النيابة العامة دفعة 2009

استاذ رامى سامحنى فى طلبى ده بس والله ما جعلنى اقدم عليه الا نبل اخلاقك وحميد خصالك
ممكن لو فيها تعب لحضرتك تقدر تعرفى انا اسمى من ضمن الاسماء اللى ملفاتها موجوده بمكتب الامن يعنى هتنزلى تحريات ولا لأ معلش انا عشمان خير فى حضرتك تقدر تساعدنى وتطمنى ؟ انا هستنى الرد من حضرتك ان كان فى امكانك تساعدنى اكون شاكر جدا وان لم يكن فى امكانك عادى والله مش هزعل من حضرتك انا عارف انه صعبه شويه بس حضرتك ادها وادود

اخى الحبيب رامى كمال ...
الف شكر على الاجابات وسعه صدرك هذا مجهو رائه من انسان كريم وعظيم

هناك ما يقال
ان الملفات القليله التى تم النزول لها تحريات نيابه عامه . لم يوجد احد بهم تم نزول له تحريات نيابه اداريه , وانا بالفعل لم اجد احد تابع لجامعه بنى سويف تم نول له تحريات نيابه عامه الا عدد قليل جدا الذى لم ينزل لهم فاالاداريه
ما معنى هذاا ؟؟؟؟؟

اقتباس :: ان الملفات القليله التى تم النزول لها تحريات نيابه عامه . لم يوجد احد بهم تم نزول له تحريات نيابه اداريه , وانا بالفعل لم اجد احد تابع لجامعه بنى سويف تم نول له تحريات نيابه عامه الا عدد قليل جدا الذى لم ينزل لهم فاالاداريه
ما معنى هذاا ؟؟؟؟؟

هو دا اللي انا كنت أقصده بالتجنيب يا استاذ رامي

اقتباس :: لايوجد تجنب ... فيتم إرسال الملفات بشكل طبيعى ... والملفات التى لم يتم التحرى عنها فى الإدارية ونزل لها العامه سيتم التحرى عنها مره واحده ووضع نفس التقرير ... أما الملفات التى نزلت وكان لها تحرى فى الإدارية سيتم كتابة التقرير لإرساله لمكتب الأمن دون تأخير أو تجنب ملفات ...

على الرغم من قله عدد ملفات التحريات اللي نزلت لكن مش فيها تحريات حد نزل له تحريات ادارية قبل كدا
دا حتى اللي نزل له تحريات في الجهتين عرف انه نازل له تحريات عامة من مكتب الامن مش عن طريق المديرية!!!!
يعني اللي نزله تحريات ادارية هيبقى ضايع في النص مش عارف هو عمل ايه في العامة
ياريت يارامي بك لو تعرف حد نزله تحريات عامة وقبلها ادارية تقولنا
وانا اسف انا عارف اني بتقل عليك انما ربنا هو اللي عالم الواحد قلقان ازاي ومش لاقي حد اسأله واثق في كلامه غير حضرتك ربنا يجازيك عنا خير الجزاء

اللهمَ يا ذا الجلال والاكرام يا الله أسألك بكل اسم هو لك سميت به نفسك أو انزلته في كتابك أو علمته أحداً من خلقك ان تكرمني وزملائي بالتعيين امين ياذا الجلال والاكرام يارب العالمين

ياجماعة انا نزلتلى تحريات امن الدولة النهاردة الساعة 12 باليل وجالى شرطى قعد معايا وكتب بياناتى تانى وعطانى بتاع تلات ورقات متدبسين قالى اصورها نسختين واملاهم واروح اعمل المقابلة فى اى يوم احبة من الساعة 11 الى 3 العصر وقالى انة اللى نزلهم تحريات هما اربعة بس فى بندر بنى سويف فقط وانا واحد منهم وشفت الاسماء دى فعايز اعرف هى الاسماء دى هى اللى المجلس السباعى وافق عليها بس ولا فى غيرها هينزل كتير بعد كدة وماهى نسبة التعيين بعد نزول التحريات بحمد الله وهل العدد المحدد تعيينة من محافظة بنى سويف بيجى زيادة علية كتير ولالا وتقريبا الزيادة بتكون فى حدود كام عن العدد المطلوب تعيينة واذا كانت تحرياتى سليمة فهل ممكن استبعادى من التعيين على الرغم من نظافة التحريات ام ان كل من نزلة تحريات وخرجت تحرياتة سليمة يتم استدعائة عند الكشف الطبى ثم التعيين باذن الله تعالى-ارجو اجابة وافية وشكرااااااااااا

يا استاذ احمد عبدة جامتك ايه وهل والدك مستشار أم لأ وهل أنت كنت مقدم أدارية أم لا معلش بقى واستحملنى

الف مبروك مقدما يا استاذ احمد عبده
تحريات حضرتك لو سليمة و مجلس القضاء لو متوفره عدد ممتاز فان شاء الله نباركلك بالتعيين ان شاء الله

لا ولايهمك انا والدى مش مستشار ولا حاجة بس انا خالى رئيس نيابة النقض الجنائى وجدى الغير مباشر او اخو جدتى فيما معناة هو مستشار بمحكمة النقض واحد نوابها ولكن ليس من ضمن النواب الذين يوجدوا باللجنة السباعية ودى تحريات النيابة العامة ونعم قد تقدمت فى مسابقة النيابة الادارية ولم تنزلى تحريات لانى مجاوبتش فى اللجنة

طيب انا عايز اسال علشان فية واحد صحبى صادر ضد زوج بنت عمة حكم بالزامة بالنفقة وهما مطلقين الان فهل حكم نفقة زى دة ياثر علية فى التحريات واتمنى الاجابة الصريحة بعد الاجابة على استفسارى قبل السابق

لانى اعتقد انهم ستتم معاملتهم على انهم متزوجين وفقا للمذكور بالملف فى حين كتابتة

وياريت لوحد عندة معلومة ازاى نصلح الوضع دة على اساس ان يتم التعامل على انهم مطلقين وليسوا متزوجين قبل نتيجة التحريات ارجو انة ميبخلش بيها علية وشكراااا

الزميل الفاضل احمد عبده بص يا باشا ليس له تأثير علي زميلك ان شاء الله لانه مسائل الاحوال الشخصية عموما لا تؤثر علي التعيين اطلاقا بالاضافة الي بنت عمة صديقك وزجها من الدرجة الرابعة في القرابة وبالتالي ذلك يزيد من فرص عدم التأثير كمان والمؤثر هو الجرائم المخلة بالشرف والامانة زي المخدرات والسرقة والنصب والتزوير والتهرب الضريبي والرشوة والاختلاس والجرائم المضرة بأمن الدولة والجماعات الاسلامية .
والف مبروك لمعاليك وعقبال التعيين ان شاء الله وربنا يوفقنا ويكرمنا جميعاللي فيه الخير لينا .

استاذ رامى كنت عاوز اعرف ايه الطريقه اللى بيتم بيها ارسال الملفات الى المديريات
يعنى بيتم ارسالها بالبريد ولا عن طريق مندوب ولا ازاى

يجماعه ,,,, اعتقد ان الرؤيه قد وضحت , وان كل الذى تم نزول لهم تحريات فى النيابه العامه حتى الان (حتى الان) جميعهم منزلتلهمش تحريات الادرايه ؟
معنى هذا ان مكتب الامن بوزاره العدل يعلم ذلك فيريد ان يتم التحرى عنهم اسرع لأن الباقى تم التحرى عنه فالاداريه ؟؟؟؟؟؟؟
مامدى صحه كلامى اخى الحبيب رامى كمال ؟

يا جمااااااااااااااااااااعة الشخص اللى انا بسأل بخصوصه هو من جامعة القاهرة
واتصوا بيه النهارده الصبح وقالوله يحضر فى امن الدوله مساءا ممكن تطمنونى وتقولولى كده يبقى خير ولا ايه وفى اى نصيحة تقدموهالى
وعلى العلم هو من جامعة القاهرة

(من لم يشكر الناس لم يشكره الله) الشكر كل الشكر والتقدير للاستاذ رامى كمال على هذا المجهود الرائع والمتميز وهذه الافاده الاكثر من الرائعه0
لو سمحتلى كان ليه استفسار عن كام حوالى عدد الذى نزلهم تحريات من ازهر دمنهور, على العلم ان كان مقدم 112واحد فكم واحد تنزله التحريات حوالى عشرة ام اقل ام اكثر وكمان عاوز اسال هل السؤال فى مكتب الامن العام سهل بمعنى انا حخلى واحد صحبى فى القاهرة يروح ويسأل وله لازم اروح انا بشخصى0
وشكرا على سعت صدرك0

[/السلام عليكم اعضاء المنتدى الكرام
ا انا عضو جديد اتمنى من الله دوام المحبه بين اعضاء هذا المنتدى الجميل الراقى واحب اتوجه بخالص الشكر والتقدير للاستاذ رامى كمال المشرف الجميل المتميز وياجماعه انا نزلى والحمد لله تحريات نيابه اداريه ولسه خلصان من التحريات امبارح والخاصه بالقسم ولمل كلمت امين الشرطه اللى فى المركز قولتله لو ربنا سهل ونزلى تحريات عامه ابقى عرفنى بس المشكله انه تحريات امن الدوله بتنزل الاول يعنى كده انا مش هاعرف الا لما تنزل تحريات القسم وده قدامه لايقل عن شهر وانا عايز اطمن دلوقتى ومش عارف اعمل ايه

أخى الحبيب MeShOoO
العفو أخى ... وجزاك الله كل خير على كلماتك الطيبه ... لك جزيل الشكرو التقدير .. بارك الله فيك ... بالتوفيق ...

أخى الحبيب أحمد حسن
مش عارف بقى كلامه صح فى أن أسمى نزل ولا لأ
بخصوص التحريات فكما ذكرت فى سؤالك أنه ليس له مصلحه فى ذلك ... وبخصوص تصوير التقرير فكلامه أيضاً صحيح ....

وهل السؤال فى مديرية الأمن سهل ولا لأ
لاتوجد مشكله فى السؤال .... فالأمر سهل ...

أخى الحبيب mahmoud kamal
معلش يا استاذ رامى معنى كده ان التحريات هتنزل بالجمعات بالتدريج
مش هتنزل تلفات من جامعات مختلفه
كبداية يوجد ترتيب ... ولكن بالتوالى تنزل الملفات عشوائى ... فالتحريات بدأت جامعة القاهرة ثم بعد فترة نزلت عين شمس ثم نزلت ملفات لجامعة القاهرة مرة أخرى وهكذا ....

أخى الحبيب حسام الدين
لا أجد كلمات أقولها لك ... فأنا فى غاية الحرج ... والله إذا كنت أستطيع ما تأخرت عليك ... أعتذر أشد الإعتذار ... بالتوفيق ....

أخى الحبيب prosecutor
وانا بالفعل لم اجد احد تابع لجامعه بنى سويف تم نول له تحريات نيابه عامه الا عدد قليل جدا الذى لم ينزل لهم فاالاداريه
ما معنى هذاا ؟؟؟؟؟
ما أعلمه هو نزول الملفات للجميع بشكل طبيعى ... ولكن لكثرة وجود تلك المعلومة فسأتأكد منها أولاً ....

أخى الحبيب black_cres
هو دا اللي انا كنت أقصده بالتجنيب يا استاذ رامي
سأتأكد بمشيئة الله ...

أخى الحبيب ahmed_abdoo
فعايز اعرف هى الاسماء دى هى اللى المجلس السباعى وافق عليها بس ولا فى غيرها هينزل كتير بعد كدة
هناك أسماء أخرى سيتم نزولها بالتوالى ...

وماهى نسبة التعيين بعد نزول التحريات بحمد الله
80% بمشيئة الله ...

وهل العدد المحدد تعيينة من محافظة بنى سويف بيجى زيادة علية كتير ولالا
هذا حسب الإحتياج ... فلاتفكر فى هذا الأمر وأتركها على الله ...

واذا كانت تحرياتى سليمة فهل ممكن استبعادى من التعيين على الرغم من نظافة التحريات ام ان كل من نزلة تحريات وخرجت تحرياتة سليمة يتم استدعائة عند الكشف الطبى ثم التعيين باذن الله تعالى
بمشيئة الله من كانت تحرياته سليمه فسنبارك له .... ولكن لاننكر أنه قد يحدث إستبعاد ... إلا أن الأمل فى الله ....

فية واحد صحبى صادر ضد زوج بنت عمة حكم بالزامة بالنفقة وهما مطلقين الان فهل حكم نفقة زى دة ياثر علية فى التحريات
لايؤثر إطلاقاً ....

ازاى نصلح الوضع دة على اساس ان يتم التعامل على انهم مطلقين وليسوا متزوجين قبل نتيجة التحريات
يتم ذلك أثناء التحرى ... أى أنه عند كتابة الوثيقه من جديد فى التحريات عليه أن يكتب كلمه (مطلقه) بجانب إسمها وليست (متزوجه) ....

أخى الحبيب احمدالمهدى0
استاذ رامى كنت عاوز اعرف ايه الطريقه اللى بيتم بيها ارسال الملفات الى المديريات
يعنى بيتم ارسالها بالبريد ولا عن طريق مندوب ولا ازاى
يكون بوسته عن طريق مندوب من الداخلية ...

أختى أنوش
ممكن تطمنونى وتقولولى كده يبقى خير ولا ايه وفى اى نصيحة تقدموهالى
بكل تأكيد خير ... ألف مبروك وعقبال التعيين بمشيئة الله ...

أخى الحبيب علاء الدين
جزاك الله كل خير على ماقلته فى حقيقى ... فهذا يدل على طيب أصلك ... بالتوفيق ...

لو سمحتلى كان ليه استفسار عن كام حوالى عدد الذى نزلهم تحريات من ازهر دمنهور, على العلم ان كان مقدم 112واحد فكم واحد تنزله التحريات حوالى عشرة ام اقل ام اكثر
يتم النزول حسب الإحتياج بالإضافه لعدد إحتياطى ... ولايمكن معرفة العدد المطلوب الآن ...

وكمان عاوز اسال هل السؤال فى مكتب الامن العام سهل بمعنى انا حخلى واحد صحبى فى القاهرة يروح ويسأل وله لازم اروح انا بشخصى
السؤال بمكتب الأمن ليس بتلك السهوله ... ولاحتى بشخصك ... فمن الأفضل أن تكون لك معرفة هناك ...

أخى الحبيب الجرئ
أهلا وسهلا بك فى المنتدى ... منور بتواجدك الكريم ... ولك جزيل الشكر والتقدير على ماذكرته فى حقى ... فأعضاء المنتدى يستاهلوا أكثر من ذلك ... بالتوفيق ...

وانا عايز اطمن دلوقتى ومش عارف اعمل ايه
يمكنك السؤال بمكتب الأمن ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

ممكن اعرف يا أ / رامى
هل تحريات اسيوط نزلت
وانا حتى الان منزلتليش تحريات القسم فى النيابة الادارية
مع انى نزلى امن الدولة فى الادارية

اشكرك يا استاذ رامى على صراحتك وما تتأسفش انا عارف حضرتك لو تقدر تخدم مش هتتأخر فوالله انت نموذج رائع للمشرفين وانا اعتز بمعرفة سيادتك وأسألك الدعاء لى بنيه خالصه عسى الله ان يتقبل منك فانا احسبك على خير ولا ازكيك على الله . ومره تانيه الف الف شكر ليك استاذ رامى
وفق الله الجميع لما يحب ويرضى

يا جماعه والله في اغلب الكلام الي بكتبه بقول ان الاستاز رامي المعلومات الي بيقولها لنا صحيحه وقولت كمان اننا بناخد المعلومه مسلم بيها منه وقابل المقابلات انا كنت بساله اساله عن القانون وكان بيجاوب عليها واستفدت منها كتير في المقابله
الاختلاف بيني وبينه علي معلومه واحده
والله ياجماعه ده مش حرام اننا نختلف علي حاجه وياريت يا استاز رامي تفسر ليه سبب الاختلاف حول المعلومه دي(يعني سبب التعارض بين الي حصل ليه ونزول التحريات وبين معلومه حضرتك بعدم نزولها)

والله يا جماعه عارف ان
لم يشكر الله من لم يشكر الناس
وفي حديث قدسي عن الموضوع ده
واسف لو في حاجه حصلت بسبب النرفزه
وياريت يا استاز رامي تتقبل عزري لانك من الناس الي يستهلوا ان الواحد يعتزرلهم

الف مبروك لكل الى نزله تحريات وعقبال الباقى يارب ويكرمنا جميعا بالتعين

ايه اخر اخبار على الساحه من ناحية التحريات الموجوده فى مكتب الامن وخاصة ازهر طنطا
وان شاء الله خير للجميع والتوفيق يارب

يا جماعة حد نزلة تحريات فى محافظة الجيزة يعنى تابع لمدرية أمن الجيزة و لو نزله هو تابع لقسم أيه؟؟؟

يعنى اسأل بمكتب الامن فى الوزاره ولا المديريه اللى انا تابع ليها وهل ممكن اسأل فى امن الدوله عادى ولا هايقولى ما ينفعش ويعنى اكيد ان شاء الله كل الملفات فى المديريه حاليا ولا لسه فى ملفات تانيه فى دار القضاء ولكم جزيل الشكر وبالتوفيق للجميع ان شاء الله farao

ايه اخبار ملفات ازهر اسيوط لسه فى مكتب الامن ولا الملفات اتبعتت المديريه؟؟

ياريت ياجماعه اى حد خلص تحريات النيابه الاداريه خالص وربنا كرمه ونزل له تحريات عامه واتصلوا بيه يعرفنا وياريت يقول هو من اى محافظه وتابع لقسم ايه لانه الواحد قلقان جدااااااااا ونفسى اعرف الواحد هايبقى اى نظامه الفتره اللى جايه دى واللهم اكرمن بالتعيين وبالنسبى لرامى بيه انا لى عنده سؤال هو حضرتك جامعه الزقازيق ورقمك 85 ؛؛؛؛

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009