النيابة الادارية دفعة 2009

أشكرك ا\رامى على هذه المعلومات الطيبة جعلة الله فى ميزان حسناتك وأكثر من امثالك

هل من الممكن معرفة الفرق بين الاختلاس والاستيلاء فيما يتعلق بملكية المال محل الاعتداء
فهل صحيح ان فى الاختلاس يكون المال مملوك لاحدى الجهات العامة او الخاصة
وفى الاستيلاء يكون المال مملوك لاحدى الجهات العامة او احدى الجهات الخاصة تحت اشراف جهة عامة
جزاك الله خيرا

اختلاس المال العام يكون بسبب وظيفته
اما استيلاء المال العام بيكون بمناسبة وظيفته
امثلة توضيحية:-
امين العهدة او الخزنة اذا اخذ من اموال العهدة ففى ذلك جريمة اختلاس لان الجريمة قامت بسبب وظيفته
اما عامل النظافة الذى يكون متاحا له دخول غرفة الخزنة فيجد الخمة مفتوحة فيتيسر له الاستيلاء على ما بداخلها فانه يكون استيلاء على المال العام
الملخص مرة اخرى الاختلاس يكون بسبب الوظيفة اما الاستيلاء يكون بمناسبة الوظيفة

استاذ رامى طبعا اشكرك بس ياريت تدينى صفحة الاسئله وياريت تكلمنى على الاميل الياهو ضرورى لو سمحت يا استاذ رامى واهو الاميل الياهو بتاعى ضرورى كلمنى لو سمحت ونبى [ندعوك للتسجيل في المنتدى أو التعريف بنفسك لمعاينة هذا الرابط]

انا دفعت 2009 كليه حقوق هل يوجد اعلان تعييين لهيائه قضاء الدوله

ميرسى جدا لكلا من احمد ممدوح وروتانا وبجد ميرسى جدا للاستاذ رامى لان الصور اللى انت وضعتها على الصفحه امس من الفورمل للبنات متتخيلش ساعدتنى قد ايه النهارده وانا بشتريها وكمان عشان قد ايه مساعدتك فى الاسئله والاجابه.
بجد انا محتاجه لدعوتكم جدا لان مقابلتى بعد غد وانا قلقه نوعا ما.
وياااااارب يجعل فى وجهنا القبول اجمعين امين يارب.

انا بس ليا بعض الاسئله
اولا:انا عارفه ان عدد الهيئات القضائيه فى مصر هى 4 ولكن ما هما انا بس عايزه اعرف اسمهم واختصاصتهم بختصار؟
ثانيا:تعريف هيئه النيابه الاداريه؟
ثالثا:ما تعريف الغرامه التاخيريه لانها لم تذكر كاجابه؟
ما هى الجهات التى تخضع لرقابه النيابه الاداريه؟
رابعا:هل تعريف الموظف الفعلى المذكوره فى الاسئله هى الاجابه النموذجيه؟
ليا رجاء لو حد يقدر يساعدنى انا عرفت ان فى مقابله ابتداء من اليوم ياريت لو حد يعرف اى معلومات من اللى هيحصل النهارده يبلغنا بس عشان اللى هيبدا فى المقابلات الايام المقبله.
وكمان ليا استفسار انى قرات فى موقع انى لزم اراجع على ماده الدستور والمرافعات والادارى التى مرت علينا وطبعا هذا فى الوقت الحاضر صعب جدا هلى يا استاذ رامى هذه الاسئله من الادارى تكفى وليس بيدى شئ اخر عمله غير المراجعه على هذه الاسئله وكمان انا شايفه انى مش لزم ابص على اسئله الجنائى اللى فى قسم النيابه العامه عشان انا ملاحظه ان الاسئله هتكون بعيده عن الجنائى.
ارجو فقط الردج وسريعا جدا عشان زى ما حضرتك تعرف يا استاذ رامى ان المقابله يوم الثلاثاء .
واستحلفكم بالدعاء

لو سمحت يا أ/ رامى انا عاوز اعرف معاد اللجنة السباعية فى النيابة الادارية علشان انا من اسيوط مش اقدر اسافر
الاسم : بيمن سامح شوقى اندراوس جامعة : اسيوط
وشكرررررررررررا

انا كانت مقابلتى النهاردة والحمد لله مجوبتش على السؤال
السؤال هو \ ماالعلاقة بين النيابة الادارية ومجلس الدولة
وربنا يوفقكم ان شاء الله

معلش يا شوشو هو النهارده كان اول يوم امتحان صح؟
طيب انتى مش تعرفى ايه اسئله كمان اتسئلت؟؟انا امتحانى 10\3 و خايفه قوى

طب يا شوشو ياريت تقولى ايه اللى حصل النهارده بالظبط
وربنا معانا كلنا

يا ريت يا جماعة لو فى حد كانت مقابلتة اليوم يفيدنا بالاسئلة التى تم سؤالها
شكرا لجميع.....بالتوفيق

انا بس محتاجه حد يرد عليا فى الاسئله اللى طرحتها ارجوكم عشان انا مقابلتى بكره وقلقانه شويه
وكمان عايزه اعرف ايه العلاقه بين النيابه الاداريه ومجلس الدوله؟لان ده السوال اللى اتسال عند بعض الناس النهارده زى ما شوشو ذكرت.
واشكركم وارجو الرد سريعا عليا

العلاقه بين النيابه الاداريه ومجلس الدوله
للنيابة الادارية حق مباشرة الدعوى التاديبية أمام المحاكم التأديبية بمجلس الدوله

وللنيابة الادارية حق الطعن على احكام المحكمة التاديبية امام محكمة الادارية العليا
ولا يقبل الطعن الاممن لا يقل درجتة عن رئيس نيابة

بالتوفيق للجميع....نسالكم الدعاء بظهر الغيب

ربنا يوفقك يا شوشو ويكرمك بالتعيين ....ممكن بعد اذنك اعرف انت تقديرك كام

تمت إضافة أسئلة بموضوع أسئلة النيابة الإدارية ... وذلك من السؤال 48 .. ليصبح مجموع الأسئلة 63 سؤال ....

------------

أخى الحبيب abd el rahman
هل من الممكن معرفة الفرق بين الاختلاس والاستيلاء فيما يتعلق بملكية المال محل الاعتداء
فهل صحيح ان فى الاختلاس يكون المال مملوك لاحدى الجهات العامة او الخاصة
وفى الاستيلاء يكون المال مملوك لاحدى الجهات العامة او احدى الجهات الخاصة تحت اشراف جهة عامة
لا يا أخى .... هذا لا يفرق بين الإختلاس والإستيلاء إطلاقاً ... فالفرق بين إختلاس وإستيلاء المال العام هو علاقة الشخص بالمال محل الإعتداء ... فإما يكون بسبب الوظيفة وإما بمناسبة الوظفية .... والأخت روتانا قد شرحت ذلك ومعلومتها صحيحة 100% وكذلك المثال فى محله بالضبط ... بارك الله فيكى أختى وجزاكى الخير ....
اختلاس المال العام يكون بسبب وظيفته
اما استيلاء المال العام بيكون بمناسبة وظيفته
امثلة توضيحية:-
امين العهدة او الخزنة اذا اخذ من اموال العهدة ففى ذلك جريمة اختلاس لان الجريمة قامت بسبب وظيفته
اما عامل النظافة الذى يكون متاحا له دخول غرفة الخزنة فيجد الخمة مفتوحة فيتيسر له الاستيلاء على ما بداخلها فانه يكون استيلاء على المال العام
الملخص مرة اخرى الاختلاس يكون بسبب الوظيفة اما الاستيلاء يكون بمناسبة الوظيفة

أخى الحبيب محمد محمد
بس ياريت تدينى صفحة الاسئله
رابط موضوع الأسئلة :
[ندعوك للتسجيل في المنتدى أو التعريف بنفسك لمعاينة هذا الرابط]

وسيتم التواصل بك على الإيميل إن شاءالله ...

أختى مرام حسن محمد
انا دفعت 2009 كليه حقوق هل يوجد اعلان تعييين لهيائه قضاء الدوله
الوقت مازال مبكراً على إعلان هيئة قضايا الدولة لدفعه 2009 ... عند نزوله ستعرفى من هنا إن شاءالله .... بالتوفيق

أختى sonatote28
اولا:انا عارفه ان عدد الهيئات القضائيه فى مصر هى 4 ولكن ما هما انا بس عايزه اعرف اسمهم واختصاصتهم بختصار؟
النيابة العامه والإدارية وهيئة قضايا الدولة ومجلس الدولة ....وإختصاصاتهم بإختصار :
1- هيئة النيابة العامه ... تحريك الدعوى الجنائية والتحقيق فهى ممثلة الشعب
2- هيئة النيابة الإدارية ... الإدعاء أمام المحاكم التأديبية ومجازاة الموظفين والتحقيق معهم
3- هيئة قضايا الدولة ... الدفاع بصفتها نائبة عن جهات الدولة أمام القضاء
4- مجلس الدولة .... الطعن أمامها فى القرارات الإدارية

ثانيا:تعريف هيئه النيابه الاداريه؟
النيابة الإدارية هيئة قضائية مستقلة تلحق بوزير العدل وتشكل من رئيس ومن عدد كاف من نواب الرئيس ومن الوكلاء العامين الأولين والوكلاء النيابة ومساعديها ومعاونيها وتعمل على إرساء العدل بين الموظفين العموميين ولاتخضع لرقابة أية جهة إدارية أو قضائية .

ثالثا:ما تعريف الغرامه التاخيريه لانها لم تذكر كاجابه؟
الغرامة التأخيريه هى مبالغ نقديه تفرض على المقاول لتأخيره فى تنفيذ الأشغال أو تقديم المواد فى المدة المحددة المنصوص عليها بالعقد أو دفتر الشروط ولو لم يلحق الإدارة أى ضرر .

ما هى الجهات التى تخضع لرقابه النيابه الاداريه؟
جميع الموظفين العمومين يخضعوا لرقابة النيابة الإدارية ..

رابعا:هل تعريف الموظف الفعلى المذكوره فى الاسئله هى الاجابه النموذجيه؟
يعتبر تعريف إيضاحى لسهولة الفهم ..... إذا أردتى التعريف النموذجى :
الموظف الفعلى هو ذلك الشخص الذي تدخل خلافاً للقانون في ممارسة اختصاصات وظيفية عامة متخذاً مظهر الموظف القانوني المختص .

وكمان ليا استفسار انى قرات فى موقع انى لزم اراجع على ماده الدستور والمرافعات والادارى التى مرت علينا وطبعا هذا فى الوقت الحاضر صعب جدا
لا ... قد نبهت من قبل أن تلك الأسئلة تخص القانون الإدارى فقط ... وعليكى الإطلاع كذلك على قانون المرافعات وأسئلة النيابة العامة .... فجميع الهيئات مترابطة مع بعضها ولاتقومى بفصل أسئلة عن الأخرى .... أقرأى الجميع .... الأمر سهل إن شاءالله ... لاتحفظى ... أنما أطلعى على جميع الأسئلة بفهم لكى تقدرى على الإجابة بأسلوبك .... فكما ذكرتى الوقت ضيق فلايوجد متسع من الوقت للحفظ والمراجعه .... أقرأى كل الأسئلة كملعومات وفهم ..... لاتعتمدى على أسئلة القانون الإداري فقط .... وربنا يكرمك ويوفقك ويضع فى وجهك القبول ويمر هذا اليوم بسلام ... اللهم أكرمها وحقق فيك رجائها ... اللهم هون عليها ... وسدد خطاها .... ووفقها فيما يرضيك يارب العالمين .... وأخيراً.... سأنصحك نصيحة وبالله عليكى لاتستهترى بها .... فوالله العظيم تأثيرها فوق العجيب ..... الإستغفار .... إلزمى الإستغفار ... وستجدى التوفيق .... (وقضى الأمر الذى فيه تستفتيان) ... بالتوفيق

وكمان عايزه اعرف ايه العلاقه بين النيابه الاداريه ومجلس الدوله؟لان ده السوال اللى اتسال عند بعض الناس النهارده زى ما شوشو ذكرت
النيابة الإدارية تباشر الدعاوى أمام المحاكم التأديبيه والتى تتشكل من أعضاء بمجلس الدولة , فمجلس الدولة هو المختص بتعيين المحاكم التأديبيه والموظفين بها .

أخى الحبيب بيمن سامح
لو سمحت يا أ/ رامى انا عاوز اعرف معاد اللجنة السباعية فى النيابة الادارية علشان انا من اسيوط مش اقدر اسافر
أعتذر أشد الإعتذار أخى ... فوالله لو كنت أتيت مبكراً من يومين لكنت أتيت لك بميعاد مقابلتك ... ولكنى للأسف سافرت وأتيت بمواعيد الزملاء .... وحتى أصدقائى سافروا من بعدى .... وأخرهم سافر أمس ... ولا أعرف من سيسافر غداً .... أعتذر لك .... وسامحنى على عدم إستطاعتى مساعدتك .....

أختى shosho
انا كانت مقابلتى النهاردة والحمد لله مجوبتش على السؤال
أرجوكى لاتهتمى بالأمر ... فوالله والله والله لا يعتبر معيار إطلاقاً .... فكم ممن أجابوا ولم تنزل لهم تحريات من الأصل ... وكم ممن لم يجيبوا ونزلت لهم تحريات وتم تعيينهم .... المهم كنتى موجوده بثقة وثبات ومظهر جيد .... فقط هذا الذى يتم إعتباره معيار بكل تأكيد بعد توفيق الله ...

بالتوفيق للجميع إن شاءالله
لاتنسوا ... الدعاء والتوكل والإستغفار
اللهم أكرمنا بالتعيين .... توكلنا على الله ... أستغفر الله العظيم

انا متشكره ليك بجد يا استاذ رامى بجد انت اخ عظيم لينا كلنا
ويارب يجعل فى وجهنا القبول اجمعين

بصوا ياجماعة انتوا بتروحوا الساعة 9 وبعدين فى هناك عامل بينده الاسماء وياخد البطاقة والدخول بالدور يعنى اللجنه الاولى والتانية وكدة .... وبعدين لما يجى الدور عليك بيوقفك فى الطابور وبعدين بتدخل اللجنة بتلاقى 10 مستشارين قدامك قاعدين بتدخل وبتقعد وبعدين واحد منهم بيطرح عليك السؤال وياريت تكون الاجابة بسرعة عشان هما مش بيدوا لحد فرصة للتفكير يعنى لو استنيت شوية او لسة عاوز توصل للمعلومة هتلاقية بيقول الابعدة وانت خلصت على كدة والا عرفته انهم مش بيعيدوا الاسئلة وانتوا بتدخلوا 10 . وربنا يوفقكم يارب

الف شكر على الرد والمساعدة وربنا يوفق الجميع

يا حضرات انا عايز اعرف الاسالة اجيبها من فين من المنتدا وكمان كل الى اعرفهم دخلو النيابة الادارية كان بواسطة الى مش معاة نسبتو اد اى فى القبول

ياريت الى يعمل مقابلة يقولنا اى الاسالة الى اتقالت وربنا يوفق الجميع

استاذ spider ياريت تقرا الصفحات اللى قبل تلك الصفحة لمعرفة كل الاسئلة التى تدور فى بالك وعموما رابط موضوع الأسئلة :
[ندعوك للتسجيل في المنتدى أو التعريف بنفسك لمعاينة هذا الرابط]

وبالنسبة انك من غير واسطة فرصتك قد اية هذا لا يعلمة الا العليم الله عز وجل لكن اقدر اقوللك سيبها علية وتوكل وبالتوفيق انشاء الله

ممكن ياشوشو تقوليلي كنتي لابسه ايه في المقابله وهل هناك تعليق علي مظهرك بليز قوليلي عشان الموضوع ده شغلني اوي وكلهم كانوا بملابس رسميه ؟

جزاكم الله خيرا على التواجد والمساعدة والمشاركة ...

بالتوفيق فى المقابلات إن شاءالله ... أرجوكم ... إلزموا الإستغفار تجدوا ما لا تتخيلوه ...

ربنا يكرم الجميع بإذن الله فلا تقلقوا ...

أختى sonatote28
وجزاكى الخير ... بفضل الله تحت أمرك فى أى شيئ ... بالتوفيق

أختى shosho
أدعوا الله أن تكون المقابلة مرت بسلام وأن يوفقك الله وتنزل لكى التحريات إن شاءالله .... أتمنى أن تضعى الأسئلة التى تم سؤالها لكى ... بالتوفيق

أخى الحبيب spidervvvv
يا حضرات انا عايز اعرف الاسالة اجيبها من فين من المنتدا
كما ذكر لك أخى الحبيب محمود بك ... تابع الصفحات السابقة ...
[ندعوك للتسجيل في المنتدى أو التعريف بنفسك لمعاينة هذا الرابط]

وكمان كل الى اعرفهم دخلو النيابة الادارية كان بواسطة الى مش معاة نسبتو اد اى فى القبول
كم تحدثت عن تلك النقطه .... المهم .. الإجابة بإختصار ... ((ومن يتقى الله يجعل له مخرجاً ويرزقه من حيث لايحتسب)) .... وكذلك (( فقت إستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا ))) .....

بالتوفيق للجميع إن شاءالله
لاتنسوا ... الدعاء والتوكل والإستغفار
اللهم أكرمنا بالتعيين .... توكلنا على الله ... أستغفر الله العظيم

يارشا اة معظمنا كان لبس رسمى لكن لايوجد تعليق على المظهر احنا دخلنا سألونا وبس وخرجنا وهما لم يبدوا اى ردود فعل سواء على المظهر او الكلام او الاجابة يعنى تقولى حسيت انى بكلم نفسى او انك مش موجودة

يااستاذ رامى انا قولت السؤال وانى مش جوبت علية وربنا يستر
السؤال كان ماهى العلاقة بين النيابة الادارية ومجلس الدولة
وياريت يااستاذ رامى تقولى هو الاجابة عن السؤال مهمة وانا اعرف ازاى انى انا عجبتهم ولا لا وخاصا انهم مش قالولنا اى حاجة يعنى ولا قالوا كويسين ولا وحشين

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية