النيابة العامة دفعة 2009

كده نقدر نقول كل سنة و أحنا طيبيين و بخير ... بعد الأحداث دية أعتقد أن مفيش نتيجة هتطلع قريب . و لا أنتوا رأيكوا أيه ؟

aly2050 كتب:: كده نقدر نقول كل سنة و أحنا طيبيين و بخير ... بعد الأحداث دية أعتقد أن مفيش نتيجة هتطلع قريب . و لا أنتوا رأيكوا أيه ؟

لا يا باشا مع احترامي هما يقدروا يعملوا اي حاجه هما عايزنها لان اللي انت متعرفوش ان تقريبا كل سنه بيحصل نفس الموال ده بس احنا رابطين الكلام ده بالثوره و دي مطالب فئويه بحته يعني لو طلع النائب العام و قالهم كلكم هتتعينوا هيبقى في نظرهم اطهر شخص و اشرف شخص في العالم يعني كله بيجري ورا مصلحته و بقولكوا ايه الحاجات دي المفروض متهزناش خلاص من الاخر جتتنا نحست و اللي اعرفه ان اللي بيعملوا مظاهرات من النوع ده هما هما اللي هيضروا لان بالـتأكيد مجلس القضاء مش هيسمح انه حد يمشي كلمته عليه .. زي ما احنا يا جماعه ان شاء الله النتيجه او الطبي ع الاقل هيبقى الشهر ده

[ندعوك للتسجيل في المنتدى أو التعريف بنفسك لمعاينة هذا الرابط]
الخبر دة بيقول أن المستشار أحمد مكى هيرفد حضور جلسات المجلس الأعلى للقضاء ... يبقى كدة أزاى المجلس هيمضى دفعتنا ؟ أنا حاسس أن الظروف كلها بتحربنا بس عندى ثقة فى ربنا سبحانة و تعالى أن كرمة يبقى قريب.

تاخير اعلان الدفعة مالوش اى لازمة وعبارة عن تاجيل للمشكلة مش حلها كل دوول محدش هينسى ولا هيهدى مهما طال الوقت فالبطئ مالوش لازمة خالص والمفروض تبقى فى اجراءات سريعة فى كل حاجة فى اعلان الدفعة وفى اعلان مسابقة المساعدين وفى البت فى الشرطة القضائية كل ده لازم ينزل ورا بعضوا ويخلص دلوقتى للمرة المليون التاجيل والبطئ مش هيفيد اى حد

يا جماعة يا ريت نشوف حل نقدر نعملة ... يعنى لو يتم كتابة ورقة و تقديمها للمجلس أو اعلان فى جريده أو برنامج أو نعمل وقفة نطالب بيها سرعة التعيين ... كل واحد يقول رأيه و نشوف أيه الحل الأمثل و نحاول نعملة قدر المستطاع .

يا ريت كل واحد فينا يطرح فكرة لحد الساعة 12 باليل و محدش يناقش أى فكرة لحد هذا الوقت و يا ريت نبفى كلنا أونلاين بعد الساعة 12 مباشرة لنناقش هذه الأفكار و نحاول نوصل لحل يرضينا جميعا .

بجد كدا كتير اوى

[ندعوك للتسجيل في المنتدى أو التعريف بنفسك لمعاينة هذا الرابط]

اهانة واضحة للقضاء .

انا بعتقد ان ممكن الدفعة تتأجل شوية لاعتبارات امنية

اللي بيحصل دا قلة ادب بجد
ولو متاخدش اجرائات صارمة مع الناس دي يبقي عليه العوض
يعني ايه اللي حصل في المحكمة دا ؟؟؟؟؟؟؟؟؟؟؟؟
حد يفسرها غير كده ؟؟؟؟؟؟؟؟؟؟؟؟؟؟؟؟؟؟

والله ياجماعه الاجواء كل يوم عماله تتوتر يوم عن يوم وربنا يستر ولازم نلاقى حل للمشكله دى وربنا بيقول اسعى ياعبد وانا اسعى معاك

كل اللي اقدر اقولة (عليه العوض و منه العوض )

الوقت الي احنا فيه ده وقت الفوضي وكل واحد شايف انه له الحق انه يتعين
العوض علي الله لو مجلس القضاء الاعلي فضل ساكت ومخدش اجراء حاسم في الدفعه دي مش هتتعين ولو بعد عشر سنين
يعني ايه خايفين من المظاهرات شويه عيال فاضيه يوقفو حال دفعه كامله
حسبي الله ونعم الوكيل
في ناس جايبه مقبول من سنه 98 وراحت عملت تظلمات ودلوقتي هما علي ثقه انهم هيتعينو
وبيقولو لو مش اتعينو هيقلبو الدنيا عليهم
لا حول ولا قوه الا بالله كل يوم بيعدي الواحد بيتيقن ان احنا مش لينا الحريه
وفعلا صدق عمر سليمان لما قال ان الشعب المصري غير مهيئ للديموقراطيه
انا اسف ياجماعه لو في بعض الخروج في حديثي بس للاسف الي بيحصل ده يخلي الواحد يخرج عن شعوره
احنا بقانا عايشين في غابه كل واحد ياخد حقه بايده

فى خبر النهاردة فى جريدة الدستور بيقول ان النائب العام قال لواحد من المتظاهرين_ او مجموعة منهم تم ذكر اسماءهم فى الجريدة _على انه هايتم الاعلان عن دفعة المساعدين قريبا جدا جدا

والحقيقة انا من وجهة نظرى ان دا الحل الصحيح حاليا لان دفعة المساعدين لما تفتح مش هايبقى فى داعى للتظاهر
وربنا هو المسهل وهو الاعلم بحالنا ولا نملك غير الدعاء

يا جماعه انا سألت مستشار رئيس محمكه استئناف الاسكندريه قالى انتظر النتيجه اخر شهر 5 فهل ممكن فعلا تبان فالوقت دا ولا ايه ومعلش يا تعلب باخد رأيك انت وبحبها انسى ان الفرق بقى اربع نقط بس Very Happy

وقولى دا ممكن فعلا ان النتيجه تبان اخر 5 لان الواحد زهق بس املنا فربما كبير اوى

طب يا جماعة دلوقتى المستشار مكى ممتنع عن حضور جلسات المجلس ... ينفع تتطلع النتيجة من غير حضورة؟

ههههههههههههه و الله شر البليه ما يضحك .. اقسم بالله دفعه كوميديه و في الاخر شكلنا هنتعين في موجه كوميدي دفعه بيحصل فيها كل حاجه سبحان الله .. روقوا يا جماعه الابواب كلها اتقفلت في وشنا فاضل باب واحد مش هيقفل ابدا في وشنا حتى طلوع الشمس من مغربها . بس باذن الله رغم كل ده انا متفائل انها الشهر ده و هتشوفوا و ان غدا لناظره لبعيد

yasserahlawy كتب:: يا جماعه انا سألت مستشار رئيس محمكه استئناف الاسكندريه قالى انتظر النتيجه اخر شهر 5 فهل ممكن فعلا تبان فالوقت دا ولا ايه ومعلش يا تعلب باخد رأيك انت وبحبها انسى ان الفرق بقى اربع نقط بس وقولى دا ممكن فعلا ان النتيجه تبان اخر 5 لان الواحد زهق بس املنا فربما كبير اوى

لو الكلام ده من رئيس محكمه استئناف اسكندريه شخصيا يبقي ان شاء الله فيه امل لانه عضو بالمجلس
ياااااااااااارب نخلص الواحد جاب جاز بجد
اما بالنسبه لفرق الاربع نقط انا عايزك تطمن لان ان شاء الله الدوري بتاعنا ولو حتي فسوه واحده

حلو موضوع موجه كوميدى ده بس ياريت هما بس يرضوا يعينونا هو لازم يخافوا على نفسيهم احنا نحس مأصل Very Happy

ياجماعة عيزين كلام اكيد ان الدفعة هتتعين اخر 5

يا شباب تم التاكد بالفعل بنزول تحريات جديدة لمجلس الدولة فقط

سيادة النائب كتب:: يا شباب تم التاكد بالفعل بنزول تحريات جديدة لمجلس الدولة فقط

ممكن توضح اكتر يا باشا . يعني معنى كلام حضرتك انهم هيعيدوا النظر في دفعه مجلس الدوله و لا تقصد انهم بينزلوا تحريات جديده عشان يضيفوا اسماء جديده و لا ايه و شكرا لحضرتك

يا سيادة النائب لما سألت قالولك إن التحريات دى خاصة بدفعة كام؟

لأن ممكن دى تكون تحريات دفعة 2010 خاصة إنهم تقريبا خلصوا

مقابلات ولا إيه بالإضافة إن عندى معلومة من مصدر ثقة جدا إن دفعة

المجلس باقى عليها أيام

بالنسبة للإعتصام ليا صديق مقيم فى القاهرة كان قدام دار القضاء

إنهاردة وقالى مفيش شخص واحد بيتظاهر ولا فى الهوا حتى ..

فالإخوة المقيمين فى القاهرة إيه حقيقة الأمر دا ؟؟؟؟؟؟؟؟؟

ممكن يكون مفيش تظاهرات اليومين دول عشان الدنيا حر اوى فى القاهره

يا استاذ Be Or Die دى تحريات جديدة لناس دفعة 2008 انما مفيش اعادة ولا حاجة الدفعتين على وشك الظهور

دفعة 2008 يا انصارى ونفس المعلومة اللى عندك عندى ولكن لما روحت المديرية ولقيت فى تحريات جديدة جات المديرية استغربت ازاى هتظهر خلال ايام وف تحريات جديدة لسة بتنزل

السلام عليكم ورحمة الله وبركاته

ازيكم ياشباب والله وحشنى جدا

وانا مكنتش داخل تانى المنتدى هنا ولا هتشوفنى لولا احمد المنوفى وبحب اشكره على مجهوداته العظيمة

ياجماعة مفيش اى تظاهرات ولا اى حاجة خالص فى القاهرة فى اغتصابات فى تحرشات بس وهذا هو المنتشر فى هذه الايام القليلة

» النيابة العامة دفعة 2009
» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009