النيابة العامة دفعة 2009

هو مطلوب شهادة ميلاد كمبيوتر ولالا وهل لو هى مطلوبة يمكن الاكتفاء بصورة الشهادة دى -صورة ابيض واسود تصوير مكينات تصويريعنى-ولا لازم المستخرج الرسمى نفسة مع العلم انة مطلوب صورة بطاقة شخصية فهل دى تغنى عن شهادة الميلاد ولالا؟

لا اله الا الله صلوا على النبى يا جماعة

hitmanamr كتب:: اليلام عليكم ورحمه الله
أنا حما أخويا كان معقل فى أمن الدوله وهو خرج من كام سنه
وأبن عم جوز أختى متهم فى جريمه قتل
هل يوثر ذلك فى التحريات وله هو الاقارب حتى الدرجه الربعه وليس الاصهار
وجزاك الله خيرا

بص يا باشا التحريات المفروض بتتعمل على اللى اسمائهم فى المف فقط لكن القضايا اللى زى دى بيبقى فيه تنويه من الجهة المختصة بالتحرى وبتكون لجهة التعيين اللى هيا النيابة العامة فى الحالة دى القبول او الرفض لكن لو رفعت قضية هي لا تعد سبب مقبول للاستبعاد

وبكيد استاذ رامى هيفدك اكتر منى

ahmed_abdoo كتب:: هو مطلوب شهادة ميلاد كمبيوتر ولالا وهل لو هى مطلوبة يمكن الاكتفاء بصورة الشهادة دى -صورة ابيض واسود تصوير مكينات تصويريعنى-ولا لازم المستخرج الرسمى نفسة مع العلم انة مطلوب صورة بطاقة شخصية فهل دى تغنى عن شهادة الميلاد ولالا؟

من ضمن البيانات ولا لا؟
ايوة من ضمن الورق المطلو
ذا لازم توديها

عبدالرحمن كتب:: لا اله الا الله صلوا على النبى يا جماعة

عليه افضل الصلاة والتسليم

الحقونى اعمل اية

والدى راح عمل فيش بتاريخ يوم 24/12 الى فات ولغاية النهاردة بسال ف القسم يقولوا هييجى بكرة

والنهاردة بقى الاربعاء و موصلش برضوا

وبكرة الخميس اجازة و طبعا الجمعة اجازة

وانا لازم اودى الملف يوم السبت وهسافر الفجر

فمش عارف اعمل اية ؟
هل اقدم كعب الفيش وخلاص ولا اعمل اية ؟

انا باخد دلوقتى دورة icdl مقدمة منحة من وزارة الاتصالات ومقدم هناك صورة من البطاقة و اقرار تأمين وكدا.

وامتحنت ف الويندوز والوورد والبور بوينت ونجحت ولسة هكمل وهخلص الدورة دى على يوم 20 الى جاى .

هل اكتب ف الملف انى حاصل على icdl ولا اكتب ادرس icdl .

هى منحة تبع وزارة الاتصالات و المكان هو فيرجى تك فى المنصورة .

فالافضل اكتب اية لانى مش عارف .

هل يشترك ان يكون الصور الشخصية ليا بخلفية بيضاء كما يقول البعض

ام تكون صورة شخصية عادية بتاريخ قريب وفقط

وهل يشترك ان اكتب التاريخ على الصورة ام لا؟

بالنسبة ليوم تسليم الملف ((( جامعة المنصورة ))) يوم السبت ان شاء الله , هل اروح بسويت شيرت وجينز وكوتشى ولا لازم البس بدلة ؟

وما هى مواعيد تسليم المفلفات يعنى من 7 صباحا مثلا ولا من كام لغاية امتى؟

الثعلب العربى كتب:: الحقونى اعمل اية

والدى راح عمل فيش بتاريخ يوم 24/12 الى فات ولغاية النهاردة بسال ف القسم يقولوا هييجى بكرة

والنهاردة بقى الاربعاء و موصلش برضوا

وبكرة الخميس اجازة و طبعا الجمعة اجازة

وانا لازم اودى الملف يوم السبت وهسافر الفجر

فمش عارف اعمل اية ؟
هل اقدم كعب الفيش وخلاص ولا اعمل اية ؟

امامك حل من اتنين اما ان تقدم ورقك فى الميعاد ثم تسلم باقى الورق الناقص فى مقابلة التفتيش القضائى
اما الافضل ان تنتظر يوم التخلفات لتكون اكملت ورقك بالكامل

الثعلب العربى كتب:: انا باخد دلوقتى دورة icdl مقدمة منحة من وزارة الاتصالات ومقدم هناك صورة من البطاقة و اقرار تأمين وكدا.

وامتحنت ف الويندوز والوورد والبور بوينت ونجحت ولسة هكمل وهخلص الدورة دى على يوم 20 الى جاى .

هل اكتب ف الملف انى حاصل على icdl ولا اكتب ادرس icdl .

هى منحة تبع وزارة الاتصالات و المكان هو فيرجى تك فى المنصورة .

فالافضل اكتب اية لانى مش عارف .

يا باشا اكتب اللىا انت عاوزه عادى خالص كده كده الكمبيوتر ليس لها معاير فى التعيين

الثعلب العربى كتب:: هل يشترك ان يكون الصور الشخصية ليا بخلفية بيضاء كما يقول البعض

ام تكون صورة شخصية عادية بتاريخ قريب وفقط

وهل يشترك ان اكتب التاريخ على الصورة ام لا؟

بالنسبة ليوم تسليم الملف ((( جامعة المنصورة ))) يوم السبت ان شاء الله , هل اروح بسويت شيرت وجينز وكوتشى ولا لازم البس بدلة ؟

وما هى مواعيد تسليم المفلفات يعنى من 7 صباحا مثلا ولا من كام لغاية امتى؟

مش لازم خلفية بيضاء وان كانت بخلفية بيضاء افضل لانها تعتبر صورة رسمية
مش لازم تكتب تاريخ الصورة
تروح بسويت شرت عادى انت هتقابل موظف فى بدروم المحكمة يعنى مش هتقابل المستشار فلو مش عاوز تكتف نفسك ببدلة روح عادى كاجوال

الثعلب العربى كتب:: ليا اعمام غير اشقاء هل اكتبهم فى الملف ولا لا؟

بس للاسف فيهم واحد معاة الاعدادية ولكنة يملك 20 فدان .
فأعمل اية ؟

طبعا لازم تكتبهم
وبالنسبة لعمك الباقى اللى معاه اعدادية عاااادى جدا اكتبه فيها ايه بس اهم حاجة ابقى اكتب يزرع فيما يملك
او يزرع فى ملكه
مش تكتب مزارع وخلاص

أخى الحبيب hitmanamr
أنا حما أخويا كان معقل فى أمن الدوله وهو خرج من كام سنه
وأبن عم جوز أختى متهم فى جريمه قتل
هل يوثر ذلك فى التحريات وله هو الاقارب حتى الدرجه الربعه وليس الاصهار
لا يوجد أى تأثير عليك لامن قريب ولامن بعيد .... المطلوب فقط أقاربك للدرجة الرابعة ..... فقط لاغير .... الأصهار غير مطلوبين نهائيا ولاتؤثر قضاياهم على المتقدم ....

أخى الحبيب ahmed_abdoo
هو مطلوب شهادة ميلاد كمبيوتر ولالا وهل لو هى مطلوبة يمكن الاكتفاء بصورة الشهادة دى -صورة ابيض واسود تصوير مكينات تصويريعنى-ولا لازم المستخرج الرسمى نفسة مع العلم انة مطلوب صورة بطاقة شخصية فهل دى تغنى عن شهادة الميلاد ولالا؟
لا يا أخى .... المطلوب واضح ..... مستخرج رسمى من شهادة الميلاد وليس صورة ... وهناك طلب أخر مستقل وهو صورة البطاقة الشخصية ..... مستخرج شهادة الميلاد طلب وصورة البطاقة طلب أخر .....

أخى الحبيب الثعلب العربى
وانا لازم اودى الملف يوم السبت وهسافر الفجر
فمش عارف اعمل اية ؟
هل اقدم كعب الفيش وخلاص ولا اعمل اية ؟
الأمر سهل إن شاءالله ... خذ الكعب معاك يوم التقديم ... وهناك ستكتب إقرار بأنك ستأتى بفيش والدك يوم مقابلة التفتيش ...

هل اكتب ف الملف انى حاصل على icdl ولا اكتب ادرس icdl
كما سبق وأجبت أنك ممكن أن تذكر ذلك فى خانة دورات الكمبيوتر حيث تذكر بأنك تدرس الدورة فى جهة كذا وستأخذ الشهادة يوم كذا .... وعلى العموم قمت بكتابتها أو لم تكتبها لن تفرق فى شيئ ... الدورات واللغة ليس لهم معيار فى الإختيار ...

هل يشترك ان يكون الصور الشخصية ليا بخلفية بيضاء كما يقول البعض
ام تكون صورة شخصية عادية بتاريخ قريب وفقط
موضوع أن خلفية الصورة تكون بيضاء هو رأى من ضمن الأراء ليس أكثر ..... بحيث تكون صورة رسمية .... أما الصور العادية فلا توجد فيها أى مشكلة ....

وهل يشترك ان اكتب التاريخ على الصورة ام لا؟
لا تكتب شيئ ... فقط ضع الصور كما هى ....

بالنسبة ليوم تسليم الملف ((( جامعة المنصورة ))) يوم السبت ان شاء الله , هل اروح بسويت شيرت وجينز وكوتشى ولا لازم البس بدلة ؟
ألبس أى لبس تريده ... فأنت فقط ستأخذ دقيقتين أثناء تسليم الملف للموظف ومراجعته السريعه للأوراق وتقوم بالإمضاء وإستلام إيصال به تاريخ التفتيش القضائى الخاص بجامعتك ... البدلة لازمة يوم التفتيش وليس التقديم ......

وما هى مواعيد تسليم المفلفات يعنى من 7 صباحا مثلا ولا من كام لغاية امتى؟
فى المواعيد الرسمية من 7 صباحا إلى 2 ظهرا

ليا اعمام غير اشقاء هل اكتبهم فى الملف ولا لا؟
أكتبهم ... وأكتب فى خانة (شقيق أو غير شقيق) أنه غير شقيق ....

بس للاسف فيهم واحد معاة الاعدادية ولكنة يملك 20 فدان .
فأعمل اية ؟
أكتبه فى الملف ولا تتغاضى عنه .... وإذا أردت أن تذكر أنه يملك تلك المساحة يمكنك أن تذكر ذلك فى الملاحظات الموجودة فى نهاية الكراسة ....

ممكن سؤال انا شقه الاسره الي عايشين فيها 3 غرف واحد صاحبي قالي اكتبهم 4 هما يعني هيعدوهم ايه رايك

محمود يونس كتب:

الثعلب العربى كتب:: ليا اعمام غير اشقاء هل اكتبهم فى الملف ولا لا؟

بس للاسف فيهم واحد معاة الاعدادية ولكنة يملك 20 فدان .
فأعمل اية ؟

طبعا لازم تكتبهم
وبالنسبة لعمك الباقى اللى معاه اعدادية عاااادى جدا اكتبه فيها ايه بس اهم حاجة ابقى اكتب يزرع فيما يملك
او يزرع فى ملكه
مش تكتب مزارع وخلاص

لالالالالالالالالالالالالالالالالا
هو مش مزارع دا هو عايش برنس عندة 2 عقار و 20 فدان و عربية لانسر 2008 ومعاة فى البنك وديعة ب 250 الف جنية و حالتة حلوة .

فهل اكتبة من ذوى الاملاك وبس ولا اعدادية وخلاص؟

طيب دلوقتى انا بابا عندة مواشى تقدر ب 100 الف جنية

وعامل عقود مع ناس بكدا يعنى عقد ب 10 الاف وعقد ب 5 وعقد ب 15 وهكذا....

المهم اكتب دا ف الملف ازاى؟ مع العلم ان العقود دى مش موثقة فى الشهر العقارى لان العقود دى تعتبر عرفية شوية وهى كدا متداولة فى عرف تجارة المواشى وتربيتها.

ولكن يوجد عقد سليم ومكتوب فية اسم والدى واسم الطرف الثانى و نوع المواشى ووصف تفصيلى ليها و امضاء والدى وامضاء الطرف التانى .

فهل اكتب دا ولا اعمل اية ؟؟؟؟؟؟ خصوصا ان مبلغ 120 الف جنية مبلغ حلو
وهل اصور العقد كدا من ميكنة تصوير عادية ولا اعمل اية ؟؟؟؟

اة سؤال تانى واسف لو بتعبكوا معايا

انا والدتى ليا ميراث فى ابوها و عملوا اعلام شرعى ف المحكمة من فترة طويلة ولكن لم يوزعوا الميراث على بعض علشان العائد من الاملاك ييجى اكتر .

الاملاك دى عبارة عن 3 عقارات و 30 فدان مزارع سمكية و 10 افدنة اراضى زراعية.

مع العلم ان والدتى هتشترك مع اخواتها الى هما 3 رجالة و بنت فى الميراث .

فى نفس الوقت هى بتشتغل موظفة ومرتبها 750 جنية فهل اكتب دا المرتب الاصلى وفى نهاية الورقة اكتب الاملاك كدخل للأسرة ام ماذا؟

مع العلم ان كل موسم سمك او زراعى بييجى لينا ريع من الارض .

فكيف اكتب ممتلكات والدتى ؟؟؟؟؟؟؟؟؟؟

قصدك انها وسية يعنى ؟

عموما اكتب ما تملكه لو لو املاك خاصة حتى و ان كانت سيارة
اما لو املاك على لاشيوع اذكرها باطبع فى الملاحظات وفى املاك الوالده
مع تقديم الورق اللذى يثبت ذلك
وبالنسبه للراتب طبعا كل ما عليك كتابة متوسط الدخل الشهرى الثابت

طبعا مبلغ ليس قليل
يبقى صور الايصالات او الورق دا وادرجه واكتبه فى الملاحاظات وذكر انها فى العرف بتبقى بدون عقد وبتبقى بالشكل دا

عبدة المحامي كتب:: طبعا مبلغ ليس قليل
يبقى صور الايصالات او الورق دا وادرجه واكتبه فى الملاحاظات وذكر انها فى العرف بتبقى بدون عقد وبتبقى بالشكل دا

طيب لو عاوز اعمل صورة ضوئية من العقود دى هل ينفع ولا لا؟

لانى شوفت دايما ان فى القضايا بيعملوا صورة ضوئية ووالمحكمة شغالة بيها ع طول.

فأكيد الصورة الضوئية احسن من صورة مكنة التصوير ولا هما الاتنين واحد ولا اية ؟

أخى الحبيب الثعلب العربى
فأكيد الصورة الضوئية احسن من صورة مكنة التصوير ولا هما الاتنين واحد ولا اية ؟
الأثنين واحد ..... أما باقى الأسئلة فقد أجابك أخى العزيز والغالى على قلبى عبده المحامى ... بارك الله فيه

كم يسعدنى تواجدك أخى عبده ... لاتحرمنا منه ...

بالتوفيق

لو سمحت يا باشا انا عاوز اعرف مرحلة القابلة الشخصية الاولى والتانية والاجراءات اللى اعملها

انا عندى فى اقاربى كثير مش متعلمين مع العلم ان حالتنا المادية كويسة خالص وانا تقديرى جيد جدا اعمل ايه

لو سمحت يوجد بواجهة ملف التقديم مربع مكتوب بجانبة كلمة الرقم وتحتة مربع اخر مكتوب بجانبة النسبة المئوية اكتب فيهم اية وخصوصا مربع الرقم دة ولا المفروض مكتبش فيهم حاجة

أخى الحبيب أحمد الشريف
لو سمحت يا باشا انا عاوز اعرف مرحلة القابلة الشخصية الاولى والتانية والاجراءات اللى اعملها
ستجد ماتريد على هذا الرابط
[ندعوك للتسجيل في المنتدى أو التعريف بنفسك لمعاينة هذا الرابط]

انا عندى فى اقاربى كثير مش متعلمين مع العلم ان حالتنا المادية كويسة خالص وانا تقديرى جيد جدا اعمل ايه
أكتب كل شيئ كما هو .... وكل شيئ نصيب ... وتأمل جيدا قول الله عز وجل فى حديثه القدسى " ما كان لك سيأتيك على ضعفك وما ليس لك لن تناله بقوتك , وعزتى وجلالى لأرزقن من لا حيلة له حتى يتحير أصحاب الحيل " .... توكل على الله ...

أخى الحبيب ahmed_abdoo
اكتب فيهم اية وخصوصا مربع الرقم دة ولا المفروض مكتبش فيهم حاجة
أتركهم فارغين ...

بالتوفيق

» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009
» اعلان النيابة العامة دفعة2010