النيابة الادارية دفعة 2009

بص ياباشا دلوقتى انا جبت القرار النهائى وهو الغاء وقبول وترك المدعى بالدعو المدنية والجنائية ومصاريف الدعو دة المكتوب حاليا فى شهادة من واقع الجدول الجنح المستانفة ارجو الرد

انا كنت سألت على حكايه القيد العائلى اللى مطلوب اقدمه فى النيابه الاداريه.....طيب فى حاله ما اذا فشلت انى اطلع القيد عشان بيحتاج شهايد ميلاد كمبيوتر وقسايم جواز وجدودى ماتوا من اكتر من 50سنه وصعب الاقى كل اللى مطلوب للقيد اعمل ايه فى الحاله دى ياريت تفيدنى هل ممكن اكلم مثلا ظابط مباحث معرفه يخلص الموضوع ولا اعمل ايه امضى على اقرار ولا ايه؟
والف شكر على الرد على استفساراتى انا عارف انى بتعبكم معايا..............السلام ختام

احمد سليم كتب:
طيب انا انهارده لاقيت امين الشرطه بتاع القسم بيتصل بيا وبيقولى انى لازم اقدم قيد عائلى لجدودى الاتنين.........هل الكلام ده صحيح وبيطلبوا قيد عائلى للجدود فى تحريات المباحث ولا دى اشتغاله من الامين زى ما بيقولوا ؟
ياريت حد يوضحلى والف شكر على رد حضرتك على رسالتى الاولى.

رد المدير على الاستاذ /أحمد سليم

فى الحالة دى يبقى لما هما عملوا حصر للعيلة بتاعتك لاقوا فيه تشابه اسماء لاناس مش مكتوبين فى الملف بتاعك اشتبهوا ان يكونوا اعمامك او خيلانك وانت اغفلتهم فى الملف علشان كده طلبوا قيد عائلى لجدودك الاتنين
وطالما طلبوا يبقى الافضل تنفذ

يا استاذ / أحمد سليم اللى مطلوب من سياتك انك تعمل قيد عائلى لكل من جد لام وجد لاب اليس كذلك وذلك لتوضيح كل من العمام والاخوال
يوجد طريقة من الممكن ان تيسر عليك الشقاء وهى
ان تبحث فى افراد كل من العائلتين هل قاموا باخراج قيد عائلى لاهم كمبيوتر ودا ممكن بنسبه كبيرة جدا اذا كان ذلك فعليك ان تاخذ صوره من كل قيد وتذهب بها الى مركز اصدار الشهادات المميكنة التابعة لك وتقدم الصور وبها سوف يعطيك صورة مطابقة لها تمام اى كمبيوتر وفى نفس اليوم بعد دفع مستحقات اخراج كل منها وهى تقريبا إحدى عشر جنيها لكل قيد عائلى ...
ام عن الطريقة الاخرى وهى لقدر الله اذا لم تجد صور قيود كمبيوتر لكل من الجدين .. ولكن ليس من الصعب انك لا تجدصور من القيود ولكن عادية اى على الطرق القديمة ففى هذه الحالة عليك التوجه الى مكتب السجل المدنى التابع لك وتشرح له مدى استعجال اخراج ذلك وهو سوف يتعاون معك ويعطيك قيود ولكن على الطريقة القديمى اى ورق وليس كمبيوتر وفى ذلك تكون وفرت عليك العناء فى استخراج شهادات الى كل من افراد العائلتين

ولك منى اطيب الامنيات واللهم يسر لك وللجميع ما تتمناه فى الخير

محمود بيك

بص ياباشا دلوقتى انا جبت القرار النهائى وهو الغاء وقبول وترك المدعى بالدعو المدنية والجنائية ومصاريف الدعو دة المكتوب حاليا فى شهادة من واقع الجدول الجنح المستانفة ارجو الرد

ان بكل صراحةلست اعلم لانى لا افهم هذا القرار وكل ما اعرفه هو ما تقدمت بقوله لك ولكن انتظر فسوف يقوم بالرد عليك كل من الاستاذ / رامى و ../ المدير العام
وان شاء الله خير فلا تقلق وترك الامر لصاحب الامر

هوة المفروض امين الشرطة يقبض واقبضة كام ولو قبضتة هيسهلى اية عاوز افهم

السلام عليكم لو سمحتوا اجابه الاسئله ده (1) تعريف المخالفه الماليه والاداريه وامثله لها .......(2) تعريف الالتزام ببذل عنايه وتحقيق نتيجه ............. وشكرا وبالله التوفيق

يا اخ خطاب هل التحريات نزلت لجامعة المنصورة هو حضرتك عارف حد نزله تحريات ارجو الرد لكى اطمئن

الف شكر يا استاذى الكريم على الرد على استفساراتى وانا ان شاء الله هحاول اعمل بنصيحتك وان شاء الله تنجح ولك منى جزيل الشكر..........جزاك الله كل خير

انا فيه حاجه محيرانى فيه ناس معايا فى نفس المنطقه وتبع نفس القسم بس لما التحريات جات فيه ناس راحت القسم وفيه ناس راحت امن الدوله عايز اعرف ازاى النيابة الادارية دفعة 2009 - صفحة 33 Icon_exclaim

محمود بك كتب:: بص ياباشا دلوقتى انا جبت القرار النهائى وهو الغاء وقبول وترك المدعى بالدعو المدنية والجنائية ومصاريف الدعو دة المكتوب حاليا فى شهادة من واقع الجدول الجنح المستانفة ارجو الرد

الحكم الصحيح هو
قبول والغاء وترك المدعى المدنى لدعواه المدنية وانقضاء الدعوى الجنائية بالتصالح
هو ده نص الحكم الصحيح
وملخص الخكن ده قبول الاستئناف من حيث الشكل للتقرير به فى الميعاد والغاء حكم اول درجة وان المدعى المدتى بمعنى اخر المجنى عليه يعنى لو جازوز التعبير اتنازل عن الدعوى المدتية اللى كان رافعا بالتعويض وكذلك اتصالح فى الجريمة الجنائية التى تمثلها جريمة اص2دار شيك بدون رصيد.

وملخص ذلك لا تقلق حتى لو طلعت على عمك طالما شيك مش ايصال امانة لانها تفرق فى الاتنين .
فى الشيك لا تقلق نهائيا ومطلقا ولا يوجد ثمة تلكيك عليها
اما فى ايصال الامانة من الممكن ان تقلق لاحتمال وجود تلكيك بالنسبة لتلك النوعية من الجرائم على اعتبار انها مخلة بالشرف حتى لو انقضت صلحا طالما لم تنقضى ببراءة موضوعية .
المخص :- متقلقش خالص حتى لو لم تستطيع اثبات التشابه

احمد سليم كتب:: انا كنت سألت على حكايه القيد العائلى اللى مطلوب اقدمه فى النيابه الاداريه.....طيب فى حاله ما اذا فشلت انى اطلع القيد عشان بيحتاج شهايد ميلاد كمبيوتر وقسايم جواز وجدودى ماتوا من اكتر من 50سنه وصعب الاقى كل اللى مطلوب للقيد اعمل ايه فى الحاله دى ياريت تفيدنى هل ممكن اكلم مثلا ظابط مباحث معرفه يخلص الموضوع ولا اعمل ايه امضى على اقرار ولا ايه؟
والف شكر على الرد على استفساراتى انا عارف انى بتعبكم معايا..............السلام ختام

انت حاول بشتى الطرق انك تطلع
الاوراق المطلوبة
شهادة ميلاد جدك وجدتك ولا زم يكونوا كمبيوتر ولو ميتين يبقى شهادة الوفاة وبردوا لازم تكون كمبيوتر اذا لم تستطع ان تحصل الا على شهادة الميلاد الكمبيوتر ومعرفتش توصل للوفاة مفيش مشكلة .
طيب لو مش معاك كمبيوتر اصلا ومعاك ورق عادية بسيطة خالص خد الشهادة الورق وروح سجلها وخلى والدك معاك علشان هو صاحب الصفة الاقرب وهتتسجل بسرعة فلا تقلق.
وطبعا شهادات ميلاد اعمامك واخوالك لكلا القيدين وقسيمة زواج جدك من جدتك لكلا الجدين .
طيب لو معرفتش تجيب اى شهادة ميلاد ورقية حتى او قسيمة الزواج .
المسألة ما زالت بسيطة اعرف فقط سنة الميلاد او سنة الوفاة وبالنسبة لقسيمة الزواج اعرف فقط تاريخ الزواج بالسنة وازهب الى دار المحفوظات فى القلعة بالقاهرة وقدم على الحصول على شهادة الميلاد او الوفاة او القسيمة باسم الشخص وتريخ ميلاده او وفاته او زواجه ومحل الوفاة او الميلاد او الزواج من حيث المحافظة قط وليس العنوان بالتحيد .
المشكلة انها هتطلع بعد اسبوع فانت ظبط بقى مع الشرطة وخلى بالك لسى بدرى خاااااااالص على التحريات يعنى مش هيمانعوا .
وبعد ما تجيب شهادة الميلاد او الوفاة الورق روح سجلها زى ما انا قلتلك قبل كده .
يارب اكون افدتك .

وفى كلا الاحوال للاسف ظبط امين الشرطة هيعملك تحريات ان الراجل ده مش عمك وانها تشابه اسماء فقط

احمد ممدوح كتب:: هوة المفروض امين الشرطة يقبض واقبضة كام ولو قبضتة هيسهلى اية عاوز افهم

والله فى ناس بتديله 300
وفى ناس 200
عن نفسى مدتوش حاجة الحمد لله

عبد الناصر كتب:: السلام عليكم لو سمحتوا اجابه الاسئله ده (1) تعريف المخالفه الماليه والاداريه وامثله لها .......(2) تعريف الالتزام ببذل عنايه وتحقيق نتيجه ............. وشكرا وبالله التوفيق

المخالفة الادارية هى اخلال الموظف العام باحد واجبات وظيفته دون حدوث اضرار مالية عن ذلك

المخالفة المالية هى اخلال الموظف العام باحد واجبات وظيفته مما ترتب على ذلك تحمل الجهة الادارية بأضرار مالية او تكبيد خزانة الدولة نفقات غير مستحقة او اى اضرار مالية اخرى .

الالتزام ببذل عتاية :- هو ذلك الالتزام الذى يقع على عاتق شخص بحيث يجب عليه ان يبزل من العناية ما يحقق الغرض الموكل اليه دون الن يكون ملتزم بتحقيق ذلك الشئ فالمحامى مثلا فى قضية يكون ملتزما بحضور الجلسان وتقديم المذكرات وادفع الدفوع ومتابعة القضية دون ان يكون ملتزما بالحصول على براءة او الحصول على حكم معين .
بالمحامى اذا التزامه يكون التزام ببذل عناية

الالتزام بتحقيق نتيجة :- هو ذلك الالتزام الذى يقع على عاتق شخص يوجب عليه تحقيق نتيجة معينى فاذا لم يحقق تلك النتيجة لم يستحق المقابل فالتزامه فى تلك الحالة هو التزام بتحقيق نتيج ومثال ذلك مطرب الحفلة فانه يكون ملتزم باحياء الحفلة فاذا ما تعطل فى الطريق لاى سبب كان حتى وان كانت قوة قاهرة التى وان جاز اعفاؤه بسببها من التعويض لكنه فى تلك الحالة لا يستحق اجره لان التزامه لم يتحقق اصلا وهو احياء الحفلة ختى وان بذل فى ذلك عناية الشخص الحريص

spy كتب:: انا فيه حاجه محيرانى فيه ناس معايا فى نفس المنطقه وتبع نفس القسم بس لما التحريات جات فيه ناس راحت القسم وفيه ناس راحت امن الدوله عايز اعرف ازاى

اللى عاوز اقوله ان هناك اختلاف فى التحريات
بمعنى اخر ان احدهم جاله تحريات عامة والاخري ن تحريات ادارية
وتحريات العامة نزلت ودى معلومة اكيدة

برضة مشكلة القيد العائلى للجدين رحت اطلعها لقيت مطلوب صور بطايق كل اعمامى وكل اخوالى عماتى وخالاتى معقولة دى وكمان شهادة ميلاد ووفاة جدينة يا حلاوة مش عارف اعمل اية

انا اعرف منين ان التحريات نزلت ليا ولا لا يعنى هما بيجوا او بيتصلوا ولا انا بروح اسال ولو بروح اسال هروح اسال فين

فعلا يا هبه التحريات بتعتنا نزلت أأقصد جامعه المنصوره لأكتر من حد وكانوا جيد وجيد جدا واعرف ناس كتير أمتياز مجلهومش حاجه وأنا عن نفيب لسه مجاليش Smile

استاذ/ احمد ممدوح
برضة مشكلة القيد العائلى للجدين رحت اطلعها لقيت مطلوب صور بطايق كل اعمامى وكل اخوالى عماتى وخالاتى معقولة دى وكمان شهادة ميلاد ووفاة جدينة يا حلاوة مش عارف اعمل اية؟؟؟؟؟

لو تكرمت ركز مع كلامى شويه وانا بقول ما اعلمه وذلك عن تجربه خاصة بما قمت به من اخراج لقيود عائليه
طبعا اخراج القيود العائلية يتطلب منك الذهاب الى مركز اخراج البطاقات المميكنة وع الاوراق المطلوبة وهى :
شهادااااااا ت ميلاد كل الابناء (اعمامك ) القيد باسم والد الاب مع قسيمة زواج جدك
شهادااااااا ت ميلاد كل الابناء (خوالك ) القيد باسم والد الام مع قسيمة زواج جدك ايضا
****واذا وجد احد متوفى عليك احضار شهادة وفاة
كل هذا كمبيوتر شهادات الميلاد بثمن (7 ج) ام الوفاة بثمن (6 ج) (استلام الشهادات فى نفس اليوم)
هذا هو طريق اخراج القيود العائلية المميكنة وسوف تستلمها فى غضون (15 ) يوما

** ومن الممكن انك تجدمع كل من (اعمامك وخوالك ) (شهادات ميلادكمبيوتر لكل واحد فيهم )
ففى هذه الحالة عليك جمع شهاداتهم جميعا وتقوم مشكورا بتصويرالشهادات كلها ولا تغفل (قسيمه زواج كل من الجدين)
وتصويرها .. لان الموظف لا ياخذ منك الا الصور ولكن الاصل للاطلاع فقط وفى ذلك الامر لم يكلفك الا القليل مع رسوم استخراج القيود الاتنين وهو (22 )
اذا فعلت ما قمت بشرحه لك سوف تجد الامر سهلا عليك
وفقق الله الى ما تحبه وترضاه

اللهم تقبل منا خالص اعمالنا اللهم هون على عبادك ويسر امورهم اللهم تقبل يا مجيب الدعوات (أمين)

shosho
انا اعرف منين ان التحريات نزلت ليا ولا لا يعنى هما بيجوا او بيتصلوا ولا انا بروح اسال ولو بروح اسال هروح اسال فين
على فكرة لو تفكروا انكم تطلعوا على القسم( النيابة الادارية دفعة 2009 ) وقراءة ما قام من قبل من اسئلة واجاب عليها ( الاستاذ / رامى والمدير العام ) ستجدوا فيها ما تبحثون عنه
وعلى كل حال فلا داعى للقلق اطلاق سوف يتم الاتصال من امن الدولة ليعلموا الشخص انه عليه التوجه اليهم لعمل التحريااات

اما بخصوص القسم فسوف يتجة اليكم مباشرا الى البيت مخبير ليعلموا الشخص ان عليه التوجة الى القسم لعمل التحريات .
اللهم لا تفتنايا رحمن يا رحيم ورحمنا يا ارحم الراحمين

يعنى انا عاوز افهم حاجه انا لو ظبط امين الشرطه بالفلوس او كلمت ظابط مباحث عشان يحل الموضوع...........موضوع القيد كده هينتهى ولا برده هفضل فى نفس الموال لان حكايه اطلع شهايد ميلاد ووفاه وقسايم جواز موضوع طويل ومش سهل فياريت تقولى اذا كان الفلوس او الظابط هيخلص الموضوع ولا لا

kholoud
فعلا يا هبه التحريات بتعتنا نزلت أأقصد جامعه المنصوره لأكتر من حد وكانوا جيد وجيد جدا واعرف ناس كتير أمتياز مجلهومش حاجه وأنا عن نفيب لسه مجاليش ؟؟؟؟

يارب يكرمك انت والجميع بنزول التحريات ولكن لا تغفلى ان التحريات تستغرق مدة طويلة من الوقت
فلا داعى للقلق وعليكم جميعا الدعاء والاستغفار وان شاء الله موفقين جميعا اللهم امين

***** ( س ) هو الشخص اللى بيسئل على موضوع القيود

أحمد سليم ،،،،، أحمد ممدوح

يعنى انا عاوز افهم حاجه انا لو ظبط امين الشرطه بالفلوس او كلمت ظابط مباحث عشان يحل الموضوع...........موضوع القيد كده هينتهى ولا برده هفضل فى
نفس الموال لان حكايه اطلع شهايد ميلاد ووفاه وقسايم جواز موضوع طويل ومش سهل فياريت تقولى اذا كان الفلوس او الظابط هيخلص الموضوع ولا لا

يا اخى الفاضل انت تبحث عن اقرب الطرق فحاول فاذا وجت استجابة من امين الشرطة لمساعدتك فى الامر فهنا يكون الامر منهيا
فتوجة الى اقررب وايسر واسرع الطرق والله المستعان

شباب جامعة المنصورة

تم نزول التحريات من يوم الاثنين الماضى .
وفية ناس اعرفها معرفة شخصية راحت عملت المقابلة ولكن كانوا جايبين جيد جدا.

الاسماء الى عملت مقابلة تقريبا 15 او 20 اسم فقط حتى الان

اى ان الامر الان فى ايد مديرية الامن فعلى كل واحد انة يشوف مديريتة ويسال فيها بمعرفته.

ملحوظة: فى ابناء مستشارين لغاية الان لم يتصلوا بيهم

الى الاستاذ احمد سليم
لابد ان تتقى الله اولا وتفعل الخير وتحاول تطلع القيد العائلى وتجتهد فى ذلك كى لا تصبح مذنبا تجاه الله
فحاول اخراج القيد وان تعثر معك الموضوع اذا فليس فى يدك من الامر شئ وتصبح مضطرا الى فعلا ما يحلوا لك بقصد الحصول على حق هو لك

صباح الخير يا أهل المنتدى..
التحريات كلمتني النهارده الصبح وبما اننا نختلف عن الأخرون فهما كلموني على تليفون البيت Smile

من حوالي ساعه يعني الساعه 9 الصبح.أمين الشرطه هو اللي اتكلم وقاللي اروح القسم الساعه 10 بليل بس.
وربنا يوفـــق الجميــــــــــــــــــــــــــع

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية