النيابة العامة دفعة 2009

aly2020 كتب:: هل ارقام تليفونات الاعمام والاقارب عموما ضروري اننا نكتبها

اكتبها علشان ان شاء الله لو نزلك طبى ولا حاجة يبقى سهل التوصل اليك
مش لازم تكتبهم لكن لو كتبتهم الفائدة سوف تعود عليك طالما ان تحرياتك سليمة لا تخشى من شئ

prosecutor كتب:: تاريخ ميلاد والد الاب واحدى العمات تعثر الحصول عليه(اليوم والشهر ) .... هل من الممكن تأليف اى تاريخ ميلاد مع العلم بالسنه طبعا

كفاية تكتب السنة صحيحة وبلاش تألف الشهر واليوم لحسن يجي تشابه فى الاسماء وساعتها تقول ياريتنى اللى جرى ما كان

معلومة هااااامة غالبا ما بيأتى تشابه اسمااااااء
يعنى ان شاء الله لما ينزلكم تحريات مش تقلقوا ان فيه تشابهات

من وجهك نظرك أيهما أفضل النيابة العامة ام مجلس الدولة سواء من الناحية المادية أو الاجتماعية أو من حيث السلطة والعلاقات

وهل مجلس الدولة هيطلب دفعة تكميلية اليومين دول

شكراااااااااااااااااا

يعني سلطه مستشارالتفتيش القضائي هيه اصدار توصيات بالحاله الاجتماعيه فقط علي الملفات يعني مش من سلطته انه يستبعد اي ملف من العرض علي الجنه السباعيه

اي ان رايه استشاري ام راي ملزم للجنه السباعيه

abe el rahman كتب:: من وجهك نظرك أيهما أفضل النيابة العامة ام مجلس الدولة سواء من الناحية المادية أو الاجتماعية أو من حيث السلطة والعلاقات

وهل مجلس الدولة هيطلب دفعة تكميلية اليومين دول

شكراااااااااااااااااا

من الناحية المادية حوافز مجلس الدولة افضل غير ان مجلس الدولة بيبقى ليهم بعد كده انتدابات فى الوزارات واعارات خارجية يعنى بيعدوا الفق بمراحل

من الناحية الاجتماعية كده كده بعد كام سنة انت مستشار وهو مستشار وانت علاقاتك بالسلطة بتبقى اقوى اقصد مجلس الدولة يعنى

بالنسبة للسلطة طبعا هى دى الحاجة الوحيدة اللى بتتميز بيه النيابة العامة عن مجلس الدولة لكن بالمقابل لكده فيه خطر بيهدد حياتك باستمرار لو نزلت قصادك قضية من اياهم وطبعا تعب جاااااامد نبطشييات وورديات
لكن مجلس الدولة يوم ما هيبقى عليك ضغط هما يومين فى الاسبوع ودمتم

aly2020 كتب:: يعني سلطه مستشارالتفتيش القضائي هيه اصدار توصيات بالحاله الاجتماعيه فقط علي الملفات يعني مش من سلطته انه يستبعد اي ملف من العرض علي الجنه السباعيه

اي ان رايه استشاري ام راي ملزم للجنه السباعيه

كل اللى قدم فى النيابة لازم يقابل فى اللجنة السباعية لازم لازم لازم يعنى مستشار التفتيش مش بيستبعد حد
توصية زى ما انت قلت كده بالظبط لكن غالبا السباعية بتاهد بالتوصية دى اذا كانت بالرفض طالما وسطتك مش تقيلة

ربنا يثبت اقدامكم وتنجحوا فالتقديم كلكم
يااااا رب امين ان شاء الله خير باذن الله

هل الخطوه التاليه لمقابله التفتييش القضائي هي مقابله الجنه السباعيه والي بيوافقوا عليه اللجنه هوه الي بينزله تحريات

ارجو الافاده

ايوة يا على بالظبط كده وانت ان شاء الله تقدر تنتظر اللجنة السباعية فى شهر تلاتة ان شاء الله تعالى
اوائل شهر مارس ان شاء الله فلا تقلق خلال تلك المدة مطلقا وعلييك بالصبر ان شاء الله

بعد ازنك ممكن تكتب المراحل التاليه لمقابله مستشار التفتيش بالتفصيل

وكنت عايز اعرف خلال الفتره مابين مقابله مستشار التفتيش واللجنه السباعيه نزاكر ايه بالظبط

اسف اني بتعبك

التفتيش القضائى لجامعة القاهرة يومي 19 و 20 يناير
التفتيش القضائى لجامعة الأسكندرية يومى 21 يناير
التفتيش القضائى لجامعة عين شمس يوم 23 يناير

_______________

الأخ محمود أجاب على التسائلات ..... وتأكيداً لكلامه فإن مقابلة التفتيش القضائى هى مقابلة شخصية يتم من خلالها المقابلة مع مستشار التفتيش ويضع لك درجات للوضع المادى والإجتماعى .... وتلك الدرجات هى تقييم مبدئى وإستشارى وليس إلزامى للجنة السباعية .... فالجميع إن شاءالله سيكمل حتى اللجنة السباعية ... أما نزول التحريات من عدمه فهى من موافقة أعضاء المجلس فى السباعية أو رفضهم .....

أخى الحبيب aly2020

بعد ازنك ممكن تكتب المراحل التاليه لمقابله مستشار التفتيش بالتفصيل
ستجد ذلك فى هذا الرابط
[ندعوك للتسجيل في المنتدى أو التعريف بنفسك لمعاينة هذا الرابط]

وكنت عايز اعرف خلال الفتره مابين مقابله مستشار التفتيش واللجنه السباعيه نزاكر ايه بالظبط
كما ذكرت من قبل أن الإجابة على السؤال من عدمه ليس هو المعيار فى القبول أو الرفض ... لكن على العموم ستجد الأسئلة فى هذا الرابط
[ندعوك للتسجيل في المنتدى أو التعريف بنفسك لمعاينة هذا الرابط]

شكرا علي المجهود الرائع

حضرتك كتبت في مراحل التقديم للنيابه (وبعد الإنتهاء التام من التحريات يتم إرسالها لرئاسة الجمهورية للإعتماد المبدئى وإعادتها للمجلس الأعلى للقضاء ) مين الي بيحدد ازا كانت التحريات فيها حاجه ولا لا مجلس القضاء الاعلي ولا جهه سياديه في الدوله

أخى الحبيب aly2020
مين الي بيحدد ازا كانت التحريات فيها حاجه ولا لا مجلس القضاء الاعلي ولا جهه سياديه في الدوله
التحريات تأتى من ثلاث جهات (الأمن العام - أمن الدولة - القسم الذى تتبع له) ... كل منهم يعمل تحريات عليك وعلى أقاربك وبعد إنتهاء تلك التحريات تقوم كل جهة بعمل تقرير نهائى عن النتيجة التى توصلوا لها وعن القضايا التى أكتشفوها وغيرها من الأمور ..... ثم تعود للمجلس الأعلى للقضاء لوضع النتيجة النهائية فى قبول التحريات من عدمه .... حيث أن جهات التحرى ليس لها سلطة أو صفة فى قبولك أو رفضك ... فهى فقط تتحرى عنك وتضع النتيجة للمجلس ..... ثم المجلس يتطلع على النتيجة ويعطى رأيه فى القبول أو الرفض ... حيث أنها تعود لتقدير المجلس كون القضايا يمكن التغافل عنها لبساطتها أو شدتها .... ثم فى النهاية يتم التحرى سريعا من الرئاسة عن الأشياء القوية التى تمس الأمن والتى تخص بعض المتقدمين ... أى أن تحريات الرئاسة لاتقلقك أبداً ......

هل مقابله مستشار التفتيش القضائي تكون بالزي الرسمي بدله ام لبس عادي

جزاك الله خيرا ع المجهود أكثر من الرائع

أنا قدمت فى الملف بتاعى صور سندات ملكية الاب ولم أقدم صور سندات ملكية أخى ولم أقدم صورة وديعة فالبنك بأسمى

هل أقدمهم فى مقابلة التفتيش ولا ملهوش لازمة وهل ممكن أقدم سند ملكية سيارة للأخوات ولا برضوا ملوش لازمة

جزاك الله كل خير وطبعا لازم تكون مقابلة التفتيش بالبدلة يا على

أخى الحبيب aly2020
هل مقابله مستشار التفتيش القضائي تكون بالزي الرسمي بدله ام لبس عادي
بكل تأكيد مقابلة شخصية لابد وأن تكون بالزى الرسمي

أخى الحبيب abe el rahman
هل أقدمهم فى مقابلة التفتيش ولا ملهوش لازمة وهل ممكن أقدم سند ملكية سيارة للأخوات ولا برضوا ملوش لازمة
أهم ما كان من المفترض تقديمه هو ممتلكات الوالد والوالدة وممتلكاتك الشخصية ... أما ممتلكات الأخوه فهى غير مطلوبة كباقى الممتلكات .... فكما ذكرت أنك وضعت صور سندات الوالد فهذا جيد .... وأنك لم تضع صور سندات الأخ فلاتوجد أدنى مشكلة فى ذلك ولا تأخذها معك فى مقابلة التفتيش .... وأنك لم تضع صورة وديعة فى البنك بأسمك فهذا كان مطلوب ويمكنك أخذها معك فى مقابلة التفتيش .... وعن سند ملكية سيارة للأخوات فهذا أيضا غير هام ..... لذلك لم يتبقى لك سوى الوديعة التى بإسمك فى البنك هى فقط التى كنت وضعتها فى الملف لكن يمكنك أخذها معك فى مقابلة التفتيش .....

بالتوفيق

انا لسه مسلمتش الملف (جامعه بنى سويف يوم الاحد ان شاء الله)

فعايز اعرف 1- هقدم ازاى وفانهى مكان والوقت قد ايه
2- الاوراق المطلوبه(شهادات وبيان درجات وملكيه وجيش وغيره ....) احطهم فين؟ هل فالكراسه بتاعت البيانات ولا اجمعهم كلهم واحطهم فظرف جوه الملف عادى؟ انا خايف حاجه تقع زى الورقات اللاصقه وغيره
فياريت لو تقولى بعد اذنك ايه احسن ترتيب للملف يسهل ليهم الامور ؟ وشكرا

أخى الحبيب prosecutor
1- هقدم ازاى وفانهى مكان والوقت قد ايه
الأمر بسيط جدا ... أذهب يوم تقديم جامعتك لدار القضاء العالى ... فى البدروم ... من نفس المكان الذى سحبت منه الملف وحتى نفس الغرفة ...... ستجد زملائك من نفس الجامعة يقدمون الملف .... قدم ملفك للموظف ... سيراجع سريعا أن الأوراق موجوده ... ثم تستلم إيصال به تاريخ التفتيش القضائى الخاص بجامعتك ...

2- الاوراق المطلوبه(شهادات وبيان درجات وملكيه وجيش وغيره ....) احطهم فين؟
كلها ضعها فى الملف .... ولاتخاف من ضياع شيئ .... فالملف متمكن من الأوراق التى به ... حيث به غطاء علوى وسفلى وعلى اليمين والغطاء الرئيسى على اليسار .... فالأوراق لن تجد مفر بإذن الله ....

فياريت لو تقولى بعد اذنك ايه احسن ترتيب للملف يسهل ليهم الامور ؟
رتب أوراقك حسب ترتيب الأوراق المطلوبة المكتوب فى ظهر الغلاف الأيسر للملف .... أى أنه على سبيل المثال إذا وجدت الأوراق المطلوبة :
1- طلب تعيين للسيد المستشار النائب العام
2- شهادة التخرج المؤقتة
3- ................ 4- ........... 5- ........... إلخ
فتجعل ورقة النائب العام هى أول الأوراق ثم شهادة التخرج ثم الورقة المطلوبة رقم 3 ثم 4 ..... إلخ

وبالتوفيق

معنى كده يباشا ان الدفع كلها موجوده اليوم دا حوالى 1000 واحد على الاقل جايبين جيد

كل دول هيبقوا فالبدرون ؟ ومعلش انا اقصد ينفع اضع الاوراق دى فظرف جوه الملف ولا لازم تبقى بدون ظرف ؟

والف شكر على المتابعه والرد ربنا يكرمك

أخى الحبيب prosecutor
معنى كده يباشا ان الدفع كلها موجوده اليوم دا حوالى 1000 واحد على الاقل جايبين جيد
كل دول هيبقوا فالبدرون ؟
طيب أول يوم فى سحب الملفات كانت جميع الجامعات بتسحب الملف وليس جامعة واحدة كالتقدبم ....وكان الجميع يسحب ملفه من البدروم ..... على العموم الأمر ليس بالصعب وكل فرد لن يأخذ وقتاُ سوى دقيقتين فقط أثناء مراجعة الموظف للملف سريعا ثم يراجع ملف الذى يليه وهكذا .... فستجد طابور سريع الإنتهاء وسريع التكوين .... ثلاثة جاءوا ووقفوا فى الطابور من الخلف أثناء خمسة أنتهوا من التقديم ... وهكذا طابور يتكون من الخلف وينتهى من الأمام ....

ومعلش انا اقصد ينفع اضع الاوراق دى فظرف جوه الملف ولا لازم تبقى بدون ظرف ؟
ضع الأوراق كلها فى الملف كما أستلمته ... حتى وإن وضعت ظرف سيكون ذلك مؤقتاً لحين وصولك للموظف فقط .... حيث أثناء المراجعة سيقوم بإعطائك الظرف مرة أخرى .....

رائع يا رامى باشا

يعنى لازم ارفق مع الملف كل ورقه تفيد امتلاكى انا او والدى او والدتى لاشياء ذات قيمه

الفائدة عايدة عليك ياباشا

اليلام عليكم ورحمه الله
أنا حما أخويا كان معقل فى أمن الدوله وهو خرج من كام سنه
وأبن عم جوز أختى متهم فى جريمه قتل
هل يوثر ذلك فى التحريات وله هو الاقارب حتى الدرجه الربعه وليس الاصهار
وجزاك الله خيرا

» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009
» اعلان النيابة العامة دفعة2010