النيابة الادارية دفعة 2009

roro كتب:: شكرا بجد على الرد وربنا يوفقكم.بس عايزة اعرف ازاى نجيب شهادة تثبت تأدية الخدمة العامة ؟ مع العلم اننا نؤديها تقريبا فى حدود سنة واحنا طبعا لسة متخرجين ومنلحقش نخلصها يعنى منقدرش نجيب غيرمايثبت اننا نؤديها بالفعل فقط ؟؟؟؟؟؟؟

الاخت رورو:
اعتقد انهم بيدوكي زي شهاده مؤقته لانك هتقدمي فشغل
انا لما رحت سالت عن التقديم فالخدمه العامه سالوني اذا كنت هقدم على شغل ولالأه فهما هيدوكي شهاده تثبت انك بتاديها
وانا هعمل زيك كده
وربنا يسهلنا جميعا وبالتوفيق

أختى مرام حسن محمد
السلام عليكم ورحمة اللة وبركاتة المقابلة بالنسبة للنيابة الادارية اية نظامها علشان انا خايفة منها جدا والاسئلة اللى ممكن تتسئل فيها؟
لاتقلقى أبداً ولاتخافى ... الأمر سهل جدا وغير محدد لمصير .... أى أن الإجابة على السؤال لايعتبر سبب القبول أو الرفض ... إنما إجراء شكلى .... هناك من الدفعات السابقة من أعتذرعن الإجابة لعدم معرفته لها ... وهو الآن من أعضاء النيابة .... وهناك من أجاب على السؤال ولم يوفقه الله .... فلاتقلقى ... أما طريقة المقابلة ... يتم تجميع كل 10 مع بعض ... ويتم إدخالهم لغرفة بها اللجنة السباعية ... رئيس هيئة النيابة الإدارية ونوابه ... ويلقون علي المتقدم سؤال شفوياً ويتم الإجابة عليه ... وفى الدفعة السابقة تم إلقاء سؤال واحد فقط على المجموعة الموجودة ... أى أن الـ10 أجابوا على نفس السؤال ... والأسئلو تدور حول القانون الإدارى ... وإن شاءالله سأقوم بوضعها فى المنتدى ... لاتقلقى ...

أختى roro
بس عايزة اعرف ازاى نجيب شهادة تثبت تأدية الخدمة العامة ؟ مع العلم اننا نؤديها تقريبا فى حدود سنة واحنا طبعا لسة متخرجين ومنلحقش نخلصها يعنى منقدرش نجيب غيرمايثبت اننا نؤديها بالفعل فقط ؟؟؟؟؟؟؟
هى شهادة روتينية وشكلية بدون تأدية الخدمة العامة ... فقط يعلمون أنكى تريديها للتقديم لجهة النيابة سيعطونها لكى دون مشاكل بدون تأديتها ... فقط أذهبى لفرع التضامن الإجتماعى الموجود بمحافظتك وأطلبيها منهم وستأخذيها وأنتى واقفة ... إذا لم تعرفى مكانه فى محافظتك أتصلى بـ140 وأطلبى التليفون أو العنوان ... بالتوفيق

أختى jojo
بالضبط .... الأمر بسيط إن شاءالله ... بالتوفيق

بالتوفيق للجميع إن شاءالله
لاتنسوا دائما ... الدعاء والتوكل والإستغفار
اللهم أكرمنا بالتعيين ... توكلنا على الله ... أستغفر الله العظيم ..

شكرا جدا يا اخ رامي بس فعلا هو بالنسبه لموضوع الفيش هو بياخد 10 ايام بالكتير انت بتتكلم ال6 شهور دي عن المحافظات الكبيره زي القاهره مثلا لكن احنا في محافظه جديده فالعدد صغير جدا.

انا لسه فاهمه حالا انا مقصدتش مده صلاحيه استخدام الفيش انا قصدت هياخد مده قد ايه علشان يطلع حضرتك فهمتني غلط وعلي كل الاحوال شكرا جدا لافادتنا جميعا

أختى kholoud
فعلاً أنا أسف ... أنتبهت الآن للمعنى الصحيح ... فقد أجبت عن شيئ أخر ...أما عن سؤالك بفهمه الصحيح .... الفيش بالفعل فى المحافظات يأخذ 10 أيام أو أكثر فى بعض المحافظات ... فلايوجد فيها فيش سريع ... حيث أن الفيش السريع تستلميه اليوم التالى .... وهو موجود فى الإسكندرية والقاهرة .... فكنت أنصح فى حالة الحاجة للفيش سريعاً أن تذهبى لأقرب محافظة لكى سواء الإسكندرية أو القاهرة لعمله للإنتهاء منه سريعاً ... ومن الممكن إستلامه فى نفس اليوم ... أما إذا كان ذلك صعب عليكى ... فأنتى حسب قولك عملتيه يوم 19/1 ... ولن نقول أنه سينتهى بعد 10 أيام ... أنما نقول جدلاً أنه سينتهى بعد أسبوعين .... أى أنك ستستلميه يوم 2/2 فتجدى أن أمامك أسبوع بأكمله لتقديم الأوراق .... أى أنه حتى يوم 9/2 .... لذلك أنصحك بأن تسحبى الملف فى موعده مبكراً ... وتحضرى جميع الأوراق وتنتهى منه نهائياً حتى يكون المتبقى فقط هو الفيش ... فى اليوم الذى تستلميه فيه تتوكلى على الله وتانى يوم تذهبى للقاهرة لتقديم الملف .... ولا تتأخرى أكثر من ذلك ... أى أنك إذا لم تستلمى الفيش قبل يوم الثلاثاء 2/2 كما حسبناها .... فأنصحك تذهبى تانى يوم ...الأربعاء 3/2 إلى القاهرة أو الإسكندرية لعمل فيش سريع ... وحد من أسرتك يستلمه الخميس 4/2 ... وتقدمى ملفك يوم السبت 6/2 .... فلاتضعى لنفسك أن تقدمى من يوم 7 إلى 9/2 لأننا لانعرف الظروف ... توكلى على الله ... وأعتذر عن سوء فهم السؤال ...

بالتوفيق للجميع

شكرا جزيلاللاخت jojo وللاخ رامى وبالتوفيق للجميع ان شاء الله.

هو انا هاجيب معايا يوم سحب الملف من الاداريه الشهاده المؤقته كمان؟؟
ولا صوره البطاقه بس

شكرا جدا لاني فعلا خايفه من موضوع تأخير الفيش.طيب لو سمحت لو اناجدي متوفي او في حد متوفي اجيب تاريخ الوفاه او شهاده الوفاه ولا دي مش مهمه..

هي ميعاد فتح الموظفين بيكون اساعة كام تفريبا

لو سمحت ممكن تقولى اجيب بيان الوظيفة منين وانا بابا ليس موظف بيشتغل اعمال حرة اجيب البيان من السجل الضريبى ولا السجل التجارى

انا بشكركم جدا على كل المعلومات القيمه دى انا بس ليا سؤال :انا عملت كشف بيان درجات من الجامعه والمفروض هستلمه يوم 31|1 والملف هجيبه يوم الاربعاء عشان الكلام اللى انتوا قولته عن الزحمه والفيش لسه هعمله بكره ان شاء الله مع شهاده انهاء الخدمه العامه لكن انا عندى كذا مشكله بصراحه ونفسى حد يطمنى طبعا موضوع قبولى او عدم قبولى طبعا انا سيباها على ربنا مع انى اسمع ان لزم وسطه جامده جدااااااا لكن ربنا معانا كلنا
اولا:احنا عندنا كذا شقه ملك امى لكن مش متوثقه ينفع امى تعمل عقد صورى وتعمل اثبات تاريخ ده يثبت الملكيه ام لا؟
ثانيا:انا لسه متزوجه من كام شهر وانا دلوقتى حامل هل الموضوع ده ممكن يكون عقبه فى دخولى النيابه ام لا؟
ارجوا التوضيح وشكرا

اية الدعاء الممكن ادعية وانا بصلى بخصوص القبول فى النيابة وشكرا

ادعى اقول يارب اقبل واكون وكيل نيابة ولا معاون نيابة ...................... مش عارف ادعى اقول اية

أخى الحبيب ايهاب
هو انا هاجيب معايا يوم سحب الملف من الاداريه الشهاده المؤقته كمان؟؟
ولا صوره البطاقه بس
المعمول به كل عام هو إستلام الملف عن طريق صورة البطاقة فقط وخمسين جنيه .. لكن العضو الكريم أخبرنا أنه سأل وقالوا له صورة الشهادة المؤقته مع صورة البطاقة ... لذلك خذها إحتياطى ...

أختى kholoud
طيب لو سمحت لو اناجدي متوفي او في حد متوفي اجيب تاريخ الوفاه او شهاده الوفاه ولا دي مش مهمه
هذا غير مطلوب إطلاقاً ... فقط فى كراسة البيانات التى ستأخذيها فى الملف وهى التى ستكتبى فيها بيانات أقاربك ... إذا كان أحد منهم متوفى أو على المعاش أكتبى (متوفى) أو ( معاش) بجانب إسمه ...

أختى orkedia
هي ميعاد فتح الموظفين بيكون اساعة كام تفريبا
لا تتأخرى عن الساعة 8 صباحاً ..

أختى shosho
لو سمحت ممكن تقولى اجيب بيان الوظيفة منين وانا بابا ليس موظف بيشتغل اعمال حرة اجيب البيان من السجل الضريبى ولا السجل التجارى
كما أخبرتك أن والدك غير مطالب بأن يأتى ببيان وظيفي لأنه غير موظف إنما يأتى بأى ورقة تثبت مؤهله ووظيفته ودخله ... من أى مكان وبأى طريقة ... وقد قلت أنه من السجل الضريبى لكنك ذكرتى بأن والدك لم يستطع ذلك ... لذا فليأتى بمايثبت تلك البيانات من السجل التجارى ... حتى إذا لم يستطع أيضاً ... فليثبت تلك البيانات بأى طريقة ... وإذا عجزتى أيضا على ذلك فيكفى كتابة وظيفته فى الملف ودخله المتوسط ومؤهله ... فقط أرفقى صورة شهادة التخرج إذا أستطعتى ... الأمر سهل إن شاءالله .. بالتوفيق

أختى sona tote
فوضى الأمر لله .. وأفعلى ماعليكى ... وأستغفرى الله كثيراً لما له من أثر عظيم ... وتوكل على الله ... والنصيب هو السيف الذى لايستطيع بشر مقاومته ... فقط خذى بالأسباب ...
اولا:احنا عندنا كذا شقه ملك امى لكن مش متوثقه ينفع امى تعمل عقد صورى وتعمل اثبات تاريخ ده يثبت الملكيه ام لا؟

أرفقى أى عقد يثبت ذلك ... وإذا كان العقد الصورى الذى سيتم عمله صحيح من كل الجوانب .. وصف الشقة وحدودها وأسماء البائع والمشترى وإمضائاتهم صحيحه ... فلابأس ... غير ذلك فأحذرك لكون تلك الأوراق سيتم التحرى عنها وقت التحريات إن شاءالله ...

ثانيا:انا لسه متزوجه من كام شهر وانا دلوقتى حامل هل الموضوع ده ممكن يكون عقبه فى دخولى النيابه ام لا؟
لا يعد عقبة إطلاقاً ... بالتوفيق إن شاءالله وربنا يتمم على خير ...

أخى الحبيب عمرو حمزاوى
اية الدعاء الممكن ادعية وانا بصلى بخصوص القبول فى النيابة وشكرا
ادعى اقول يارب اقبل واكون وكيل نيابة ولا معاون نيابة ...................... مش عارف ادعى اقول اية
لاتتعامل مع الله بهذه الطريقة يا أخى العزيز ... تعامل مع الله بنيتك ... كما أنت ... لاتصطنع ... لاتحفظ أدعية إلا التى ثبتت عن سنة الرسول كدعاء الحاجة وسيد الإستغفار وغيرها ... كن كما أنت ... تحدث مع الله بقلبك ... قل ما فى قلبك وما تريده ... أطلب منه كما يخرج من لسانك ... وعليك بالإستغفار وذكر الله كثيراً ... حيث يقول الله تعالى فى حديثه القدسى (من شغله ذكرى عن مسألتى أعطيته أكثر مما أعطى السائلين) ... فالله أعلم بنيتك دون أن تتكلم بلسانك ...

بالتوفيق للجميع إن شاءالله
لاتنسوا دائما لعظمة الأجر وأثره على حياة الإنسان ... الدعاء والتوكل والإستغفار
اللهم أكرمنا بالتعيين ... توكلنا على الله ... أستغفر الله العظيم ...

ال كان قصدى اسالة او اقولة ممكن واحد يخش النيابة من غير وسطة ولا كلة لازم بالوسطة بس بصراحة؟؟؟

وفى الجنة السباعية احرك ايدى وانا بتكلم عادى ولا لازم اقف ثابت مع انى عارف ان احنا مش هنكمل دقيقة بس اثناء سوال ابقى واقف ازاى واتكلم ابصلهم كلهم ولا بلاش ابصلهم ؟

اتكلم بكل ثقة وياريت تعبر بايدك وتعبيرات وجهك مهمة جدا
واوعى اوعى تتردد فى الاجابات حتى لو غلط وبصلهم كلهم

يا اخ عمرو الحمزاوي متقلقش نفسك بامقابله دلوقتي لان فعلا كده انت هتربك نفسك علي الفاضي وساعتها ربنا هيحلها من عنده وبعدين احنا بنكون قاعدين مش واقفين علي فكره وده ممكن يفيدنا لاننا كده اعصابنا هتهدا اكتر وللاخت سونتا ولا تقلقي لان انا ليا واحده صاحبتي كانت في مجلس الدوله السنه دي وكانت حامل في الشهر ال8 يعني ولا هتفرق معاكي احنا كلنا ندعي ان شاء الله ونتوكل علي الله

انا عندى سؤال انا خريجة دفعة 2007 ينفع اقدم فى الاعلان ده وله لازم يكون من خريجى دفعة 2009 وسؤال كمان انا والدى على المعاش ازاى اقدر اجيب بيان بمفردات مرتبه

ولو سمحت انا عندى سؤال اخر انا تقديرى العام جيد بس تقديرى فى كل سنة مش كل السنين جيد هما ثلاثة سنين فقط ولكن زى ما قولت تقديرى العام عن الاربع سنين جيد فهل شرط ان يكون تقدير كل سنة جيد وله المهم التقدير العام عن كل السنين

مش هينفع يا يارا انك تقدمى فى هذه الدفعة فهيا مقصورة على خريجى دفعة 2009 فقط

أختى يارا محمد
انا عندى سؤال انا خريجة دفعة 2007 ينفع اقدم فى الاعلان ده وله لازم يكون من خريجى دفعة 2009
للأسف ... من ضمن الشروط أن تكونى دفعة 2009 ...

وسؤال كمان انا والدى على المعاش ازاى اقدر اجيب بيان بمفردات مرتبه
فى حالة المعاش غير مطالبة بإستخراج بيان مرتب من جهة العمل ... إنما بيان معاش من التأمينات والمعاشات ...

ولو سمحت انا عندى سؤال اخر انا تقديرى العام جيد بس تقديرى فى كل سنة مش كل السنين جيد هما ثلاثة سنين فقط ولكن زى ما قولت تقديرى العام عن الاربع سنين جيد فهل شرط ان يكون تقدير كل سنة جيد وله المهم التقدير العام عن كل السنين
المعيار والشرط اللازم هو تقدير عام تراكمى جيد ... ولا تأثير على إختلاف تقديرات كل سنة على حدة أو أن تكون جيد كلها ... فقط أن يكون التقدير التراكمى جيد دون النظر للسنوات الأربعة على حدة ...

بالتوفيق للجميع إن شاءالله

كنت عايز اعرف ان كان ينفع اقدم صورة المعافاة ولا لا لان الاصل قدمتة للنقابة

لوسمحت ممكن اسأل سؤال

اناوالدى متوفى طيب كدة يعنى انااقدم شهادة الوفاه فقط
برجاء الرد

أخى الحبيب tigerbob
كنت عايز اعرف ان كان ينفع اقدم صورة المعافاة ولا لا لان الاصل قدمتة للنقابة
المطلوب أساساً هو صورة الإعفاء وليس الأصل ...

أختى مروه
اناوالدى متوفى طيب كدة يعنى انااقدم شهادة الوفاه فقط
فى حالة وفاة الوالد يتم تقديم شهادة الوفاة كما ذكرتى ... إلا أنك فى الملف ستكتبى وظيفته السابفة ومرتبه ومؤهله بشكل طبيعى ... وذلك كباقى المتوفين ... أى أن المتوفى يتم كتابة بياناته بشكل طبيعى إلا أنه يتم كتابة كلمة (متوفى) بجانب إسمه .. ونفس الأمر لمن هو على المعاش ..

بالتوفيق للجميع إن شاءالله

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية