النيابة العامة دفعة 2009

طير المحبة كتب:

العبد الفقير لله كتب:

واللهى يا طير المحبه دائما فى بنى ادم بتختلف الاراء ولا تكون ممن يسلبون اراء الاخرين فانت رايت عاقبه هؤلاء ولا تكن ممن لا يتيحون
للراى مجال وانى قد رايت فى نبرة اجابتك ما يدل على هذا المنوال

بداية ياريت بس تتعلم كتابة لفظ الجلالة بشكل صحيح لا كتابته كده عيب وحرام
ثانيا انا مش فاهم ازاى اديت لنفسك الحق انك تكلمنى باسلوب فيه سخرية وكلام انا
شايف انك مش قده خالص .
على العموم رجاء من كل عضو ان اراد التعليق على كلام اخر ان يعلق باسلوب مهذب ومحترم لانه فى النهاية لن يسئ الى المنتدى ولا اعضائه ولكنه يسئ الى نفسه فقط .

بالنسبة للفظ الجلالة فهى ممكن تكون خطا من الكيبورد ويحدث مع معظم الناس, فارجوا ان تعذرة.اما بالنسبة للاسلوب والفهم فيجوز اختلطت الامور فى تعبيرة او فى اداركك لما قالة , فصلوا على النبى انتوا اخوات , ولابد من السماحة بينكوا .
صلوا على النبى كدا واجدوا اعذار لكم

spy كتب:

الف مبروك للريال ان النهارده يوم ابيض ان شاء الله

لما الزمالك بيكسب لازم الريال يكسب الفانلة البيضة بتعمل شغل

بشرة خير ان شاء الله , ودفعتنا هتبقى ليلتها بيضة, وربنا هيكرمنا جميعا .

بس على فكرة انا بحب البارسا اكتر من الريال ههههههههههههه

يوجد اراء لاستكمال مقابلات التفتيش دفعة 2010 بعد انتهاء اجازة عيد شم النسيم , وتبدا الاتصالات وتحديد المواعيد على يوم الثلاثاء او الاربعاء القادم.
واراء اخرى ان تبدأ الاتصالات من بداية مايو لدفعة 2010

هذة مجرد اراء ذكرت وليس معلومات ,ولكن ان ترجمت هذة الاراء الى معلومات فستكون بشرة خير بالنسبة للدفعة ان شاء الله.

الثعلب العربى كتب:

[quote="اكرم صبرى"

اولا ارجو الا تحذف مشاركتى وتحذف مشاركة الثعلب العربى الى بيهين فيها جامعة محترمة زى جامعة طنطا
انا مش عارف ازاى تقول حاجة زى دى حضرتك خبير اوى يعنى وعارف كل الجامعات نظامها ايه
وبعدين شئت ام ابيت التفوق دا اهم معيار لو اخدنا بالوضع الظاهر وبالرتيب الى الجامعة بتنزله فى اخر السنة وان الى بيتعين معيد ده راجل متفوق واول دفعته
وبعدين يامعالى الباشا يالى حضرتك هاتبقى قاضى داكاترتك الى فى الجامعة هما اوائل دفعتهم شوفت بقى الاوائل بيعملوا ايه
هما الاساس ياباشا فامتجيش تقول على استثناءات وتقولى انها قاعدة
وماتحللش الغلط عشان انت مش جايب تقدير

وشكرا[/quote]

انا مش هحذف مشاركتك, وانا عمرى ما حذفت غير مشاركة او اتنين فى المنتدى وكانوا فيهم الفاظ خارجة. فلية احذف مشاركتك وانت مقولتش اى الفاظ.متقلقش انا بحب النقد اوى ومش بنكسف منة .

بالنسبة لموضوع جامعة طنطا فقد رديت علية فهى جامعة محترمة طبعا وجامعة عريقة بس فيها تجاوزات كثيرة جدااااااااااااااااا , وكل الناس عارفة كدا , فهل فى كلامى خطأ؟؟؟؟؟؟؟؟؟؟؟؟والجامعات الحديثة فيها الحياة قشطة جدااااااااا والتقديرات عالية اوووووووووووى , هو كدا انا قولت حاجة غلط؟؟؟؟؟؟؟؟؟؟؟؟؟؟؟؟

اما بالنسبة للتفوق فهو ليس المعيار يا اخى , ولو كلامك صح يبقى الى خد دبلوم بعد الكلية افضل من الى مختش وساعتها مفروض الى يتعين الى معاة دبلوم.
وايضا بالنسبة لليسانس فيوجد اختلاف بين كل جامعة ويوجد اخترف بين كل طالب. ومش معنى ان حد جايب تقدير عالى يبقى لازم يتعين, وقولنا فى شروط وهتلاقى ردى فى الرد السابق بوضوح اكثر فى هذة النقطة.

ربنا يسمع من بوقكك ان ابقى قاضى , بس يارب ان كانت خير لى قربها منى , وان كانت شرا لى ابعدها عنى .

وبالنسبة للدكاترة فمش شرط انهم يكونوا اوائل دفعتهم يا باشا , وبعدين هو الاوائل بتاع دفعتهم دول نابغة عصرهم والباقى اغبياء , لو منطقك كدا يبقى كل الى جاب فى الثانوية العامة 80% ودخل حقوق يبقى مش نابغة. وان النابغة هما طلبة كلية طب , ولا صحيح دا فى كمان لسة الادبى وحقوق بتاخد منها بحوالى 70% تقريبا ولا 75% يعنى لو انت هتقول تفوق ومش تفوق يبقى بص على مجاميع الثانوية العامة الاول والى بيدخلوا حقوق جايبين كام .

بالنسبة لكلامك عليا والتقدير: فهو ساعدتك عاوزنى اجيب تقدير اية؟؟؟؟؟؟؟؟ هو انت شوفتنى جايب مقبول؟؟؟ يا باشا انا جايب جيد, وخدت بعدها دبلوم خاص.
والقانون بيقول على الاقل جيد , صلى كدا على النبى , ولو كلامى مش عاجبك اعتبرنى مقولتوش , واعتبر انك سمعتة على قهوة او كافية من واحد خريج تجارة
.

[/quote]

ايوة فعلا هاعتبر انى سمعته على قهوة او كافيه من واحد خريج تجارة

ياجماعة انا فعلا عرفت معلومة مهمة وان شاء الله خير لنا كلنا بس اعذرونى مش هاقدر اقولها لان انتوا عارفين لو قولتها تانى يوم مظاهرات علطول

بس اقدر اقولكم بكل ثقة
ان فرج الله قريب جدا

على فكرة ياجماعة فى اشخاص الحمد لله بياكدوا المعلومة الى وصلتنى والى انا متأكد منها بإذن الله
وانا الحمد لله معلوماتى الى قولتها مش كتير انما دايما والحمد لله بتبقى مؤكدة قولت معلومات قبل كدة من اكتر من شهر وناس كتير اختلفوا معايا ومرت الايام وثيتت صحتها وهما نفسهم الى جم يأكدوها
انا بقول كدة لانى عارف قد ايه كلنا تعبنا اوىىىى تعبنا جدا ومابقناش مستحملين حد يجى يقولنا انتظروا تانى وفى الاخر مانلاقيش حاجة تحصل .. عشان كدة بنحاول نطمن بعض عشان نعدى الايام دى على خير
بس انا بأكد الحمد لله من مصادر لا يوجد بعدها مصادر ان الامور ماشية بخير حاليا

ورينا هايفرجها قريب اوى بدون مواعيد

اكرم صبرى كتب:

على فكرة ياجماعة فى اشخاص الحمد لله بياكدوا المعلومة الى وصلتنى والى انا متأكد منها بإذن الله
وانا الحمد لله معلوماتى الى قولتها مش كتير انما دايما والحمد لله بتبقى مؤكدة قولت معلومات قبل كدة من اكتر من شهر وناس كتير اختلفوا معايا ومرت الايام وثيتت صحتها وهما نفسهم الى جم يأكدوها
انا بقول كدة لانى عارف قد ايه كلنا تعبنا اوىىىى تعبنا جدا ومابقناش مستحملين حد يجى يقولنا انتظروا تانى وفى الاخر مانلاقيش حاجة تحصل .. عشان كدة بنحاول نطمن بعض عشان نعدى الايام دى على خير
بس انا بأكد الحمد لله من مصادر لا يوجد بعدها مصادر ان الامور ماشية بخير حاليا

ورينا هايفرجها قريب اوى بدون مواعيد

يعنى يا استاذ اكرم افهم من كلام حضرتك ان الطبى قرب باذن الله يعنى ممكن يكون فى هذا الشهر

يا ريت يا أستاذ أكرم تتكلم و تقول المعلومة بصراحة و تكسب فينا ثواب و تطمنا بأى شىء .. و كده كده الناس اللى بتعمل مظاهرات مش مستنية معلومة علشان يتظاهروا لأنهم ناويين يعملوا مظاهرة يوم 1-5 , فيا ريت تطمنا و تقولنا أى حاجة علشان فعلا الواحد مبقاش مستحمل , اللهم أكرمنا جميعا بالكشف الطبى و التعيين فى أقرب فرصة يا كريم

من الاخر كده ياجماعه الامور خلاص قربت تنتهى ان شاء الله قبل منتصف شهر 5 كل شىء هينتهى ودى من مصادر موثوق منها

صلوا على النبى يا جدعان ... كل الجامعات حلوة وزى فل
وعمر ما كان التقدير وحده أو الوسط الإجتماعى وحده أو سلامة التحريات وحدها هو المعيار الأساسى فى التعيين فى النيابة العامة وإنما هو مزيج من كل هذه الشروط ولابد أن يتوافر فى المرشح الحد الأدنى من كل شرط لكى ينطبق القانون عليه فكل من يتوافر فيه هذه الشروط مجتمعة له الحق فى التعيين سواء كان جايب جيد جدا أو جيد وهو الحد الأدنى والكل له الحق فى أن يحلم ويتمنى والتوفيق فى النهاية بيد الله ... والإختيار بيكون بسلطة تقديرية لمجلس من شيوخ القضاء الأجلاء الذين لهم كل الإحترام وفى النهاية كلامنا لا بيقدم ولا يأخر ... وأمر الطبى أهم دلوقتى وأنا شابف الأخ أكرم صبرى والأخ أبو سلامة جايبين أخبار كويسة ومتفائلين فإن شاء الله خير

ياريت ربنا يوفقنا كلنا بس ياريت المظاهره بتاعةيوم 2|5 ماتأثرش علينا عشان انا زهقت منهم

spy كتب:

ياريت ربنا يوفقنا كلنا بس ياريت المظاهره بتاعةيوم 2|5 ماتأثرش علينا عشان انا زهقت منهم

إحنا ممكن نعمل ثورة مضادة ونأجرلنا كام جحش على كام جمل ونسميها موقعة الجحش وناخد معانا كام عبوة ملوتوف وعربيتين طوب ونطلع هناك ونخليها هيصة ... صحيح هى منفعتش فى ميدان التحرير بس يمكن تنفع المرة دى ههههههههههههههههه ... المهم النية يا رجااااااااااااااااااااالة

انت نسيت الجلابيه عشان نروح بالشكل الرسمى

اشكرك يا $..عميد الخريجين..$ على النقد , وكل واحد ولة راة وانا اقدر رايك كثيرا , وفعلا معظم القضاه من اصل واقاربهم فلاحين , ولكن انظر الى اعمارهم واربط بينها وبين الوسط الاجتماعى وقت تعينهم هتلاقى ان مصر كلها كانت فلاحين, وبعدين ما ممكن تلاقى فلاحين عندهم اراضى زراعية كثيرة وهكذا....

المهم انا مش بقول فلاح وحش او كدا . انا قصدك حاجة تانية خالص وهى ان هما هياخدوا بالظاهر فقط وقولت برضوا ان ممكن تكون وسطتك مالى واجتماعى كويس ولكن ذمتك استك , المهم انا فام وجه نظرك وهى وجة نظر محترمة جداااااااااا وتتقارب مع كلامى او مع فهمى .
وانا بشكرك على الحوار الهادف يا $..عميد الخريجين..$.

تسلم يا اكرم صبرى وربنا يكرمك على المعلومة الى قولتها ويطمنك ويطمن الجميع

spy كتب:

ياريت ربنا يوفقنا كلنا بس ياريت المظاهره بتاعةيوم 2|5 ماتأثرش علينا عشان انا زهقت منهم

ان اجتمع اهل الارض علشان يضاروك بشيىء فلن يضروك الا بأذن الله , وان اجتمع اهل الارض علشان يفيدوك بشيىء فلن يفيدوك الا بأذن الله.

spy كتب:

[ندعوك للتسجيل في المنتدى أو التعريف بنفسك لمعاينة هذا الرابط]

تسلم يا سباى اهو برضوا كل الشباب تتتشارك بشكل فعال , ويبقى معانا منتدى وفيس بوك

[ندعوك للتسجيل في المنتدى أو التعريف بنفسك لمعاينة هذا الرابط]
منقول
منقول منقول
منقول للاستفاده العامه

السلام عليكم ورحمه الله وبركاته
انا عضو جديد اتمني ان اكون عضو معاكوا لان بجد المنتدي ده رائع جدا
واتمني ان يكون وشي حلو عليكوا ونبارك لبعض باذن الله
وان شاء الله الخير قادم

spy كتب:

[ندعوك للتسجيل في المنتدى أو التعريف بنفسك لمعاينة هذا الرابط]
منقول
منقول منقول
منقول للاستفاده العامه

بصراحه انا استفدت مش ده برضه موقع الجريده الرسميه الوقائع المصريه لا شيء مشرف فعلا .. سؤال بس هو النت عندي اللي بايظ و لا الموقع هو اللي بيستهبل

السلام عليكم ورحمة الله وبركاته
احب ان اوجه شكرمى وتقديرى لكل الاعضاء المشاركين والغير وبحب اوكد ان الثعلب العربى عن طريق مشاركاته الماضيه على مدار الاشهر العديده الماضيه انه مثال للاحترام والادب واكيد انه ماكنش يقصد بكلامه اى شى يجرح حد او اى هيئه بس كلامه اتفهم غلط لانى حسب مافهمت من الكلام انه مش مقصود بيه العموميه بالعكس هو نسبى واحب اضيف ان التجاوزات دى موجوده فى كل الجامعات المصريه
وبحب اضيف ان الاستاذ اكرم والعبد الفقير لله وطير المحبه والمنوفى كانوا عون ودعم للمنتدى لدفعه لمزيد من التقدم فبجد انا بحترمكوا جداوالله اعلم بما فى القلوب
وبحب اوجه شكر خاص للانصارى على روح الفكاهه اللى بيتمتع بيها دايما وبيخرجنا دايما من المود السى