النيابة العامة دفعة 2009

تم تعيين الاخ رامى كامل مشرفا على قسم الخريجين

شكرا علي الافادة ياأستاز محمود يونس

ياعني حضرتك عايز تقولي انهم حددوا دفعة 2009 يشترط تقدير جيد خلاص القرار نزل ولا لسة هيقولة عايزين تقديرات اية لسة.

وبعدين الي جايب مقبول وعايز يقدم في النيابة العامة ومعاة وسطة هل ينفع انا بقوللك معاية وسطة ياريت تفدني اكتر

أخى العزيز أكرم

قد تفضل أخى الحبيب محمود وأجاب على أسئلتك

أما بخصوص أخر سؤال .... فالواسطة ياعزيزى تتحرك معك من أول يوم فى التقديم إلى الكشف الطبى ولكن فى حدود المسموح ... يعنى لا تستطيع الواسطه تعيين من هو تقديره مقبول مع أن الشرط يلزم بألا يقل التقدير عن جيد .......

وهذا الشرط ليس جديدا حتى ننتظر نزوله مع دفعة 2009 ... فهذا قانون تم تطبيقه من ثلاث سنوات ..
وللعلم هناك تحرك من نادى القضاه وقدموا مذكرة إلى رئيس المجلس الأعلى للقضاء لرفعها لرئيس الجمهورية أثناء الزيارة الماضية لدار القضاء العالى يطالبون فيها السماح لأبناء المستشارين من التعيين بتقدير مقبول

ايوة يا استاذ رامى لا وايه بيقولوا ان من حقهم تعيين ابائهم وده حق ثابت ليهم وكلام غريب كده والله حسبى الله ونعم الوكيل

الف الف مبروك
تحياتى النيابة العامة دفعة 2009 - صفحة 4 Ffffffffffffffffffffff

لو سمحت سؤال يعني سحب الملف من يوم 26 ديسمبر؟

تم اليوم نزول الاعلان فى جريده الاهرام
عن قبول دفعه جديده من خريجى 2009 للنيابه العمه وذلك الايقل تقديره التراكمى عن جيد
وسحب الملفات من يوم 26 ديسمبر الى 18 يناير بأذن الله

شكرا للاستاذ عبده والاستاذ prosecutor
وبالتوفيق للجميع ان شاء الله

نرجو من الاستاذ رامى كمال او الاستاذ محمود يونس احضار لنا المطلوب بالظبط وهل يوجد تغيير شى فى المطلوب عن دفعه 2008 ام انها نفس الطلبات التى ذكرت من قبل
وتابعونا كثيرا هذه الايام نحن بحاجه ماسه اليكم ................
وربنا يكرمكم ويوفق الجميع يارب

مكتوب فى الاعلان صرف الملفات من 26 -12 ختى 18-1
يعنى اسحب الملف واملا البيانات واجهز الاوراق وكله واقدمه فى 18-1؟؟
ولا سحب الملفات بيتم من يوم 26 لغايه 18 يناير
وموعد تقديم الملف لسه مش معروف؟؟

لأ يباشا من يوم 26 ديسمبر الى 18 يناير سحب تقديم وتقديم الملفات

ولن يقبل الطلب قبل هذا التاريخ او بعده

طيب فين باقى الاعلان من خيت الاوراق المطلوبه
والمكان اللى باسحب منه الملف
العنوان بالظبط
وبيتم ايداغ الملف فين بعد ما املا البيانات
التفاصيل يعنى؟؟

استاذ محمود يونس والاستاذ رامي كمال انتم فين محتاجين اسئله كتير ياجماعه انا من اسكندريه يعني مش عايز اسافر وارجع علي الفاضي بيقولو في الاعلان يشترط عند التقديم شهاده بدرجات وتقديرات سنوات الدراسه يعني يقصد الشهاده دي تكون معايا لما اروح اسجب الملف ولا تكون معايا وقت ما ملاه واقدمه ارجوكم الرد بسرعه

تعلن النيابه العامة
عن قبول طلبات التعيين فى وظيفه
معاون نيابه
من خريجى 2009

بتقدير عام تراكمى ( جيد ) على الاقل
ويشترط لقبلول الطلبات تقديم المستندات المبينه بلوحه الاعلانات بدار القضاء العالى
ويشترط ان يقدم الطالب عند التقديم شهادة بدرجاته فى سنوات الدراسه والا لن يقبل
طلبه وذلك فى الفترة
26/12/2009 وحتى 18/1/2010

ولن يلتفت الى الطلبات المقدمه قبل الموعد المحدد بهذا الاعلان او بعد انتهائه

سيبدأ سحب الملف باذن الله تعالي من يوم السبت الموافق 26-12-2009
من مقر محكمة النقض بدار القضاء العالي بالقاهرة وسيكون ميعاد تقديم الملف وفقا لليوم المخصص لكل جامعة الي آخر ساعة عمل من يوم الاثنين الموافق 18-1-2010

المطلوب من اوراق كالتالي :-

1- شهادة التخرج المؤقتة .
2- بيان درجات الاربع سنوات لليسانس .
3- شهادة التجنيد اذا كنت تأجيل او اعفاء مؤقت او نهائي اما اذا دخلت الجيش فتجيب ما يثبت انك علي ذمة القوات المسلحة وبالنسبة للي جيشهم كان نص تاني ولسه مستلموش شهادات التاجيل يكتفوا بالنموذج 10 جند لحين تسلمهم الشهادة ويقدموها في مقابلة التفتيش القضائي
4- فيش جنائي للمتقدم ولوالده واذا كان الوالد في الخارج فهتجيب ما يفيد ذلك وعلي ما اعتقد تسمي بشهادة التحركات واذا كان الوالد متوفي فهتقدم شهادة الوفاة .
5- شهادة معتمدة من جهة عمل الوالد موضحا بها وظيفته الحالية ومؤهله والراتب الشهري واذا كان الوالد متوفي هتجيب بيان معاش من التأمينات التابع لها وشرحه اذا كانت الوالدة تعمل واذا كان تاجر او من اصحاب المهن الحرة او من اصحاب الحرف فهتجيب شهادة معتمدة من السجل التجاري او من النقابة التابع لها الوالد .
6- عدد 8 صور حديثة بالبدلة وتكون علي خلفية بيضاء .
7- صور من عقود الاملاك اذا كانت الاملاك منزل او ارض مباني او سيارة وبطاقة الحيازة الزراعية اذا كانت ارض زراعية وصور من البنك بالحساب الجاري او الودائع وكذلك يعد من الاملاك الاسهم والسندات وبوالص التأمين بشرط ان تكون الاملاك باسم الوالد او الوالدة او المرشح فقط .
8- صورة من البطاقة الشخصية .

وهناك ملاحظات عامة علي الشروط :-
1- التقدير العام جيد عالاقل .
2- السن لا يزيد عن 30 سنة .
3- الملف يشمل الاقارب حتي الدرجة الرابعة اي اولاد وبنات الاعمام والاخوال والعمات والخالات وازواجهم ان وجد والبيانات المطلوبة هي الاسم رباعي والمؤهل والوظيفة ومحل الميلاد وتاريخ الميلاد والعنوان ورقم التليفون ان وجد .
4- هناك اقرار بمحل الاقامة .
5- طلب تعيين باسم النائب العام .
6- لا يجوز الكشط او المحو في الملف والا لن يقبل من جانب الموظف المختص .
7- هناك استمارات خاصة بالكشف الطبي لا يجوز ملئها او الكتابة فيها الان .

وكان ليا استفسار اخر هل لو مكملش الورق بتاعي في اليوم المخصص لكليتي هل عادي اروح ليوم المتخلفين بعذر مقبول وهو عدم انتهاء المستندات المطلوبه وشكرا

اه فعلا السؤال دا مهم جدا عشان انا الفيش بتاعى هياخد 10 ايان لغايه ميظهر انا حقوق بنى سويف
ومش عارف هل هيظهر قبل ميعاد تقيمى جامعتى او بعده

فينفع تسليم الملف فى وقت اخر غير المحدد لجامعتى وهل ينفع فعلا ان اضع وصل استلام الفيش بدلا منه حتى اول مقابله( التفتيش القضائى)

السلام عليكم
الاخ برديوسر انت ممكن تيجى تعمل الفيش من مصلحة الادلة الجنائية وتاخده فى نفس اليوم بس تكون هنا فى القاهرة قبل الساعة تسعة صباجا فهتاخده بعد الساعة اتنين .
يعنى مسألة الفيش دى سهلة
مواعيد الجامعات غالبا القاهرة هيا الاول قم اسكندرية وعين شمس وعلى العموم اناان شاء الله نازل انهاردا دار القضاء للاستعلام عن مواعيد تقديم الملفات كل كلية على حده
اخر معاد لتقديم الملفات زى ما الاخ رامى كمال قال هو يوم 81/1/2010 ولن يلتفت الى الطبات التى سوف تقدم بعد الميعاد
اللى مش هيلحق يقدم ملفه فى ميعاتد جامعنه ممكن يقدمه فى يوم المكتخلفين دون اى عزر عادى جدا مش مشكلة يعنى دون اى عذر عادى خالص مش تقلقوا يعنى؟

الاخ ايهاب اللى كان بيسأل عن بيان الدرجات

بيان الدرجات لازم يكون معاك وانت بتقدم الملف مش وانت بتسحبه
وانت بتسحب الملف عاوزين البطاقة فقط لا غير علشان يكتبوا على الملف اسمك
ولو مش انت اللى هتروح تسحب الملف يبقى تدى للى هيسحبلك صورة البطاقة عادىة جدا بردوا

اخيرا
شكرا جدا جدا للاستاذ عبده المحامى على اخبارنا بالاعلان ومجهوده فى انه نزله
وطبعا شكرا وكل الشكر للاخ رامى كمال على المتابعة الحصرية معانا
يارب اكون اجبت على اغلب الاستفسارات

موعد تقديم الملف حسب الجامعة التى تخرج منها المتقدم

السبت 2/1/2010 القاهرة
الأحـــد 3/1/2010 إسكندرية + بيروت
الإثنين 4/1/2010 عين شمس
الثلاثاء 5/1/2010 أسيوط
الأربعاء 6/1/2010 أسيوط
السبت 9/1/2010 المنصورة + أزهر تفهنا
الأحـــد 10/1/2010 بني سويف
الإثنين 11/1/2010 الزقازيق + بنها
الثلاثاء 12/1/2010 طنطا
الأربعاء 13/1/2010 أزهر القاهرة
الخميس 14/1/2010 أزهر أسيوط
السبت 16/1/2010 أزهر دمنهور + أزهر طنطا
الأحـــد 17/1/2010 الشرطة + المنوفية + حلوان
الاثنين 18/1/2010 متخلفين بعذر مقبول

مجهود رائع يااستاذ رامى تسلم عليه

مجهود رائع يا استاذ رامى وانا كنت لسى راجع من دار القضاء وقولت اكتبه لكن لقيتك سبقتنى يلا بقى وااااحد

الف شكر ليكم دا مجهود رائع وجبار
ولكن سؤالى الذى قد يصيبكم بالملل اذا لم اسلم الملف فى ميعاد جامعتى هل يجوز ان اسلمه فى اى ميعاد اخر ولا لازم يكون ميعاد المتخلفين اللى هو يوم 18 يناير ؟؟؟؟؟؟؟؟؟؟؟؟؟؟

فكده طبعا هتبقى مجازفه ان الواحد يستنى لغايه اخر يوم

1000000000000000000 شكر للاساتذه
مجهود رائع منكم
ادعولنا بقى

أخى prosecutor

كما ذكرنا من قبل إذا لم تستطع الإنتهاء من إحضار المطلوب كله وتبقى لك ورقة معينة ... فيمكنك أن تكتب إقرار بإلتزامك بإحضارها يوم مقابلة التفتيش القضائى ..... وكذلك الذهاب ليوم التخلفات ليس به أى مشكلة فهو فى النهاية مرحلة تجميع ملفات حتى أخر ساعة من وقت العمل الرسمى بيوم 18/1 .... فلا تقلق .... أما إذا أردت الذهاب فى وقت جامعة غير جامعتك فأنا غير متأكد من تلك النقطه بخصوص هذا العام ... فبالنسبة للعام الماضى كنت أعرف شخص ذهب فى تاريخ غير مخصص لجامعته وتم قبول الطلب ..... لكنها ليست قاعدة ثابته ...

بالتوفيق للجميع ..... ولا تنسوا الدعاء .... والأستغفار .......

انا رايح يوم السبت ان شاء الله
يا ريت حد يفيدنى الخطوات هناك
اروح فين مثلا والاوراق اللى اجيبها معايا

الاخ الفاضل رامي كمال رجاء الرد علي هذه الاستفسارات
اولا انا والدي بالخارج زي ماقولتلك والورق اللي هيبعتهولي لسه بيتعمل
ثانيا شهاده التحركات انا لسه هعملها من القاهره يوم السبت من مجمع التحرير في نفس اليوم اللي هسحب فيه الملف
والفيش برضو ممكن ياخد وقت وانا جامعه اسكندريه يعني يوم تقديمي هو الاحد 3/1 وده صعب يكون كل حاجه خلصت هل فعلا ممكن اقدم في يوم 18/1 وتكون هي دي الاعذار
الرجاء افادتي لان انا بالبلدي كده لايص واسف علي الاطاله ولك جزيل الشكر

» النيابة الادارية دفعة 2010
» اسئلة النيابة العامة 2009
» النيابة الادارية دفعة 2009
» النيابة الادارية دفعة 2009
» اعلان النيابة العامة دفعة2010