النيابة الادارية دفعة 2009

بالنسبه لصور الملاك ينفع ارفاق املاك الام وحساب البنوك بالنسبه للمتقدم والوالدين

أختى موني سعد
بالنسبه لصور الملاك ينفع ارفاق املاك الام وحساب البنوك بالنسبه للمتقدم والوالدين
نعم ... أى أملاك خاصة بكى وبوالدك ووالدتك ...

للعلم تم الرد على أسئلتك السابقة فى أخر رد بصفحة 5 ...

شكرا جزيلا وبارك الله فيكم

هو بجد في الاختبارات بيجيبو قضية اختياري بالفرنساوي

يعني اية موقفي من الخدمة العامة

يعنى فى خدمه عامه للبنات لازم تجيبى ما يثبت من انك بتتدى الخدمه العامه

أختى موني سعد
شكرا جزيلا وبارك الله فيكم
العفو ..... بالتوفيق إن شاءالله

أختى orkedia
هو بجد في الاختبارات بيجيبو قضية اختياري بالفرنساوي
لا طبعاً ... الأمرسهل جدا ... فقط إلقاء سؤال شفوى من اللجنه وتقومى بالإجابة أو الإعتذار عنها إذا لم تكونى تعرفى الإجابة .... الأمر سهل

يعني اية موقفي من الخدمة العامة
من المفترض أن الإناث يجب أن يؤدوا الخدمه العامه وهى تكون برعاية كبار السن فى المؤسسات الخاصة بذلك وغيرها من الأمور التى بها مساعدة ومشاركة فى المجتمع .... على العموم موقفك من الخدمة العامة التى تطلبها النيابة الإدارية عبارة عن إفادة تأتى بها من التضامن الإجتماعى الموجود فى محافظتك ... يمكنك إستخراجها فى نفس الوقت ... ولايشترط أن تكونى أديتى الخدمة العامة ... فهى إفادة شكلية تستخرجينها منهم .... إذا لم تعرفى مكان التضامن الإجتماعى بمحافظتك أتصلى بـ140 وأسأليهم عن رقم التليفون أو العنوان ...

بالتوفيق للجميع إن شاءالله

ياجماعة عايزة أعرف بيان الحالة الوظيفية ومفردات المرتب بتكون فى حالة ان الوالد مازال بالوظيفة.طيب لو بالمعاش تكون ايه الاوراق المطلوبة؟؟

بصى يا رورو فى هذة الحالة جيبى ورقة من التامينات والمعاشات بمفرادات المرتب او المعاش بس يعنى تجيبى ورقة بتبين دخل الوالد من المعاش قد ايه بس كدة يارورو لكن لو كان طبعا فى الشغل لازم بيان وظيفة ومفردات مرتب .

شكرا يا استاذ رامى على مجهودك الخارق للعادة وردودك السريعة بجد استاذ ورئيس قسم ...............وبالتوفيق دائما.....

شكرا يا استاذ رامى على مجهودك الخارق للعادة وردودك السريعة بجد استاذ ورئيس قسم ...............وبالتوفيق دائما.....

فعلا يا رورو زى ما حسام قال كده
بتجيبى بيان معاش وتكلفته المادية جنيه واحد بس
بس خلى بالك لازم والدك اللى يروح يجيبه ويوجهه للنيابة الادارية
بياخده وهو واقف

أختى roro
ياجماعة عايزة أعرف بيان الحالة الوظيفية ومفردات المرتب بتكون فى حالة ان الوالد مازال بالوظيفة.طيب لو بالمعاش تكون ايه الاوراق المطلوبة؟؟
الذى على المعاش يأتى بنفس ما يأتيه الموظف .... ورقة الحالة الوظيفية يأتى بها من مكان وظيفته القديم والذى بطبيعة الحال سيتم التوضيح بها أنه خرج على المعاش وكانت وظيفته قبل خروجه هى كذا .... أما مفردات المرتب سيتم إستبدالها بورقة أسمها بيان معاش يأتى بها من التأمينات والمعاشات وتكون موجهه للنيابة الإدارية ... وأنا أعلم مدى صعوبة توجيه بيان المعاش للنيابة الإدارية حيث أنهم يرفضون التوجيه للنيابات ولا حتى دار القضاء العالى ... فقط يوافقون على التوجيه لوزارة العدل ... على العموم يحاول توجيهها للنيابة الإدارية ... وإذا لم يستطيع بكل تأكيد سيتم تفهم الأمر فى هيئة النيابة الإدارية ...

أخى الحبيب حسام حمدىhhs
جزاك الله كل خير ... وكم يسعدنى أن أرى كلامك الطيب الذى يجعلنى عاجزاً عن الشكر .... بالتوفيق إن شاءالله

لا يا استاذ رامى هذا حقك وانا لا اقول غير الحق وانت بصراحة بيعجبنى جدا اجوبتك على الموضوع وترتيبها وكيفية تنسيق المعلومات فانت تستحق هذا واكثر.........واتمنى لك ان يزيدك لله من فضله فانت لا تبخل بعلمك على من اراد واذا سؤلت جاوبت بكل صدق...........ومرةاخرى احييك واتمنى لك التوفيق.

يا جماعه شكرا جزيلا لكل المهتمين بالموضوع ده
واللي افادونا كتييييير قوي فيه
بالنسبه لسحب الملف هل هيكون في اوراق مني تبقى معايا وانا بسحب الملف ولا من غير حاجه ؟؟؟
ولا كل المستندات المطلوبه دي في وقت التقديم وبس
وهل لازم الملابس تكون رسمي في اي مرحله ولا لازم تكون في وقت المقابله بس؟؟؟؟؟؟؟
وميرسيييييييييييي قوي

شكرا لكل المهتمين واللى ردوا على سؤالى وجزاكم الله خير

بالنسبة لصحيفة الحالة الجنائية بتكون موجهه لمين بالظبط؟؟

بالنسبة للى كان معاه مادة فتانية ونجح فيها فتالتة واتكتب ده فى شهادة بيان التقديرات للاربع سنين.ياترى ده يأثر على القبول فى النيابةالادارية؟ وهل من الممكن تطلع شهادة بيان التقديرات دى من غير ميتكتب فيها التوضيح ده ؟؟

roro كتب:: بالنسبة لصحيفة الحالة الجنائية بتكون موجهه لمين بالظبط؟؟

بالنسبة لبتاعت المتقدم نفسه بتوجة الى ادارة التعيينات بالنايبة الادارية
وبالنسبة للفيش الخاص بالوالد بيوجه الى ادارة التعيينات لتعيين نجلى بالنيابة الادارية

roro كتب:: بالنسبة للى كان معاه مادة فتانية ونجح فيها فتالتة واتكتب ده فى شهادة بيان التقديرات للاربع سنين.ياترى ده يأثر على القبول فى النيابةالادارية؟ وهل من الممكن تطلع شهادة بيان التقديرات دى من غير ميتكتب فيها التوضيح ده ؟؟

دى بتختلف من كلية لاخرى يعنى حقوق القاهرة مثلا مش بيتعرف منها انت كنت شاشيل مادة ولا لا مش بتتعرف خاااااااااااااااالص
لكن فى كلية زى بتاعت حضرتك دى مش هتعرفى تخفيها
واهم حاجة عندهم التقدير
يعنى لو تقدير حضرتك مرتفع سوف يشفع لكى التقدير فى النيابة الادارية بالخصوص

هي التجاوزات فى التعيين فى النيابه الاداريه زى العامه كده ولا بتبقى اقل
يعنى ممكن اللى تعب وجاب جيد يلاقى فى النهايه ويتعين من غير واسطه
ولا الواسطه مطلوبه فى اى جهه؟؟

أختى jojo
بالنسبه لسحب الملف هل هيكون في اوراق مني تبقى معايا وانا بسحب الملف ولا من غير حاجه ؟؟؟
سحب الملف فقط بصورة البطاقة ... أما الأوراق المطلوبة تكون موجودة وقت التقديم ...

وهل لازم الملابس تكون رسمي في اي مرحله ولا لازم تكون في وقت المقابله بس؟؟؟؟؟؟؟
الزى الرسمى وقت المقابلة فقط .. أم السحب والتقديم فسيكون التعامل مع موظف ولن يأخذ الوقت سوى دقيقة لسحب الملف ودقيقة أثناء تقديمه ....

أختى roro
بالنسبة لصحيفة الحالة الجنائية بتكون موجهه لمين بالظبط؟؟
موجهه للنيابة الإدارية ..

ياترى ده يأثر على القبول فى النيابةالادارية؟
لايؤثر ... فالمعيار ألا يقل التقدير عن جيد ... وبكل تأكيد كلما أرتفع التقدير كلما تغاضوا عن مواد الإعادة ....

وهل من الممكن تطلع شهادة بيان التقديرات دى من غير ميتكتب فيها التوضيح ده ؟؟
للأسف لا يمكن ذلك ...

أخى الحبيب ايهاب
هي التجاوزات فى التعيين فى النيابه الاداريه زى العامه كده ولا بتبقى اقل
يعنى ممكن اللى تعب وجاب جيد يلاقى فى النهايه ويتعين من غير واسطه
ولا الواسطه مطلوبه فى اى جهه؟؟
لن تجد أى هيئة مثل الهيئة العامة ... فهى لها طابع خاص وسط باقى الهيئات .... فالنيابة الإدارية تهتم بقدر أكبر بالتقدير عن العامة ... والتجاوزات فيها أقل من العامة ....

بالتوفيق للجميع إن شاءالله

شكرا جزيلا استاذ رامي على الافاده
بجد ميرسي ليك ولكل المنتدى الجامد ده

شكرا ع مجهودك اللى بحييك علية
اريد ان اعرف من وجهه نظرك ايهما افضل النيابة العامة ام النيابة الادارية من جميع النواحى
سواء من حيث السلطة \المادة\عدد ساعات العمل\.......الخ

جزاك الله كل خير

أختى jojo
شكرا جزيلا استاذ رامي على الافاده
بجد ميرسي ليك ولكل المنتدى الجامد ده
العفو .... إن شاءالله ربنا يوفقك ... فقط توكلى على الله ... وأكثرى من الإستغفار ...

أخى الحبيب abe el rahman
اريد ان اعرف من وجهه نظرك ايهما افضل النيابة العامة ام النيابة الادارية من جميع النواحى
سواء من حيث السلطة \المادة\عدد ساعات العمل\.......الخ
من حيث السلطة نجد أن الأثنين هيئات قضائية والأثنين يتم تعيينك بهم معاون نيابة ثم مساعد ثم وكيل لكن بطبيعة الحال سلطة وكيل النيابة العامة أوسع من سلطة الإدارية .... من الناحية المادية نجد أن جميع الهيئات فى بداية تعيينك يتقاضوا مرتب واحد ولافرق بينهم إلا أن طبيعة العمل فى المستقبل تجعل كل هيئة تنفرد عن الأخرى وتختلف المرتبات حسب الوضع .... من حيث ضغط العمل فالنيابة العامة ضغطها أكثر بكثير من الإدارية ... من حيث جهة تعيينك ففى النيابة العامة عليك أن تنسى محافظتك أما فى الإدارية فأغلب الأحوال يتم تعيينك فى محافتظك .....

بالتوفيق إن شاءالله

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية