النيابة الادارية دفعة 2009

احلى خبر فى الدنيا يا خلود والله فرحتيني يا حبي اديكي قلقتي على الفاضي
يلا ربنا يوفقك ان شاء الله ويسترها عليكي وعلينا

بالتوفيق ان شاء الله بالليل واول ماترجعي طمنينا على طول اوكي يا حبيببتي

ربنا يخليكي والله أكيد من غير ماتقولي Cool

جوجو بصي بجد ميرسي جدا هي وصلت يعني بس انا مش مسموحلي أرد تقريبا عشان عدد المشاركات قليل بس من عنيا ان شاء الله Very Happy

الف مبروك ليكى يا خلود
ولو راجعتى مشاركاتى اللى فاتت هتلاقينى طمبنتك فى هذا الخصوص
ولما طمنتك كنت بتكلم عن ثقة ومعرفة مش لمجرد التطمين وخلاص
وان شاء الله كل مرحلة وليها توجيهاتها
بس لازم تتكلمى معانا بصراحة علشان نوجهك بكل صدق

أخر مايحدث على الساحة ... تحريات جامعات بنها والمنوفية والزقازيق وطنطا سارية بالفعل ... وتحريات جامعة المنصورة فى بداياتها ....

---------------------

أخى الحبيب عبد الناصر
المخالفه الماليه والاداريه
تشرفنا برد أخى الحبيب المدير العام على هذا السؤال :
المخالفة الادارية هى اخلال الموظف العام باحد واجبات وظيفته دون حدوث اضرار مالية عن ذلك

المخالفة المالية هى اخلال الموظف العام باحد واجبات وظيفته مما ترتب على ذلك تحمل الجهة الادارية بأضرار مالية او تكبيد خزانة الدولة نفقات غير مستحقة او اى اضرار مالية اخرى .

تعريف الالتزام بتحقيق نتيجه والالتزام ببذل عنايه
تشرفنا برد أخى الحبيب المدير العام على هذا السؤال :
الالتزام ببذل عتاية :- هو ذلك الالتزام الذى يقع على عاتق شخص بحيث يجب عليه ان يبزل من العناية ما يحقق الغرض الموكل اليه دون الن يكون ملتزم بتحقيق ذلك الشئ فالمحامى مثلا فى قضية يكون ملتزما بحضور الجلسان وتقديم المذكرات وادفع الدفوع ومتابعة القضية دون ان يكون ملتزما بالحصول على براءة او الحصول على حكم معين .
بالمحامى اذا التزامه يكون التزام ببذل عناية

الالتزام بتحقيق نتيجة :- هو ذلك الالتزام الذى يقع على عاتق شخص يوجب عليه تحقيق نتيجة معينى فاذا لم يحقق تلك النتيجة لم يستحق المقابل فالتزامه فى تلك الحالة هو التزام بتحقيق نتيج ومثال ذلك مطرب الحفلة فانه يكون ملتزم باحياء الحفلة فاذا ما تعطل فى الطريق لاى سبب كان حتى وان كانت قوة قاهرة التى وان جاز اعفاؤه بسببها من التعويض لكنه فى تلك الحالة لا يستحق اجره لان التزامه لم يتحقق اصلا وهو احياء الحفلة ختى وان بذل فى ذلك عناية الشخص الحريص

ماهو المقصود بإنشاء مركز قانونى جديد ؟
تشرفنا برد أخى الحبيب محمود بك على هذا السؤال :
اولا المقصود من السؤال ما المقصود باحداث مركز قانونى ؟ المقصود هو ان يقوم القرار بانشاء او تعديل او الغاء للمركز القانونى ولكن ان كنت تقصد المقصود بالانشاء؟ فهو ان ياتى القرار بمركز قانونى او وضع قانونى جديد لم يسبق تواجدة من قبل وهذا المقصود من انشاءة

أخى الحبيب medhat osman
انا بس عايز اعرف هما بيتصلوا بالجامعة اللى بينزلها تحريات فى نفس اليوم ولا فى كذا يوم لانى قلقان جدا
لاتقلق إطلاقاً ... يتم نزول التحريات على مراحل وبالتدريج دون التقيد بمجموع .. ويمكن التأكد عن طريق السؤال فى قسم الشرطه أو فى الحاسب الألى بمديرية الأمن عن نزول تحريات لك ...

أخى الحبيب حسام الدين
استاذ رامى معلش هتعب حضرتك انامن ازهر اسيوط (جيد جدا) ممكن اعرف مقابلتى فى الاداريه امتى ؟
أعلم من هو بأزهر أسيوط ومقابلته 2/6 ... أما بداية مقابلات تلك الجامعه فلا أدرى ....

أخى الحبيب محمود بك
ولكن لدى سؤال مدى تاثير الجنح الغير مخلة بالشرف فى عملية القبول
غير مؤثرة خاصة إذا إنتهت بدون حكم .... فلاتقلق ...

بص ياباشا دلوقتى انا جبت القرار النهائى وهو الغاء وقبول وترك المدعى بالدعو المدنية والجنائية ومصاريف الدعو دة المكتوب حاليا فى شهادة من واقع الجدول الجنح المستانفة ارجو الرد
كما ذكر لك أخى الحبيب المدير العام أن القرار هو قبول وإلغاء .... أبارك لك على تلك النتيجة ... إعتبر الأمر إنتهى ... قم بتقديم تلك الشهادة ولاتفكر فى الأمر .... حيث تم إلغاء الحكم من محكمة الجنح المستأنفه ...

أخى الحبيب احمد سليم
انا كنت سألت على حكايه القيد العائلى اللى مطلوب اقدمه فى النيابه الاداريه
لايتم طلب قيد عائلى إلا إذا كان هناك تشابه أسماء غير موجوده بالوثيقه ....

هل ممكن اكلم مثلا ظابط مباحث معرفه يخلص الموضوع ولا اعمل ايه امضى على اقرار ولا ايه؟
يمكنك تجهيز القيد العائلى كما أخبرك أخى الحبيب المدير العام وسيساعدك فى ذلك تلك التوصية ...

أخى الحبيب spy
انا فيه حاجه محيرانى فيه ناس معايا فى نفس المنطقه وتبع نفس القسم بس لما التحريات جات فيه ناس راحت القسم وفيه ناس راحت امن الدوله عايز اعرف ازاى
الأمر طبيعى ... كل جهه مستقله فى التحريات ... جهه تتحرى سياسياً والأخرى تتحرى جنائياً ...

أختى shosho
انا اعرف منين ان التحريات نزلت ليا ولا لا يعنى هما بيجوا او بيتصلوا ولا انا بروح اسال ولو بروح اسال هروح اسال فين
سيتم الإتصال بكى ... ولكن يمكنك التأكد والسؤال فى قسم الشرطه أو الحاسب الآلى الموجود بمديرية الأمن ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

فعلا ياخلود انا لسة امين الشرطة اتصل بيا انهارده والميعاد بعد العشا كدة طمنينى وانا هطمنك بس انا مش هروح بابا هو اللى هيروح عشان انا حامل فى الاخر متنسيش تتطمنينى

ميرسى ياخلود على اهتمامك

******************جزاكم الله خيرا******************

احسنتم يارامى بيه ويا سيادة المدير جزاكم الله كل خير وجعل عملكما فى ميزان حسناتكم

شكرا لكل اعضاء هذا المنتدى والف ترليون شكر لسياده الاستاذ / المدير العام واستاذناالكبير/ رامى....... وسؤال اخر((((((هل لو كانت الاجابه طويله مثل مامورى الضبط اوغيرها& .ده لو كنت عارف الاجابه ان شاء الله &. يتم مقاطعتى ويتم سؤال الى بعدى ام يعطينى الفرصه كامله )))))*****هل من الممكن ان يعطينى فرصه التفكير فى الاجابه حتى لو لمده 10 ثوانى ام اذا لم اجاوب مباشره يسأل اللى بعدى مباشره******وشكرا = اللهم اكرمنا جميعا = وبالله التوفيق

السلام عليكم يا أهل المنتــدى Razz

لسه جايه دلوقتي من مديريه الأمن..التعامل في منتهى منتهى الاحترام
ومتقلقيش يا هبه زي ما كل زمايلنا هنا قالوا انتي بتتعاملي مع شخصيه فعلا محترمه.و مش أكتر من أنه راجع معايا البيانات أنا وبابا وسألني ليه مقدمه في النيابه وسألني مين يقربلك ايه وتعرفي عيله كزا وليه أخترتي حقوق أنجلش وبتشتغلي ايه.بس.شويه دردشه مش أكتر Smile

ربنا مع الجميع وطمنينا عليكي

السلام عليكم لو سمحتوا ممكن لما حد من جامعة اسكندرية تنزله تحريات يقولى

الى الاستاذ عبد الناصر
بص يا باشا ده بيعتمد على ما اذا كنت من اوائل اللجان اللى داخلة وبالتالى بيكون المستشارين لسى فى المود او فى لجنة متأخرة
مثلا انا كنت فى اللجنة التانية فهرانا اسئلة وادى لكل واحد وقته وخلاه يكمل الاجابة الى الاخر
لكن بداية من اللجنة الرابعة اصبح كله قلب فى قلب

شباب جامعة المنصورة

لا احد يقلق فالتحريات نزلت فى مناطق ومناطق اخرى لسة بتنزل .

فية ناس نزلتلهم من محافظة الدقهلية وناس لسة بس متخفوش لان امن الدولة مشغول اصلا اليومين دول خصوصا ان انتخابات خلاص على الابواب .

وربنا يوفق الجميع

على فكرة التحريات هتقعد الشهر دا كلة ف لا يقلق احد من شباب جامعة المنصورة لو انها اتأخرت شوية

يا جماعة التحريات بتفضل تنزل حتى شهر اغسطس فلا تقلقوا

لى سؤال: النيابة الادارية ترسل التحريات للعدد المراد تعيينة بالاضافة الى عدد اخر
اما العامة فترسل فقط لمن تريدة.

فأين خطوات انقاص العدد فى الادارية ؟

وهل ترسل تحريات امن الدولة الى كل شخص فى الادارية ام فقط عدد الناجحين من السباعية ؟

فى الادارية وفى العامة لا يتمارسال تحريات الا بعد النجاح فى اللجنة السباعية ولكن نسبة النجاح فى الادرية تكن كبيرة جدا ولكن فى العامة تكون ضئيلة
وبالتالى يقال ان اللى تنزله تحريات فى العامة بيبقى مطلوب مع ان فيه ناس كتير نزلها تحريات فى العامة ومفيش مشكلة فى التحريات وبروا مش بينزل اسمهم فى الطبى

المدير العام كتب:: فى الادارية وفى العامة لا يتمارسال تحريات الا بعد النجاح فى اللجنة السباعية ولكن نسبة النجاح فى الادرية تكن كبيرة جدا ولكن فى العامة تكون ضئيلة
وبالتالى يقال ان اللى تنزله تحريات فى العامة بيبقى مطلوب مع ان فيه ناس كتير نزلها تحريات فى العامة ومفيش مشكلة فى التحريات وبروا مش بينزل اسمهم فى الطبى

اولا اشكرك لسرعة الرد.

ثانيا: مثلا الادارية نزلت 1000 اسم لامن الدولة , بعد كدا هيكونوا 700 للقسم و بعدها 500 طبى و بعد كدا تعيين ؟؟؟؟؟ ام ماذا ؟

ثالثا: العامة بقى هتنزل 600 لامن الدولة , 550 قسم , 500 طبى وبعدها تعيين؟؟؟؟؟؟؟

((( الارقام مجازية اوى ولا قريبة للحقيقة؟؟؟)))

كل اللى بينزله امن دولة لازم بينزله قسم ولكن التصفية بتكون بعد التحريات كلها لما تخلص

أخى الحبيب عبدالناصر
هل لو كانت الاجابه طويله مثل مامورى الضبط اوغيرها& .ده لو كنت عارف الاجابه ان شاء الله &. يتم مقاطعتى ويتم سؤال الى بعدى ام يعطينى الفرصه كامله )))))*****هل من الممكن ان يعطينى فرصه التفكير فى الاجابه حتى لو لمده 10 ثوانى ام اذا لم اجاوب مباشره يسأل اللى بعدى مباشره
بالفعل يعود لوقت دخولك كما ذكر أخى الحبيب المدير العام ... فى اللجان المبكره ستجد نوع من أنواع التأنى بحيث يناقشك فى الإجابة وقد يسألك أكثر من سؤال .. ولو سألك سؤال مأمورى الضبط قد يقوم بتذكيرك بعددهم للعد معك .... أما اللجان الأخيره فيوجد نوع من أنواع التسرع لإنجاز الأمر ....

أخى الحبيب الثعلب العربى
فأين خطوات انقاص العدد فى الادارية ؟
يوجد إنقاص منذ مرحلة المقابلة ... بحيث يتم نزول تحريات لمن إجتاز تلك المقابلة .... وطبعاً عدد الناجحين فى مقابلة الإدارية عددهم أكبر بكثير من العامه ... فكما ذكرت أن الإداريه تنزل لها تحريات للعدد إحتياطى كبير ... أما العامه فيكون العدد الإحتياطى قليل بالمقارنة بالإدارية .... ثم تأتى مرحلة تصفية مرة أخرى وهى إجتياز التحريات ودخول الكشف الطبى ....

وهل ترسل تحريات امن الدولة الى كل شخص فى الادارية ام فقط عدد الناجحين من السباعية ؟
فقط من إجتاز المقابلة وتم الموافقه عليه لنزول التحريات له ...

((( الارقام مجازية اوى ولا قريبة للحقيقة؟؟؟)))
أولا ... التحريات هى مجموعه متكامله لابد أن تقوم بها كلها ... فإذا بدأت التحريات فجميع الجهات تقوم بعملها وتنهيه حتى ترسل النتيجة إلى الهيئة مرة أخرى ... فطالما نزلت تحريات أمن دولة فلابد من نزول تحريات القسم ....
ثانياً ... إذا أردت أن تتحدث بالأرقام حتى يسهل عليك الأمر ... فأعطيك مثالاً لدفعه فى النيابه العامه ... تم التقدم 4986 شخص ... دخلوا التفتيش القضائى ومقابلة السباعية ... نجح منهم 1560 ونزلت لهم تحريات ... إجتاز منهم 425 دخلوا كشف طبى ... وتم تعيين 422 .... أما فى النيابة الإدارية ستجد فيها مثلاً 7000 متقدم وتم نزول تحريات لـ4000 وتم نجاح 500 دخلوا كشف طبى ....

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

ازيكم با اهل المنتدى وسلامى ليكى ياخلود
انا بابا راح امبارح قابل امين الشرطة من امن الدولة واخد منه البيانات واتصلوا بيه تانى عشان اروح بنفسى المديرية يوم الخميس

اخى رامى واخى المدير العام

معنى كلامكم كدا أن فى عدد بينقص بعد نزول التحريات , اى ان مقابلة تحريات امن الدولة ليها سبب مباشر وفعلى فى انقاص العدد المطلوب , فهل هى مقابلة ليست بشكلية ؟ كما ان هل الافضل ان يخدمنى فيها سلك الشرطة ام سلك القضاء ؟ وهل يرفق امن الدولة تقرير فى المتقدم ام انها يعتمد عليها بشكل اساسى مثل السباعية ؟

كما ازاى اعرف انى نجحت فى مقابلة امن الدولة او القسم ؟

استاذى الفاضل لا تحاول ان تحصل على واسطة فى امن الدولة حيث لا يوجد فيها وسايط بل بالعكس سوف يتشككون فى حضرتكم الا اذا كان الشخص القائم بالتوصية هو احد اقاربك فقط ففى هذه الحالة سوف تاخذ على محمل المجاملة ليس اكثر
اذا اردت التوصية فبادر فى تحريات المباحث فكلها بتخلص بالتوصية لكمن امن الدولة فلا انصحك

ثم مين قال ان مقابلة امن الدولة شكلية
يا باشا ده انا كنت رايح بمعرفة وكان حاططلى مسطرة الاسلام هو الحل ومشغل كليبات اغانى وقاعد يكلمنى فى الدين
وطبعا انا نفضتله وقعدت اتفرج على الكليبات هههههههههههه

شكرا جدا لمجهودكم جميعا فعلا توضيحات مهمه كنا في غفله عنها

كنت عاوزه اعرف ايه اجابه الاسئله دي
ماهو السبب الاجنبي؟ اختصاص المحاكم الاقتصاديه؟

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية