النيابة الادارية دفعة 2009

لو سمحت ياأستاذ رامى جامعة طنطا فى امتحان النيابة الادارية كلها فى يوم واحد

االسلام عليكم الف شكر على مجهوداتك اخونا الفاضل على فكرة انا اول تعامل لى مع االنت كان هذا المنتدى وارجو ان تقبلنى عضوا معكم

يارب التوفيق للجميع

شكرااا يا استاذ رامي

شكرا يا استاذ رامى وبجد تاعبتك معايا والف الف شكر

الف شكر يا استاذ رامى يارب يجعلة فى ميزان حسناتك ويارب تنول مبتغاك ان شاء الله

بجد الف شكر يا استاذ رامى ويارب يوفقنا اجمعين
انا بس عندى حبه اسائله يا استاذ رامى ويارب مكنش بتقل عليك
اولا:انا كده معاد مقابلتى خلاص بعد يومين ومش عارف اعمل ايه من ناحيه الاسئله اخد كل اسئله الادارى والجنائى اللى فى قسم النيابه العامه وله ايه بالظبط؟
ثانيا:مدا اهميه الملابس التى يجب الحضور بيها بالنسبه البنات وشكلها وهل لابد ان تكون فورمل وله ايه بالظبط عشان بس الحق اجيب حاجه ؟
ثالثا:طريقه اجابتى وطريقه مجلسى على الكرسى تكون ازاى؟
رابعا:والعنوان ده فين بالظبط ويوم المقابله اروح الساعه كام عشان اكون جاهزه هناك على الساعه 9؟
ارجو الرد عليا بسرعه يا استاذ رامى عشان خلاص مبقاش فى وقت واشكرك جدااااااا على كل شئ

الف شكر يا رامى باشا
ربنا هيكرمك ان شاء الله على مجهودك ده

الف شكر للاستاذ العظيم رامى كمال على هذا المجهود الجبار الذى قام به من اجل زملائه ومن اجل راحتهم لك جزيل وعظيم الشكر

كم انت انسان محترم وكريم ومحب للخير ومثال عظيم للشاب المسلم الكريم العطاء الذى يسعى دائما للخير ومثال ايضا للخريج المحترم المجتهد الجاد الملىء بالعطاء والروح الطيبه الجميله التى لاتشعر غيره باحراج عندما يطلب منه شىء , نشعر انك كنز لنا يجيب عن جميع اسئلتنا ويطمئنا ويبث فينا الامل .....

ان شاء الله تعالى باذن الله سيكون لك مستقبل باهر عظيم ناجح ... ونتمى ان تستمر معانا وتتواصل دائما ولاتحرمنا من عطائك وجهدك العظيم الذى سيكرمك الله من اجله باذن الله

أختى sonatote28
عند وصول حضرتك لمحطة رمسيس بالسلامة باذن الله اخرجى منها واسالى فين مبنى جريدة الجمهورية هى قريبة قوى من المحطة والف من البشر هيدلك صح وعند وصوللك الجريدة اسالى فين مبنى السنترال امام السنترالقى شارع اسمة شارع زكى هوثالث مبنى على اليسار من عند دخول الشارع ومتقلقيش واهم حاجة الثقة فى الله والذات عشان هو دة معيار اى مقابلة فى الدنيا مش بس الهيئات القضائية دة معيار مهم ان الواحد ميكنش مهزوز ويسبها على الله وياريت تروحى بدرى لان حضرتك عارفة سكك الحديد عاملة ازاى مواعيدهم غير دقيقة بالمرة وربنا يوفقنا جميعا اللهم امين ويكرمنا بالتعين

استاز رامى بعد اذنك متعرفش المقابلات سوف تنتهى لكل الجامعات فى شهر كام ياريت الرد

ياريت كل واحد هيعمل المقابله هنا من المنتدى يحكيلنا بالتفصيل اللى حصل

ميرسى جدا يا استاذ محمود وبجد ربنا معانا كلنا
انا بس ليا كذا سوال تانى ياريت اللى يعرف يقولى
اولا:استاذ رامى قالى لزم طبعا الملابس تكون رسميه انا بس عايزه اعرف اكتر تكون ازاى يعنى رسميه بالنسبه للبنات لانى بجد محتاره جداااااااا؟
ثانيا:انا عرفت انى اركز على الموظف العام والقضاء الادارى ايه بالظبط اللى اركز عليه فى القضاء الادارى عشان انا دورت فى الاسئله معرفتش اوصل لحاجه؟
واسفه على الاطاله بس ياريت حد يرد عليا وبسرعه

استاذ رامى انت شوفت اسم ولاء جمال عبدالمنعم سيد مكتوب ولا لأ اهم احاجة الاسم كان مكتوب وليك جزيل الشكر ؟؟؟ظ

شكرا جزيلا لهذه الافاده ولكن عندى استفسار من جانب الاسئله المعروضه على المنتدى
السؤال رقم 18 والخاص بالمال العام ووسائل حمايته الاجابه المطروحه اتوقع انها لا علاقه لها بالسوال او غير متماشيه معاه وان كانت هذه هى الاجابه ارجوا توضيح معنى الاجابه للفهم فقط
بالنسبه للسؤال رقم 9 انك ذكرت انه يتصور الشروع فى الاختلاس ولكن سبق وان ذكر رد وقال انه لا يتصور وذلك بسبب انها جريمه ذات شعور باطنى يصعب التوصل لمعرفتها ارجو فقط تاكيد اى من الاجابتان اصح
وشكرا جزيلا

السوال رقم 26 فى الشروط العامه رقم 1 مكتوب لا تكون الترقيه الا الى وظيفه شاغره ولكن هى المفروض لا تكون الترقيه الى وظيفه شاغره هذا صحيح ام لا؟
السوال رقم 35 حضرتك وضحت ما هو الموظف الفعلى ولكن ما هو الموظف الحكمى والاعتبارى؟
والسوال رقم 37 لم يذكر فيه انواع الرد الاعتبارى؟
وشكرا جزيلا وارجو الرد سريعا عليا وجزاك الله كل خير

الى sonatote28
بالنسبة الى الاختلاس
الشروع هو : البدء في إرتكاب فعل بقصد الجريمة إذا أوقف أو خاب أثره بسبب لا علاقة للجاني فيه .
إذاً لا يتصور شروع لا في جريمة إختلاس المال العام ولا في جريمة خيانة الأمانة .
لإن النشاط في كلا الجريمتين يتمثل في النية ، والنية أمر باطني لا يمكن الكشف عنه.

دة على حد علمى لكن احكام القضاء اقرت الشروع فى الاختلاس مثل هذا الحكم

الشروع فى حكم المادة 45 من قانون العقوبات هو البدء فى تنفيذ فعل بقصد ارتكاب جناية أو جنحة إذا أوقف أو خاب أثره لأسباب لا دخل لإرادة الفاعل فيها . فلا يشترط لتحقق الشروع أن يبدأ الفاعل بتنفيذ جزء من الأعمال المكونة للركن المادى للجريمة بل يكفى لاعتباره شارعاً فى ارتكاب جريمة أن يأتى فعلاً سابقاً على تنفيذ الركن المادى لهما و مؤدياً إليه حالاً . و لما كان الثابت فى الحكم أن الطاعن أحضر " الموتورات " الثلاثة إلى جوار فتحة سور المصنع الذى يعمل به تمهيداً لإخراجها من تلك الفتحة و أنه أنتوى سرقتها بدلالة وعده لخفير المصنع بإعطائه جزءاً من ثمن بيعها و أنقده جنيهاً على سبيل الرشوة لقاء معاونته فى إتمام جريمته ، فإنه يكون بذلك قد دخل فعلاً فى دور التنفيذ بخطوة من الخطوات المؤدية حالاً إلى ارتكاب الجريمة ، و بالتالى فإن ما أرتكبه سابقاً على ضبطه يعد شروعاً فى جناية الاستيلاء على المال المملوك للدولة المسندة إليه ، و يكون الحكم إذ دانه بهذا الوصف بريئاً من قالة الخطأ فى تطبيق القانون .

( الطعن رقم 1318 لسنة 38 ق جلسة 1968/11/11 )

انتظر الاستاذ رامى ليفصل فى هذة المسالة

بالنسبة للمال العام: ما يكون مملوكا او خاضعا لادارة او اشراف احدى الجهات الاتية: (ا) وحدات الحكم المحلي. (ب) الهيئات العامة والمؤسسات العامة والوحدات الاقتصادية التابعة لهما. (ج) الاتحاد الاشتراكي والمؤسسات التابعة له. (د) النقابات والاتحادات. (ه) المؤسسات والجمعيات الخاصة ذات النفع العام. (و) الجمعيات التعاونية. (ز) اية جهة ينص القانون على اعتبار اموالها من الاموال العامة وتستخدمها فى تحقيق مصلحة عامة
وسائل حمايتها : يعاقب بالحبس او الحبس والغرامة او الحبس مع الشغل او السجن كل من استولى او حاول الاستيلاء على المال العام او تعطيل انتاجة
الى موجود دة كبقية تخصيص المال العام

السؤال رقم 26 من اول الفقرة التى زكرتيها يعتبر الشروط العامة للترقية وليس موانع الترقية بالتالى الجملة صحيحة

انواع رد الاعتبار
رد الاعتبار:
1- رد الاعتبار القانوني: ويرد بموجبه المحكوم عليه اعتباره بعد انتهاء المدة المحددة لنص
2- رد الاعتبار القضائي: وهو إجراء يتم بموجبه رد الاعتبار بناء على شروط حددها القانون طبقا للمادة 679 وما بعدها من قانون الإجراءات الجزائية.

للاسف مش عارف الموظف الحكمى والموظف الفعلى بس بحاول اساعد لغاية مايحضر الاستاذ رامى عارف الوقت ضيق

شكرا ليك يااستاذ رامي وبالتوفيق ان شاء الله وجزاك الله خيرا