرا جزيلا لفتى النيل على مشاركتة المتميزة وكلماتة
الرقراقة التى تشعرنا بالمشاركة الوجدانية.

(اللهم رحمتك ارجو فلا تكلنى الى نفسى طرفة عين )

الله يبارك فيكم كلكم يا جماعة والله وان شاء الله تنزل للجميع باذن ربنا

اقسم بالله العظيم انى كنت فى مباحث قنا ولقيت ثلاث ملفات نيابة عامة فقط ودة بمحض الصدفة جدا لانى مليش تحريات هناك بس كنت قاعد مع صحابى ومعرفش اسماهم حبيت اقول علشان اللى من هناك يعرف وفى ادارية بالعبيط هنااااااااااك

ماما ربنا يطمنك يارب والله يبارك فيكى وان شاء الله تكون تحريات البحيرة وصلت ول ابن حضرتك ودعواتك لينا بقى يا ست الحبايب

احمد بدر انا تبع النزهه وباذن الله هباركلك على التحريات ان شاء الله


استاذ احمد عبدو اللى هيظهر بس ان زوج بنت عمتك علية قضية برقم كذا وميعرفوش ازا كانت انتهت بالتصالح او اتحبس او اية اللى تم وبناء علية بيتم استدعائك لكى تاتى لهم بالتصرفات النهائية فى ذلك ابسطهالك شوية هتلاقى ان زوج بنت عمك علية قضية برقم كذا هيقولك الامين هتاخد صورة من نتيجة التحرى بتاعتو وتروح المحكمة اللى تابع ليها فى النيابة العامة بناء على ورقة رسمية منه تفيد انك عايز التصرفات النهائية فى القضية دى هيديك مايفيد بذلك واما تكون انتهت بالتصالح او بالحبس مثلا هتلاقيه مكتوب ومع العلم انها غير مؤثرة بالمرة لانها غير مخلة بالشرف وتفائل خير يا حبى وان شاء الله ممكن متظهرش خالص .........


على انا اسف على تاخرى فى الرد انا سالت فى المباحث يا حبى ومليش علاقة فى امن الدولة ولا ارجح ان اى حد يسال هناك لانها بتعتبر انك مش واثق فى نفسك وب كدة بتثير الشبهات حول نفسك دى نصيحة وارجو انك متكونش عملتها ........

استاذ محمد المراغى انا تبع مديرية امن القاهرة باذن الله وان شاء الله نفرح بخبر سعيد عنك وعن كل الدفعة باذن الله اللهم امين

يارب تكون بخير يارامى بيه يارب وتطمنا عليك

اه نسيت انا عين شمس يا محمد المراغى

يارب اكرمنا جميعا بالتعين بالنيابة العامة
يارب اللى منتزلتلوش تحريات النيابة العامة تنزلو يارب ولو ملناش نصيب فيها اكتبلنا اللى احسن منها يارب يارب دحنا دفعة محترمة وغلبانين وطمعانين فى كرمك علينا يا ارحم الراحمين

قولو امين

امين
على فكره تحريات محافظة الغربية نزلت امبارح كان موجود 10 ملفات

الف مليون مبروك يامحمود بك

انت شفت الاسامى ياستاذ عماد اللى نزلها تحريات فى الغربيه

محمد السيد مصطفى كتب:

انت شفت الاسامى ياستاذ عماد اللى نزلها تحريات فى الغربيه

هل دى اول الملفات الى نزلت فى الغربيه ولا نزل قبل كده
زشكرا

استاذ رامى
اه اخبار محافظة كفر الشيخ فى التحريات لحد دلوقتى متزلش الاعدد قليل أوى

ممكن يا محمود بك اسال حضرتك لو تعرف اى حاجه عن ملفات الاقصر او اى عضو يعرف اى حاجه عنها؟

والله يا استاذ نيابة معرف حاجة عنها لكن كل اللى اعرفو الثلاث ملفات بتوع قنا ودة اللى شفتو فقط

ان شاء الله خير ونباركلك عن قريب

يا جماعة اللى عاوز يعرف تحرياته يروح يسئل فى المباحث بتاعت القسم بتاعو عشان انا لقيت فى شيت التحريات انها معمولة من يوم 7/1 وانا جامعة عين شمس فاكيد باقى الجامعات نزلت فى الاقسام كلها وطمنوناااااااا

الملفات الى نزلت نزل 3 فى 7 لحد امبارح كانوا 10
بس ماشفتش اسماء للاسف
بس لو عرفت اخبار جديده هاخبركم على طول
بس عرفت ان فى ملفات لسه هاتنزل الاسبوع القادم
ان شاء الله
وربنا يوفق الجميع يارب

لو سمحتوا مفيش اي أخبار عن التحريات الخاصة بجامعة المنصورة في محافظة دمياط

الله يخليك يامحمود بيك
انا كمان قسم مصر الجديدة بس لسه منزليش تحريات هو نزل كام ملف
كدفعة اولى
دعوتكم لينا يااخوانى
اللهم وفقنا واكرامنا بالتعيين فى النيابة العامة
اللهم امين

والله يا احمد بدر مشفتش غيرى انا وواحد تانى عامة والباقى هيئة قضايا الدولة 2008