النيابة العامة دفعة 2009

لا يا استاذ رامى المربع بتاع النسبه المئويه دا نكتبه دى حاجه خاصه بالبيانات انا كتبته ؟

صح ولا غلط

ايوة ده بتاعت نسبتك المئوية فى الدرجات

ياجماعة ارجو الرد بالتفصيل-انا معاد تسليم ملفى يوم الاحد 10/1 لجامعة بنى سويف وانا لسة ناقصنى الفيش الجنائى بتاعى وبتاع والدى لسة موصلش من القاهرة وكذلك بطاقة الحيازة الزراعية لسة مطلعتش وكذلك شهادة الاعفاء من الجيش هستلمها يوم 15/1 فهل ممكن فعلا استنى ليوم 18/1 ويكون ورقى اكتمل وانا بس عايز اتاكد ان يوم 18 دة هيقبلوا فية ورقى لانى معتمد على الجدول اللى فى المنتدى هنا بتاع ميعاد تسليم الملفات ومتاكدتش من الجدول المعلق بمحكمة النقض وخايف يكون غلط فهل يوم 18 هيقبلوا فية ملفى فعلا لو استنيت لليوم دة لانى خايف بعد ماتعبت جدا فى كتابة بيانات اقاربى بالملف يقولولى المدة انتهت ودى هتبقى مصيبة بكل الاشكال علية-ومعلش اطالت عليكم

.روح يوم 10 مش هتخسر حاجه وجهز نفسك

وهناك هتمضى على اقرار انك هتجيب باقى الحاجات يوم التفتيش القضائى

وبالنسبه للفيش ممكن تضع صوره من الوصل

اما شهاد الجيش اعتقد انها امر ضرورى قد لايمكنك تسليم الملف وقد تسلمه

فى حاله انك مسلمتش الملف يوم 10 فهناك يوم للمتخلفين وهو يوم 18 تسطيع ان تسلم فيه

واذا استطاعت ان تسلم يوم 10 فكان بها وتوفر على نفسك

حتى شهادة الجيش ممكن تكتب اقرار انك هتقدمها وكذلك اقرار بموقفك التجنيدى
سهلة ان شاء الله روح يوم عشرة وهتخلص كل حاجة مش تقلق
مشكور برديوسر على الرد
وايوة كده عاوزين كل الاعضاء تشارك

دلوقتى انا روحت النهاردة وسلمت الملف ومن غبائى اتلغبطت وقدمت صحيفة احوا ل الوالد كصورة فقط ونسيت اقدم الاصل ولما رجعت للموظف قالى هات الاصل يوم مقابلة التفتيش وبعدها قال مش مستاهلة .

ونسيت كمان اقدم افادة دبلومة الى بعملها

فهل لذلك حل ولا لا ؟ انا عارف انة منتهى الغباء .

وكمان دلوقتى المقابلة اتحددت ب 9 الصبح فهل اروح 9 ولا 11 ؟؟؟؟؟؟؟؟؟؟ السفر صعب اوى والطريق علية شبورة جامدة و كذا حادثة ومش عارف اعمل اية ؟وبضطر اسافر الفجر وبروح مطبق و اكيد دا غلط ف مقابلات التفنيش وكدا

prosecutor كتب:: .روح يوم 10 مش هتخسر حاجه وجهز نفسك

وهناك هتمضى على اقرار انك هتجيب باقى الحاجات يوم التفتيش القضائى

وبالنسبه للفيش ممكن تضع صوره من الوصل

اما شهاد الجيش اعتقد انها امر ضرورى قد لايمكنك تسليم الملف وقد تسلمه

فى حاله انك مسلمتش الملف يوم 10 فهناك يوم للمتخلفين وهو يوم 18 تسطيع ان تسلم فيه

واذا استطاعت ان تسلم يوم 10 فكان بها وتوفر على نفسك

فى محامى بيقول يعمل محضر فقد علشان يكون عذر مقبول و يالف ويقول انة فقد اوراق وكدا.
والله اعلم

أخوانى الكرام .... الجميع يقلق من نقصان أى ورقة .... أطمئنوا ولاتقلقوا ..... أى ورقة ناقصة ولم تستطيع إحضارها يوم التقديم يمكنك كتابة إقرار بأنك ستحضرها يوم مقابلة التفتيش ... ولامشكلة فى ذلك .... وهذا الأمر يخص جميع الأوراق ماعدا بيان الدرجات والشهادة المؤقتة فلابد من وجودهم أثناء التقديم وغير ذلك يمكنك أحضاره فيما بعد أثناء المقابلة .....

أما عن موضوع مربع النسبة المئوية ... فهو عبارة عن مربع كبير أعلى الملف تحت مربع أخر أسمه الرقم ... وهذا بخلاف البيان الموجود من ضمن البيانات والذى يطلب النسبة المئوية ... لذلك لماذا يتم طلبة مره أخرى بالأعلى بعيداً عن البيانات .... لكن للعلم أنا أرى أنه بيان يجب إملاءه بالنسبة المئوية التى نجحت بها فى الكلية .... لكن ما ماذكرته بترك المربع فارغ هو لتشكيك البعض ووجود بعض الأراء وإن كانت قليله بأنه بيان خاص بالتفتيش ... لذلك فضلت تركهم فارغين بالنسبة للأخ الذى سألنى .. أما من ملأه فلا توجد أى مشكلة فهو المطلوب ....

فى محامى بيقول يعمل محضر فقد علشان يكون عذر مقبول و يالف ويقول انة فقد اوراق وكدا
ياأخى العزيز ما فائدة المحضر ... أنت غير مطالب بإعطاء أسباب أو أعذار لامقبولة ولاغير مقبولة إذا نقصت أوراق .... فقط يتم كتابة إقرار أثناء التقديم وإحضار المطلوب فى التفتيش ....

يا باشا لا محضر ولا حاجة الكطلام ده كله رويتنى انا ليا اصحابى راحوا يوم التخلف عادى وقدموا ورقهم لا عذر مقبول ولا معذرش ومتخليش حد يخضك ولا يلعب باعصابكم ولا يفتى عليكم

وبالنسبة لصحيفة الحالة الجنائية بتتاعت الوالد ابقى قدنها فى التفتيش وكذلك افادة الدبلومة
انت اصلا ملفك كله بيبقى قدام مستشار التفتيش

والله ياجماعة انا بشكركم شكر خاص فعلا على اجابتكم علية وبوجة شكر خاص لمحمود بية يونس وانا فعلا كدة شكلى هروح يوم 18 احسن لانى فعلا ناقصنى ورق كتير محتاج اكملة فى الفترة دى بس انا كنت عايز حد يأكدلى بس ان يوم 18 دة من ضمن الايام التى يتم تسليم الملفات فيها لانى زى ماقولتلكوا انا مشفتش اعلان مواعيد تسليم الملفات بمحكمة النقض ومعتمد على المواعيد اللى تم نشرها هنا بالمنتدى وطلب اخير ياريت اللى يعرف ميعاد مقابلة التفتيش القضائى لمحافظة بنى سويف يكتبها هنا بالمنتدى وشكرااااااا

دى ملهاش دعوة بالمحافظات يا باشا دى تبعتمد على الجامعة بتاعت حضرتك وبيبقى فيه يوم خاص بالمتخلفين

والعفو يا باشا على ايه بردوا استاذ رامى عامل معانا شغل جباااااااااااااار

الثعلب العربى كتب:: دلوقتى انا روحت النهاردة وسلمت الملف ومن غبائى اتلغبطت وقدمت صحيفة احوا ل الوالد كصورة فقط ونسيت اقدم الاصل ولما رجعت للموظف قالى هات الاصل يوم مقابلة التفتيش وبعدها قال مش مستاهلة .

ونسيت كمان اقدم افادة دبلومة الى بعملها

فهل لذلك حل ولا لا ؟ انا عارف انة منتهى الغباء .

وكمان دلوقتى المقابلة اتحددت ب 9 الصبح فهل اروح 9 ولا 11 ؟؟؟؟؟؟؟؟؟؟ السفر صعب اوى والطريق علية شبورة جامدة و كذا حادثة ومش عارف اعمل اية ؟وبضطر اسافر الفجر وبروح مطبق و اكيد دا غلط ف مقابلات التفنيش وكدا

مجهود رائع اخى الكريم ونرجو التقدم والتفوق للجميع ولدى سؤال
هل يوجد دفعت تخلفات للنيابة العامة تلى هذه الدفعة فى سحب وتقديم الاوراق بعد ذلك ؟
ارجو الافادة فى اقرب وقت وشكراا

للاسف لايوجد

أخى الحبيب ahmed_abdoo
بس انا كنت عايز حد يأكدلى بس ان يوم 18 دة من ضمن الايام التى يتم تسليم الملفات فيها
نعم ... يوم 18 من ضمن أيام تقديم الملفات بالنسبة للمتخلفين ....

وطلب اخير ياريت اللى يعرف ميعاد مقابلة التفتيش القضائى لمحافظة بنى سويف يكتبها هنا
التفتيش حسب الجامعة .... أما إذا كنت تقصد جامعة بنى سويف .... فغالباً ستكون فى 3/2/2010 ....

أخى الحبيب محمود يونس
والعفو يا باشا على ايه بردوا استاذ رامى عامل معانا شغل جباااااااااااااار
العفو ... هذا كلام من طيب أصلك.... أشكرك أخى العزيز ...

أخى الحبيب الثعلب العربى
فهل لذلك حل ولا لا ؟
بالطبع يوجد حل ... خذ معك أصل فيش يوم مقابلة التفتيش وقدمها للمستشار .... ونفس الأمر لإفادة الدبلومة ....

وكمان دلوقتى المقابلة اتحددت ب 9 الصبح فهل اروح 9 ولا 11 ؟؟؟؟؟؟؟؟؟؟
كيف يتحدد لك الساعة 9 وتذهب 11 ؟؟؟ .... أخى ... أنت الذى تنتظر السيد المستشار وليس هو ..... أذهب فى ميعادك .... وإذا كنت تتحدث عن الطريق فإذهب بالقطار أضمن ...

أخى الحبيب gouda2010
هل يوجد دفعت تخلفات للنيابة العامة تلى هذه الدفعة فى سحب وتقديم الاوراق بعد ذلك ؟
هناك دفعة أسمها الدفعة التكميلية .... ولكنها لم يتم الإعلان عنها منذ 2006 ... منذ قانون تطبيق الجيد كحد أدنى ....

بالتوفيق للجميع

اشكرا اخى العزيز رامى على الاهتمام بالموضوع ولكن لدى استفسار وارجو الاهتمام
بلنسبة للطلاب الناجحين ولكن بمواد تخلفات اى سمر كورس وتم اجتياز هذة التخلفات بنجاح هل هم ضمن الدفعه الاول ام انهم لهم معيد اخر للحصول الاعلى الاوراق وتقديمها ارجو الافادة ولك جزيل الشكر

يا باشا لم يعد هامك ما يسمى بالدفعة التكميلية وذلك بمناسبة تتطبيق قانون الجيد على الاقل ويفترض وجود مثل تلك الدفعة فى حالة اذا ما كانت الدفعة الاصلية تشترط جيد جدا على الاقل كما هو مجلس الدولة لكن الان لا يوجد دفعة تكميلية على هذا النحو
بالنسبة للتخلفات لا يوجد لهم ميعاد مخصص فميعادك هو نفسه معاد تلك الدفعة بمعنى اخر اذا لم تلحق بسحب الملف فى تلك الايان وتقدينها فى قبل اخر يوم لتسليم الملفات فبذلك يكون حظك غير وافر فى دفعة المعاونين وتتمنى من الله بعد ذلك النظر فى دفعة المساعدين التى لا تشترط اصلا تقدير الجيد والتى يوجد تكهنات بفتحها فى الايان القادمة والتى تشترط قيدك بدرجة ابتدائى بنقابة المامين على الاقل

جزاك الله كل خير ع هذا المجهود الرائع

أنا قدمت الملف بتاعى جامعة القاهرة بس لم أقدم افادة باننى ملتحق بدبلومة في جامعة بنى سويف فهل اسافر بنى سويف لمجرد احضار هذة الافادة وتقديمها يوم التفتيش أم من الممكن الاكتفاء بكارنية الدبلومة فهو معى

شكرا أخى الكريم

لو عاوز حاجة صح يبقى تجيب افادة الكارنيه لا يثبت لانه غير مختوم

ممكن تعرفنا اكتر علي مقابله مستشار التفتيش القضائي

عايز اعرف هو لازم يكون الاب والام مؤهل عالى ولا ممكن يكون واحد فيهم بس وخاصة الاب ارجو الرد

بص يا باشا ده معيار خفى من ضمن معايير التعيين فى النيابة العامة ولكن ممن الممكن التغاضى عنه اذا كان لديك واسطة طيبة

لوسمحت يااستاذ\محمودعايز اعرف النيابه العامه بتنظرللتقديرولاايه هى المعاييروعلى فكره انا الاول على الدفعه وبفكر مقدمشى فى النيابه العامه وباالنسبه لوالدى ووالدتى مفيش مؤهل ارجوالنصيحه من حضرتك رالرد ......شكراجزيلا

أخى الحبيب aly2020
ممكن تعرفنا اكتر علي مقابله مستشار التفتيش القضائي
الأمر بسيط ... ستذهب يوم مقابلة التفتيش الساعة 9 إن شاءالله .... إلى دار القضاء العالى الدور الثانى .... دور التفتيش القضائى .... سيبدأ الموظف بالنداء على مجموعة ملفات .... إلى أن تسمع أسمك .... يقوم الموظف بتجميع كل خمسة أو سبعة أمام غرفة مستشار تفتيش ..... وتدخلوا واحد واحد ... كل منكم على حده ... فهى مقابلة شخصية .... ستجد ملفك أمامه ... يتطلع به ... ويبدأ فى سؤالك عن أشياء يريد الإستفسار عنها من بيانات ملفك أو التأكد منها أو فهمها إذا كانت غامضه .... ثم تتوكل على الله وتخرج لكى يدخل إللى بعدك ..... وهكذا

أخى الحبيب مدحت الصعيدى
محمودعايز اعرف النيابه العامه بتنظرللتقديرولاايه هى المعايير
هناك عدة معايير يتم الأختيار على أساسها ... التقدير - الوضع الإجتماعى - الوضع المادى وغيرها من المعايير التى يتم الأختيار على اساسها خلال المقابلة مثل الهيئة وفيما بعد سلامة التحريات ... فالأمر ليس واقفاً على معيار واحد ولايقف على التقدير فقط ....

وبفكر مقدمشى فى النيابه العامه
أخى العزيز .... هذا الخطأ بعينه .... هل تعلم الغيب ؟؟؟؟ ... هل تعلم ما سيحدث بعد دقيقة واحده لك ؟؟؟؟ .... هل بذلك فعلت ما عليك وستكون راضى عن نفسك ؟؟؟ .... يا أخى أين الأخذ بالأسباب ... وأين التوكل على الله ... لم أقل لك أن ستكون متأكد مليون فى المية أنك ستقبل ... ولكن على الأقل طالما أنك غير مهتم هكذا وغير مبالى ... فقدم الملف وأتركها على الله ... نجحت فخير وبركه .. مانجحتش فأنت فى الأصل غير منتظرها ولم تخسر شيئ وفعلت ما عليك ... وأحب أن أذكرك بقول الرسول عليه الصلاة والسلام "تفائلوا بالخير تجدوه" .... وأخيرا فقط أقول لك شيئ ... تخيل لو أن هناك هديه لك ولكنها موجوده فى الدور العاشر فى مبنى .... وقلت أن الدور العاشر عالى جدا ولا أستطيع الوصول له فالأحسن لاأأخذها ولا أدخل المبنى ولاأطلع .... وفيما بعد أكتشفت أن الهديه كانت فى الدور الأول وليس فى العاشر ... ماذا ستقول لنفسك ؟؟؟؟ ياليتنى ؟؟؟ ....
توكل على الله

وبالتوفيق للجميع

اجمل فاحسن الاستاذ رامى
صحيح يا اخ مدحت لازم تقدم ومش معنى ان احنا بنقول ان تعليم الابوين معيار انه خلاص يعنى مفيش امل لا بالعكس خلى املك فى الله كبير
ثم يا سيدى انت بتنظر الى النيابة العامة ليه فى حين ان ان شاء الله انت من المقبولين فى مجلس الدولة اللى هو فى نظرى افضل مليون مرة من النيابة العامة
مجلس الدولة يا اخى يأخذ الاوائل بدون وسايط ان شاء الله

» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009
» اعلان النيابة العامة دفعة2010