النيابة العامة دفعة 2009

اذا ما شئت في الدارين تسعد *** فأكثر من الصلاة على محمد

وإن شئت القبول في الدعوات *** فاختم بالصـــــلاة على محمد

فلا صـوم يصــح ولا صــــــلاة *** لمن ترك الصـلاة على محمد

وإن كانت ذنوبك ليس تحصـى *** تكفر بالصـــــــلاة على محمد

فما تتضـاعـف الحسنـــات إلا *** بتكرار الصـــــلاة على محمد

وعنــد المــــوت تـرى أمورا ً *** تسرك بالصـــــلاة على محمد

وعند القـبــر تحظـى بالأمـان *** وترحم بالصــــلاة على محمد

ولا تخـشى من الملكين رعبـاً *** فبــــعد الله قـل لهمــــــا محمد

رســـــــــول الله حقـاً إتبعنا *** وآمنــــــــــا وصـدّقـنـــا محمد

لو سمحت انا اخويا جاله تحريات النيابه العامه وعمل المقابله في امن الدوله واحد ظابط في امن الدوله صديق للعائله اتصل بوالدي وقال الملف خلص خلاص في امن الدوله والملف ارسل عايزه اعرف هوه الملف دلوقتي راح فين الامن العام ولا مكتب الامن ولا القسم ولا مدريه الامن عشان والدي عايز يتابع الملف قبل ما يتكتب اي تقرير ياريت اي حد يرد عليه

لا تقل من أين ابدأ .,. طاعة الله البدايه
لا تقل أين طريقي .,. شرع الله الهدايه
لاتقل أين نعيمي .,. جنة الله كفايه
لا تقل غداّ سأبدأ .,. ربما تأتي النهايه

الله معانا لانه اذا اراد شيئا ان يقول له كن فيكون فسبحان الذي بيده ملكوت كل شئ واليه ترجعون
فلا ياس ولا استسلام ولا وسطه ولا فلوس نصيبك جايلك ولو انته مش مسنود

ممكن يا استاذ رامى تقول لنا اه اخر اخبار التحريات
وهما فى اى جامعه دلوقتى

استاذ رامى انا كنت عاوز اسألك سؤال انا ليا واحد قريبى من الدرجة ارابعة محكوم عليه فى جريمة بناء بدون ترخيص بس لنا نسيت اكتبه فى وثيقة التعارف ان شاء الله لو نزلت لى تحريات هل دى تأثر مع العلم انه خد ايقاف تنفيذ وهل الامن العام ممكن يطلع الحكم ده يعنى هية الملفات لما بتطلع من وزارة العدل بتروح مصلحة الامن العام علشان يفحصوا الاسماء المكتوبة هل مصلحة الامن العام ممكن توصله ولا لازم انا اقول للضابط عليه يعنى الوثيقة بتاعتى هتيجى من الامن العام نضيفة ولا هيكتبو فيه المشكلة دى؟ وانا اسف على الاطالة يا رامى بيه

يا أستاذة mona
لوسمحتى ياريت حضرتك تتكرمى وتقوللنا ايه الى حصل مع أخوكى بالظبط فى المقابلة بتاعة امن الدولة عشان بس نطمن أرجوكى متبخليش علينا بالمعلومات دى لان ربنا يعلم الموضوع ده هيريحنى من الحيرة الى انا فيها كتير جدا
عشان انا كمان قريبى راح امن الدولة وعمل مقابلة فكنت عايزة اعرف هل هى مطابقة لمقابلة اخو حضرتك ولا لأ انا منتظرة رد حضرتك بفارغ الصبر

مقابله اخويه مكنش فيها اي شئ حصل راح في الميعاد وكان معاه عمي ودخلوا مع بعض للظابط ومسئلوش في اي حاجه كلها كلام عام بين الظابط وبين عمي وفي الاخر قالهم خلاص الموضوع عندنا خلص عقبال الباقي وقعدوا فتره طويله ما يقرب من ساعه الا ربع

أخر المستجدات ... بدأ نزول تحريات للجامعات المتبقية ... أى أن جميع الجامعات الآن نزل لها تحريات .... ولكن ... نقطه يجب توضيحها .... لايعنى نزول تحريات جميع الجامعات أن جميع المحافظات وصلت لها ملفات التحرى .... فهناك محافظات حتى الآن لم يصل لها أى ملف تحرى نيابه عامه من أى جامعه ومازالت لاتعلم إلا تحريات النيابة الإدارية ... وهناك محافظات لم ينزل لها تحري إلا لبعض الجامعات .... وهكذا .... فيجب أن نفرق بين بدأ التحريات لإحدى الجامعات بشكل عام ونزولها لمحافظة بعينها بشكل خاص ... فعند العلم بإرسال ملفات تحرى لجامعة ما أقول أن التحريات بدأت ولو حتى كانت تلك الملفات تم إرسالها لمحافظة واحده ....

-----------------------------

أخى الحبيب بيمن سامح
هل تحريات اسيوط نزلت
نعم ولكن ليس لكل المحافظات ....

وانا حتى الان منزلتليش تحريات القسم فى النيابة الادارية
أرجوا أن تقرأ التنبيه الذى قمت بكتابته فى أخر رد لى بموضوع النيابة الإدارية ... فقد تحدثت فى تلك النقطه وذكرت أن التأخر له إحتمالين إما إنهاء التحرى دون إعلامك أو أن تحريات القسم لم تبدأ فى محافظتك وعلى كل حال لايوجد ما يسمى بتوقف التحريات ....

أخى الحبيب aly2020
لم يحدث ما يستحق الإعتذار ... جزاك الله كل خير وبارك فيك ...

يعني سبب التعارض بين الي حصل ليه ونزول التحريات وبين معلومه حضرتك بعدم نزولها
المعلومات التى تخص نزول التحريات تأتى من مكتب الأمن ... وحتى لا أكون ثقيلاً لكثرة السؤال أأتى بالمعلومه من مديرية أمن .... وفى هذه المسأله بالخصوص كانت المعلومه من مديرية أمن ... فقد تكون المديرية التى منها المعلومه لم يصل لها تحرى جامعة الزقازيق ....

أخى الحبيب EMADHAMDY
ايه اخر اخبار على الساحه من ناحية التحريات الموجوده فى مكتب الامن وخاصة ازهر طنطا
تحريات جميع الجامعات ساريه ... ولكن الأمر يختلف من محافظة لمحافظة حسب وصول الملفات لها ...

أخى الحبيب الجرئ
يعنى اسأل بمكتب الامن فى الوزاره ولا المديريه اللى انا تابع ليها
إذا الملفات وصلت مديرية الأمن تابع لها يمكنك السؤال فيها ... غير ذلك فعليك السؤال فى مكتب الأمن ...

وهل ممكن اسأل فى امن الدوله عادى ولا هايقولى ما ينفعش
يمكنك السؤال فقط فى مديرية الأمن لأنها هى التى تستقبل الملفات أو تسأل فى قسم الشرطه فى وقت لاحق ...

ويعنى اكيد ان شاء الله كل الملفات فى المديريه حاليا ولا لسه فى ملفات تانيه فى دار القضاء
بكل تأكيد لا ... فلم تنزل ملفات للمديريات إلا القليل والباقى مازال قابعاً فى مكتب الأمن ...

هو حضرتك جامعه الزقازيق ورقمك 85
يشرفنى أن أكون خريجى جامعة الزقازيق ولكن لست أنا ...

أخى الحبيب حسام الدين
ايه اخبار ملفات ازهر اسيوط لسه فى مكتب الامن ولا الملفات اتبعتت المديريه؟؟
تحريات جميع الجامعات ساريه ... ولكن الأمر يختلف من محافظة لمحافظة حسب وصول الملفات لها ...

أخى الحبيب dashmala
جامعة المنوفية تحريتها هتنزل امتى يا أستاذ رامى
تحريات جميع الجامعات ساريه ... ولكن الأمر يختلف من محافظة لمحافظة حسب وصول الملفات لها ...

أختى أنوش
بخصوص ما ذكرتيه عن عدم الإتصال أولاً فهذا ليس شيئ غريب ... فأغلب الأحيان يذهب مندوب أمن الدوله بدلاً من الإتصال ... أما عن أسلوب التحرى فهذا لايظهر عليه أى نوع من أنواع تحرى جدى فى النيابات ... فمن المفترض أخذ منه بيانات العائلة مره أخرى وإعطائه وثيقة لكتابتها من جديد وتحديد له ميعاد لمقابلة ضابط أمن الدوله وغيرها من الأمور التى لم تذكريها فيما حدث ... لذلك أرجح أن تكون تلك التحريات خاصة بالجيش وليس بالنيابة ... فهذه ليس مظاهر تحرى نيابه بالمره ....

أخى الحبيب محمد المراغى
هو كام واحد اتصلوا بيه من جامعة القاهرة يا استاذ رامى
لا أعرف العدد بالضبط ولكن ليس كثيراً ....

تحريات جامعة القاهرة شغاله من امتى
التحريات بدأت مع بداية الشهر الحالى ...

واللى منزلتلوش تحريات لحد دلوقتت يبقا خلاص كده ولا يستنى لحد امتى وبعدين يروح يسال
مازال الوقت مبكر جدا على إنتهاء التحريات .... ويمكنك المتابعة فى مديرية الأمن عن وصول ملفات التحرى لها من عدمه ....

أخى الحبيب محمد 2010
رامى باشا عندك اخبار عن تحريات جامعة اسيوط
تحريات جميع الجامعات ساريه ... ولكن الأمر يختلف من محافظة لمحافظة حسب وصول الملفات لها ...

أخى الحبيب عمرو حمزاوى
طيب و خصوص جامعه بنى سويف اخبار التحريات اية نزلت ولا لسة ؟؟
تحريات جميع الجامعات ساريه ... ولكن الأمر يختلف من محافظة لمحافظة حسب وصول الملفات لها ...

أخى الحبيب mahmoud kamal
يا استاذ رامى هوا جامعه الزقازيق نزلها تحريات
ولا هما نزلوا شويه ملفات فقط
فقط عدد من الملفات لعدد من المحافظات ...

وعايز اسال جامعه الاسكندريه والزقازيق بداءت تحريتهم ولا
تحريات جميع الجامعات ساريه ... ولكن الأمر يختلف من محافظة لمحافظة حسب وصول الملفات لها ...

أخى الحبيب أحمد حسن
مش عارف بقى أعمل أيه
أمين الشرطه الذى فى مديرية الأمن وفى الأمن العام هم من أخبروك بالحقيقه بعكس ما قاله لك أمين الشرطه الذى فى أمن الدوله .... فبالفعل فى مديرية الأمن قد لم تصل الملفات لهم حتى الآن ... ولكن ما سمعته فى أمن الدوله لايمس الحقيقه ... أولاً قال لك (( قالى أنت روحت سألت ليه فى مديرية الأمن )) بالرغم أن مديرية الأمن هى أساس التحرى وهى من تستقبل الملفات قبل أى جهه تحرى أخرى وهى كذلك أخر مرحلة فى الملفات حيث أنها تكتب التقرير وترسله لمكتب الأمن .... وكذلك قال لك (( قالى أكيد شوية كده وهيبعتولك حتى لو لم يبعتولك فى أمن الدولة هيبعتولك فى القسم )) لايمكن عدم الإتصال فى أمن الدوله ... فلابد من مقابلة أمن الدوله ... أما القسم الشرطه هو الذى من المحتمل لايتصل بك إذا لم يجد مشاكل فى التحرى فيقوم بإنهاء الملف وإرسال التقرير دون علمك ....

هى تحريات نيابة العامة لدفعة 2009 هتنتهى أمتى
التحريات بصفة عامه سارية حتى أكتوبر ... ولكن هناك ملفات تنزل بحالات فرديه حتى قبل الكشف الطبى بأيام ...

وياترى لو أنا لم ينزل لى تحريات ممكن أروح التفتيش القضائى اشوف الملف الخاص بى هناك ولا لأ
ليس لك علاقة بالتفتيش القضائى .... يمكنك السؤال فقط فى مكتب الأمن عن نزول تحري لك من عدمه ....

أخى الحبيب black_cres
يعني ازااي اعرف اللي اتكتب في التقارير بتاعة التحريات؟؟؟؟
فى فترة وجود الملف بالمديريه وكتابة التقرير يمكنك السؤال فى المديرية ... أما بعد إرسال الملفات يمكنك معرفة النتيجة من مكتب الأمن ...

ولو سمحت هي تحريات أمن الدولة ممكن تستمر فترة قد ايه
هذا يعود للمحافظة نفسها ... فالأمر يختلف من مديرية لمديرية حسب إنهائها للملفات ...

أختى mona
عايزه اعرف هوه الملف دلوقتي راح فين الامن العام ولا مكتب الامن ولا القسم ولا مدريه الامن عشان والدي عايز يتابع الملف قبل ما يتكتب اي تقرير
بخصوص الملف فهو يتم إرسال نسخه منه إلى قسم الشرطه ... أما بخصوص المتابعه قبل كتابة التقرير فهذا يتم بعد إنتهاء تحريات القسم وعودة الملف لمديرية الأمن لأنها هناك يتم كتابة التقرير النهائى بالقبول أو الرفض وهو التقرير الذى ينظر المجلس الأعلى للقضاء .... وبطبيعة الحال المتابعة أثناء التحرى أفضل ....

أخى الحبيب كريم احمد
ان شاء الله لو نزلت لى تحريات هل دى تأثر مع العلم انه خد ايقاف تنفيذ
ليس لها تأثير بمشيئة الله ... فهى من ناحية ليست جريمه مخله بالشرف والأمانه ... ومن ناحيه أخرى تخص قريب من الدرجه الرابعة فهو غير مؤثر حيث يوجد إتجاه بإقتصار نتيجة التحرى على الدرجة الأولى والثانية فقط ...

وهل الامن العام ممكن يطلع الحكم ده
عند الإنتهاء من تحرى أمن الدوله يتم إرسال الملفات إلى قسم الشرطه أو الأمن العام ... والذى يقوم بدوره بالبحث عن أقاربك سواء من تمت كتابتهم أو من لم يتم كتابتهم ... وفى هذه الحاله سيتم إكتشافه ... ثم يتم التحرى عنه فى الحاسب الآلى ليجدوا عليه تلك القضيه ... ووقتها يتم إستدعائك لإعلامك بنتيجة التحرى ... لذلك أنصحك كتابة هذا القريب فى الوثيقة التى ستقوم بكتابتها من جديد فى المقابلة ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

جميل جدا التوضيح الراثع يا استاذ رامى وجزاك الله عنا كل خير 0
ولكن حضرتك بتقول ان موضوع التحرى اذن بيرجع للمحافظه فهل بدات التحريات فى محافظة الاسكندريه وله لسه لانى مش عارف حد نزله تحريات من المحافظه وشكرا0

استاذ رامى انا معرفتش اوصلك سؤالى صح السؤال كالاتى احنا صورنا وثيقة التعارف ثلاثة نسخ اى بعدد الجهات التى ستقوم بالتحرى تمام كده واحدة لامن الدولة وواحدة للمخابرات وواحدة للامن العام فى تحريات الامن العام بقى مش بيتم ارسال احدى الوثائق الى ىمصلحة الامن العام اللى هية فى العباسية اللى هية بقت مكان كلية الشرطةالقديمة وتقوم مصلحة الامن العام دى بالتحرى على من تم كتابتهم فقط ولا ايه ؟ ارجو يا رامى بيه لو معلوماتى غلط تصححلى ومليار شكر ليك يا استاذ رامى

متعرفش يا رامي الاسماعيلية وصلها ملفات نيابة عامة ولا لاء مع العلم ان انا جامعة الزقازيق بس من اسماعيلية

أختى mona
عايزه اعرف هوه الملف دلوقتي راح فين الامن العام ولا مكتب الامن ولا القسم ولا مدريه الامن عشان والدي عايز يتابع الملف قبل ما يتكتب اي تقرير
بخصوص الملف فهو يتم إرسال نسخه منه إلى قسم الشرطه ... أما بخصوص المتابعه قبل كتابة التقرير فهذا يتم بعد إنتهاء تحريات القسم وعودة الملف لمديرية الأمن لأنها هناك يتم كتابة التقرير النهائى بالقبول أو الرفض وهو التقرير الذى ينظر المجلس الأعلى للقضاء .... وبطبيعة الحال المتابعة أثناء التحرى أفضل ....

يعني حضرتك علي كلامك ان بعد امن الدوله القسم وبعدين الامن العام الترتيب ده حضرتك صحيح وهل الترتيب ده الزامي ولا ممكن يتغير

سؤال تاني بعد ازنك امن الدوله لما خلصت التقرير بتاعها بتبعته فين لمديريه الامن ومديريه الامن بتنتظر التقريرين الخاصين بالقسم والامن العام وبعدين بتكتب تقرير واحد ولا امن الدوله بيبعت الملف لمكتب الامن

شكرا على الرد يا استاذ رامي لكن انا فيه نقطة عندي مسببة لبس
أمن الدولة بيدور على اللي له انتماء سياسي محظور..
فيه حاجة تانية غير كدا بيدور عليها؟؟؟؟؟
وايه هي درجة القرابة اللي لعندهاأمن الدولة بيقف في التحريات لاني سمعت ان فيه جزء في التحريات بتكون شخصية؟
وهل لو كان أحد اقراب المرشح من الدرجة الرابعة قد رشح نفسه في انتخابات اتحاد الطلاب في جامعة- دون ان يكون له انتماء سياسي محظور- ولظروف معينة قام بسحب طلب ترشيحه هل يعد ذلك سببا لسوء التقرير اللي امن الدولة يكتبه (تم استدعاء ذلك الشخص لأمن الدولة لاجراء مقابلة مع الضابط وهذا هو سبب القلق)

اخيرا هل حضرتك تعرف محافظة دمياط نزلت لها ملفات تحريات ولا لأ

اقتباس :: يعني حضرتك علي كلامك ان بعد امن الدوله القسم وبعدين الامن العام الترتيب ده حضرتك صحيح وهل الترتيب ده الزامي ولا ممكن يتغير

حضرتك اسف اني بتدخل لكن توضيح بسيط الأمن العام هو نفسه تحريات القسم
يعني المراحل : امن دولة وبعدين تحريات القسم(اللي هي المباحث أو البحث الجنائي أو الأمن العام) بعد كدا نتيجة التحريات تروح المديرية

استاذ رامى لك منى كل تقدير واحترام على معاونتك لنا وجميع الاعضاء .... هناك اشخاص قد خص الله بهم حب مساعدة الناس ولقد خصص لهم الله من جناته واكيد حضرتك منهم باذن الله ....

استاذ رامى انا جامعة عين شمس وخلصت تحريات الادارية من شهرين كدا ونفسى اعرف اية اللى هيتم فى العامة لان لغاية دلوقتى معرفتش حد نزلة تحريات ادارية من جامعتى ونزلو عامة نفسى اعرف اعرف ازاى انا نزلى تحريات ولا لا
سؤال اخر حضرتك متعرفش عدد اللى نزلهم تحريات جامعة عين شمس وهل كانو مقدمين ادارية ونزلهم تحريات واية حكاية الموضوع دة بتاع الادارية والعامةمعلش طولت عليك بس دا لانى مش فاهم الوضع واشكرك جدا جدا جدا على زوقك

اللهم اكرمنا بالتعين فى النيابة العامة امين يارب العالمين

لو سمحت يا أستاذ رامى انا بس كنت عايزة استفسر أكتر
هو من المعتاد ومن المعروف ان كل اللى يقبل ظابط أحتياطى
بينزله تحريات وبيطلبوه فى امن الدوله كل ده عشان الجيش
ولا الموضوع ممكن يكون اكبر من كده ويكون مثلا فى شكوى فى امن الدوله لاقدر الله ولا حاجة
على العلم ان الشخص ده غير مثير للشبهات اطلاقا ده أول مرة يعرف مكان امن الدولة لما راح المرة الي فاتت

وبعد أذن الجميع اى حد عمل مقابلة امن الدولة دى او عنده علم بتفاصيلها
ياريت يتكرم ويوضحلى ايه الي بيحصل فيها بالتفصيل أرجوكم حد يساعدنى فى الاجابة على السؤال ده

بعد اذن الجميع ياريت أى حد عمل مقابلة امن الدولة او عنده علم بتفاصيلها
ياريت يتكرم ويقولى ايه هى تفاصيل المقابلة بالظبط بجد ده رجاء لجميع أعضاء المنتدى

رامى بيه لو سمحت
حضرتك الملف اما يروح المديريه بيتحرى عن الشخص صاحب الملف واقاربه وبعد كده بيبعت للقسم يتحرى عن الشخص نفسه فى محيط سكنه والا ايه الخطوات الصحيحه من خروج الملف من المكتب الى المديريه؟
و بيبلغوا المتحرى عنه بنزولها والا ممكن بعد قيامهم بالتحرى والانتهاء؟

استاذ رامى هو ممكن يتكتب تقرير فى مديريه الامن عكس الى يتكتب فى القسم يعنى لو مفيش حاجه عليا فى القسم ممكن يبقى فى حاجه فى مديريه الامن مثلا ولا ايه؟

[quote="أنوش"]بعد اذن الجميع ياريت أى حد عمل مقابلة امن الدولة او عنده علم بتفاصيلها
ياريت يتكرم ويقولى ايه هى تفاصيل المقابلة بالظبط بجد ده رجاء لجميع أعضاء المنتدى[/qu
الاخت الكريمه انوش السلام عليكم ورحمة الله وبركاته انا عملت مقابلة امن الدوله فى النيابه الاداريه اللى حصل كالاتى : اتصل بى امين شرطه من امن الدوله وقالى جايلك بكره وجهزلى وثيقة تعارف ليك هيه طبعا وثيقة التعارف اللى انتى قدمتيها فى الهيئه بس طبعا تكتبى بياناتك وبيانات الوالدين والاعمام والاخوال وابناء كل منهم انما ما تكتبيش بيانات الدخل والسكن والحاجات التانيه دى المهم جهزت الوثيقه وجانى تانى يوم اخدها وقالى هحددلك ميعاد مع الضابط فلان عشان تقابله فى خلال اربعة ايام فى خلال هذه الفتره يتم التحرى عنك وعن اقاربك سياسيا اذا ظهرت حاجه -لاقدر الله- سيتم مناقشتك فيها اثناء المقابله ولو مفيش حاجه هتكون المقابله عاديه وروتينيه جدا بس هوه ده اللى بيحصل فى المقابله بالظبط . اتمنى انى اكون قدرت افيد حضرتك وبالتوفيق لنا ولكى وللجميع باذن الله

اخى الحبيب رامى كمال . الف شكر ليك على تلك الاجابات
انا عارف ان الحمل تقل عليك , بس انت على قدر المسئوليه , وكله فى ميزان حسناتك ان شاء الله

سؤالى : الملفات القليله التى ارسلت للمحافظات هلى هى بالفعل لأشخاص لم يتم نزول لهم تحريات نيابه اداريه ؟ لأن هذه المعلومه بالفعل انتشرت .
وهناك مايقال أن من نزل له تحريات نيابه عامل لم يرسل اسمه الى محافظته لسبق التحرى عنه ؟
فكيف يعلم ؟؟ فلو لو سمحت يأستاذ رامى تتأكد لى من هذه المعلومه الغريبه

عفوا اقصد من نزل له تحريات نيابه اداريه
فعند نزول تحريات النيابه العامه ستأخذ نفس التحريات . فالوزاره . ولم يرسلوا الى المحافظه مره اخرى لسبق التحرى عنه
فارجو التأكد من صحه هذا الكلام

أ / أنوش
حضرتك أنا عملت مقابلة أمن الدولة بالنسبة للنيابة الإدارية وكانت كالتالى:
1-أتصل بى أمين شرطة فالى تشرفنا النهاردة فى ساعة معينة لمقابلة المقدم كذا .
2-ذهبت فى الميعاد قابلت المقدم سأل شوية أسئلة عادية جاوبت قالى أتفضل فقط لاغير .

لو سمحت يا رامي باشا
هل في اخبار عن باقي ملفات جامعة المنصورة؟؟؟

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009