النيابة الادارية دفعة 2009

استاذ رامي انا سالت الوالد وهو يعمل بالخليج كما ذكرت لك من قبل اذا كان عندهم شهاده يبين فيها الحوافز و صافي الدخل والحاجات دي زي مانتا قولت وقالي لا يوجد انما هي شهاده تبين وظيفته وتبين اسم الشركه وايضا يوجد بيها المرتب الذي يتقاضاه ابي شهريا يعني تقدر تقول هي هي الشهاده اللي انا قدمتها في النيابه العامه فهل اتوكل علي الله واخليه يبعتهالي هي هي ولا ايه لان انا بجد محتار في دي وقلقان خايف انا وبقدم الورق الاقي عقبه او كده ويبقي كل اللي انا عملته علي الفاضي وانتا عارف ان احنا ملناش خبره في اموضوع ده فياريت الافاده من حضرتك لانك اكتر درايه وخبره ولك جزيل الشكر واسف للاطاله

فالحقيقة انا سالت السؤال ده قبل كده بس محتاجة اتأكد تانى لانى لسة متلخبطة والسؤال انا هجيب شهادة تثبت بالفعل الانتهاء من تادية الخدمة العامة؟ولاهجيب ما يثبت انى فعلا بأديها؟؟ومعلش عندى كمان سؤال فى حالة الالتحاق بالدبلومة هل يفيد احضار ما يثبت ذلك من الكلية وارفاقه بأوراق التقديم فى القبول بالنيابة الادارية؟؟وهل تخصص الدبلومة له فرق فى القبول؟وعذرا للاطالة.

ربنا يسترها مع الجميع......دعواتكم ياجماعه

ربنا يوفق الجميع

أخى الحبيب خالد كامل
تقدر تقول هي هي الشهاده اللي انا قدمتها في النيابه العامه فهل اتوكل علي الله واخليه يبعتهالي هي هي ولا ايه
طالما كما ذكرت أن تلك الشهادة توضح الوظيفة والمرتب .. ولاتودج شهادة مفصلة للمرتب فتوكل على الله وقدمها ... واللجنة ستتفهم الأمر لأنه يعمل بالخليج والنظام يختلف ... لاتقلق أخى ... قدمها وأطمئن ....

أختى roro
والسؤال انا هجيب شهادة تثبت بالفعل الانتهاء من تادية الخدمة العامة؟ولاهجيب ما يثبت انى فعلا بأديها؟؟
المطلوب هو شهادة بموقفك من الخدمة العامة ... أى أنك لو تؤديها تأتى بشهادة بموقفك من الخدمة تثبت أنك إلتحقتى بها ... ولو أنهيتيها تأتى بما ثبت ذلك ... أما إذا لم تلتحقى بها فتفعلى ما قلنا عليه بأنك تذهبى للتضامن الإجتماعى وتخبريهم بالأمر لتأخذيها منهم ...

فى حالة الالتحاق بالدبلومة هل يفيد احضار ما يثبت ذلك من الكلية وارفاقه بأوراق التقديم فى القبول بالنيابة الادارية؟؟وهل تخصص الدبلومة له فرق فى القبول؟
للأسف الدبلومة ليست من ضمن المعايير ... لكن مع ذلك أرفقى ما يثبت إلتحاقك بالدبلومة لإثبات حالة فقط ... لكنه لايؤثر ..

بالتوفيق للجميع إن شاءالله

شكرا يااستاذ رامى وجزاك الله خير وبالتوفيق للجميع وربنا يكرمنا ويكرمكم ويسهلهالنا جميعا ان شاء الله

سلامى لكل الناس الحلوة اللى ف المنتدى الرائع
أنا سحبت اليوم ملف النيابة الادارية وكانت حاجة صعبة جدااااااا
سوء تنظيم \أزدحام\ وبجد ربنا يكون فى عون البنات انا مش عارف هيسحبوا الملف ازاى
ع العموم هو يوم ويخلص واتمنى لكم التوفيق لما فية الخير لهذة الامة

السلام عليكم ورحمة الله وبركاته

بسم الله ... بدأ اليوم سحب ملفات النيابة الإدارية دفعة 2009 ... والتقديم فى أى وقت ... حتى لو أنهيت الملف اليوم وتريد تسليمه غداً فلا مانع ....

جاء بالملف الأتى

---------

بيان بالأوراق المطلوب تقديمها دخل الملف
1- طلب تعيين باسم السيد الأستاذ المستشار/رئيس هيئة النيابة الإدارية.
2- شهادة التخرج المؤقتة مبيناً بها مجموع الدرجات.
3- شهادة بتقديرات سنوات الدراسة مثبتاً بها مجموع درجات كل سنة على حدة (شرط أساسى لقبول الطلب).
4- صحيفة الحالة الجنائية للمتقدم.
5- إقرار من المتقدم بموقفه من التجنيد أو صورة من شهادة الإعفاء منه بالنسبة للذكور وشهادة تأدية الخدمة العامة للإناث أو الإعفاء منها.
6- صورة ضوئية من البطاقة الشخصية (الرقم القومى الحديث).
7- عدد ( 8 ) صور فوتوغرافية حديثة للمتقدم.
8- شهادة الميلاد أو مستخرج رسمى منها.
9- صورة بطاقة الوالد.
10- عدد ( 2 ) مظروف فارغ 25*20.
11- أية مستندات أخري تؤيد صحة ماورد بالوثيقة خاصة المؤيدة للملكية والحيازة.

إرشادات عامة
فى تدوين بيانات الأوراق المرفقة بالملف يجب مراعاة الآتى:
1- تحرر بيانات طلب التعيين وبيان الحالة المرفق به دقة وعناية.
2- يدون المرشح على المظروفين المرفقين بالملف اسمه ومحل اقامته الدائم موضحاً به المحافظة التى يقيم بها واسم البلدة واسم المركز والرقم البريدى حتى يسهل مراسلته.
3- سيعقد اختيار شفوى برئاسة الهيئة بالتوفيقية لمن تتوافر فيهم الشروط وتعلن أسماؤهم فى كشوف بذات الجهة التى تم سحب الملف منها.

----------

وجائنى إستفسار عن عدم وجود شهادة بالحالة الوظيفية للوالد وبيان المرتب من ضمن المطلوب....

أخوانى الأعزاء .... هناك من ضمن المطلوب رقم ( 11 ) ... وهو بيان عام وشامل ... أى أنك تضع بالملف كل ما يثبت البيانات التى تكتبها فى الملف .... فعندما تكتب فى الملف أن والدك يعمل كذا ... فتقوم بإرفاق شهادة بيان الحالة الوظيفية لتثبت أنه بالفعل يعمل كذا ... كتبت أن مرتبه كذا ... فترفق شهادة بيان المرتب لتثبت أنه يتقاضى مرتب كذا ... وبالطبع هناك شهادات بيانات حالة وظيفية يكون مثبت بها المرتب فهى قد جمعت بين الأثنين .... وهكذا ... فنجد أن رقم 11 من المطلوب هو شامل لكل البيانات التى سيتم كتابتها فى الملف وعليك إثباتها بالأوراق ... وخاصة الملكيات والحيازة كما هو مذكور

بالتوفيق إن شاءالله

أخى الحبيب abe el rahman
بالفعل ... يوم سحب ملفات النيابة الإدارية دائما على مدار الدفعات السابقة مشهور بعدم التنظيم والإزدحام الشديد .. لذلك نبهت على ذلك وقلت يجب الذهاب مبكراً لعدم وجود هذا الأمر ... لكن حتى الذين ذهبوا مبكراً وجدوا نفس المعاناة ... واليوم بالتأكيد لكونه اليوم الأول فهو مزدحم للغاية أما غداًَ إن شاءالله سيكون الأمر مختلف نوعاً ما ...

بالتوفيق

هل سحب الملف بالبطاقه فقط ولا معاها الشهاده المؤقته

هو لازم اسلام الفيش فى يوم تسليم الملف عشان انا ممكن الفيش بتاعى يتاخر ومش هلحق اسلمة ف يوم تسليم الملف لو سمحت عايز اجابة ولكم جزيل الشكر؟؟؟؟؟؟؟

استاذ ايهاب سحب الملف بيكون بالبطاقه فقط
استاذ عمرو مش لازم تسليم الفيش فى يوم تسليم الملف ممكن حضرتك تحط الوصل لحد ماتجيب الفيش وبتكتب اقرار انك هتسلمه اول ماتستلمه
بالتوفيق للجميع ان شاء الله

استاذ ايهاب انا سحبت الملف انهرضة وزى الاخت ميمو ماقالت بيكون بصورة البطاقة فقط
استاذ عمرو انت ممكن تعمل الفيش لو مستعجل من القاهرة او الاسكندرية حسب المحافظة الاقرب ليك وبتستلمه تانى يوم.
وبالتوفيق ان شاء الله.

تسلمى يارورو على المشاركه الرائعه
وبالتوفيق للجميع ان شاء الله

شكرا ع المجهود المتواصل
ممكن اعرف هو كل اللى هيسحب الملف ويقدمة هيتحددلة ميعاد المقابلة ولا ممكن يستبعدو حد

وهل يعتبر الذهب من المنقولات ذات القيمة التى يمكن ادراجها فى ممتلكات الام
جزاك الله خيرا

لو سمحت حضرتك

في الارشادات العامه في الملف مكتوب
( سيعقد اختبار شفوي برئاسه الهيئه لمن تتوافر فيهم الشوط وتعلن اسمائهم في كشوف بزات الجهه التي تم السحب منها )

يعني معني كده ان مش كل الي سحب الملف هتنزل اسمائهم في هزه الكشوف الخاصه بميعاد الاختبارات

وايه معني جمله ( لمن تتوافر فيهم الشروط) هل هزه الشروط سريه مثل يختاروا نسبه معينه في المجموع مثلالا يقل النسبه المؤيه للمجموع عن 75% او70% ومؤهلات الوالدين ام ان الشروط المقصوده هنا هيه الايقل التقدير عن جيد

ارجو الرد

لو سمحت حضرتك

في الارشادات العامه في الملف مكتوب
( سيعقد اختبار شفوي برئاسه الهيئه لمن تتوافر فيهم الشوط وتعلن اسمائهم في كشوف بزات الجهه التي تم السحب منها )

يعني معني كده ان مش كل الي سحب الملف هتنزل اسمائهم في هزه الكشوف الخاصه بميعاد الاختبارات

وايه معني جمله ( لمن تتوافر فيهم الشروط) هل هزه الشروط سريه مثل يختاروا نسبه معينه في المجموع مثلالا يقل النسبه المؤيه للمجموع عن 75% او70% ومؤهلات الوالدين ام ان الشروط المقصوده هنا هيه الايقل التقدير عن جيد

ارجو الرد

شكرا ميمو ورورو
انا سحبت الملف النهارده الموضوع مخدش نص ساعه
وكانت متنظمه شويه عن اللى بيحكيه اللى راح امبارح

انا متشكره يا استاذ رامى على ردك عليا في السوال الماضى ولكن يوجد عده استفسارات بعد اذنك
اولا/ايه هو طلب التعين للاستاذ المستشار اللى اللى انتوا بتتكلموا عنه يعنى يتكتب ازاى ؟
ثانيا/المظروف اللى المطلوب ده اللى هو 20 و 21 يتجابوا منين؟
ثالثا/بابا صاحب شركه وجابلى ورق السجل التجارى والبطاقه الضريبيه وكتبلى ورقه بقيمه مرتبه وختمها بختم شركته كده ينفع وله فيه حاجه ناقصه؟
رابعا/ماما جبتلى ما يثبت ان الشقه الاولى بتاعتها ملكها وما يتبت انها ماجراها والشقه التانيه بتاعتها كتبتلى عقد صورى ان الشقه ملكها وكل البيانات صحيحه هل كده صحيح ولو فى حاجه ناقصه تانيه ياريت توضحلى؟
وشكرا جدا على المجهود العظيم وارجو الرد سريعا

كنت عايز اعرف يا باشا
فى خانه الاصدقاء و المعارف اكتب اصدقائى كلهم والا لا والا اكتب اللى على مزاجى؟
وشكرا جدا جدا

في استماره التعارف مكتوب بيانات الاخوات وازواجهم و بيانات اولاد الاعمام وزوجاتهم وهكذا

نكتب المتزوجون فقط ولا كل بيانات المتزوجون و غير المتزوجون
من ضمن الشروط عدم كتابه بيانات اود عم الوالد واولاد عم الوالده ينفع نكتب بيانات اولاد العمات للوالدين في الاقارب والمعارف

لو مسلمتش الفيش مع الملف ينفع ولا اية الهيحصل وخصوصا انا مش هينفع اسلم الفيش مع الملف وممكن اسلمة يوم المقابلة الاولى ينفع اسلمة يوم المقابلة ولا لا ؟؟؟

عمرو حمزاوى كتب:: هو لازم اسلام الفيش فى يوم تسليم الملف عشان انا ممكن الفيش بتاعى يتاخر ومش هلحق اسلمة ف يوم تسليم الملف لو سمحت عايز اجابة ولكم جزيل الشكر؟؟؟؟؟؟؟

memo dream كتب:: استاذ ايهاب سحب الملف بيكون بالبطاقه فقط
استاذ عمرو مش لازم تسليم الفيش فى يوم تسليم الملف ممكن حضرتك تحط الوصل لحد ماتجيب الفيش وبتكتب اقرار انك هتسلمه اول ماتستلمه
بالتوفيق للجميع ان شاء الله

roro كتب:: استاذ ايهاب انا سحبت الملف انهرضة وزى الاخت ميمو ماقالت بيكون بصورة البطاقة فقط
استاذ عمرو انت ممكن تعمل الفيش لو مستعجل من القاهرة او الاسكندرية حسب المحافظة الاقرب ليك وبتستلمه تانى يوم.
وبالتوفيق ان شاء الله.

استاذ عمرو تم الرد على استفسار حضرتك
وان شاء الله استاذ رامى كمال مشرف القسم هيتفضل مشكورا ويرد على كل استفسارات حضراتكم
وبالتوفيق للجميع ان شاء الله

أولاً أشكر الأخت memo dream والأخت roro على الرد والتفاعل ... جزاكم الله كل خير

أخى الحبيب abe el rahman
ممكن اعرف هو كل اللى هيسحب الملف ويقدمة هيتحددلة ميعاد المقابلة ولا ممكن يستبعدو حد
بالتأكيد قد يتم الإستبعاد ... لكن العدد قليلا نوعاً ما ... وهذا الإستبعاد واضح من التنويه الذى تم ذكره فى الملف بخصوص الإرشادات العامة رقم 3 ( 3 - سيعقد اختيار شفوى برئاسة الهيئة بالتوفيقية لمن تتوافر فيهم الشروط وتعلن أسماؤهم فى كشوف بذات الجهة التى تم سحب الملف منها. ) وهذا بخصوص الذين لم تتوافر فيهم الشروط فقط ... فهو مازال لم يقيمك حتى يستبعدك ... فقط مالاتتوافر فيه الشروط ...

وهل يعتبر الذهب من المنقولات ذات القيمة التى يمكن ادراجها فى ممتلكات الام
الذهب ليس من الضمن المنقولات التى تذكرها .... فقط الأراضى والعقارات والسيارات والسندات البنكية والحساب ...

أخى الحبيب aly2020
يعني معني كده ان مش كل الي سحب الملف هتنزل اسمائهم في هزه الكشوف الخاصه بميعاد الاختبارات
وايه معني جمله ( لمن تتوافر فيهم الشروط) هل هزه الشروط سريه مثل يختاروا نسبه معينه في المجموع مثلالا يقل النسبه المؤيه للمجموع عن 75% او70% ومؤهلات الوالدين ام ان الشروط المقصوده هنا هيه الايقل التقدير عن جيد
فقط من لاتتوافر فيهم الشروط القانونية التى هى بنص القانون للقبول فى الوظيفة ... وليس الشروط الخفية الغير مطبقة بشكل صريح ... إنما من لاتتوافر فيه شرط من الشروط المعلنه كالتقدير الذى يقل عن جيد مثلاُ ....

أختى sona tote
اولا/ايه هو طلب التعين للاستاذ المستشار اللى اللى انتوا بتتكلموا عنه يعنى يتكتب ازاى ؟
هى ورقة تأتى مع الملف ... فقط قومى بإملاءها ...

ثانيا/المظروف اللى المطلوب ده اللى هو 20 و 21 يتجابوا منين؟
ستجديه فى آى مكتبة كبيرة أو البريد .....

ثالثا/بابا صاحب شركه وجابلى ورق السجل التجارى والبطاقه الضريبيه وكتبلى ورقه بقيمه مرتبه وختمها بختم شركته كده ينفع وله فيه حاجه ناقصه؟
ينفع بكل تأكيد ... هذا جيد ... غير مطلوب من والدك شيئ أخر ...

رابعا/ماما جبتلى ما يثبت ان الشقه الاولى بتاعتها ملكها وما يتبت انها ماجراها والشقه التانيه بتاعتها كتبتلى عقد صورى ان الشقه ملكها وكل البيانات صحيحه هل كده صحيح
تمام مظبوط ... طالما أن العقد الصورى بياناته صحيحه ويقع على تعاقد صحيح تم بالفعل ... فلامشكة به والأمر على مايرام ...

ولو فى حاجه ناقصه تانيه ياريت توضحلى؟
بخصوص الملكيات لاتنسى إذا كان لوالدك حساب بنكى أن يأتى من البنك شهادة معتمدة بالرصيد الإجمالى ... وكذلك أى شهادات تثبت ما تذكريه فى الملف بخصوص الأسرة ...

أخى الحبيب abo gouda
فى خانه الاصدقاء و المعارف اكتب اصدقائى كلهم والا لا والا اكتب اللى على مزاجى؟
لا .... فقط المعارف والأصدقاء الذين فى مراكز وظيفية جيده وينفعوا ملفك للأحسن ...

أختى موني سعد
نكتب المتزوجون فقط ولا كل بيانات المتزوجون و غير المتزوجون
الجميع يتم كتابته .... فعن غيرالمتزوج ... ضعى خطوط فى خانة إسم الزوج وباقى بياناته ...

من ضمن الشروط عدم كتابه بيانات اود عم الوالد واولاد عم الوالده ينفع نكتب بيانات اولاد العمات للوالدين في الاقارب والمعارف
بكل تأكيد .... أى فرد لم تكتبيه فى أفراد عائلتك لكى الحق أن تضعيه فى المعارف والأصدقاء ... وأولاد عم الوالد والوالده منهم بالفعل .....

أخى الحبيب عمرو حمزاوى
لو مسلمتش الفيش مع الملف ينفع ولا اية الهيحصل وخصوصا انا مش هينفع اسلم الفيش مع الملف وممكن اسلمة يوم المقابلة الاولى ينفع اسلمة يوم المقابلة ولا لا ؟؟؟
بالفعل كما أخبرتك الأخت memo dream أنه يمكنك عمله فى الأسكندرية أو القاهرة لإستلامه فى اليوم التالى وقد تستلمه فى نفس اليوم .... أما إذا لم تستطع ذلك فقم بإرفاق إيصال الفيش فى الملف وحين إستلامه قم بتسلميه فى القاهرة ..

بالتوفيق للجميع إن شاءالله
الدعاء والتوكل والإستغفار

في اخر الملف مكتوب ملاحضات هامه ايه المقصود بيها وهي 5 بنود

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية