النيابة العامة دفعة 2009

ياجماعه انا احب اطمن الناس اللى من جامعه الزقازيق وابناء الشرقيه
انا لسه سائل فى المديريه دلوقتى والظابط الى هناك قالى لسه مافيش ملفات جت للنيابه العامه وانه هما شغالين دلوقتى فى الاداريه
ولا انت ايه رأيك يارامى بيه فى الكلام ده ممكن يكون الظابط ده بيقولى كده وخلاص بس هو هايستفيد ايه لما يكذب على اريد التوضيح
وبعدين الواحد يستنى التحريات لحد امتى وبعديها لو فى حد معاه يبقى يكلمه علشان الملف لو مانزلش ينزل فيما بعد .

ياريت ياجماعه نتكلم مع بعض بكل صراحه وصدق وامانه وانه اى حد نزله تحريات نيابه عامه من الزقازيق ويكون من ابناء الشرقيه يقولنا على الصراحه وخصوصا لو كان مقدم نيابه اداريه ونزل له تحريات وخلصها وبعدين اتصلوا عليه بخصوص تحريات العامه يعرفنا ايه اللى حصل معاه بالظبط واكرر نرجوا الصدق فى الكلام .

يا استاذ رامى هى تحريات جامعة القاهرة مازالت فى النزول ولا خلاص كده بالنسبة لجامعة القاهرة يا استاذ رامى

لو سمحت يارامي باشا
حضرتك ما طمنتناش على موضوع اللي نزله تحريات ادارية مش هينزل له تحريات عامة؟؟؟؟؟؟
ورنا يكرمنا ويكرمك بالتعيين يا رامي بك

يا استاذ رامى ممكن الواحد يروح يسال فى الامن العام فى الوزاره انه نزله تحريات ولا
ولا المساله دى صعبه

رامى باشا .... أنا كان نزلى تحريات ادارية وحتى الأن لم ينزل لى تحريات العامة فهل يجب أن يكلمونى مرة أخرى للعامة أم سيكتفوا بتحريات الادارية ؟؟ ولماذا لم يكلمنى سوى أمن الدولة فقط في الأدارية ولم يكلمني أحد من المباحث ؟ وهل فى ذلك مشكلة؟

انا بخص بالشكر الاستاذ حسام الدين والاستاذ أحمد حسن
لزيادة كرمهم وردهم على سؤالى
ولكن ياريت توضحوا هذه النقطة
حضرتكوا لما عملتوا المقابلة قالوا لكم
ان هذه التحريات بخصوص النيابة الادارية
وشفتوا مستند الادارية بتاعكوا قدامه بالفعل

استاذه انوش لاشكر على واجب وكلنا اخوات
اما بالنسبه لسؤالك فانا لما كلمنى امين الشرطه قلتله دى تحريات ايه قلى نيابه اداريه ولما رحت المقابله ما شفتش اى ملفات مع الظابط وهوه سألنى اديت الوثيقه لامين الشرطه قلتله ايوه قلى كتبت كل الناس قلتله ايوه قلى ما اغفلتش حد قلتله لا قلى خلاص اتفضل بس وده طبعا يدل على انى معنديش مشاكل سياسيه اذ لو كان هناك مشاكل على حد من قرايبى كان واجهنى بيها وادينى فى انتظار المباحث اسألك الدعاء

شكر على واجب أ / أنوش
لما أتصل بى أمين الشرطة قالى دى تحريات نيابة عامة وبالطبع كان مخطئ ولما ذهبت سألت الضابط نظر فى الورق اللى أمامه قالى تحريات نيابة إدارية وقالى أنت مقدم فى أيه قلتله أنا مقدم فى الإدارية وفى العامة .
أى أستفسار تانى أنا تحت أمرك .

أ / محمود كمال
أنا روحت عشان أسال فى المديرية وطبعاً لم أتوصل لإدارة الحاسب الآلى وأتعرفت على أمين شرطة وقلتله يبحث لى عن أسمى وأتصلت بى وقالى أن أسمى غير موجود وقالى روح أسال فى الأمن العام فى كلية الشرطة القديمة وطبعاً روحت لأمين شرطة اللى مسئول عن التحريات اللى هو قالى عليه ولما ذهبت قالى أن الملفات فى الكمبيوتر يتم البحث عنها .
طبعاً سيادتك عشان تعرف قدامك حل من الأتنين الأول إنك تروح مديرية الأمن وتتعرف على أى أمين شرطة وتدفعله فلوس عشان يطلع يبحثلك عن أسمك الأ أذا كنت تعرف حد ولأن أ / رامى قال أن أجلاً أو عاجلاً هتكون أسماء الناس اللى نزلهم تحرى موجودة هناك .
الحل التانى إنك تسأل فى مكتب الأمن بوزارة العدل وعلى ما أظن أن الواحد يخاف يدفع فلوس لحد فى مكتب الأمن .
وأنا يمكن أروح الوزارة بس متردد وأحاول أسأل عشان الواحد يعرف أيه اللى حصل بالفعل .

ربنا يكرمكم جميعا بالتعين باذن الله
والله انا بدعيلكم فى كل صلاه وان شاء الله ربنا يتقبل دعايا

اتمنى ردك الصريح يااستاذ رامى على اعتبار انك ذكرت انة يتم التحرى فى الامن العام على الاسماء المذكورة بالملف وغير المذكورة وعلى ذلك انا بسالك اذا كان والد جد جدى كان لة نشاط قد يمثل خطورة علية لاقدر الله فهل سيتم التحرى عنة والوصول الية على الرغم من صلة القرابة البعيدة المدى لاقصى درجة كما ذكرت لحضرتك حيث انة ابو جد جدى فهل ممكن التحريات تبحث عنة-اتمنى اجابة صريحة وبدون مجاملة وشكرا

أخى الحبيب علاء الدين
فهل بدات التحريات فى محافظة الاسكندريه وله لسه
يمكنك السؤال فى مديرية أمن الأسكندرية عن وصول الملفات من عدمه ....

أخى الحبيب كريم احمد
ارجو يا رامى بيه لو معلوماتى غلط تصححلى
بالفعل هناك إختلاف ... ما يحدث هو أنه فى مرحلة تحرى الأمن العام يتم إرسال نسخة للمديرية قسم الحاسب الآلى لكشف الأسماء المكتوبه والغير مكتوبه طبقاً لتشابهات الاسماء ... ثم يتم إعادة الملف بالنتيجة إلى قسم الشرطه ... ومن هنا يبدأ الإتصال بك لقسم الشرطه ليخبرك بنتيجة التحرى وعن وجود أسماء غير مكتوبه فى الملف أو وجود قضايا على المكتوبين أو حتى الغير مكتوبين ....

أخى الحبيب macamico
متعرفش يا رامي الاسماعيلية وصلها ملفات نيابة عامة ولا لاء
للأسف لا أعلم ... يمكنك السؤال فى مديرية أمن الاسماعيلية عن وصول الملفات من عدمه ....

أختى mona
يعني حضرتك علي كلامك ان بعد امن الدوله القسم وبعدين الامن العام الترتيب ده حضرتك صحيح وهل الترتيب ده الزامي ولا ممكن يتغير
كما ذكر أخى الحبيب black_cres أن الأمن العان هو نفسه تحريات القسم ... أما عن الترتيب فهو بالفعل أمن الدوله ثم الأمن العام ...هذا هو الترتيب الصحيح وما يتم العمل به ....

امن الدوله لما خلصت التقرير بتاعها بتبعته فين لمديريه الامن ومديريه الامن بتنتظر التقريرين الخاصين بالقسم والامن العام وبعدين بتكتب تقرير واحد ولا امن الدوله بيبعت الملف لمكتب الامن
تقوم أمن الدوله بالتحرى سياسياً وكتابة تقرير مفصل عن نتيجة التحرى ... ثم يتم التحرى بقسم الشرطه جنائياً وكتابة تقرير مفصل عن نتيجة التحرى ... ثم يتم إرسال النتائج لمديرية الأمن لنظر التقريرين وكتابة تقريرها النهائى مختصراً وعرض الرأى بالقبول أو الرفض ...

أخى الحبيب black_cres
أمن الدولة بيدور على اللي له انتماء سياسي محظور..
فيه حاجة تانية غير كدا بيدور عليها؟؟؟؟؟
تحري أمن الدوله سياسى فقط ...

وايه هي درجة القرابة اللي لعندهاأمن الدولة بيقف في التحريات
جميع جهات التحرى تتحرى عن أقاربك حتى الدرجة الرابعة ....

تم استدعاء ذلك الشخص لأمن الدولة لاجراء مقابلة مع الضابط وهذا هو سبب القلق
لم أستطع فهم المقصود من الجمله ... هل تقصد أن ذلك الشخص تم إستدعائه فى أمن الدوله وقت تلك الواقعه أم تم إستدعائه أثناء تحرياتك .... فإذا كان الإفتراض الأول ... فمجرد الإستدعاء لأمن الدوله لايشكل خطوره إلا إذا تم عمل ملف له .... أما فى الإفتراض الثانى فيكون بالفعل بالنسبة لهم مشكوك فيه ... ولكن هذا لايعنى وجود مشكله ... فقد تكون مشكله صغيره لاتؤثر فى التقرير ... والواقعه التى ذكرتها من تلك النوعيه ... أى أنها مشاكل لاتؤثر وليس لها أهميه ....

اخيرا هل حضرتك تعرف محافظة دمياط نزلت لها ملفات تحريات ولا لأ
للأسف لا أعلم ... يمكنك السؤال فى مديرية أمن الاسماعيلية عن وصول الملفات من عدمه ....

هل في اخبار عن باقي ملفات جامعة المنصورة؟؟؟
هناك نزول متوالى للملفات ....

حضرتك ما طمنتناش على موضوع اللي نزله تحريات ادارية مش هينزل له تحريات عامة؟؟؟؟؟؟
هناك أمر بالفعل شبه ذلك فى مكتب الأمن ... ولكن هناك من نزل له تحرى نيابة إدارية وكذلك نيابة عامه ... فهناك شرط ما بخصوص وقت التحرى السابق مازلت فى تأكد من هذا الأمر ...

أخى الحبيب محمود بك
نفسى اعرف اعرف ازاى انا نزلى تحريات ولا لا
لقطع الشك باليقين يمكنك السؤال بمكتب الأمن ....

متعرفش عدد اللى نزلهم تحريات جامعة عين شمس وهل كانو مقدمين ادارية ونزلهم تحريات
عدد قليل ولكن هناك من لم ينزل له تحرى نيابه إدارية وهناك من نزل به بالفعل .....

واية حكاية الموضوع دة بتاع الادارية والعامة
هناك أمر ما بمكتب الأمن بحيث أن من نزل له تحرى نيابة إداريه لم ينزل له تحرى نيابه عامه ... ولكن هناك من نزل له الأثنين ... فهناك شرط ما من حيث مدة التحرى ومازالت فى تأكد من تلك المعلومه ....

أختى أنوش
هو من المعتاد ومن المعروف ان كل اللى يقبل ظابط أحتياطى
بينزله تحريات وبيطلبوه فى امن الدوله كل ده عشان الجيش
نعم يتم نزول تحريات لمن يتم ترشيحه ضابط إحتياط بالإضافة لمقابلات أخرى ....

ولا الموضوع ممكن يكون اكبر من كده ويكون مثلا فى شكوى فى امن الدوله لاقدر الله ولا حاجة
لايمكن بأى حال من الأحوال ... فلايوجد ما يسمى شكوى بأمن الدوله ... فهو ليس قسم شرطه لكى يقوم أى فرد بتقديم شكوى فى شخص أخر ... والشكوى كذلك يتم التحرى عنها بطريقه سريه ثم يتم إستدعائه لسؤاله عن محتوى الشكوى .... فالأمر غير مقلق بمشيئة الله ... توكلوا على الله ...

أخى الحبيب abo gouda
والا ايه الخطوات الصحيحه من خروج الملف من المكتب الى المديريه؟
عند وصول الملفات للمديريه تقوم بحصر الأسماء المكتوبه فى الوثيقه ثم إرسال نسخه التوثيقة إلى أمن الدوله للتحرى السياسى وكتابة التقرير ثم إرسال نسخة لقسم الشرطه للتحرى الجنائى وكتابة التقرير ثم إعادة التقارير لمديرية الأمن لكتابة التقرير النهائى ثم إرسال الملف لمكتب الأمن مره أخرى .... ويوجد وسط تلك الإجراءات تحرى أمن قومى ولكنه سرى ولن تشعر به .....

و بيبلغوا المتحرى عنه بنزولها والا ممكن بعد قيامهم بالتحرى والانتهاء؟
لابد من الإستدعاء فى أمن الدوله ... أما قسم الشرطه إذا وجد التحريات سليمه ولاتوجد بها مشاكل يمكنه إنهاء التحرى وإرسال التقرير لمديرية الامن دون إستدعائك ....

أخى الحبيب Ahmed_123
استاذ رامى هو ممكن يتكتب تقرير فى مديريه الامن عكس الى يتكتب فى القسم يعنى لو مفيش حاجه عليا فى القسم ممكن يبقى فى حاجه فى مديريه الامن مثلا ولا ايه؟
مديرية الأمن لاتتحرى بشكل مستقل عن قسم الشرطه ... ولكن مديرية الأمن تكتب تقريريها النهائى بناءاً على تحرى قسم الشرطه ....

أخى الحبيب prosecutor
الملفات القليله التى ارسلت للمحافظات هلى هى بالفعل لأشخاص لم يتم نزول لهم تحريات نيابه اداريه ؟
المعظم لم ينزل له تحرى نيابه إدارية ... ولكن هناك عدد ضئيل نزل له تحرى نيابة إدارية سابقاً ... فهناك شرط من ناحية الزمن ووقت نزول التحرى السابق ومازالت فى تأكد من هذا الأمر ...

وهناك مايقال أن من نزل له تحريات نيابه عامل لم يرسل اسمه الى محافظته لسبق التحرى عنه ؟
فكيف يعلم ؟؟
فى هذه الحاله يمكنه فقط العلم من مكتب الأمن ....

أخى الحبيب الجرئ
ولا انت ايه رأيك يارامى بيه فى الكلام ده
كلام صحيح ولاغبار عليه ...

وبعدين الواحد يستنى التحريات لحد امتى وبعديها لو فى حد معاه يبقى يكلمه علشان الملف لو مانزلش ينزل فيما بعد
الشهر القادم بمشيئة الله ....

أخى الحبيب محمد المراغى
هى تحريات جامعة القاهرة مازالت فى النزول ولا خلاص كده
مازال الوقت مبكر جدا على إنتهاء التحريات ومازالت فى نزول ...

أخى الحبيب mahmoud kamal
يا استاذ رامى ممكن الواحد يروح يسال فى الامن العام فى الوزاره انه نزله تحريات ولا
الأمر ليس سهلاً وتحتاج معرفه هناك ...

أخى الحبيب aly2050
أنا كان نزلى تحريات ادارية وحتى الأن لم ينزل لى تحريات العامة فهل يجب أن يكلمونى مرة أخرى للعامة أم سيكتفوا بتحريات الادارية ؟؟
ما هو يجرى حالياً أنه سيتم الإكتفاء بتحرى النيابة الإدارية دون إعلامك أو الإتصال بك ....

ولماذا لم يكلمنى سوى أمن الدولة فقط في الأدارية ولم يكلمني أحد من المباحث ؟
هناك إحتمالين ... إما لأن الوقت مازال مبكر على إنتهاء التحريات وقد يتصل بك هذا الشهر أو الشهر القادم بمشيئة الله ... وإما أن تحرياتك سليمه ولاتحتاج لمقابلة ولاتوجد مشاكل تستعدى إستدعائك فسيتم كتابة التقرير وإرساله للمديريه دون معرفتك ....

وهل فى ذلك مشكلة؟
لاتوجد مشكله إطلاقاً فهو أمر طبيعى ....

أخى الحبيب ahmed_abdoo
وعلى ذلك انا بسالك اذا كان والد جد جدى كان لة نشاط قد يمثل خطورة علية لاقدر الله فهل سيتم التحرى عنة والوصول الية
لن يتم التحرى عنه نهائياً أو إستخراج إسمه ... فعندما قلت أنه سيتم التحرى عن الأسماء المذكوره والغيرمذكوره أن هذا يعنى عدم الإلتزام بدرجة القريب ... ولكن هذا كله فى نطاق الأقارب حتى الدرجة الرابعة ... والأسماء التى أقصد أنها غير مذكوره هى أسماء من الدرجة الرابعة ولكن غير مكتوبه فى الوثيقة ... لذلك لاتقلق نهائياً وتوكل على الله ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

رامى بك ايه اخر اخبار تحريات ازهر طنطا

أ / رامى
جزاك الله كل خير طمنتنا وأن شاء الله أنا هروح أسال فى مكتب الأمن بوزارة العدل وعلى ما أظن أن الأمر ليس سهلاً ولكنى هحاول .

لو سمحت يا رامي بك ترتيب التحريات هو أمن الدولة ثم الامن العام
هل يعني البدء في الأمن العام أن تقرير أمن الدولة وتحرياتها قد انتهت اي تم كتابة التقرير وايداعه في المديرية؟؟؟؟

رامى باشا انا الحمد لله نجحت فى دبلوم القانون الخاص هل اقدم شهادة للنيابة سواء العامة او الادارية من الكلية بانى واخد دبلومة ولا مش لازمة ؟؟؟؟؟؟؟

سؤال اخر : فى دبلومة محاكم اقتصادية فى القاهرة تبع مركز تحكيم معتمدة من كلية اقتصاد وعلوم سياسية ولكن مدتها 4 ايام فقط , هل هذة تفيد فى الحياة عموما ام انها نصباية لان الدورات كلها نصب فى نصب اصلا فهل دى دورة ولا دبلومة ؟؟؟؟؟؟

والاعلان اهو
(( دبلومة المحاكم الاقتصادية ))
سعر الاشتراك بالدبلومة 400 جنيه مصري
يمنح المشتركين شهادة معتمدة من المركز الدولى للتحكيم وكذلك معتمدة
من كلية الاقتصاد والعلوم السياسية
للتسجيل والاشتراك
ت : 35861666 - 0106455551 - 0114563066 ف : 35680166 519 ش الأهرام - عمارة أركو - ميدان الجيزة

اسم المركز
المركز الدولي للتحكيم والتوفيق والوساطة والملكية الفكرية

متى سيتم الانتهاء من نزول تحريات جامعة المنصورة ؟

بسم الله الرحمن الرحيم بصراحه انا كنت بتابع المنتدى كـ زائر انما كلام الاستاذ رامى

شجعنى انى اسجل عشان اقوله ربنا يكرمك ويكتر من امثالك

لأن زى ما بنطمن على نفسنا منك لازم نطمن عليك

وانا عايز اتطمن عليك انت نزلتلك تحريات ولا لسه وانت خريج جامعة ايه ؟؟

وربنا يوفقك ويكرمك يارب

انا بقى عندى سؤال صغير

انا كنت مقدم ادارية ومانزلتليش تحريات

وانا جامعة عين شمس ومقدم عامة بردوا هل ممكن يكون لسه فيه ملفات فى مكتب الامن

تخص جامعة عين شمس ويكون مكتب الامن لسه مبعتهاش للمديرية ؟؟

ولغايه امتى بالتحديد يعنى بداية او نهاية شهر ايه لو ماتصلوش بيا اقول ان خلاص الموضوع كدا انتهى وان ماليش نصيب فى النيابة العامة ؟؟

وانا شاكر أفضالك كثيرا

شكرا رامى بيه
حضرتك الملف لو فى امن الدواله لازم يتصلوا بعد قد ايه؟
وحضرتك المديريه اول مابتبعت الملف بيبعتوا علطول القسم والا ممكن يكون فى تاخير؟
و شكرا لردود سيادتك و تعبك معانا

أ/أحمد حسن
لك يا باشا جزيل الشكر على المجهود الى انت عملته وربنا يوفقق فى الوزاره ان شاء الله وتلاقى اسمك
لس يا باشا اعايز اسال سوال
هل فى كل مدريه فى كل محافظه اداره للحاسب الالى ممكن الواحد يسال فيها
وشكرا مره تانيه
وياريت لو عرفت السمكه فى الوزاره تدلنا عليها

أ/أحمد حسن
لك يا باشا جزيل الشكر على المجهود الى انت عملته وربنا يوفقق فى الوزاره ان شاء الله وتلاقى اسمك
بس يا باشا اعايز اسال سوال
هل فى كل مدريه فى كل محافظه اداره للحاسب الالى ممكن الواحد يسال فيها
وشكرا مره تانيه
وياريت لو عرفت السكه فى الوزاره تدلنا عليها

أ / محمود كمال
لا شكر على واجب على ما أظن أن كل مديرية فيها قسم للحاسب الآلى وبالنسبة لو عايز تعرف مكان وزارة العدل اللى أنا عارفه
أن هى فى ميدان لاظوغلى فى القاهرة تقريباً تنزل محطة سعد زغلول .
ولو عايز تعرف أما أن تكون عارف حد فى المديرية أو فى مكتب الأمن بوزارة العدل أو تدفع لحد فى الوزارة أو فى المديرية وخلى بالك وشوف مين اللى ممكن يأخد ومين اللى يرفض هذا المبدأ .
ربنا يكرمنا ويسامحنا بس الواحد عايز يطمن .

ما هو الميعاد المتوقع *ان شاء الله *لانتهاء نزول التحريات _ يعنى من الاخر كده _( يفقد الامل فى العامه ويركز فى الاداريه ) ومـــــــــــــا هـــــــــى اخر اخــــــبـــــــار تـــــحريــــــات جـــــــامـــــــعـــــه اســــــــــــيــــــــوط؟ وشكرا وبالله التوفيق

ومـــــــــــــا هـــــــــى اخر اخــــــبـــــــار تـــــحريــــــات جـــــــامـــــــعـــــه اســــــــــــيــــــــوط؟

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009