النيابة الادارية دفعة 2009

شكرا على الافادة استاذ محمود وشكرا استاذ رامى

ممكن اعرف صحيفة الحالة الجنائية بتكون للمتقدم فقط؟ولا للوالد كمان؟

استاذ رامي معلش انا برضو مش فاهم ايه هو بيان الوظيفه او بيان المرتب ده لان انا والدي شغال بالخليج وهما معندهومش الروتين والنظام المصري اللي عندنا فانا مش عارف اقوله يعمل ايه بالظبط هل يعملي شهاده معتمده زي اللي عملناها في النيابه العامه فيها الوظيفه والمرتب ولا ورقتين او بيانين واحد للوظيفه والتاني للمرتب ومعلش انا اسف للاطاله هل لو في صيغه معينه تقولهالي و لك جزيل الشكر واسف مره اخره علي الاطاله جزاكم الله خير

هو مقر النيابه الاداريه فين من دار القضاء العالى
يغنى لو انا واقف قدام دار القضاء اعمل ايه علشان اوصل للنيابه الاداريه؟ظ

بص يا باشا انت روح لغايت سنترال رمسيس اللى فى وش دار القضاء وقولهن عاوز اروح النيابة الادارية اللى فوق المجمع الطبى

يا جماعه معلش هوا بدايه سحب الملف من يوم 26 صح؟؟؟؟؟؟؟؟؟؟؟؟؟؟؟؟
لاني دايما حاسه اني مش هلحق يا ريت حد يطمني

jojo كتب:: يا جماعه معلش هوا بدايه سحب الملف من يوم 26 صح؟؟؟؟؟؟؟؟؟؟؟؟؟؟؟؟
لاني دايما حاسه اني مش هلحق يا ريت حد يطمني

ان شاء الله هتلحقى وفعل الميعاد مظبوط

يا جماعه هو بيان الحاله بتاع الوظيفه..انا ببايا بيشتغل مش في قطاع عام ولا خاص يعني اعمال حره ممكن اعمل الورقه دي ازاى ومنين وبالنسبه للاوراق المطلوبه مطلوب ورقه تثبت حسن سير وسلوك من الكليه ولالآه وميرسي

وكمان عندي سؤال هو فعلا الافضليه بتكون لخريجي حقوق انجلش ولا ده كلام وبس

شكرا جزيلا للكل بس معلش هى صحيفة الحالة الجنائية ليا بس ولا لوالدي معايا

والواسطه دي المقصود بيها ايه بالظبط يعني مجرد ان اس مستشار عنده نفوز هيوصي عليك تعدي ولا رشوه ليه مش فاهمه يعني ليه البطيخ ده في بلدنا يلا ربنا يعديها علي خير.

kholoud كتب:: وكمان عندي سؤال هو فعلا الافضليه بتكون لخريجي حقوق انجلش ولا ده كلام وبس

ايوة

شكرا على مجهودك استاذ محمود وبالتوفيق... شكراوتقبل مرورى

أختى roro
شكرا على الافادة استاذ محمود وشكرا استاذ رامى
العفو ... جزاكى الله كل خير ... وإن شاءالله ربنا يكرمك ... توكلى على الله ... وأكثرى الإستغفار ..

ممكن اعرف صحيفة الحالة الجنائية بتكون للمتقدم فقط؟ولا للوالد كمان؟
للمتقدم فقط ...

أخى الحبيب خالد كامل
فانا مش عارف اقوله يعمل ايه بالظبط هل يعملي شهاده معتمده زي اللي عملناها في النيابه العامه فيها الوظيفه والمرتب ولا ورقتين او بيانين واحد للوظيفه والتاني للمرتب
قم بإحضار شهادة أياً كان أسمها مبين بها الوظيفة والمؤهل كالتى قدمتها فى النيابة العامة بالضبط .... وشهادة أخرى أياً كان أسمها مبين بها مرتب والدك بشكل تفصيلى حيث تكون بها الحوافر والمرتب الصافى والمرتب الإجمالى وغيرها من البيانات التفصيلية للمرتب .... وإذا لم يكن فى جهة عمل والدك شهادة مفصلة للمرتب فيكفى أن يكون المرتب موضح فى شهادة الحالة الوظيفية وياريت لو كان موضح بها المرتب الصافى والمرتب الإجمالى .... وليس لكلتها الشهادتين صيغة معينة ... فهى معروفة فى جهة العمل التى يعمل بها ....

أخى الحبيب ايهاب
هو مقر النيابه الاداريه فين من دار القضاء العالى
إذا كنت تتحدث عن طريقة الوصول إليها عن طريق المترو ... فلا تنزل محطة جمال عبد الناصر التى تذهب لها لدار القضاء ... إنما تنزل المحطة التى قبلها وهى محطة أحمد عرابى .... عندما تصعد ستجد أمامك مبنى جريدة الجمهورية .... بجانبها تجد مبنى النيابة الإدارية ....

أختى jojo
يا جماعه معلش هوا بدايه سحب الملف من يوم 26 صح؟؟؟؟؟؟؟؟؟؟؟؟؟؟؟؟
لاني دايما حاسه اني مش هلحق يا ريت حد يطمني
بالفعل أول يوم سحب ملفات يوم الثلاثاء 26/1.... وأطمئنى جدا جدا ... فالأمر سهل ولا توجد أدنى صعوبه به ... مجرد أنه فى يوم 26 تذهبى لمبنى النيابة الإدارية فى مكتب المخازن والمشتريات وتطلبى ملف بصورة البطاقة وتعود بالسلامة لمنزلك تملئ الملف وتضعى به الأوراق المطلوبة التى أنصحك أن تبدأى فى تجميعها من الآن ... ثم تذهبى فى أى يوم تريديه عندما تنتهى من الملف لنفس المكان لتسليمه وذلك قبل يوم 9/2 ..... ونصيحة لله .... يوم سحب الملف أذهبى مبكراً ... ولو حتى كنتى أول من يسحب الملف .... أو تذهبى اليوم التالى .... وذلك لأنك سترين بعينك مايحدث يوم السحب من زحام شديد وعدم تنظيم وأنتى فتاه وسط هذا الجيش من المتقدمين ..... توكلى على الله

أختى kholoud
ايا جماعه هو بيان الحاله بتاع الوظيفه..انا ببايا بيشتغل مش في قطاع عام ولا خاص يعني اعمال حره ممكن اعمل الورقه دي ازاى ومنين
يأتى بشهادة من السجل الضريبى ... وأى أوراق تثبت الدخل .... وفى خانة الدخل الشهرى أكتبى الدخل المتوسط ....

وبالنسبه للاوراق المطلوبه مطلوب ورقه تثبت حسن سير وسلوك من الكليه ولالآه وميرسي
لا .... ليست من ضمن الأوراق المطلوبة أى شهادة بهذا الشكل ....

وكمان عندي سؤال هو فعلا الافضليه بتكون لخريجي حقوق انجلش ولا ده كلام وبس
المعيار هو أن يكون المتقدم خريج حقوق أو شريعة وقانون أو شرطه بتقدير لايقل عن جيد ... ولاتوجد أى أفضلية بين خريجين إحدى تلك الكليات أو بين أقسام نفس الكلية مثل حقوق أنجليش وباقى الخريجين .... للأسف ليس معيارا ...

والواسطه دي المقصود بيها ايه بالظبط يعني مجرد ان اس مستشار عنده نفوز هيوصي عليك تعدي ولا رشوه ليه مش فاهمه يعني ليه البطيخ ده في بلدنا يلا ربنا يعديها علي خير.
الأمر ليس بهذا الشكل ... إنما يوجد فى حقل القضاء ما يسمى بالتزكية .... هناك تزكية يقوم بها مستشار معرفة لكى حتى يزكيكى فى المجلس .... وطبعاً من الأفضل أن يكون مستشار له وضع ليس بالقليل ... إنما الرشوة هى طريق أخر حيث هناك فئة تأخذ أموالاً وتوسطى على ملفك .... توكلى على الله وأحسنى الظن به .... وأنصحك بكثرة الإستغفار ... فله تأثير على حياتك لا تتخيلى قدره .... يكفى أن بسبب كثرة الإستغفار لايرد لكى دعاء ...

أختى orkedia
شكرا جزيلا للكل بس معلش هى صحيفة الحالة الجنائية ليا بس ولا لوالدي معايا
للمتقدم فقط .... فيش الوالد غير مطالبه به ....

بالتوفيق للجميع ....
لاتنسوا دائما فى هذا الأمر وفى حياتكم كلها ... الدعاء والتوكل والإستغفار
اللهم أكرمنا بالتعيين ... توكلنا على الله ... أستغفر الله العظيم

لو سمحت عاوزة اعرف بيان الوظيفة بيجى منين ياريت توصف لى المكان وينفع انا اروح اجيبة بدلا من بابا .وفى ناس بتقولى هوبيجى مع الملف دة صح ولا لا وشكرا لحضرتك

ياجماعة عايزة اعرف ممكن اى حد ميقربليش يسحبلى ملف التقديم للنيابة الادارية؟

هل يجب حصول الاب والام على مؤهل عالى ؟وهل يجب حصول الكثيرين من افراد العائلة على ذلك ايضا كشرط للقبول بالنيابة الادارية؟

شكرا جزيلا لك يا محمود انت ورامي علي المجهود وان شاء الله يكون في ميزان حسناتكم

شكرا ليك يا اخ رامي علي ردودك السريعه والمتفاهمه جدا وانا فعلا هاخد بنصيحتك للاستغفار ان شاء الله بس اصل في مواقف بتطلع الواحد عن شعوره.و عندي سؤال هو فعلا ببايا راح السجل الضريبي بس ملقاش حاجه تفيد حاله الوظيفه وفي الحاله دي ممكن يكتب اقرار بأي صيغه تفيد المطلوب من الوظيفه الحره ووالمرتب وهكذا؟ولا هل زي الاخ ما بيقول انها بتيجي مع الملف.وهل كمان تنصحنا نروح في اول يوم انت عارف الزحمه والملف سعره كام وانا قلقانه من الفيش لاني عملته اول امبارح وقالولي هيخلص اكتر من 10 ايام فأجيب الملف في اوائل الايام ولا اعمل ايه

لو سمحت معلش ممكن تقولى اجيب منين كمان شهادة الخدمة العامة للاناث

أختى shosho
لو سمحت عاوزة اعرف بيان الوظيفة بيجى منين ياريت توصف لى المكان وينفع انا اروح اجيبة بدلا من بابا
هى شهادة تأتى بها من جهة عمل والدك .. وليس لها صيغة معينة ... فقط يكون من محتوياتها الوظيفة والمؤهل والمرتب ... من الأفضل أن يذهب والدك بنفسه لأنه بكل تأكيد يعرفهم لقربهم له فى نفس العمل ... وذلك فى شئون العاملين فى المصلحة التى يعمل بها ..

وفى ناس بتقولى هوبيجى مع الملف دة صح ولا لا
لا يأتى مع الملف مطلقاً ... هى ورقة مستقلة تأتى بها من جهة عمل الوالد ...

لو سمحت معلش ممكن تقولى اجيب منين كمان شهادة الخدمة العامة للاناث
هى شهادة روتينية بأنك أنهيتى الخدمة العامة .... تأتى بها من التضامن الإجتماعى الموجود فى محافظتك ... أذهبى لهم وأطلبى منهم الشهادة ... إذا أخبروكى أنكى لم تؤدى الخدمة العامة أشرحى لهم الأمر وأنك ستقدمى للنيابة وإن شاءالله بيكونوا متفاهمين ويعطوكى تلك الشهادة ...إذا لم تعرفى مكان التضامن الإجتماعى فى محافظتك أتصلى بـ140 وأطلبى منهم رقمهم أو العنوان ...

أختى roro
ياجماعة عايزة اعرف ممكن اى حد ميقربليش يسحبلى ملف التقديم للنيابة الادارية؟
أى شخص يستطيع أن يسحب لكى الملف .. فقط بصورة بطاقتك الشخصية ....

هل يجب حصول الاب والام على مؤهل عالى ؟وهل يجب حصول الكثيرين من افراد العائلة على ذلك ايضا كشرط للقبول بالنيابة الادارية؟
هو شرط مرن وخفى ... أى أنه ليس قاعدة صلبة وتطبق بشكل واضح ... إنما يمكن التنازل عنها فهو شرط غير معلن ... أما الأقارب كلما زاد عدد حاملين المؤهلات يكون أفضل .... لكن الأفضل هو تفويض الأمر لله ... فلا تنسى هذه الكلمة العظيمة ... فوض الأمر إلينا نحن أولى بك منك ...

أختى kholoud
ممكن يكتب اقرار بأي صيغه تفيد المطلوب من الوظيفه الحره ووالمرتب وهكذا؟ولا هل زي الاخ ما بيقول انها بتيجي مع الملف
لايأتى مع الملف ... إنما هى أوراق مطلوبة منك تأتى بها بشكل مستقل .... فى حالة إستطاعته أن يأتى مايثبت ذلك من السجل الضريبى .... فليأتى بصورة من السجل التجارى ... وأى أوراق تثبت البيانات المطلوبة وهى الوظيفة والمؤهل والمرتب .... ما يثبت الوظيفة هى صورة السجل التجارى كما ذكرنا ... وما يثبت المؤهل هو صورة من شهادة التخرج ... وما يثبت المرتب هو أى أوراق تثبت متوسط الدخل حسب طبيعة عمله .... إذاً المطلوب لحالتك هو ... صورة من شهادة التخرج وصورة من السجل التجارى وما يثبت متوسط الدخل ... الأمر بسيط جدا ولاتصعبى الأمر على نفسك .... توكلى على الله ...

وهل كمان تنصحنا نروح في اول يوم انت عارف الزحمه
بكل تأكيد خاصة أنك فتاه وخوفاً عليكى من الجيش الجرار الذى سيكون موجود فى أول يوم مع عدم التنظيم والعشوائية سيجعل الأمر بالنسبة لكى من المستحيلات ... فأنصحك أن تذهبى مبكراً جدا ... يعنى أول من يسحب الملف ... تكونى هناك قبل الموظفين نفسهم .. أما إذا كان ذلك صعب عليكى وهو لنفس سبب عدم ذهابك فى الزحام فيكون بكل تأكيد من الأفضل أن تذهبى فى اليوم التالى ... ستجدى زحام أيضاً لكن ليس كما كان أول يوم مع النصيحة أيضا أن يكون مبكراً لكن ليس مبكراً جدا ... أما ثالث يوم فأذهبى فأى وقت تشائى .... وطبعاً الأختيار يرجع لكى ومدى قلقلك وإنتظارك لثانى يوم أو ثالث يوم أو عدم إستطاعتك الإنتظار أكثر من اليوم الأول ...

والملف سعره كام
سعره خمسين جنيه .... ولاتنسى صورة البطاقة معاكى ....

وانا قلقانه من الفيش لاني عملته اول امبارح وقالولي هيخلص اكتر من 10 ايام فأجيب الملف في اوائل الايام ولا اعمل ايه
من قال لكى 10 أيام ؟؟؟ .... لا أعتقد أن من قال لكى تلك الكلمة سمع عن شيئ أسمه الداخلية ولايقرب لها بأى شكل من الأشكال ... أكيد سألتى فرد ليس له صفة ... فالفيش مدة صلاحيته ثلاث شهور ... ولكى أستخدامه تلك المدة كما تشائين ... ثلاث شهور لاأكثر ولاأقل .... فلاتقلقى من هذا الشأن وأطمئنى ....

بالتوفيق للجميع
لاتنسوا ... الدعاء والتوكل والإستغفار
اللهم أكرمنا بالتعيين .. توكلنا على الله ... أستغفر الله العظيم ..

roro كتب:: ياجماعة عايزة اعرف ممكن اى حد ميقربليش يسحبلى ملف التقديم للنيابة الادارية؟

وانا باسحب ملف النيابه العامه لقيت واحد بيسحب 3 ملفات لاصحابه
المهم يكون مع الشخص اللى هيسحب الملف بالنيابه عنك معاه صوره بطاقتك

السلام عليكم الاخوه والاخوات انا النهارده كنت في القاهره كان عندي مقابله التفتيش القضائي للنيابه العامه
(دعواتكم معانا )
المهم بعد ماخلصت اتجهت لمبني النيابه الاداريه وهو سهل جدا الوصول اليه انتم بس اوصلو لمبني جريده الجمهوريه في رمسيس واسالو هناك عن مبني النيابه الاداريه هتلاقوها العماره اللي جمب جريده الجمهوريه عالطول طبعا المبني لايوحي اطلاقا شكلا ومظهرا انه نيابه اداريه هتطلعو الدور الاول شمال
انا رحت وسالت الموظفين وقالو ان صرف الملفات سوف يبدا من يوم الثلاثاء القادم ان شاء الله وممكن اي حد يسحب الملف لاي حد بشرط(صوره البطاقه وصوره الشهاده الموقته) وهذا حسب كلام الموظف المختص والملف في حدود ال 50 جنيه وتحضر الورق المطلوب واخر ميعاد لسحب وتقديم الملفات يوم 9\2 وشكرا

السلام عليكم ورحمة اللة وبركاتة المقابلة بالنسبة للنيابة الادارية اية نظامها علشان انا خايفة منها جدا والاسئلة اللى ممكن تتسئل فيها؟

شكرا بجد على الرد وربنا يوفقكم.بس عايزة اعرف ازاى نجيب شهادة تثبت تأدية الخدمة العامة ؟ مع العلم اننا نؤديها تقريبا فى حدود سنة واحنا طبعا لسة متخرجين ومنلحقش نخلصها يعنى منقدرش نجيب غيرمايثبت اننا نؤديها بالفعل فقط ؟؟؟؟؟؟؟

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية