النيابة العامة دفعة 2009

ايهاب كتب:

دلوقت انا مريت بكل مراحل التحريات قى الاداريه لكن مفيش اى حاجه جانلى بخصوص العامه حتى الان؟؟
هل يشترط انهم يتصلوا بيا يعرفونى بتحريات العامه حتى لو مريت بكل التحريات فى الاداريه ولا بيطنشوا؟؟
يعنى طالما مش اتصلوا بيا بخصوص تحريات العامه بقى انا اوت ولا بيعتبروا تحريات الاداريه تجب؟؟

عادى جدا لان العامة بتاخد من الادارية , انا منزليش امن دولة فى العامة لان كان نزلى فى الادارية.
وكل زمايلنا كدا عادى جدا. بس انت اسال فى المديرية بتاعتك انت نزلك عامة ولا لا لان بجد محدش هيتصل بيك طالما عملت تحريات ادارية قبل كدا .

تحريات الامن القومى بتنزل الايام دى لمعظم الناس الى نزلتهم تحريات فى العامة
معظمها نزل وفى ناس حست بيها وناس محستش

السلام عليكم اشكر كل العاملين بهذا المنتدى على هذا المجهود الرائع

انا نزلتلى تحريات ونزلم البلد بس مفيش حد ارسلى بذلك ولكن انا علمت كل شىء عن ذلك عن طريق عميد شرطه صديقى حتى اخبرنى بان التحريات انتهت وارسلت ولكن لم ترسل لى للتناقش معى واخبرت الان ان اسمى فى المجلس الاعلى للقضاء من اشخاص موثوق فيهم ارجوا منكم الافاده اكثر ولكم جزيل الشكر

ابوسلامه كتب:

انا نزلتلى تحريات ونزلم البلد بس مفيش حد ارسلى بذلك ولكن انا علمت كل شىء عن ذلك عن طريق عميد شرطه صديقى حتى اخبرنى بان التحريات انتهت وارسلت ولكن لم ترسل لى للتناقش معى واخبرت الان ان اسمى فى المجلس الاعلى للقضاء من اشخاص موثوق فيهم ارجوا منكم الافاده اكثر ولكم جزيل الشكر

االف مبروك ياباشا انت نزلتك تحريات ادارية ولا مقدم عامة بس وانت جامعة ايه ياباشا وعقبال الكشف الطبى انشاء الله

ابوسلامه كتب:

انا نزلتلى تحريات ونزلم البلد بس مفيش حد ارسلى بذلك ولكن انا علمت كل شىء عن ذلك عن طريق عميد شرطه صديقى حتى اخبرنى بان التحريات انتهت وارسلت ولكن لم ترسل لى للتناقش معى واخبرت الان ان اسمى فى المجلس الاعلى للقضاء من اشخاص موثوق فيهم ارجوا منكم الافاده اكثر ولكم جزيل الشكر

االف مبروك ياباشا انت نزلتك تحريات ادارية ولا مقدم عامة بس وانت جامعة ايه ياباشا وعقبال الكشف الطبى انشاء الله

الف مبروك للاستاذ ابو سلامة
وسؤالى هو مفيش حد بعتلك خالص لا امن دولة ولاحتى بحث جنائى وهى تحريات العامة ولاالادارية

ياجماعة انا عايز اسال هى مرحلة تصفية الملفات واختيار من يتم نزول الكشف الطبى لهم بيتم عن طريق اللجنة السباعية باكملها ولا بعضهم وهل بيتم تحديد كل من يتم الموافقة بنزول الكشف الطبى لهم فى جلسة واحدة ام فى عدة جلسات وهل فى هذة المرحلة بيتم الاستعانة بواسطة بردو من اجل ترشيح الملف للكشف الطبى ام انا الاجتياز للكشف الطبى بيتم عن طريق مجموع الدرجات اللى حصل عليها المرشح فقط الاعلى فالاقل ولا دخل للواسطة بهذا الشان وهل فعلا لو دة صحيح ان اللجنة السباعية فى مرحلة تحديد من يتم نزول الكشف الطبى لهم بتجتمع يوميا لان دة بيفرق لان لو الواحد هيكلم حد يوصى علية فان تتابع الجلسات هيفيد لان اللى هكلمة يلحق يتدخل اما لو العدد بيتحدد فى جلسة واحدة فمن الصعب ان الواحد يوصى حد لان المجلس السباعى مش هيبقى معروف ميعاد اجتماعة وبيكون فجائى واذا اجتمع هيكون الامر تم ومفيش فية رجوع ودة فى حالة تحديد المرشحين للكشف الطبى فى جلسة واحدة فقط وسؤال اخر هل للواسطة دور فى انها تجعل المجلس السباعى يتغاضى عن بعض القضايا التى قد تكون مكتوبة بالتقرير الامنى العام اللى سبق ووضحتها انها اتحكم فيها بالبراءة واخرى اتحفظت بالصلح ولايوجد ادانة باى منها--ارجو التوضيح-- اما بالنسبة للناس اللى بتتكلم على الامن القومى فانا نزلتلى تحريات الامن القومى هنا فى البيت وقعدوا معايا وناقشونى فى حاجات كدة وكتب التقرير قدامى وكان زى الفل لان الراجل طلع يعرفنا من قبل مايجيلى بس من بعيد اووووووووى لدرجة انة يعرفنا عن طريق ان اخوة زميل لامى بالعمل فى مدرسة ابتدائية واحنا منعرفوش الا لما عرفنا بنفسة ولكن نعرف زميل امى دة طبعا لانة تقريبا كان جاى وهو متحرى عنى وبدليل انة كتب تقرير جامد جدا قدامى وكان راجل لة وضعة ومش مخبر علشان الناس تعرف ومتجربوش تعرضوا علية فلوس لانة لة وضعة زى ماقولت ومش مخبر ومش هيقبل حاجة من دى ودة اللى حصل معايا وكان من تلاتة اسابيع تقريبا او اكثر وشكرااااااا والله المستعان

بموافقة سبعة اعضاء من المجلس
فى نفس الجسة اللى انت بتمتحن فيها بعد ما بتخرج بيشوفوا كام واحد ادولك وبيسجلوها فى كشف بيكون فى حوزة النائب العام
والواسطة مطلوبة فى جميع المراحل
والواسكة بعد توفيق الله ليها دور فى التغاضى عن بعض الملاحظات الامنية

الى الاخ ahmed_abdoo

فى البداية يتم تحديد مين الى هينزلة تحريات بناء على الدرجات الى انت ختها يوم مقابلتك السباعية وبتكون درجات على مظهرك وشكلك و طريقة كلامك وثقتك فى نفسك والوجاهة وطبعا يضعون فى الاعتبار وضعك المالى والاجتماعى .
ثم بعد انتهاء التحريات يتم فحص التقارير لمن نزلهم تحريات ويضعون فى الاعتبار الوضع المالى والاجتماعى وطبعا الامنى والسياسى.
ويوجد اتجاة بالتركيز على الوضع الاجتماعى لاسرتك البسيطة المكونة من الوالد والوالدة والاخوات.
اما مسالة يوم الاختيار فبتكون على كذا مرحلة لان صعب جدا التناقش حول تعيين 500 شخص مثلا فى يوم واحد.
لو كان معاك واسطة بقى فدورها : اولا تنزيل تحريات ليك فى السباعية ويمكن انت تنزلها لنفسك بدون وسايط
ثانيا: متابعة النحريات لك ويفضل الاستعانة بظابط شرطة فى المرحلة دى.
ثالثا: عند وجود التصفية الاخيرة تحاول الواسطة ان تعليك وتعلى ملفك.
رابعا: لا قدر الله لو بتشرب مخدرات الواسطة مش هتقدر تنقذك.

ملحوظة: عند اجراء التصفية وكان ملفك ضعيف فصعب جدا على اى واسطة انها تفيدك لان المرحلة دى عليها رقابة بعد كدا من الطعون الى بتتقدم والقضايا الى بتترفع.كما ان دى اصعب المراحل و الاساس التى تسرى علية هو قوة ملفك وعيلتك ووضعك الاجتماعى والمالى وتحرياتك

الف شكر للاستاذ ثعلب العربى بس انا عايز اسال هل من ضمن تلك الدرجات اى درجات وضعت فى مقابلة المحامى العام ام ان تلك المقابلة ليس لها درجات ضمن مجموع تلك الدرجات- ملحوظة-اللى فهمتة منك يااستاذ ثعلب ان الواسطة فى مرحلة التصفيات يكون دورها محدود ويكاد يكون ليس لة قيمة على اعتبار انة يتم الاختيار بناءا على الدرجات الاعلى فالاقل ويقتصر دورها على التغاضى عن بعض الملاحظات الامنية فقط ام ماذا اما بالنسبة لتلك الرجات التى توضع على الوضع الاجتماعى والمادى والمظهر وغيرة التى تم وضعها فى مقابلة اللجنة السباعية فكيف تم وضعها لان المقابلة لم تستغرق اربع ثوانى فكيف تم دراسة تفاصيل تلك الملف على الرغم من اننا عشرة بندخل مع بعض واول مابنطلع بيدخل عشرة تانى ورانا بسرعة فعلى اى اساس تم وضع تلك الدرجات وشكرااااااا

يعنى الخلاصه ممكن يكون نزلى تحريات رغم عدم الاتصال اعتماداعلى تحريات الاداريه؟

shmys كتب:

يا جماعة هل فى دفعة تكميلية للنيابه العامه هتفتح بعد العيد يا ريت اللى عنده معلومه يفيدنا

مفيش دفعة تكميلية .
فى اخطر من التكميلية وهو دفعة حقوق المنوفية شعبة تعليم مفتوح : بجد حرام على الى صنع القرار دا بجد حرام علية . دلوقتى اى حد جايب مقبول يقدر يدخل يحسن ويجيب جيد فى جامعة المنوفية وطبعا ولاد البشاوات هيروحوا كلهم والمشكلة ان بيخدوا شهادة انهم خريجى دفعة السنة الى بيحسنوا فيها يعنى مثلا بيتخرج وهو دفعة 2011 وبيقدم مع زمايلة خريجى 2011 الى هما الى نجحوا طبيعى واصغر منة سنا وطبعا لكل جامعة نسبة معينة وطبعا الى جاى بيحسن دا بيكون ابن مستشار مثلا فيتاخد نيابات اما الدفعة العادية فمحدش هينجح منهم غير نادرا لان لكل جامعة نسبة معينة.

ايهاب كتب:

يعنى الخلاصه ممكن يكون نزلى تحريات رغم عدم الاتصال اعتماداعلى تحريات الاداريه؟

يمكن , ويمكن كمان متحسش بالامن القومى .
عايز ترتاح : روح مديرية الامن واسال هناك وخد معاك البطاقة وهما هيطلعوا كشف فية كل اسماء الناس الى نزلتلهم فى محافظتك.
روح لوحدك مش مهم الواسطة ولا مهم تاخد حد معرفة لانهم هيتعاملوا باحترام جدا معاك وهيقولولك الحقيقة اما لو خدت حد معاك فممكن يتحرجوا يحرجوة ودا حصل مع واحد صحبى.

ahmed_abdoo كتب:

الف شكر للاستاذ ثعلب العربى بس انا عايز اسال هل من ضمن تلك الدرجات اى درجات وضعت فى مقابلة المحامى العام ام ان تلك المقابلة ليس لها درجات ضمن مجموع تلك الدرجات- ملحوظة-اللى فهمتة منك يااستاذ ثعلب ان الواسطة فى مرحلة التصفيات يكون دورها محدود ويكاد يكون ليس لة قيمة على اعتبار انة يتم الاختيار بناءا على الدرجات الاعلى فالاقل ويقتصر دورها على التغاضى عن بعض الملاحظات الامنية فقط ام ماذا اما بالنسبة لتلك الرجات التى توضع على الوضع الاجتماعى والمادى والمظهر وغيرة التى تم وضعها فى مقابلة اللجنة السباعية فكيف تم وضعها لان المقابلة لم تستغرق اربع ثوانى فكيف تم دراسة تفاصيل تلك الملف على الرغم من اننا عشرة بندخل مع بعض واول مابنطلع بيدخل عشرة تانى ورانا بسرعة فعلى اى اساس تم وضع تلك الدرجات وشكرااااااا

العفو يا اخى احنا اخوات . بالنسبة لمقابلة التفتيش فهى مقابلة روتينية الغرض الاساسى منها هو معرفة هل لك فى اقاربك مستشار ام لا.وبيتعمل فيك تقرير بيروح للجنة السباعية لو ليك فعلا قريب مستشار بيحطوا التقرير فى الاعتبار اما لو مكنش ليك فبيكبروا.
ومتنساش ان فى التفتيش كان المستشار قدامة ورقتين كمبيوتر كاتب فية مهن الوالد والوالدة والجدين والاخوال والخالات والاعمام والعمات. ولو الوالد مش متعلم بيكتب كدا فى تقريرة والسباعية بتشوفة علشان متنزلكش تحريات. وزى تعليم الوالد بييجى مهنته برضوا. ويتم تنحى تعليم الوالدة الان لعدم اهميتة ليظهر فى التصفية بعد السباعية.

انت لما بتدخل السباعية اصلا بيكون ملفك مفتوح قدام المستشارين و بيكونوا راى عنك قبل ما تدخل ومن الاخر كدا ولا شكلك ولا مظهرك هيفرق ولا انت مهم اصلا عندهم ولا اجابتك مهمة.
بيبص فى اقاربك مستشار ولا لا , ودرجة قرابة المستشار اية وطبعا لازم تكون من الاعمام او الاخوال او الوالد.
وانت بتجاوب كل مستشار قاعد بيكتب درجات فيك مثلا خدت فى المظهر 6 من 10
متستغربش انت خدت 6 وانت شيك جدا وشكلك وجية طبعا هتسال على باقى الدرجات , دى بقى بتتحط بعد خروجك اصلا وبعد ما الشباب تروح . يعنى 6 بتترفع الى 10 او 9 من 10 لو معاك واسطة او اقاربك مستشارين.
وباقى درجات بتتوزع كدا وبعدها بتتظبطت.

اما فى مرحلة التصفية الاخيرة بعد نزول التحريات : طبعا الوضع الجنائى والسياسى والميول الدينية والسياسية بتتحط فى الاعتبار علشان كدا لازم تكون شايف ظابط يتابعلك التحريات.
دى اول خطوة بتطير .
الخطوة التانية: تعليم الوالد بجد لو مش مؤهل عالى يبقى انسى .
الخطوة التالتة: مين قريبك المستشار دا لو ليك قريب . وهل كان عامل مشاكل ام لا؟
الخطوة الرابعة: وضعك الاجتماعى و تعليم اخواتك
الخطوة الخامسة: وضعك المالى
الخطوة السادسة: تعليم الوالدة
الخطوة السابعة: تقدير حضرتك فى الكلية.


طبعا انت اكيد مضايق ان التقدير بقى اخر خطوة وتحس انة مش مهم , وبرضوا لو انت ربنا اكرمك بدبلومة متفرقش عندهم اصلا .
والواسطة بتحاول فى مرحلة التصفية دى عمل اى شىء بس بيكون صعب جدااااااااااااااااااااااا لان الى بيفيدك هو قوة ملفك بجد.

الف شكر يااستاذ ثعلب على معلوماتك المفيدة دى جدااا وواضح انك عندك خبرات كبيرة بالموضوع دة وانا فهمت كدة فى مقابلة المحامى العام سر وقوفة عند خالى وهو رئيس نيابات النقض الجنائية وسؤالة هل خالى دة شقيق لوالدتى ولا لا حتى انى استغربت هو بيسال كدة لية على الرغم من انة راجع بقيت اسماء الملف الاخرى معايا بسرعة جدا وبدون توقف والخلاصة من اللى فهمتة منك ان المقابلة دى مالهاش درجات ولكن بيطلع منها تقرير للجنة السباعية بتوضيح بعض النقاط التى تهمهم فقط-والف شكر ياباشا

ahmed_abdoo كتب:

الف شكر يااستاذ ثعلب على معلوماتك المفيدة دى جدااا وواضح انك عندك خبرات كبيرة بالموضوع دة وانا فهمت كدة فى مقابلة المحامى العام سر وقوفة عند خالى وهو رئيس نيابات النقض الجنائية وسؤالة هل خالى دة شقيق لوالدتى ولا لا حتى انى استغربت هو بيسال كدة لية على الرغم من انة راجع بقيت اسماء الملف الاخرى معايا بسرعة جدا وبدون توقف والخلاصة من اللى فهمتة منك ان المقابلة دى مالهاش درجات ولكن بيطلع منها تقرير للجنة السباعية بتوضيح بعض النقاط التى تهمهم فقط-والف شكر ياباشا

العفو يا باشا احنا اخوات وانا تحت امرك فى اى وقت.
عليك نور اى حد فى اقاربك تبع سلك النيابة او القضاء لازم يقف عندة ودا الى حصل مع كل المتقدمين من الدفعة لو ليهم اقارب مستشارين.
وربنا يكرمك ويكرمنا كلنا بالتعيين

هى التصفيه امتى شهر 11 ولا 12

spy كتب:

هى التصفيه امتى شهر 11 ولا 12

الله اعلم بالميعاد الدقيق ولكن المتوقع ودائما بيكون بعد منتصف شهر11

ولكن خذ فى الاعتبار ان هيكون فى عيد اضحى مبارك وفى انتخابات وتقريبا هيكون فية اشراف قضائى السنادى فى انتخابات مجلس الشعب

اللهم اكرمنا جميعا بحق هذا الشهر الكريم

(ولاتيئسو من روح الله)

هو لازم يتصلو بكل اللى نزلو تحريات ولا ممكن تكون من خلال الحاسب الالى فقط؟

اللى مقدم نيابة عامة فقط ونزلو تحريات لازم يتصلو بيه؟

انا خريج شرعه وقانون 2010 وهدخل درسات عليا فى الكليه وجاستير ودكتوراه ان شاء الله فهل هتفدنى لو اتعينت وكيل نيابه ولو هتفدنى الافضل انى اعملها فى القانون او الشريعه مثلا فى أصول الفقه وله لا يوجد فرق بينهم
انا بتكلم بعد ما اصبح وكيل نيابه
لان ده الى هيحددلى اى قسم ادخله وجزاك الله خيرا

أمتي الأسماء هترجع تانى دار القضاء لأختيار من سينزلهم كشف طبى؟