كل شيىء عن دبلوم القضاء الادارى

يا استاذ ميشو انا مش بشكك فى كلام حضرتك ولا بقول ان انت مروحتش وزى ما الثعلب قال ان المعلومات دى من المسئولين عن الدبلومة يبقى الصح فين بقى مش عارفة

عندى سؤال هى ان الدبلومه دى سنه يعنى الى مش هايلحق يخدها دلوقتى مش هايلحق يخدها عند تعيين الدفعه الكلام ده بالنسبه لدفعة 2009 صح ولا خطاء؟؟؟ انا عن نفسى لو هى الدبلومه دى سنه مش هاخودها عشان دفعة الى بتتعين بتكون 300 واحد نصفهم بنات والاخر رجال يعنى احنا بنلعب على 150 مقعد Very Happy

صباح الفل

لكن لو هى دوره تدربيه بتعقد شهر شهرين مش هاتخسر هاخدها وربنا يكرمنا جميعااا

وده طبعاا راى الشخصى وياريت الاستاذ المدير العام ويوضح الموضوع ده هل هو دوره تدريبيه ولا دبلومه وشكرااا

elham salah كتب:: يا استاذ ميشو انا مش بشكك فى كلام حضرتك ولا بقول ان انت مروحتش وزى ما الثعلب قال ان المعلومات دى من المسئولين عن الدبلومة يبقى الصح فين بقى مش عارفة

لا يا استاذة الهام العفو انا مقصدتش كده انا كنت مجرد بأكد علي ان المعلومات دي انا اللي جبتها بنفسي يعني مش عن طريق حد والصح طبعا كلام الاستاذ التعلب لانه ليه 3 مصادر في الكلية واكيد هما عارفين اكتر من الموظفة اللي سألتها انا كل مضيقني بس فكرة عدم الاعلان عنها في الجرايد او حتي علي موقع الهيئة او وضع اعلان واضح وصريح في الكلية يعني المفروض رئيس الهيئة والمسئولين عن الدبلومة دي في الكلية يحترموا عقليات الناس اللي هتقدم مش العشوائية دي وسياسة التضليل دي وكمان المواعيد المستفزة اللي هما حاطينها دي وكمان توقيتها رخم جدا عموما ربنا يوفق الجميع ويهدي تيمور بيه علينا ويستحسن ان ربنا يكرمنا وميكونش هو اللي هيعين دفعتنا من الاساس لان الراجل ده جننا معاه وجنن الاعضاء ومش راسي علي حاجة وكل شوية يطلع بحاجة جديدة شوية دبلومة القضاء التأديبي وشوية الفرنساوي والله يسري بيه الهواري كان ارحم بقي بكتير واسف لو كان في كلامي خروج بس فعلا حاجة تتضايق واحنا في انتظار معالي المدير العام يوضحلنا الصورة اكتر ان شاء الله واسف عالاطالة .

ليا 3 اصدقاء راحا سجلوا النهاردة

وتفاجوا لما عرفوا عدد الى سجل حتى الان

حتى هذة اللحظة عدد المسجلين جميعا لا يتعدى 200 شخص

الدبلوم دى كدا كدا لاعضاء النيابة الادارية هيخدوها لما بيكونوا شغالين فى النيابة الادارية

ولكن اعضاء النيابة الادارية بيخدوها بلاش او بيتم عمل دعم لهم .

يعنى من الاخر النيابة الادارية مش عايزة تصرف فلوس على الجيل الجديد الى هيدخلها , وبتوفر فلوسها من دلوقتى وبيخلوا المرشحين للنيابة الادارية يخدوها على حسابهم

يدخلونا الاول النيابه الاداريه واحنا نبقى نخدها على حسبنا مفيش مشكله Very Happy

ولكن تقرر اليوم ان يكون الحضور اجبارى , ولكن يوجد اجتماع اخر يوم الاحد لمناقشة الامر مرة اخرى

شكراُ لكل من ساهم وتعب لتوضيح الموضوع وربنا يكرم الجميع .
,وأنا من أول الموضوع ساكت وبتابع بس لحد ما وصلت للخلاصة .
(لا يكلف الله نفساً إلا وسعها)
يعني الي هيقدر يروح ويلتزم بالحضور يروح وربنا يوفقه إن شاء الله أما الي ساكن بعيد زي حلاتي
يبقى يخليها علي الله وربنا أعلم بظروف كل واحد وربنا عادل وليس لعدله حدود ومتنسوش إن التعيين ده أرزاق يعني الي ربنا كاتبله يتعين هيتعين غصب عن عين أي حد وسواء معاه دبلومات أو معهوش بس يعمل اللي عليه كويس ويتعب علي قد طاقته وربنا لا يضيع أجر من أحسن عملا.

يا ريت المدير العام يوضحلنا ويسأل هل الدبلومة دى مفيدة فعلا ولا اية يعنى اللى هياخدها هتكون فرصتة اد اية فى التعيين لانها بجد اول مرة اشوف دبلومة على تيرمين كل تيرم 4 شهور و 1200 جنية دول للتيرم الأول اما التانى لسة مش اتحدد......بجد عوزين نفهم هى مهمة ولا عادى تتعامل زى اى دبلومة تانية؟

متزعلش نفسك يا omega5_1988 هى معيار افضلية فقط , ومش شرط للتعين , ومعظم الدفعة مش هتاخدها .

دى يا heba : عبارة عن تفضيل فى المقارنة بين الناس الى فى الدفعة , هترفع اسهم الى ياخدها فقط, ولن تكون معيار للتعيين ,بل هى معيار للتفضيل.

ومتنسوش يا شباب : النيابة الادارية مش عايزة تصرف على الى هيدخوا ويتعينوا فلوس , وبتخلى الدفعة تاخدها على حسابها, واهو تخدلها حبة فلوس من كتر عدد المسجلين Very Happy

شكرا لكل الاعضاء الذين يساهمون فى هذا الموضوع لافادتنا.
أرجو من الاستاذ المدير العام ان يكون بخير ويحل لنا هذة المشكلة علشان احنا مش فاهمين حاجة خالص:
هل هذة هى دورة تدريبية !!! أم هى دبلومة عادية !!!
وهل لاعضاء النيابة المعينين !!! أم للمتقدمين مثلنا !!!

دى يا استاذة سيرين دبلومة عادية مكونة من ترميين كل ترم لمدة اربع شهور ويدرس فية 5 مواد دراسية وهيا للمتقدمين للنيابة بداية من دفعة 2008 وايضا للمعينين الاوراق المطلوبة شهادة الجامعة الاصلية وصورة البطاقة ومبلغ 1200 جنية دا ترم اول لسة الترم التانى مش عارفة هايبقى بكام وتقرر ان الحضور فيها ليس اجباريا وميعاد المحاضرات من 2 الى 4 يوميا ما عدا الخميس

يا جماعة انا كلمت سكرتيرة العميد وقالتلى ان الحضور فى الدبلومة مش الزامى وتم اجراء مكالمة اخرى للمدير المسئؤل عن هذة الدبلومة وقال ان الحضور فيها الزاميا واجباريا بصراحة انا مش عارفة مين الصح ومين الغلط

elham salah كتب:: يا جماعة انا كلمت سكرتيرة العميد وقالتلى ان الحضور فى الدبلومة مش الزامى وتم اجراء مكالمة اخرى للمدير المسئؤل عن هذة الدبلومة وقال ان الحضور فيها الزاميا واجباريا بصراحة انا مش عارفة مين الصح ومين الغلط

مدير المكان قال الحضور الزامى يبقى الزامى Very Happy

تم تعديل ميعاد المحاضرات واصبح يوم السبت من الساعة 11 الى الساعة 6 وسيتم دراسة ثلاث محاضرات فى هذا اليوم على يد المستشار محمد ماهر ابو العنين , والمستشار احمد صبرى شقور , والمستشار احمد هانى الدرديرى.

و اصبح ايضا يوم الثلاثاء من الساعة 2.30:4.30 , ويوم الاربعاء من 2.30:4.30

اى الدراسة ستكون يوم السبت والثلاثاء والاربعاء فقط.

اللهم إجعلنـــــا ممّن إذا أنعمــــتَ عليـــهم شكــــروا . . و إذا إبتليتـــــهم صبــــروا . . و إذا أذنبوا إستغفـــــروا

مفاجأة من العيار الثقيل جداااااااااااااااااا

الحضور اصبح اختيارى وليس اجبارى .

الغريب فى الامر ان مدير الدبلوم قال ليلة امس انة اجبارى , ام اليوم قال سيكون اختيارى .

هل هذا تخبط ادارى مثلا؟ ام هذا يدل ان القائمين على الدبلوم يغيرون كلامهم بأستمرار . مع ملاحظة ان الكلام من اسبوعين كان الدبولم كلة ب1200ج , اما الان فأضبح الترم الاول فقط ب1200ج , والترم التانى لم يتم وضع ثمنة, والاحتمال انة من 1200:1500
وعلى راى اختنا الهام ممكن الترم التانى يكون ب5 الاف جنية , وبصراحة عندها حق ما الى مسكين الدبلوم يغيرون كل شيىء دائما

اصل بصراحة امر الدبلومة دى مش مريح بصراحة بعد ما قالوا مصاريفها 1200 جنية رجعوا قالوا ان دول ترم اول بس والترم التانى يحلها حلال هاتكون اتورط وخلاص هيبقى قدامك حلين ياما تدفع ايلى هايقولولك علية ياما تبقى فلوسك وتعبك فى الترم الاول راحوا ع الفاضى يبقى لو قالولك حتى 5000 جنية يبقى هاتدفع هاتدفع وانا من رايى ان الدبلومة دى ملهاش لزوم لية بقى اولا هيا مدتها سنة تمام وع ما الشهادة تطلع يبقى قدامك لشهر 5 او 6 ايلى بعد الجاى وطبعا هتكون دفعتنا باذن الله اتعينت ولو استنوا شوية هيكون المستشار تيمور طلع معاش دى وجهة نظرى ممكن تحتمل الصواب او الخطا

انا بردوا راى من راى حضرتك وانها ملهاش لازم والمستشار تيمور كل يوم يطلع باموضوع جديد ومحدش عارف حاجه Very Happy

يا جماعه ابارح السبت كان اول يوم لمحاضرات الدبلومه

وكل اللى حضر عرف ان ما فيش اى ترتيب ولاتجهيز لها

حتى الترم الاول قلصوا مده دراستوا من 4 شهور اللى 2 شهران بس

وكمان الحضور اصبح اختيارى مش اجبارى

وتقريبا لسه باب التسجيل شغال

وعدد الحضور كان تقريبا 150 منهم 20 شاب فقط ........وخدوا دى كمان نصهم ال (( 20 )) اعضاء نيابه اداريه
...................................... بالتوفيق للجميع

باب التسجيل اتقفل يوم الاربعاء ايلى فات

هوا حضراتك سجلتى ولا لاء ؟

يا ريت يا جماعه لو حد سجل هنا نتواصل سواا

شكرا للاستاذة الهام صلاح والاستاذ الثعلب العربى على ردودهم وتعبهم معنا
ارجو من الاعضاء الكرام لو حد فيهم سجل فى الدبلومة دى يعرفنا علشان نتواصل معه ونعرف منه الاخبار؟؟؟
وانا بعتقد انها افتكاسة جديدة لا أكثر ولا أقل
وانشاء الله من له نصيب سيتعين بإذن الله.
سؤال اخير مافيش اخبار عن دفعة 2008

» قانون القضاء الادارى القطرى
» إجراءات رفع الدعوى امام القضاء الادارى
» المستشار احمد مكى يعتذر عن حضور جلسات مجلس القضاء الاعلى اعتراضا على عدم تطهير القضاء
» دبلوم التجارة والاستثمار 2010
» دبلوم قضاء التأديب نزلت خلاص