النيابة الادارية دفعة 2009

معلش يا جماعة انا اسفة سؤال رقم 6 انا كتبتة غلط هو مش مكرر سؤال كان
تقادم دعوة تأدبية ؟
وهى تتقادم بمرور 3 سنوات من وقت ارتكاب مخالفة

الاجابة النموذجية كالاتى

تقادم دعوة تأدبية ؟

تتقادم الدعوى التأديبية بمرور ثلاثة سنوات من تاريخ ارتكاب المخالفة اذا بدأ التحقيق فيها قبل ترك العامل الخدمة
وفى المخالفات المالية التى يترتب عليها ضياع حق مالى للدولة تتقادم المخالفات فيها بمرور خمس سنوات من تاريخ انتهاء الخدمة

اخى الحبيب رامى كمال
انا هطلب منك خدمه صعبه ومتعبه شويه , ودا علشان عارف ان مفيش غيرك هيقدر يعملها
انا بطلب منك عمل موضوعين (اسئله النيابه العامه السباعيه) و(اسئله النيابه الادرايه ) التى تم سؤالها ,, بالنسبه للادارايه بدأت وعشان نستفيد كلنا والعامه لما تبدأ

انا اعلم ان اى حد بيمتحن يأتى يضع اسئلته ولكن تجميعها فى موضوع مستقل سيكون امر مفيد
والله لو كنت اعرف كنت عملت انا كده

ولكن انا بطمع فكرمك وخدماتك اللى انت عودتنا عليها ,,, شكراااااااااااااااااا

أخى الحبيب prosecutor
تحت أمرك .... وسيتم عمل تلك الفكرة إن شاءالله هذا الأسبوع ... بالتوفيق

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

لو سمحت يا استاذ رامى ممكن اجابة السؤال الخاص بالدعاوى التى ترفع امام مجلس الدولة بس ياريت دلوقتى عشان الممقابلة بكرة

وجزاك الله كل خير هتقل عليك بس انت عودتنا على كدة بكرم اخلاقك

الدعاوى التى ترفع امام مجلس دولة ؟
1- دعاوىى الالغاء
2- دعاوى التعويض
دية الاجابة اللى اعرفها ومستشار قال بظبط بس بردوة ياريت تتاكد من الاجابة الى ان استاذ رامى يقول صح ولا غلط

injuerd heart
متشكر جدا على اجابتك ليا وسرعة ردك وجزاك الله كل خير ويارب يوفقنا جميعا ويكرمنا بالتعين اللهم امين ميرسى كتير يا قمر

العفو ولا شكر على واجب وان شاء الله ربنا يكرمنا جميعا بس مهم بردوة تتاكد من الاجابة
وان شاء الله استاذ رامى يقولك الاجابة النموذجية وصحيحة

الاسئلة بتاعة النهاردة كانت تعريف القرار الادارى ووضح ماهو المقصود ب انشاء مركز قانونى جديد الى هو موجود فى تعريف القرار الادارى والسؤال الاخير ده 8 فى اللجنة معرفوش يجوبوه Very Happy

الحمد لله الموضوع سهل جدا والله والاسئلة هى الوقف وعرف القرار الادارى والمقصود باحداث مركز قانونى والحمد لله اجابتو سهلة وهيا الغاء مركز قانونى او تعديلو او انشاءة واركان القرار الادارى وتتكلم عن كل واحدة فيهم ومتقلقوش والله الموضوع سهل ومضحك جدا ودى اسئلة يوم 17/3 النهاردة يعنى وربنا يوفقكم جميعا ياجماعة وركزو فى الاسئلة بتاعت المنتدى عشان مفيش سؤال فعلا بيخرج منها باذن الله وياريت حد يقولنا اية الخطو التالية

المقصود باحداث مركز قانونى وهوا الغاء مركز قانونى او تعديله او انشاءة فقط هذه هى الاجابه النموذجيه

انا قولته فى اجابة السؤال ده تعيين موظف او فصله او ترقيته بس مقولتش انشاء ولا تعديل ولا الغاء يعنى الاجابه بالبلدى cheers

أخى الحبيب محمود بك
أسف على التأخير ... كانت لدى ظروف منعتنى من الدخول .... وبالنسبة للإجابة فأعلم أنها لن تفيدك الآن ... إلا أنها قد تفيد غيرك ... فالدعاوى التى ترفع أمام مجلس الدولة كثيرها وأهمها :
1- دعاوى الإلغاء
2- دعاوى التعويض
3- دعاوى التقسير
4- دعاوى القضاء الكامل
5- الدعاوى المستعجلة

أما عن سؤالك عن المرحلة القادمة .... فهى التحريات ... ولكنها مازال الوقت مبكراً عليها ..

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

بعد ازنك كنت عايز اجابه السؤالين دول

1 اعمال الغصب والتعدى المادى

2 ما اثر نظريه اعمال الغصب علي اختصاص القضاء الاداريالمصري

شكرا لكل من ساهم فى هذا المنتدى بهذة المعلومات الجميلة بالنسبة للنيابات وبجد الاسئلة جميلة جدا ومنظمة بس انا مش لاقى الاجابات رجاء وجود الاجابات
وشكرا للجميع

أخى الحبيب aly2020
1 اعمال الغصب والتعدى المادى
هو ارتكاب الادارة خطا جسيم اثناء قيامها بعمل مادى تنفيذى يتضمن اعتداء على حرية فردية او على مال مملوك لاحد الافراد او يتعلق بعيب جسيم ينهض الى حد اغتصاب السلطة ويجعل العمل المادى عديم الاثر قانونيا .

2 ما اثر نظريه اعمال الغصب علي اختصاص القضاء الاداريالمصري
القضاء الادارى المصرى لايشترط كالقضاء العادى وجود اعمال مادية تنفيذية للقول بتوافر حالة الاعتداء المادى بل يكفى ان يصدر قرارا معدوما يتضمن تنفيذه فى طياته دون حاجة لتنفيذه فهو يستنفذ غايته بمجرد صدوره كالامر باغلاق مقر جريدة يومية او منع عقد اجتماع حزبى او نقابى بكيفية تعسفية وخارج حدود القوانين واللوائح الجارى العمل بها وهذا ما اكدته محكمة القضاء الادارى والمحكمة الادارية العليا .

أخى الحبيب احمد محمد
بس انا مش لاقى الاجابات رجاء وجود الاجابات
ستجد الإجابات فى الردود الموجودة فى الصفحات الأخيرة وكذلك فى موضوع أسئلة النيابة الإدارية ... أما إذا كنت تريد إجابة سؤال معين يرجى تحديده ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

لو سمحت يااستاذ رامى احنا هنذاكر اسئلة النيابة العامة كلها كمان ولا نركز على اسئلة معينة وشكرا على مجهودك وربنا يجعله فى ميزان حسناتك
وارجوا الرد عشان امتحانى يوم 6/4

أختى nossa
لو سمحت يااستاذ رامى احنا هنذاكر اسئلة النيابة العامة كلها كمان ولا نركز على اسئلة معينة وشكرا على مجهودك وربنا يجعله فى ميزان حسناتك
وارجوا الرد عشان امتحانى يوم 6/4
أقرأى أولاً أسئلة النيابة الإدارية ثم بعض أسئلة النيابة العامة التى تخص الأفعال العامه المجرمه مثل الرشوة والتزوير والإختلاس ثم أنظرى للموضوع الذى وضعت به الأسئلة التى تم طرحها لدفعة 2009 لتعرفى ما هى الأسئلة التى كانت فى المقابلات السابقة للدفعة ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

شكرا يااستاذ رامى على مجهودك وشكرا على الرد السريع

ماهو وقف دعوي جنائيه وماهو سقوط دعوي جنائيه وما الفائده من وقف الدعوي الجنائيه

وماهو وقف التقادم وانقطاع التقادم

وما هي المحكمه المختصه بالفصل في التنازع بين محكمتين ابتدائيتين او جهتين تابعتين لمحكمتين ابتدائيتين
هل هيه محكمه النقض ولا الاستئناف

أختى nossa
جزاكى الله كل خير ... تحت امرك بإذن الله ... بالتوفيق

أخى الحبيب aly2020
ماهو وقف دعوي جنائيه
يتم وقف الدعوى الجنائية إذا كان الحكم فيها يتوقف على نتيجة الفصل في دعوى جنائية أخرى إلا أن المحكمة لم تتقيد في حق تقدير جدية الدفع بالإيقاف .

وماهو سقوط دعوي جنائيه
هو مرور وقت زمنى معين منذ تاريخ وقوع الجريمه يؤدى بإنتهاء المدة إلى عدم جواز رفع دعوى جنائية ضد مرتكب الجريمه وهى بمضى عشرة سنوات فى الجناية ثلاث سنوات فى الجنح وسنة واحدة فى المخالفة .

وما الفائده من وقف الدعوي الجنائيه
الإستناد على الحكم الجنائى الصادر فى الدعوى الجنائية الأخرى والتى ستسهم فى تحديد مسار الدعوى الجنائية المرفوعة أصلاً لوقوفها عليه .

وماهو وقف التقادم
ستجده السؤال رقم 130 فى موضوع أسئلة النيابة العامه .

وانقطاع التقادم
ستجده السؤال رقم 128 فى موضوع أسئلة النيابة العامه .

وما هي المحكمه المختصه بالفصل في التنازع بين محكمتين ابتدائيتين او جهتين تابعتين لمحكمتين ابتدائيتين هل هيه محكمه النقض ولا الاستئناف
ستجده السؤال رقم 91 فى موضوع أسئلة النيابة العامه .... وهى محكمة النقض ..

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

الف شكر استاز رامي علي المجهود الرائع

اسفة يا استاذ رامى
الجهة المسئولة عن فض التنازع بين محكمتين ابتدائيتين هى محكمة الاستئناف

بين محكمتين جزئيتين هى محكمة الابتدائية
بين محكمتين ابتدائيتيتن هى محكمة الاستئناف
بين محكمتى الاستئناف فهمى محكمة النقض
بين جهتين مختلفتين يعنى القضاء الادارى والقضاء العادى فتختص بها المحكمة الدستورية

هو مبنىالنيابه الاداريه فين بالتحديد؟؟
يعنى انا دلوقت لو واقف قدام جريده الجمهوريه امشى ازاى علشان اوصل لمبنى الاداريه؟؟
ويا ريت حد من الناس اللى عملت المقابله يقولنا بتاخد قد ايه
يعنى بيبداوا يندهوا على الملفات من كام واخرهم لغايه كام؟؟
وكل مجموعه بتقعد قد ايه قدام اللجنه؟؟؟؟؟

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية