النيابة العامة دفعة 2009

السلام عليكم اعضاء المنتدي والف مبروك لكل الاخوه اللي نازلهم تحريات وعقبال التعيين بمشيئه الله
استاذ رامي ليا سوال هل جامعه اسكندريه من ضمن الجامعات اللي لسه هينزلهم ملفات تانيه ولا دي من ضمن الجامعات اللي لن يتم ارسال ملفات تانيه ليها وشكرا

النهارده جالى واحد من اداره البحث وسألنى على بعض البيانات عن الاملاك وايجار الشقه وعدد الغرف ولما سالته ان المفروض تجبلى الاول تحريات من القسم قالى دى حاجه جديده بنتحرى فيها عن المتقدمبن فى العامه والاداريه وهيءه القضايا نتاكد اذا كان المرشح موظف واشتعل ولا لا؟؟
انا الصراحه اول مره اسمع عن حاجه زى كده وشاكك فى الراجل ده لانى اصلا لسه ساحب ملف هيءه القصايا من كام يوم ولسه مقدمتش الملف اصلا
وبعدين قالى جاى اتحرى اذا كنت اشتغلت ولا لا وكل اسئلته كانت عن الاملاك ومش سال عن كونى اتوظفت اصلا!
المهم انه خد وثيقه التعارف بتاعه النيابه ومشى
يا ريت حد يفيدنى عن موضوع اداره البحث ده علشان عمرى ما سمعت عنه قبل كده

الف الف مبروك للاخ الثعلب العربى

وعقبال يارب كل المنتدى لما تنزلهم تحريات

ولوسمحتو انا لية سؤال هو ممكن الواحد ينزلة امن دولة سواء فى الادارية او العامة من غير ما يعرف

وهو فى ملفات لجامعة اسكندرية هتنزل محافظة البحيرة ولا كدا خلاص

ماما كتب:

الف الف مبروك للاخ الثعلب العربى

وعقبال يارب كل المنتدى لما تنزلهم تحريات

ولوسمحتو انا لية سؤال هو ممكن الواحد ينزلة امن دولة سواء فى الادارية او العامة من غير ما يعرف

وهو فى ملفات لجامعة اسكندرية هتنزل محافظة البحيرة ولا كدا خلاص

الله يبارك فى حضرتك ويكرم الجميع يارب .
لازم امن الدولة يخطرك لو كان لاول مرة ليكى تحريات هناك وهتلاقيهم بيتصلوا بعد الساعة 12 بالليل دايما . وبتروحى تملى اسماء عيلتك كلها ويكشف عليها ويواجهك بالاسماء الى عليها مشاكل لا قدر الله لو كان عندك مشاكل .
اما لو كان نزل مثلا امن دولة ادارية وروحتى المقابلة , ونزل بعدها امن دولة عامة او مجلس فالتقرير لة صلاحية لمدة سنة و اتوماتيك كدا بيخدا نفس التقرير زى ما كان ايام الادارية و محدش بيعبرك ولا بيقولك نزل ليكى تانى ولا لا؟.
اما مسالة النزول فأعتقد ان هينزل تانى لان فى كشوف كتير وبتيجى على مراحل

ايهاب كتب:

النهارده جالى واحد من اداره البحث وسألنى على بعض البيانات عن الاملاك وايجار الشقه وعدد الغرف ولما سالته ان المفروض تجبلى الاول تحريات من القسم قالى دى حاجه جديده بنتحرى فيها عن المتقدمبن فى العامه والاداريه وهيءه القضايا نتاكد اذا كان المرشح موظف واشتعل ولا لا؟؟
انا الصراحه اول مره اسمع عن حاجه زى كده وشاكك فى الراجل ده لانى اصلا لسه ساحب ملف هيءه القصايا من كام يوم ولسه مقدمتش الملف اصلا
وبعدين قالى جاى اتحرى اذا كنت اشتغلت ولا لا وكل اسئلته كانت عن الاملاك ومش سال عن كونى اتوظفت اصلا!
المهم انه خد وثيقه التعارف بتاعه النيابه ومشى
يا ريت حد يفيدنى عن موضوع اداره البحث ده علشان عمرى ما سمعت عنه قبل كده

بص الى حصل معايا ايام امن الدولة جالى امين شرطة فى البيت وسال عليا وانى شغال ولا لا وسال على العيلة ونزل سأل فى الشارع.
اما مسالة ان حد ييجى ياخد وثيقة نيابة بتاعتك انت مصورها فدا شىء غريب وانا مش عارف دا اية بس هقولك على حاجة دا يمكن واحد قلبة مش ابيض وعايز يشوف ثغرات فى الملف ودخلك الدخلة دى والله اعلم .

الثعلب العربى كتب:

جامعة المنصورة هينزل ليها بعد 4 ايام كدا كشف جديد ودا تقريبا الاخير متضمن حوالى 10اسماء (((( الخبر صادر من مكتب الامن)))

مجموع ما نزل لجامعة المنصورة حتى الان هو 85اسم موزعة على المحافظات ولكن النصيب الاكبر لمديرية امن الدقهلية فمنها حوالى 60اسم. ((( ارقام كبيرة بس حقيقية)))

محافظة كفر الشيخ نزل فيها حتى الان 20 اسم موزعة بين جامعة المنصورة وجامعة طنطا بشكل كبير. وفى كشف جديد نزل كفر الشيخ اليوم فية حوالى 5 اسماء ليصبح المجموع 25اسم

هذا الكلام طبقا لأقاويل ظباط الشرطة فى المديرتين .

الف مبروك يا باشا فرحتلك بجد
بس كنت عايز اسال جضرتك الكشف ده من جامعة المنصورة فقط
ومفيش اخبار عن حامعة طنطا او الزقازيق
ومتعرفش فى حد من دسوق نزله تحريات هى الكشف الجديد ولا
وبما انا انت على اتصال بمكتب الامن هل فى ملفات تانيه هتنزل المحافظة ولا
وشكرا انا عرف انى بتقل عليك وانت مركز اه يا باشا

استاذ / الثعلب العربى
انت عرفت خبر نزولك التحريات من الامن العام ولا امن الدوله اتصل بيك
وشكرا مرة ثانيه

الثعلب العربى كتب:

ايهاب كتب:

النهارده جالى واحد من اداره البحث وسألنى على بعض البيانات عن الاملاك وايجار الشقه وعدد الغرف ولما سالته ان المفروض تجبلى الاول تحريات من القسم قالى دى حاجه جديده بنتحرى فيها عن المتقدمبن فى العامه والاداريه وهيءه القضايا نتاكد اذا كان المرشح موظف واشتعل ولا لا؟؟
انا الصراحه اول مره اسمع عن حاجه زى كده وشاكك فى الراجل ده لانى اصلا لسه ساحب ملف هيءه القصايا من كام يوم ولسه مقدمتش الملف اصلا
وبعدين قالى جاى اتحرى اذا كنت اشتغلت ولا لا وكل اسئلته كانت عن الاملاك ومش سال عن كونى اتوظفت اصلا!
المهم انه خد وثيقه التعارف بتاعه النيابه ومشى
يا ريت حد يفيدنى عن موضوع اداره البحث ده علشان عمرى ما سمعت عنه قبل كده

بص الى حصل معايا ايام امن الدولة جالى امين شرطة فى البيت وسال عليا وانى شغال ولا لا وسال على العيلة ونزل سأل فى الشارع.
اما مسالة ان حد ييجى ياخد وثيقة نيابة بتاعتك انت مصورها فدا شىء غريب وانا مش عارف دا اية بس هقولك على حاجة دا يمكن واحد قلبة مش ابيض وعايز يشوف ثغرات فى الملف ودخلك الدخلة دى والله اعلم .

الغريب انى لقيته راكب عربيه لما مشى
بس الراجل كام معاه ملف فيه اسماء ناس تانيه المفروض هيروحلها وقالى على اسم واحد صاحبى عارفه وسالنى عن عنوانه
عموما انا عرفت اسمه او المفروض انه اسمه وهاسال عليه كده وربنا يستر
انما الموضوع ده لم بمر

السلام عليكم ممكن لو سمحت يا استاذ رامى او احد الاساتذه الموجودين فى المنتدى تقولولى هل تم الانتهاء من جميع ملفات عين شمس يعنى تم ارسال ملفات عين شمس كلها لمكتب الامن ولا لاء وامتى افقد الامل

شكرا للاستاذ الثعلب العربى

ولو سمحت حضرتك عرفت ازاى بنزول التحريات سواء فى الادارية او العامة

ماما كتب:

شكرا للاستاذ الثعلب العربى

ولو سمحت حضرتك عرفت ازاى بنزول التحريات سواء فى الادارية او العامة

العفو احنا اخوات .
جالى تليفون الساعة 1.30 صباحا على الموبيل من رقم ارضى وقالى الو حضرتك فلان الفلانى قولت ايوة مين معايا قالى احنا امن الدولة , وانت ليك مقابلة مع الباشا بكرة الساعة 10 صباحا يا محترم. قوتلة بخصوص اية , قالى بخصوص تحريات النيابة الادارية . الحوار دا كان فى شهر 4 الى فات تقريبا فى نصة كدا .

اما عن تحريات قسم العامة
وفى نهاية شهر 7 الى فات جالى مخبرين من القسم وسالونى على العيلة واحد واحد وابناء كل اسرة و ماشين على استنطبة واحدة اسم قريبك ومحل ميلادة وتاريخ ميلادة و العمل والمؤهل و الحالة الاجتماعية والديانة و بعد كدا زوجتة ونفس الاسطنبة تانى عليها وبعد كدا لو فى اولاد.
بعد ما خلصوا نزلوا الشارع وسالوا عليا وعلى الناس الى فى الكشف و راحوا سالوا عند بيوتهم كمان.
بعدها راحوا سالوا عليا فى قهوة كدا فى اول البلد وسالوا القهوجى و 2 شباب فى سنى .
وطبعا جميع محلات الشارع والمنطقة كلها تم سؤالهم.

وظابط المباحث كلمنى وقالى عايز بعض الاوارق زى قيد عائلى للجدين وقيد عائلى للاب وشهادة الكلية و صحيفة احوال مرتب الوالد ومهنتة وكدا والوالدة برضوا وكشف حساب البنك و الافادات الزراعية .وبصراحة كان راجل ذوق وعسل وقعد يقولى ربنا يوفقكك كتير.

بعد كدا عرفت ان التقرير بتاع القسم كان حلو وراح المديرية وفضلت متابع هناك واتصل بيا رئيس القلم الجنائى المسؤل عن التحريات وراجع الملف معايا .

اما تحريات قسم الادارية فنزلت لوحدها اتوماتك بعد العامة .
وتحريات امن الدولة فى العامة معرفش نزلت امتى ومحدش عبرنى خالص بس هى اكيد نزلت بعد امن دولة الادارية فاكيد خدوها اتوماتيك.

mahmoud kamal كتب:

[quote=
الف مبروك يا باشا فرحتلك بجد
بس كنت عايز اسال جضرتك الكشف ده من جامعة المنصورة فقط
ومفيش اخبار عن حامعة طنطا او الزقازيق
ومتعرفش فى حد من دسوق نزله تحريات هى الكشف الجديد ولا
وبما انا انت على اتصال بمكتب الامن هل فى ملفات تانيه هتنزل المحافظة ولا
وشكرا انا عرف انى بتقل عليك وانت مركز اه يا باشا

ربنا يخليك يا باشا وعقبال الجميع يارب .
الى اعرفة ان فى كشف جديد نزل فى مديرية امن كفر الشيخ, اما مسالة المراكز فمعرفش بجد بس انت روح مديرية امن كفر الشيخ واسال على المقدم اشرف النويشى هو المسؤل عن التحريات وقدامة جميع الاسماء الى نزلتهم تحريات سواء عامة او ادارية وهو راجل محترم جداااااا روحلة واسالة ان ليك تحريات ولا لا وخد معاك البطاقة وانت مش محتاج حد يكلمة وتقدر تروح لوحدك عادى جدا .
انا والله مش على اتصال بمكتب الامن انا بس جاتلى المعلومة من مستشار بمحض الصدفة بس الى اعرفة ان فى نزول متوالى للملفات ولسة شوية على انتهاء النزول.

اما المركز فانا مركز بيلا

mahmoud kamal كتب:

استاذ / الثعلب العربى
انت عرفت خبر نزولك التحريات من الامن العام ولا امن الدوله اتصل بيك
وشكرا مرة ثانيه

القسم بعتلى علشان يتحرى لان مكنش ليا نزلى ادارية .
اما امن الدولة فمعبرنيش خالص بس اكيد علشان كنت هناك فى امن الدولة بتاع الادارية .
غير كدا وكدا انا كنت بسأل اصلا كل شوية ليا تحريات ولا لا فى المديرية وهما متعاونين جدا جدا , العفو يا باشا احنا اخوات وانا تحت امرك

ايهاب كتب:

الغريب انى لقيته راكب عربيه لما مشى
بس الراجل كام معاه ملف فيه اسماء ناس تانيه المفروض هيروحلها وقالى على اسم واحد صاحبى عارفه وسالنى عن عنوانه
عموما انا عرفت اسمه او المفروض انه اسمه وهاسال عليه كده وربنا يستر
انما الموضوع ده لم بمر

بص انت تروح القسم وتطلع على المديرية تسال على اسم الامين واحسن ناس تفيدك هما امناء الشرطة زمايلة .
ويمكن يكون اجراء جديد ودا عادى جدا منا حصل معايا فى امن الدولة ان الظابط مسك موبيلى وقعد يقلب فى الاسماء كلها وفى الرسائل والصور .
وحصل مع زميل ليا كان مسجل اسم واحد وكاتب جنبة رتبة مقدم فالظابط قالة كلم المقدم دا وعادى.
وحصل مع زميل ليا ان موبيل رن فالظابط رد وقعد يتكلم مع الى اتصل.

الاخ Ahmed_123
الاخ خالد كامل

لسة بدرى على انتهاء التحريات ونزولها وفى كشوفات جديدة كل شوية بتنزل لجميع الجامعات

تابعوا فى المديرية باستمرار وان شاء الله التحريات نازلة

والله يا استاذ الثعلب العربى حضرتك ذوق قوى وعامل للمنتدى جو اسرى جميل .

ومعلش هتقل عليك وعلى الاخوة اعضاء المنتدى واسال عن اخبار ملفات للبحيرة تابعة لجامعة الاسكندريةلان انا بصراحة معنديش اى مصدر للمعلومات غير العتماد على الله و الاخوة فى هذا المنتدى

ورمضان كريم ويعيدة على الكل بخير وسعادة .

ماما كتب:

والله يا استاذ الثعلب العربى حضرتك ذوق قوى وعامل للمنتدى جو اسرى جميل .

ومعلش هتقل عليك وعلى الاخوة اعضاء المنتدى واسال عن اخبار ملفات للبحيرة تابعة لجامعة الاسكندريةلان انا بصراحة معنديش اى مصدر للمعلومات غير العتماد على الله و الاخوة فى هذا المنتدى

ورمضان كريم ويعيدة على الكل بخير وسعادة .

ربنا يكرمك يا رب ويخليك ويوفق الجميع .اكيد رامى باشا عندة معلومة وهيرد عليكى هو بجد افضل واحد فى الردود و معلوماتة دايما صحيحة بنسبة 100%

لا اله الا انت سبحانك اني كنت من الظالمين

السلام عليكم اعضاء المنتدى الكرام احب اقوليلكم رمضان كريم وكل عام وانتم بخير والف مليون مبروك لكل من نزل له تحريات وياريت ياجماعه اى حد عرف حاجه جديده عن جامعه الزقازيق والخاصه بمحافظه الشرقيه يعرفنا ايه اللى حصل بعد ال45 ملف الى ايجو لفرع الامن العام فى نهايه الشهر الماضى وربنا يقدم اللى فيه الخير واحب اسأل الاستاذ رامى ياترى لسه فيه ملفات لجامعه الزقازيق فى مكتب الامن العام ولا كده خلاص نستعوض ربنا فى القصه دى وربنا يتولانا بقى ونتشتغل فى المحاماه لان الواحد قاعد لمده سنه اهوه مابنعملشى اى حاجه وياريت ياجماعه لو اى حد عرف حاجه يقوليلنا بصدق وامانه لان الواحد اعصابه تعبت وربنا يبلغنا ان شاء الله رمضان ورمضان اللى بعديه يكون كل واحد حقق حلمه اللهم اكرمن بالتعيين واسف جدا على الاطاله استودعكم الله

كل سنة وجميع المنتدى بخير ورمضان كريم وخاصة للاستاذ رامى كمال
ولجميع الاخوة الموجودين
واللهم بحق هذه الايام المفترجة اكرمنا بالتعيين فى النيابة العامة
امين يارب العالمين
بالله عليكم ادعولى ياشباب
ويارب كل الناس ربنا يوفقها ويكرمها بالتعيين فى النيابة العامة

ياجماعة اى حد جامعة عين شمس
قسم مصر الجديدة ونزله تحريات ياريت يقولى
ويخليه معايا

السلام عليكم
هذه اول مشاركه لى مع حضراتكم لكنى متابعكم منذ البدايه
وان شاء الله استمر فى المشاركه
عندى استفسار ارجو من اصحاب الخبره ان يفيدونى فيه
انا الحمد لله تقديرى جيد جدا جامعه المنصوره
ربنا كرمنى بفضله ونزلى تحريات نيابه اداريه ونيابه عامه
لكن لما نزلى تحريات النيابه العامه حصل حاجه مكنتش متوقعها نهائى وتعبانى نفسيا جدا وقلقانى
انا ليا زوج عمتى رجل يبلغ من العمر 73 عام وتزوج عمتى من 8 سنوات فقط يعنى وعمره 65 سنه ولم نكن نعلم عن ماضيه شىء
فجاه فى التحريات لقيت ان الشخص ده عنده قضيتين مخدرات كبار مش قايا قليله لكنهم من سنه 1968 و 1970 ومكتوب جمبهم انه توقف عن النشاط
طبعا انا اتصدمت لما شفت الكلام ده ونفسيتى تبعت جدا جدا
مع العلم هذا الشخص متزوج عمتى من 8 سنوات بس ولم ينجب منها اى اولاد

هل هيكون تاثيره قوى على تحرياتى مع العلم انه زوج عمه وليس خال او عم
وهل ممكن بتدخل واسطه مع العلم ان الله هو صاحب الفضل ولكن قد يجعلها سبب تعدى موضوع الراجل ده؟
خصوصا انى اساسا مليش علاقه بيه ومعرفتى بيه انا ووالدى واقرابى سطحيه هو رجل مسن يبلغ 75 سنه
وهذه القضايا من 30 سنه واكتر
انا كده فرصتى ايه وهل تقديرى هيسعدنى خصوصا ان الحمد لله لا يوجد اى شخص نهائى فى العائله ليه اى سابقه سوى هذا الرجل
جزاكم الله خير

ادعى ربنا وملكش دعوى باى حاجة تانية
واود اجابات على بعض الاسئلة
والدك ووالدتك شغالين ايه
انت قسم عربى ولا انجليزى
اخواتك مؤهلاتهم ايه وشغالين ايه
عمتك اللى جوزها كده وضعها الاجتماعى ايه مؤهل عمل خلافه .......