النيابة الادارية دفعة 2009

لو سمحت يا استاذ رامى ممكن ذهبى وذهب ماما اكتبه فى المنقولات ذات قيمة ولا ايه ارجو الرد بليز

احنا هنسلم الملف الاساسى وصورتين منة و ظرفين 25*20 احط الصورة الملف فى كل ظرف ولا اديهم الظرفين فاضيين ؟؟؟

أخى الحبيب حسام حمدىhhs
العفو ياعزيزى ... هذا من طيب أصلك ... القسم منور بتواجدك الكريم ... بارك الله فيك

أختى jojo
جزاكى الله كل خير ... وأدعوا لكى بالتوفيق إن شاءالله ...

أختى nossa
لو سمحت يا استاذ رامى ممكن ذهبى وذهب ماما اكتبه فى المنقولات ذات قيمة ولا ايه ارجو الرد بليز
بكل تأكيد وجدنا فى ضبط معايير الحالة المادية أن الذهب لايعد من الأساسيات التى يتم التحديد به ... لذلك نجد فى النيابة العامة مثلاً يتم كتابة الدخل والممتلكات العقارية والأراضى فقط دون ذهب الأم .... لكن فى النيابة الإدارية تطب بيانات أشمل وأكثر من العامة ... فهى تطلب نوعاً ما كتابة المنقولات ذات القيمة كالسيارة مثلاً ... ولا توجد أدنى مشكلة إذا تم تصنيف الذهب من المنقولات ذات القيمة إلا أنه سنلاقى مشكلة عدم إستطاعتك إثبات صحة ما تقولين عن إمتلاك والدتك وانتى لهذا الذهب الذى تم كتباته ... لكن على كل حل ... لاتوجد مشكلة إذا كتبتى ذهبك وذهب والدتك فى الممتلكات لوجود جملة ( والمنقولات ذات القيمة ) ... بالتوفيق

أخى الحبيب عمرو حمزاوى
احنا هنسلم الملف الاساسى وصورتين منة و ظرفين 25*20 احط الصورة الملف فى كل ظرف ولا اديهم الظرفين فاضيين ؟؟؟
ضع فى الملف ورقة طلب التعيين والتى فى ظهرها وثيقة تعارف مختصرة ... والأوراق المطلوبة ... و8 صور فى ظرف صغير ... وكراسة البيانات وصورتين منها بعد أن تملئها ... وظرفين مقاس 25*20 فارغين وأكتب عليهم البيانات المطلوبة منك فقط .. وهى كما جاءت فى الشروط أن تكتب اسمك ومحل اقامتك الدائم موضحاً به المحافظة التى تقيم بها واسم البلدة واسم المركز والرقم البريدى .....

بالتوفيق للجميع إن شاءالله

يا استاذ رامي انا دخت علي مقاس 20 في 25 ده وعلي فكره انا ملقيتش منه غير البني ده مفيش ابيض وهو كمان مش كبير لدرجه انه يحوي الكراسه الللي هنصورها..ممكن بس توضح يعني احط كل حاجه لوحدها ولا احط ايه في ايه زي ما بقول ان المظروف ده مش هياخد اي حاجه فعلا وانا قيسته بالمسطره لقيته هو ده فعلا 25 في 20

شكرا على المجهود الجامد ده لكن انا عندى سوال مهم.
1/الخانات اللمفروض اكتب فيها الاسماء صغيره جداااااااااا للمؤهل والمهنه ينفع ما اكتبش الاسماء وراء بعض عشان يبقا فى مسافه بين كل اسم واسم وله لزم الاسماء تحت بعض ما اسبش سطر؟
2/انا ليا عمى عايش فى المانيا و اولاده اجانب ومعرفش عنهم حاجه ومش هعرف اوصلهم ينفع اكتب اسمه و اذكر جنبه انه بالخارج وله اعلم عنهم شئ وله مش هينفع؟
3/بالنسبه لبيان سكن المرشح انا متزوجه ومش سكنه مع بابا وماما ولكن البطاقه بتاعتى لسه مغيرتش العنوان فيها فى الحاله دى اكتب اى سكن اللى موجود فى البطاقه وله على سكن بابا؟
4/انا بملك ذهب بقيمه عاليه الى حد كبير ومعايا فواتير الخاصه بيها ارفقهم بالملف ؟
وشكرا

أختى kholoud
يا استاذ رامي انا دخت علي مقاس 20 في 25 ده وعلي فكره انا ملقيتش منه غير البني ده مفيش ابيض وهو كمان مش كبير لدرجه انه يحوي الكراسه الللي هنصورها..ممكن بس توضح يعني احط كل حاجه لوحدها ولا احط ايه في ايه زي ما بقول ان المظروف ده مش هياخد اي حاجه فعلا وانا قيسته بالمسطره لقيته هو ده فعلا 25 في 20
أنتبهى .... الظرفين لا يتم وضع فيهم أى شيئ .... هم مطلوبين كطلب مستقل ... ولايتم وضع فيهم أوراق أخرى .... حيث يتم إرفاقهم بالملف فارغين ... فقط أكتبى عليهم اسمك ومحل اقامتك الدائم موضحاً به المحافظة التى تقيمى بها واسم البلدة واسم المركز والرقم البريدى ... وهذا كما جاء فى الأوراق المطلوبة التى نصت على إرفاق ظرفين فارغين مقاس 25*20 وكما جاء فى الإرشادات العامة التى نصت على كتابة البيانات التى ذكرتها .... وتلك الظرفين وباقى الأوراق المطلوبة والصور الشخصية وكراسة البيانات ونسختين منه وورقة طلب التعيين التى فى ظهرها وثيقة تعارف مختصرة يتم وضع ذلك كله فى الملف ..... ولايهم لون الظرف ... يكفى أن يكون 25 فى 20 دون لون محدد ...

أختى sona tote
1/الخانات اللمفروض اكتب فيها الاسماء صغيره جداااااااااا للمؤهل والمهنه ينفع ما اكتبش الاسماء وراء بعض عشان يبقا فى مسافه بين كل اسم واسم وله لزم الاسماء تحت بعض ما اسبش سطر؟
من الأفضل أن يتم كتابة الأسماء فى خانات متتالية دون ترك أحدهم فارغاً ... لكن إذا وجدتى أن الأمر سيكون سيئاً لسبب كبر حجم الخط مثلاُ وتريدى أن تفعلى ما قلتيه بأن تتركى مسافة .. فلامانع ... لكن تأكدى أولاُ من عدد أقاربك الذين سيتم كتابتهم فى كل صفحة بتلك الطريقة حتى لاتنتهى الصفحة دون كتابة أحدهم ... تأكدى أن الخانات بتلك الطريقة تكفى لكتابة الجميع ....

2/انا ليا عمى عايش فى المانيا و اولاده اجانب ومعرفش عنهم حاجه ومش هعرف اوصلهم ينفع اكتب اسمه و اذكر جنبه انه بالخارج وله اعلم عنهم شئ وله مش هينفع؟
حاولى على قدر المستطاع أن تأتى ببياناته ... وأولاده .... إلا أن أولاده لن يتم إكتشافهم لأن فى حالتك قد ذكرتى أنهم أجانب ولم يسجلوا فى مصر فلذلك ليس لهم بيانات فى جهاز التحريات لعدم تسجيلهم فى الأصل .... أما عن ماتريدى كتبته بجانب أسمه ... فأنصحك بكتابة ذلك فى الملحوظات لأن ما يتم كتابته بجانب الإسم شيئين فقط (معاش) أو (متوفى) .. أما غير ذلك من التنويها يتم كتابتها فى الملحوظات الموجودة أخر الوثيقة ....

3/بالنسبه لبيان سكن المرشح انا متزوجه ومش سكنه مع بابا وماما ولكن البطاقه بتاعتى لسه مغيرتش العنوان فيها فى الحاله دى اكتب اى سكن اللى موجود فى البطاقه وله على سكن بابا؟
ليس المطلوب هو سكنك المكتوب فى البطاقة ... أى أنكى غير مطالبة بكتابة محل إقامتك رسمياً .... المطلوب هو محل إقامتك فعلياً .... فيجب عليكى كتابة العنوان الذى تسكني فيه فعلاً والذى سيتم نزول التحريات عليه ....

4/انا بملك ذهب بقيمه عاليه الى حد كبير ومعايا فواتير الخاصه بيها ارفقهم بالملف ؟
بكل تأكيد إذا قمتى بكتابة الذهب فى الممتلكات فيجب عليكى أن ترفقى مايثبت ذلك وهى الفواتير فى هذه الحالة كما ذكرتى ....

بالتوفيق للجميع إن شاءالله

شكرا يا استاذ رامى على التوضيح بس انا ممكن اثبت صحة كلامى بفاتورة من عند الجواهرجى
ينفع ولا ايه وميرسى على مجهودك الرائع

أختى nossa
شكرا يا استاذ رامى على التوضيح بس انا ممكن اثبت صحة كلامى بفاتورة من عند الجواهرجى ينفع ولا ايه
من المفترض أنه عندك فواتير شراء تلك الذهب .. هذه الفواتير يتم إرفاقها كإثبات صحة ما يتم ذكره من بيانات عن الذهب فى المملتكات ... أما إذا لم يكن لديكى تلك الفواتير فلاتوجد أدنى مشكلة من عدم إرفاقهم ...

بالتوفيق للجميع إن شاءالله
الدعاء والتوكل والإستغفار

لو سمحت يا استاذ رامى انا قرأت فى منتدى تانى ان النيابة العامة فتحت للبنات دفعة 2009 ده بجد ولا ايه وشكرا ليك وبالتوفيق

لو سمحت خانة محل الاقامة صغيرة اوى للاقارب لازم اكتب محل الاقامة بالتفصيل ولا اختصر مثلا اقول القاهرة المقطم

خانة المهنة والمؤهل لو حد بيشتغل اعمال حرة لازم اكتب بيشتغل اية بالتفصيل ولا كفاية اكتب اعمال حرة ومثلا خالتى مش بتشتغل اكتب اية ربة منزل ولا اسيبها فاضية ولازم اكتب تاريخ الميلاد للاقارب باليوم ولا كفاية الشهر والسنة
وشكرا لتعبك جزاك الله خيرا

المقابلات في النيابه الاداريه تقريبا بتكون في شهر ايه

بتكون اخر شهر تلاتة

مقابلات النيابه الاداريه تقريبا بتكون في شهر ايه خاصه دفعه 2008 كانت امته بالظبط

ممكن اعرف مم تتكون الهيئة المسئولة عن التعيين واسماء السادة المستشارين ان امكن
لكم جزيل الشكر والامتنان

كنت عايز اعرف المعايير الخفية غير المجهورة للقبول اكيد فى معايير خفية ممكن اعرفها ؟؟؟؟؟

وكنت عايز اتاكد من معلومة ان وزارة المالية هى السبب فى تقليل عدد الاعضاء ف النيابة عشان ميزانية الدولة لان الكلام دة سمعتة من واحد

أختى nossa
لو سمحت يا استاذ رامى انا قرأت فى منتدى تانى ان النيابة العامة فتحت للبنات دفعة 2009 ده بجد ولا ايه وشكرا ليك وبالتوفيق
قولاً واحداً لايوجد نيابة عامة للبنات .... هناك بالفعل تصريح بأنه سيتم فتح النيابة العامة للبنات لتولى نيابة الأسرة ... لكن الأمر ليس فى الوقت الحالى .... دفعة 2009 بنين فقط دون تطبيق إتاحة الفرصة للبنات بعكس باقى الهيئات التى أصبحت جميعها تقبلهم ... ماعدا النيابة العامة والتى مازالت لم تتيح لهم الفرصة فى الوقت الحالى ....

أختى shosho
لو سمحت خانة محل الاقامة صغيرة اوى للاقارب لازم اكتب محل الاقامة بالتفصيل ولا اختصر مثلا اقول القاهرة المقطم
يمكنك كتابة العنوان بإختصار دون أن يجعل العنوان مبهماً ... فيكفى كتابة المنطقة والشارع ... على سبيل المثال عابدين ش أحمد جلال ...

خانة المهنة والمؤهل لو حد بيشتغل اعمال حرة لازم اكتب بيشتغل اية بالتفصيل ولا كفاية اكتب اعمال حرة
يجب كتابة الوظيفة تفصيلاً ... فلا يتم كتابة تاجر ... إنما تاجر أقمشة ... ولايتم كتابة مزارع ... إنما مزارع فى ملكه أو فى ملك الغير .... ولايتم كتابة موظف ... إنما موظف فى مصلحة كذا .... وكذلك لايتم كتابة أعمال حرة ... إنما فى نوعية العمل الذى يقوم به ... مثلاً مقاولات ... ولكن على كل حال الأمر بسيط إذا كان واحد أو أثنين ولاتريدى تحديد نوعية الأعمال الحرة إلا أنه سيتم سؤالك عن ذلك لاحقاً فى التحريات إن شاءالله .....

ومثلا خالتى مش بتشتغل اكتب اية ربة منزل ولا اسيبها فاضية
أكتبى ربة منزل ....

ولازم اكتب تاريخ الميلاد للاقارب باليوم ولا كفاية الشهر والسنة
المفروض كتابة اليوم والشهر والسنة .... لماذا؟؟ ... وذلك لتقليل عدد تشابه الأسماء الذى سيكون موجوداً بأى حال ... فالأمرليس إلزاماً ... فإذا كنتى لاتعرفى تاريخ الميلاد وتريدى كتابة الشهر والسنة فقط ... فذلك سيزيد من فرصة تواجد تشابه أسماء فى التحريات لعدم تحديد تاريخ الميلاد بدقة .... أما إذا تم كتابتة بشكل صحيح .... فسيقتصر البحث والتشابه فى نطاق هذا التاريخ فقط ...

أخى الحبيب aly2020
المقابلات في النيابه الاداريه تقريبا بتكون في شهر ايه
فى النصف الأخير من شهر مارس إن شاءالله ...

مقابلات النيابه الاداريه تقريبا بتكون في شهر ايه خاصه دفعه 2008 كانت امته بالظبط
كما ذكرت لك ... وكانت دفعة 2008 تجرى مقابلات النيابة الإدارية فى نفس وقت بدء مقابلات النيابة العامة ... كانوا الأثنين فى نفس التوقيت من الشهر بإختلاف يومين أو ثلاثة ....

أخى الحبيب abe el rahman
ممكن اعرف مم تتكون الهيئة المسئولة عن التعيين واسماء السادة المستشارين ان امكن
تتكون من رئيس هيئة النيابة الإدارية ونوابه حسب الأقدميه ... ولا أستطيع أن أحدد لك أى من السادة المستشارين الذين سيجروا معك المقابلة فلا أدرى أى لجنة ستكون ... فهناك عدة لجان وليست لجنة واحدة ... حوالى أربع لجان .... لذلك أحرص يوم أن تأتى بميعاد مقابلتك أن تأتى برقم اللجنة .... وتوكل على الله

أخى الحبيب عمرو حمزاوى
كنت عايز اعرف المعايير الخفية غير المجهورة للقبول اكيد فى معايير خفية ممكن اعرفها ؟؟؟؟؟
التقدير لايقل عن 70% وأحيانا 75% .... الأب والأم يحملون مؤهلات عليا ... كثرة حملة المؤهلات العليا فى العائلة وعدم وجود أقارب ذو وظائف قليلة الشأن ...

وكنت عايز اتاكد من معلومة ان وزارة المالية هى السبب فى تقليل عدد الاعضاء ف النيابة عشان ميزانية الدولة لان الكلام دة سمعتة من واحد
وزارة المالية ليس لها سلطان على وزارة العدل .... يا عزيزى ... عدد الأعضاء الذين يتم قبولهم فى النيابة يتم عن طريق فرز إحتياجات النيابات من أعضاء والدرجات الخالية ورصد العجز والعدد المتاح للتعيين .... ثم تحديد رقم معين ... ثم إعلان الدفعة ...ثم التصفية حتى يصلوا للعدد الذى هو عدد الدرجات الخالية فى النيابات الذى تم رصده أو فرزه كما شرحت ... ثم تعيين هؤلاء الأعضاء الجدد فى تلك الدرجات الخالية .... فأين دور وزارة المالية فى الأمر ؟؟ ..... ليس للمالية علاقة بشأن عدد التعيين والقبول ... أنه نظام ودور وزارة العدل المسئولة عن ذلك وحدها ....

بالتوفيق للجميع إن شاءالله
الدعاء والتوكل والإستغفار
اللهم أكرمنا بالتعيين ... توكلنا على الله ... أستغفر الله العظيم ...

بستأذن حضرتك يا استاذ رامى
العدد بيكون فقيه تنسيق بين وزير العدل ووزير المالية لاتاحة درجات مالية زى ما حضرتك قلت فى منتصف كلامك

بجد انا بشكرك يا استاذ رامى على مجهوداتك العظيمة
كان ليا استفسار بعد اذنك
انا قمت بادراج مجوهرات الام فى خانة ممتاكات الام ولكن هناك العديد من قيمة هذة المجوهرات غير مثبتة بفواتير فهل ممكن يطالبونى بعد ذلك بهذة الفواتيرام لا
شكرا على حسن تعاونك معنا

بص يا استاذ عبد الرحمن
من ضمن التحريات التى سوف تتم عليك هى صحة البيانات المتعلقة بالدخل ولامدرجة فى ملف التعيين
لما هيجى امين الشرطة بتاع القسم عندك فى البيت ان شاء الله هتوريله كل حاجة تثبت كلامك وبعدين انت لما هتظبطه وده للاسف اجبارى هتلاقيه ظبطلك الدنيا كلها فلا تقلق

شكرا لك استاذ محمود يونس
بجد انتوا كلكم تيم ناجح ومنتدى اكثر من رائع
بارك الله فيكم وجعلة فى ميزان حسناتكم ووفقنا الله بالتعيين

أخى الحبيب محمود يونس
بستأذن حضرتك يا استاذ رامى
العدد بيكون فقيه تنسيق بين وزير العدل ووزير المالية لاتاحة درجات مالية زى ما حضرتك قلت فى منتصف كلامك
بكل تأكيد ... فأنت قد أتيت بكلمة فيها مفتاح اللغز الذى أريد توضيحه ... كلمة (تنسيق بين وزير العدل ووزير المالية) ... فهذا لاخلاف عليه .... فما أريد نفيه هو أن المالية هى السبب الرئيسى أو المتحكم فى عدد المقبولين .... أما التنسيق فهو تنظيم عمل ليس فيه إدارة منفردة كما سبق وأثير ....

أخى الحبيب abe el rahman
انا قمت بادراج مجوهرات الام فى خانة ممتاكات الام ولكن هناك العديد من قيمة هذة المجوهرات غير مثبتة بفواتير فهل ممكن يطالبونى بعد ذلك بهذة الفواتيرام لا
لا ... لم يطلبوا منك إثبات ذلك ... لأنه من المفترض أن تقوم بذلك كشيئ طبيعى .... لكن لاتقلق .. أى أملاك كتبتها فى الملف سيتم التحرى عنها وقت نزول التحريات ويطلبوا منك أن تحضر معك أصل الإثبات وليس صورته التى أرفقتها فى الملف أو التى لم ترفقها أصلاً .... هذا من جانب .... أما من جانب ثانى ... فأخى العزيز محمود يونس أختصر الطريق الطويل الذى لولاه ما أستطعت توصيلك لتلك النقطه .... أختصر عليا المسافة فى جملته ...
((لما هيجى امين الشرطة بتاع القسم عندك فى البيت ان شاء الله هتوريله كل حاجة تثبت كلامك وبعدين انت لما هتظبطه وده للاسف اجبارى هتلاقيه ظبطلك الدنيا كلها فلا تقلق))
للأسف هذا الواقع ... لاتقلق وتوكل على الله ....

بالتوفيق للجميع إن شاءالله
الدعاء والتوكل والإستغفار

طيب انا هسأل فى حاجه دلوقتي الارض الزراعيه ينفع اجيب ورقه من الجمعيه تكون مختومه وتثبت حيازتها ولا ايه وبالنسه كده برده لمزارع دي تتثبت ازاي (ممكن التراخيص بتاعتها بس دي هتبقى صوره مش اصل) ده ينفع ولو فى حاجه كتبتها ومش عارفه اثبتها ايه اللي هيحصل طالما هما هيتاكدوا منها فى التحريات
وبالنسبه لبابا هوا موظف حكومي اكتب انه كمان صاحب مشاريع ولا موظف كفايه
ولكم جزيل الشكر

شكرا على المجهود الجامد ده لكن انا عندى استفسار بس
اولا:ينفع انى اقدم صوره من شهاده الميلاد يعنى مش الاصل لانى انا عندى شهاده واحده بس بالكمبيوتر ولو قدمتها هدوخ جدا على ما اطلع واحده تانيه ؟
ثانيا:وبيان الدرجات للسنوات الاربعه برده لزم اسلم الاصل وله ينفع اصورها واديهم الصوره؟
ثالثا:انا دورت كتير على عقد املاك عشان ماما تكتب الشقه بتاعتها فى العقد ده لان الشقه اصلا ورث ولسه متكتبش عقد بيها ملقتش خالص ينفع اكتبه فى عقد ايجار بس اشطب كلمه ايجار واكتب ملك وله مش ينفع؟
رابعا:وشهاده تايده الخدمه العامه لزم اقدمها برده كاصل وله ينفع الصوره؟
ولكم كل الشكر على المجهود الكبير ده

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية