النيابة الادارية دفعة 2009

مرحبا اخى العزيز ونشكرك على المجهو الجميل الذى تقوم به فى الاجابة على استفسارات الاخوة الاعضاء وارجو ان تعطى لى من سعت صدرك لاطرح عليك سوالى :-
اذا اخرجت كرنية نقابة المحامين هل يؤثر هذا فى شىء على التقديم فى النيابة العامه او يعوقنى فى شىء ؟ ارجو الافادة وشكرا

ربنا معاكى ا-رشا أنت وكل الاعضاء الكرام
احب أطمنك انى رحت المقابلة وكانت سهلة جدا فوق ما تتخيلى وما هى الا مقابلة شكلية وأوعى توترى نفسك والله الموضوع مش مستاهل
وأهم شئ أنك تقولى قبل ما تخشى المقابلة (اللهم يا فتاح ببركة أسمك العظيم أفتح على فتوح العارفين بحكمتك)
(اللهم لا سهل الا ما جعلتة سهلا فأنت تجعل الحزن أذا شأت سهلا فأجعل لى المقابلة سهلة)

وبالتوفيق ليكى ولكل الاعضاء الكرام...وأبقى طمينينا عليكى

يا جماعه انا مقابلتى كانت النهارده و الاسئله التى تم سؤالها هى..

1-الاستقاله و انواعها
2-شروط الموظف العام
3-اختصاصات النيابه الاداريه
4-التقادم فى الدعوى
5-الاجازات المقرره للمرأه و مدتها
6-ما هو مجلس الدوله و اقسامه و اختصاصاته...
و اهم حاجه الثقه و الشكل اكثر من الاجابه
ادعولى بقى...ربنا يوفقنى و يوفقكم جميعا ان شاء الله.

انا كمان كانت مقابلتي النهارده والموضوع ابسط مما تتخيلوا اهم حاجه الثقه والاسلوب في الرد وانا كان سؤالي هل يجوز للموظف العام ان يعمل بالتجاره وانا قولت لايجوز ومفيش اي كومنت منهم خالص محدش قال صح ولا لا وغيروا السؤال للي بعدي وكان في سؤال برضه في نفس مجموعتي شروط تعيين الموظف العام وسؤال اخر من له الحق في طلب رفع الدعوي من مجلس الدوله وللاسف محدش عرف يجاوبه بس المستشار جاوب وقال وزير العدل ورئيس الوزراء مع تمنياتي لكم بالتوفيق ان شاء الله

انا كمان كانت مقابلتي النهارده والموضوع ابسط مما تتخيلوا اهم حاجه الثقه والاسلوب في الرد وانا كان سؤالي هل يجوز للموظف العام ان يعمل بالتجاره وانا قولت لايجوز ومفيش اي كومنت منهم خالص محدش قال صح ولا لا وغيروا السؤال للي بعدي وكان في سؤال برضه في نفس مجموعتي شروط تعيين الموظف العام وسؤال اخر من له الحق في طلب رفع الدعوي من مجلس الدوله وللاسف محدش عرف يجاوبه بس المستشار جاوب وقال وزير العدل ورئيس الوزراء مع تمنياتي لكم بالتوفيق ان شاء الله

عفوا أ\رشا
هل السؤال كان من له الحق في طلب رفع الدعوي من مجلس الدوله ,أم على مجلس الدولة
علشان السؤال مش مفهوم

عفوا لقد اخطات في كتابه السؤال وكان السؤال هو من له الحق في رفع الدعوي لمجلس الدوله

يا ريت حد يلحقنا باجابات لاسئله رشا وايناس اللى مش موجوده فى موضوع اسئله النيابه الاداريه

يارب التوفيق للجميع
انا بس حبه ارد على ايهاب
الاسئله كلها اللى اتسالت دى موجوده فى قسم الاسئله ولكن دور براحه انا مذاكره الحاجات دى من على موقع الاسئله وكلها حاجات سهله
وان شاء الله خير ليا وليكم ويارب يجعل فى وشنا القبول

أختى sonatote28
بس انا عرفت معلومه كده من مستشاره ان التحريات للقاهره هتنزل نصف الشهر ده هل الكلام ده صح وله ايه ؟
لا أستطيع أن أجزم بذلك .... ولكن أرى أن الأمر مازال مبكراً ..

أخى الحبيب gouda2010
اذا اخرجت كرنية نقابة المحامين هل يؤثر هذا فى شىء على التقديم فى النيابة العامه او يعوقنى فى شىء ؟
لايؤثر إطلاقاً ...

أخى الحبيب ايهاب
يا ريت حد يلحقنا باجابات لاسئله رشا وايناس اللى مش موجوده فى موضوع اسئله النيابه الاداريه
الأسئلة وإجاباتها كالأتى:
1-الاستقاله و انواعها
هى السؤال رقم 14 فى موضوع أسئلة النيابة الإدارية

2-شروط الموظف العام
وهو السؤال رقم 1 فى موضوع أسئلة النيابة الإدارية

3-اختصاصات النيابه الاداريه
هى السؤال رقم 11 فى موضوع أسئلة النيابة الإدارية

4-التقادم فى الدعوى
هو مضي فترة معينة من الزمن على وضع أحدهم يده على حق دون أن يعرف له مالكاً، أو مضي تلك الفترة على سكوت أحدهم عن المطالبة بحقه فيمن وضع يده عليه في تلك الفترة الزمنية

5-الاجازات المقرره للمرأه و مدتها
1- إجازة الوضع : 90 يوم .
2- إجازة رعاية الطفل: بما لايتجاوز عامين .
3- ساعات الرضاعة : خلال الأربع والعشرين شهرا التالية لتاريخ الوضع لها الحق فى فترتين أخريين للرضاعه لا تقل كل منهما عن نصف ساعة ويمكنها ضم الفترتين .

6-ما هو مجلس الدوله و اقسامه و اختصاصاته...
تعريف مجلس الدولة : هيئة قضائية مستقلة ويختص بالفصل في المنازعات الادارية وفي الدعاوى التأديبية ويحدد القانون اختصاصاته الأخرى .
أقسام مجلس الدولة : القسم القضائي وقسم الفتوى وقسم التشريع .
إختصاصات مجلس الدولة :
1- الطعون الخاصة بانتخابات المجالس المحلية .
2- المنازعات الخاصة بالمرتبات والمعاشات والمكافآت المستحقة للموظفين العموميين أو لورثتهم .
3- الطلبات التي يقدمها ذوو الشأن بالطعن في القرارات الإدارية النهائية الصادرة بالتعيين في الوظائف العامة أو الترقية أو بمنح العلاوات .
4- الطلبات التى يقدمها الموظفون العموميون بإلغاء القرارات الإدارية الصادرة بإحالتهم إلى المعاش أو الاستيداع أو فصلهم بغير الطريق التأديبى .
5- الطلبات التى يقدمها الأفراد أو الهيئات بإلغاء القرارات الإدارية النهائية .
6- الطعون في القرارات النهائية الصادرة من الجهات الإدارية في منازعات الضرائب والرسوم وفقاً للقانون الذي ينظم كيفية نظر هذه المنازعات أمام مجلس الدولة .
7- دعاوى الجنسية .
8- الطعون التى ترفع عن القرارات النهائية الصادرة من جهات إدارية لها اختصاص قضائى ، فيما عدا القرارات الصادرة من هيئات التوفيق والتحكيم في منازعات العمل وذلك متى كان مرجع الطعن ، عدم الاختصاص أو عيبا في الشكل أو مخالفة للقوانين واللوائح أو الخطأ في تطبيقها أو تأويلها .
9- الطلبات التى يقدمها الموظفون العموميين بإلغاء القرارات النهائية للسلطات التأديبية .
10- طلبات التعويض عن القرارات المنصوص عليها في البنود السابقة سواء رفعت بصفة أصلية أو تبعية .
11- المنازعات الخاصة بعقود الالتزام أو الأشغال العامة أو التوريد أو بأى عقد إداري آخر .
12- الدعاوى التأديبية المنصوص عليها في قانون مجلس الدولة .
13- الطعون في الجزاءات الموقعة على العاملين بالقطاع العام في الحدود المقررة قانوناً .
14- سائر المنازعات الإدارية .

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

شكرا رامى باشا

ميرسى يا استاذ رامى وربنا يوفق الجميع
وجزاك الله كل خير

يا اخوانى انا مقابلتى يوم الاربع وعايز اقولكم انى مش قلقاااااااااااااااااااااااااااااااااااااان خالص لدرجة انى حاسيس ان انا مهيس ربنا يطمنا على بعض

السلام عليكم ورحمه الله وبركاته

الى احبائى فى الله اهدى لكم جميعا هذا الدعاء المستجاب

باذن الله

اللهم لا يهزم جندك ولا يخلف وعدك سبحانك وبحمدك تحصـنت

بالله الذى لا إله إلا هو إله وإله كل شئ وإعـتـصـمت بربى

ورب كل شئ وتوكلت على الحى الذى لا يموت وإستدفعت

الشر كله بلا حول ولا قوة إلا بالله العلى العظـيم حسبى الله

ونعم الوكيل حسبي الرب من العباد حسبي الخالق من

المخلوقين حسبي الرازق من المرزوقين حسبــي الله وكفـى

سمع الله لمن دعى ليس وراء الله منتهى لا إله إلا هو عليه

توكــلت وهو رب العرش العـظـيم

اللهم استجب وتقبل من عبادك اجمعين

اللهم امين يا رب العالمين......... شكرا لفتى النيل على هذا الدعاء الجميل واكرمك الله سبحانه وتعالى بالتعيين (ان شاء الله)

أعتذر ... تم حذف المشاركات الخارجة عن الموضوع ... حيث يوجد قسم مخصص للتهنئة ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

اسئله المقابله النهارده

التقادم
الشروع
الفرق بين الجريمه الجنائيه والتاديبيه
العقوبه الجنائيه والتاديبيه
تعريف القرار الادارى واركانه وتعريفه

ربنا يوفقنا جميعا ان شاء الله

هو فين القسم الخاص بالتهنئة وحضرتك حذفت التهنئة ولا وضعتها فى مكانها المخصص؟؟؟؟؟؟؟؟؟؟؟؟؟؟؟؟؟ غير كدا احنا مكناش بندردش دى مجاملة من اجل التواصل مفيهاش حاجة يعنى تستاهل الحذف نحن يا اخى رامى العزيز مش هنا علشان ندردش والموضوع دة تقريبا كل الاعضاء عرفاه لو عرفت انو عيد ميلاد سعادتك هقولك كل سنة وانت طيب

يا استاذ محمود بك اظن ان دى حاجة تخص سياسة المنتدى ولا زعل فى ذلك انا كمان اتمسحتلى مشاركة ولكن هو المشرف وله الحق اذا رأى ان المشاركات لا تدخل فى النطاق ان يحذفها
نرجوا تقبل الامر وان لا نكون مثل باقى المنتديات التى يدب فيها الخلاف على اتفه الاسباب
وجميعكم تعلمون ان ما يميز هذا المنتدى هو طيب نفوس جميع اعضاؤه
بالتوفيق لحضرتك يا محمود بك

القسم الخاص بالتهنئه استاذ محمود بك موجود فى اولى اقسام المنتدى
نرجو الهدوء فجميعنا اخوه فى المنتدى وكما ذكرت الاخت الفاضله روتانا ان كل قسم له تخصصه وله مشرف عليه وله كل الحق فى حذف ماليس له علاقه بالموضوع
وحضرتك تقدر تكتب التهانى فى قسم التهانى حتى يتم التواصل بين كل اعضاء منتدانا ونهنى معاكم فكلنا هنا اسره واحده تربطنا الاخوه والاحترام بالتوفيق لحضرتك وللجميع بأذن الله

أختى besyans
جزاكى الله كل خير على الأسئلة ... وأتمنى تكون المقابلة مرت بسلام ... بارك الله فيكى .... وننتظر أسئلة الأعضاء التى تمت فى مقابلاتهم ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

السلام عليكم ورحمة الله وبركاتة
انا مقابلتى كانت نهاردة وموضوع سهل جدا يا جماعة محدش يقلق المستشارين زى العسل ومش صعبين ولا حاجة والاسئلة اللى تسالت فى مجموعة بتعاتنا
1- تقادم دعوة جنائية ؟
2- سقوط عقوبة جنائية ؟
3- اختصاصات نيابة الادراية؟
4-شروط الطعن فى قرر الادارى ؟
5- الدعاوى التى يتم رفعها امام مجلس دولة ؟
6-تقادم دعوة جنائية ؟
7- وقف دعوة جنائية وسقوط دعوة جنائية ؟
8- ما الفائدة فى وقف دعوة جنائية ؟
وسؤال دة محدش مننا عرف اجابتة هو كل واحد بيتسال سؤال واللى مش بيعرف بيتغير سؤال بتاعة او يجاوب علية اللى بعدة
وانا تسالت سؤال رقم 7 وتلغبط فية صراحة ومستشار جاوبة معايا فى الحاجات اللى تلغبط فيها بس ربنا يستر بقى ويكرمنا جميعا ان شاء الله
وشكرا استاذ رامى على مجهود كبير دة جزاك الله خير [/b]

يا ريت اجابات الاسئله الجديده فقط

1- تقادم دعوة جنائية ؟
تتقادم الدعوى الجنائية بمرور عشرة سنوات فى الجنايات وثلاثة سنوات فى الجنح وسنة واحدة فى المخالفات
2- سقوط عقوبة جنائية ؟
تسقط عقوبة الاعدام بمرور ثلاثون عام وباقى عقوبات الجنايات بمرور عشرون عام وتسقط عقوبات الجنح بمرور خمس سنوات والمخالفات بمرور سنتين
3- اختصاصات نيابة الادراية؟
اولا فحص الشكاوى الواردة اليها والتحقيق فيها
ثانيا اكتشاف المخالفات المالية والادارية
ثالثا رفع الدعوى التاديبية
4-شروط الطعن فى قرر الادارى ؟
اولا ان يكون قرارا اداريا مما يجوز الطعن عليه بالالغاء وبالتالى يشترط الا يكون قرار من قرارات السيادة وما الى ذلك
ثانيا ضرورة توافر الصفة والمصلحة
ثالثا اذا كان هذا القرار قرارا معيبا يجب رفع الدعوى خلال ستين يوم اما اذا كان منحرا الى مرتبة العدم فلا يوجد وقت معين لرفع الدعوى وبالتالى معك حتى مرور خمسة عشر سنة وهو التقادم الطويل لاصل الحق
5- الدعاوى التى يتم رفعها امام مجلس دولة ؟
انظر المادة عشرة من قانون مجلس الدولة وقد سبق الاجابة عليها مرار ا وتكرارا
6-تقادم دعوة جنائية ؟
سؤال مكرر
7- وقف دعوة جنائية وسقوط دعوة جنائية ؟
لا يعتد المشرع المصر بوقف الدعوى الجنائية والمقصود بالوقف هو ان يوقف سريان التقادم فترة حدوث المانع ثم يستكمل بعد الزوال على عكس السقوط الذى لا يقبل الوقف ولكنه يقبل الانقطاع
8- ما الفائدة فى وقف دعوة جنائية ؟
ان تحقيق الغاية من تقادم الدعوة الجنائية او بمعنى اخر سبب تقرير التقادم للدعوة الجنائية عير متوفر فى فترة الوقف لذلك تعين وقف الدعوى لحين وجود السبب للرئيسى والذى من اجله اقررنا مبدأ التقادم من الاساس

بقولكم ايه يا جماعة فيه مسابقة جامدة اوى المنتدى منظمها اليومين دول المسابقة دى عن احسن شاعر فى المنتدى وعلى فكرة المنتدى هنا مش فيه ناس بتفهم فى الشعر كتير يعنى انا واللى زى اللى مش بيفهموا فى الشعر مش بقلقوا لان المسابقة هتكون بين ناس غالبا ضعاف فى الشعر يعنى انا ان شاء الله داخلة فياريت يعنى يا جماعة تشاركونا فى الموضوع ده
وبالله عليكم ادخلوه علشان المسابقة دى مش تفشل علشان خاطرى
والمسابقة هتلاقوها على الرابط ده
بالتوفيق للجميع

[ندعوك للتسجيل في المنتدى أو التعريف بنفسك لمعاينة هذا الرابط]

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية