النيابة العامة دفعة 2009

اين الاستاذ رامى لعل المانع خير؟

hitmanamr كتب:: انا خريج شرعه وقانون 2010 وهدخل درسات عليا فى الكليه وجاستير ودكتوراه ان شاء الله فهل هتفدنى لو اتعينت وكيل نيابه ولو هتفدنى الافضل انى اعملها فى القانون او الشريعه مثلا فى أصول الفقه وله لا يوجد فرق بينهم
انا بتكلم بعد ما اصبح وكيل نيابه
لان ده الى هيحددلى اى قسم ادخله وجزاك الله خيرا

اهلا بيك يا اخى معانا فى المنتدى
الماجستير والدكتوراة مفيدين ليك سواء اتعينت ام لا
فى حالة تعيينك يفيدك فى السفر للخارج والدكتوراة افضل من الماجستير.كما انك لو حصلت على الدكتوراة تقدر تاخد اجازة من القضاء وتشتغل فى التحكيم او لو حبيت تسيب القضاء فى المستقبل.
كما ان القضاة المصريين حملة الدكتوراة يقدرون على العمل فى الدول الخليجية فى مراكز تحكيم بالتنسيق مع وزارة العدل المصرية.
وانصحك بالتحضير فى الشريعة لانك خريج شريعة وقانون , كما ان دول الخليج تريد هذا التخصص كثيرا وعلى رأسهم السعودية

aly2050 كتب:: أمتي الأسماء هترجع تانى دار القضاء لأختيار من سينزلهم كشف طبى؟

الاسماء الان جزء كبير منها اصبح فى مكتب الامن لانتهاء التحريات
وباقى الاسماء فى خلال الايام هتكون فى مكتب الامن
وبعدها يتم ارسالها الى دار القضاء للمناقشة

الثعلب العربى كتب:

aly2050 كتب:: أمتي الأسماء هترجع تانى دار القضاء لأختيار من سينزلهم كشف طبى؟

الاسماء الان جزء كبير منها اصبح فى مكتب الامن لانتهاء التحريات
وباقى الاسماء فى خلال الايام هتكون فى مكتب الامن
وبعدها يتم ارسالها الى دار القضاء للمناقشة

افهم من حضرتك كده ان خلاص مفيش اسماء تانيه هتنزلها تحريات ؟؟؟؟؟؟؟؟؟؟؟

السلام عليكم ورحمه الله وبركاته ..
يا جماعة ليا سؤال ..
أنا دلوقتى خلصت الكليه السنة دى حقوق القاهرة بتقدير عام تراكمى جيد وان شاء الله ناوى اقدم على النيابة العامة وطبعا كل شيء بارادة الله سبحانه وتعالى ولو مكتوبالى ان شاء الله هدخلها غصب عن اى حد ولو مش مكتوبالى لو عملت ايه مش هدخل لكن الانسان برضه لازم ياخد بالاسباب ويسعى وعلشان كده انا الحمد لله عندى توصية كاخذ بالاسباب وهو راجل حبيبنا وشغال رئيس نيابه وكده ف عايز اعرف هل رئيس نيابة ممكن يخدم ولا لما يكون مستشار افضل وكمان الحمد لله والدى مؤهل عالى ووالدتى دبلوم تجاره بس علشان هيا كبيرة فى السن يعنى ف الدبلوم زمان كان حاجه كبيرة مش سهله يعنى والحمد لله اخواتى كلهم دكاترة وصيادله وكده ف عايز اعرف ايه احتمالات دخولى باذن الله طبعا وكمان عايز اعرف فيه حاجه ممكن اعملها من دلوقتى كاستعداد وكده يعنى ولا لسه بدرى على الكلام ده وكمان عايز اعرف هو لازم يبقه ليك مبلغ كير فى البنك باسم والدك كمركز مالى يعنى ولا مش مهم الموضوع ده وكمان عايز اعرف ابن خالتى جتله تحريات نيابه اداريه حاليا فمعنى كده خلاص انه ان شاء الله داخل ولا لسه فيه حاجه تانيه
وكمان حاجه تانيه انا عايز اعرف اختار من بين اتنين كتوصيه مين افضل رئيس نيابه ولا مستشار دولى ولا عادى اخلى الاتنين يمشوا معيه فى الحوار وزياده الخير خيرين ياريت تفيدونى علشان انا الموضوع ده شغلنى شوية وطبعا فى الاخر انا مقتنع جدا بانه اللى ليا نصيب فيه هاخده وربنا يوفقنا جميعا
شكررررررررررررررررررا

وكمان معلش عايز اعرف هو السنة ان شاء الله هينزلوا اعلان امتى عن فتح باب التقدم للنيابه العامة فى شهر ايه تقريبا يعنى
معلش طولت عليكم
شكررررررررررررا

الاعلان انشاء الله شهر يناير القادم

طب بالنسبة للكلام اللى سألت عليه ؟؟

نفهم منكلام الاستاذ الثعلب العربى بانالملفات فى دار القضاء ان التحريات قد انتهت

محدش معيا خالص pale

يا استاذ besooo_2007
المسول عن الموضوع ده و يقدر يجاوبك بطريقه صحيحه استاذ رامى واول ما يدخل هايرد عليك
ربنا يوفئك

ماشى ياريس شكرا ليك

ماما كتب:: نفهم منكلام الاستاذ الثعلب العربى بانالملفات فى دار القضاء ان التحريات قد انتهت

التحريات انتهت لمن نزلة امن قومى .

ولكن يوجد بعض الاسماء لسة شغالين جنائى ولسة هينزلهم امن قومى.

يعنى نقدر نقول ان 95% من الموضوع كلة يعتبر خلص

خالد كامل كتب:

الثعلب العربى كتب:

aly2050 كتب:: أمتي الأسماء هترجع تانى دار القضاء لأختيار من سينزلهم كشف طبى؟

الاسماء الان جزء كبير منها اصبح فى مكتب الامن لانتهاء التحريات
وباقى الاسماء فى خلال الايام هتكون فى مكتب الامن
وبعدها يتم ارسالها الى دار القضاء للمناقشة

افهم من حضرتك كده ان خلاص مفيش اسماء تانيه هتنزلها تحريات ؟؟؟؟؟؟؟؟؟؟؟

المعلومات الى عندى ان اخر كشف نزل من ايام وان كدا خلاص مفيش حاجة هتنزل من مكتب الامن.

وان الاسماء الاخيرة الى نزلت جزء منها الان فى الطريق لجهات التحرى وجزء منها بدؤا التحرى فعليا فية.
فانتظر الايام القادمة يعنى فى خلال اسبوع او 10 ايام كل شىء هيتوضح تماما .

ملحوظة: طبعا لو معاك واسطة هتقدر تنزلك التحريات حتى ولو الاسماء كلها خلصت

besooo_2007 كتب:: السلام عليكم ورحمه الله وبركاته ..
يا جماعة ليا سؤال ..
أنا دلوقتى خلصت الكليه السنة دى حقوق القاهرة بتقدير عام تراكمى جيد وان شاء الله ناوى اقدم على النيابة العامة

فى البداية مبروك يا اخى التخرج و اتمنالك التوفيق والنجاح دائما.قدم فى النيابة وقدم فى اى هئية قضائية اخرى وبأذن الله ربنا هيكرمك.

besooo_2007 كتب:: وطبعا كل شيء بارادة الله سبحانه وتعالى ولو مكتوبالى ان شاء الله هدخلها غصب عن اى حد ولو مش مكتوبالى لو عملت ايه مش هدخل لكن الانسان برضه لازم ياخد بالاسباب ويسعى

كدا انت قطعت نص المشوار على نفسك وفهمت معظم الحوار .

besooo_2007 كتب:: وعلشان كده انا الحمد لله عندى توصية كاخذ بالاسباب وهو راجل حبيبنا وشغال رئيس نيابه وكده ف عايز اعرف هل رئيس نيابة ممكن يخدم ولا لما يكون مستشار افضل

مش مهم وظيفتة اية , المهم ان كلمتة تكون مسموعة عند الناس بتوع السباعية.و ان يكون ملفك كويس علشان متحرجش الواسطة.

besooo_2007 كتب:: وكمان الحمد لله والدى مؤهل عالى ووالدتى دبلوم تجاره بس علشان هيا كبيرة فى السن يعنى ف الدبلوم زمان كان حاجه كبيرة مش سهله يعنى والحمد لله اخواتى كلهم دكاترة وصيادله وكده ف عايز اعرف ايه احتمالات دخولى باذن الله طبعا

مؤهل والدك دا شرط اساسى فى العامة واحمد ربنا انة مؤهل عالى وكدا تمام.
اما والدتك فبالنسبة لمقابلة السباعية فمفيش مشكلة هيعدوها عادى لكن فى التصفية ممكن تصبح عائق بس دا احتمال ضعيف ولكن على حسب التوصية والوسط الاجتماعى والمالى ولاسرتك, وانت اسرتك بسم الله ما شاء الله حاجة تشرف وهيرفعوك جامد جداااااااااااااااااااااا.

besooo_2007 كتب:: وكمان عايز اعرف فيه حاجه ممكن اعملها من دلوقتى كاستعداد وكده يعنى ولا لسه بدرى على الكلام ده

1_ تدعى ربنا وتقول لو ليك فيها خير يارب تجيلك ولو فيها شر يارب ابعدها .
2_ تنسى حوار النيابة دا كلة وتركز فى تكملة تعليمك فى الدراسات العليا او انك تلتحق بشغل .

besooo_2007 كتب:: وكمان عايز اعرف هو لازم يبقه ليك مبلغ كير فى البنك باسم والدك كمركز مالى يعنى ولا مش مهم الموضوع ده

الارض الزراعية افضل من البنك والعقارات واى شىء تتوقعة.ومش مهم يكون ليك مبلغ كبير فى البنك ولا لوادلك المهم انك تكون من اسرة مرتاحة ماديا .

besooo_2007 كتب:: وكمان عايز اعرف ابن خالتى جتله تحريات نيابه اداريه حاليا فمعنى كده خلاص انه ان شاء الله داخل ولا لسه فيه حاجه تانيه

كدا هو داخل بنسبة 60% وهيتعملة تصفية ملفات مع زمايله يعنى كل 10 ينجح 6 مثلا.

besooo_2007 كتب:: وكمان حاجه تانيه انا عايز اعرف اختار من بين اتنين كتوصيه مين افضل رئيس نيابه ولا مستشار دولى ولا عادى اخلى الاتنين يمشوا معيه فى الحوار وزياده الخير خيرين ياريت تفيدونى علشان انا الموضوع ده شغلنى شوية وطبعا فى الاخر انا مقتنع جدا بانه اللى ليا نصيب فيه هاخده وربنا يوفقنا جميعا
شكررررررررررررررررررا

خلى الاثنين ماشيين وكل واحد يمكن يوصل بطريقتة ويمكن واحد ميوصلش والتانى هو الى يوصل ولكن زى ما قولتلك مش مهم مين الشخص الى هيكلم بتوع السباعية , المهم هو كلامة هيستمع ولا لا.
احذر يا اخى : من المحامين النصابين الى يقولك هات 200 الف ج علاشن ادخلك و كلام من دا واحذر من الناس الى هتيجى تتاجر عليك فى الحوارت دى .

besooo_2007 كتب:: وكمان معلش عايز اعرف هو السنة ان شاء الله هينزلوا اعلان امتى عن فتح باب التقدم للنيابه العامة فى شهر ايه تقريبا يعنى
معلش طولت عليكم
شكررررررررررررا

تابع جريدة الجمهورية او الاهرام من عند 20/12 يعنى اواخر شهر 12 كدا لغاية نهاية شهر 1
هتلاقى اعلان العامة نزل
والادارية بتنزل فى شهر 2 لغاية نص شهر 3

ياريت يا استاذ الثعلب العربى لو عرفت ان المجلس بداء التصفيه تقول

بارك الله فيك اخى الثعلب
بجد شكرا ليك
ربنا يجعله فى ميزان حسناتك يا رب
شكررررررررررررررررا

استاذ الثعلب العربي اولا شكرا علي ردك وثانيا انا فعلا معايا واسطه لكن العقبه عندي ان الوالد مش موهل عالي والوسطه عارفه كده بس مش عارف هل فعلا في امل ولا خلاص الله اعلم عموما كل شئ نصيب هانت ...............

انا وسطتى ربنا وهوفوق الكل وملك الملوك
يرب اكرمنا بالتحريات والتغيين بامرك وحدك

شكرااااااا للاستاذ ثعلب على تعاونه

لا ياستاذه ماما انا متقدم للنيابه الاداريه بس انا مش متبعها ولم القى لها اى اهتمام ولا اعلم عنها شىء

يا جماعة انا حصل معايا انهم طلبوا الملف بتاع خالى وهو مستشار فى استئناف القاهرة ولما سالهم ليه قالوله انك عندك حد مقدم فى النيابة العامة
حد عنده استفسار عن اللى حصل ده ؟؟؟

انت تحرياتك سليمة يا باشا ولا فيها مشكلة؟؟؟؟؟؟؟؟؟؟

استاذ الثعلب العربى ( هو ينفع ينزلى تحريات أمن قومى علاطول من غير مينزل بحث جنائى , حيث أنه تم التحرى عنى فى البحث الجنائى فالنيابه الاداريه ؟؟؟؟؟ )
وذلك أسوه بأمن الدوله حيث انها لم تتحرى عن احد نزل له نيابه اداريه ؟؟

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009