النيابة الادارية دفعة 2009

لو سمحتى يا شوشو

عايزه اعرف انتو كنتو لبسين بدل بس

ولا كان فى بنات لبسه تايير

وهل لازم بدله ولا ينفع تايير قصير وتحتيه البوت مثلا

مع العلم انه محتشم وغير ملفت تماما

ارجوكى ردى عليا ضرورى لان مقابلتى قريبه

متشكر اوى يامحمود بك ويا رامى على الرد بس عندى سؤال تانى فى حالة الاعتزار للمستشار لعدم تذكر الاجابة كدة يبقى الموضوع انتهى ولا اى

بصراحت ربنا انا مقدم فى النيابة العامة والادارية مش عشان حلمى انى اكون معاون او وكيل الاتنين موظفين بالعكس انا مع احترامى للاثنين شايفهم بدون صوت الروتين شى مكروة عندى بس انا كنت حقوق عين شمس والى فى حقوق لاما يكون محامى لاما ربنا يوفقو ويكون فى الهيئات القضائية لاما يشتغل بدون شهادة وكلا الاختيارات لى سيئة ياربـــــــــــ حقق حلم كل الناس

أختى shosho
وياريت يااستاذ رامى تقولى هو الاجابة عن السؤال مهمة وانا اعرف ازاى انى انا عجبتهم ولا لا وخاصا انهم مش قالولنا اى حاجة يعنى ولا قالوا كويسين ولا وحشين
شيئ طبيعى جدا جدا ... وكثيراً ما حذرت ونبهت على تلك النقطه ... وقلت لا تهتموا كثيراً بالمقابلة كما أرى وكأنها هى الفيصل بين القبول والرفض ... ونبهت أن الإجابة على السؤال لايعتد به إطلاقاً ... هذا إذا وجدتى وقت للإجابة أصلاً ... لذلك .... لاتقلقى أبداً .. والأمر طبيعى .... وأنتظرى نزول التحريات بإذن الله .... بالتوفيق

أخى الحبيب spidervvvv
فى حالة الاعتزار للمستشار لعدم تذكر الاجابة كدة يبقى الموضوع انتهى ولا اى
لا إنتهى ولا شيئ ... الأمر لايعتد به والإجابة على السؤال ليست معياراً بالقبول ..... أرى من أسألتك أخى الحبيب أنك لاتطلع على الصفحات والإستفسارات السابقة وتسأل قبل البحث .... أتمنى أن تتابع الصفحات السابقة وستجد إجابة على كل ما سألت ... بالتوفيق

بصراحت ربنا انا مقدم فى النيابة العامة والادارية مش عشان حلمى انى اكون معاون او وكيل الاتنين موظفين بالعكس انا مع احترامى للاثنين شايفهم بدون صوت الروتين شى مكروة عندى بس انا كنت حقوق عين شمس والى فى حقوق لاما يكون محامى لاما ربنا يوفقو ويكون فى الهيئات القضائية لاما يشتغل بدون شهادة وكلا الاختيارات لى سيئة ياربـــــــــــ حقق حلم كل الناس
كم أحزنتنى تلك السطور .... فإذا كنت لاتريد الدفاع عن الحق عندما تكون محامى ... أو تقيم العدل عندما تكون وكيل نيابة .... فماذا تريد ؟؟؟ .... لماذا إذاً درست بكلية الحقوق أربع سنوات وكنت تعلم أن هذا سيكون مستقبلك ؟؟؟ ... أرجوا أن تراجع أوراقك وترتب أفكارك مرة أخرى ...

بالتوفيق للجميع إن شاءالله
لاتنسوا ... الدعاء والتوكل والإستغفار
اللهم أكرمنا بالتعيين .... توكلنا على الله ... أستغفر الله العظيم

يا ريت ياشوشو تفصيل اكتر
يعنى جمعوكو عشره عشره وبيدخل العشره مره واحده قدام اللجنه ويتسال العشره كلهم نفس السوال؟
ولا بيجمعكو الاول فى طابور وكل واحد بيخش لوحده قدام اللجنه
وايه اللى بتعمله اللجنه معاكى؟
يعنى قعدتى وسالوكى علطول ومشوكى ولا اتكلمو معاكى الاول فى اى حاجه وبعدين دخلوا فى السؤال؟؟
ياريت تفاصيل من دى يعنى

وكيل النيابة ليس من يقيم العدل بل هو يطبق القانون وكما ذكرت زمايلى دخلو بوسايط الوسطة استاذ رامى وصلت 200الف جنية فى النيابة العامة الادارية بصراحة مش عارف معاون نيابة دفع المبلغ دة يبقى داخل يطبق القانون كان الى خدو الرشوة الرشوة طبقوة وطبعا اكيد حضرتك عارف مين الى بيخدها وكانت مفجاءة لية والمحامى يتدرب سنتين بمبلغ 150 جنية بعد تخرجة ممكن بعد السنتين دول يدافع عن الحق ولا يحاول ان يعوض ما فاتة اما عن دخولى حقوق فحالى حال اغلب من دخلو وهوا المجموع الذى حكمنا استاذ رامى انا بعتزر عن التكلم خارج الموضوع بس العيب مش فينا اكيد ربنا يصلح حال البلد دى وميسلطش علينا حد ميخفش ربنا وشكرا اوى على الاسالة انا بردو هعمل الى علية وربنا معانا كلنا

أخى الحبيب spidervvvv
أزيدك من الشعر بيتاً ..... بالنسبة للنيابة فالمبالغ التى يتم دفعها وصلت إلى 250 ألف ... وبالنسبة للمحاماه فهناك الكثير من المحامين تحت التمرين لايتقاضون مرتب نهائياً .... وبالنسبة للمجموع فالمجموع أصبح غير عائق إطلاقا بوجود الجامعات المفتوحه التى خلطت الحابل بالنابل ....

لا أدرى ... هل زدت من الشعر بيتاً أم زدت الطين بله ؟؟؟؟؟....

بالتوفيق للجميع إن شاءالله
لاتنسوا ... الدعاء والتوكل والإستغفار
اللهم أكرمنا بالتعيين .... توكلنا على الله ... أستغفر الله العظيم

ليست الناس سواء فهناك من الناس كما يقول الاخ spider وهناك العديد من الناس الذين يتقون الله
العبرة أنت مين فيهم !!!!!
أسأل الله أن يكرمنا بالتعيين ,وان تكون نيتنا خالصة لوجهه ,
وان نكون سببا قى تحقيق العدل ووقف الظلم ورد الحقوق الى اصحابها

على العموم انا مقابلتى ان شاء الله غدا 3\3 وسأوافيكم بالتفاصيل ان شاء الله
استحلفكم بالله ان تدعو لى بظهر الغيب

انا اتفق تماما مع الاستاذ عبد الرحمن وكما قال العبرة بنفسك انت عايز تبقى مين وغير كدا بالنسبة للرزق قال تعالى ومن يتقى الله يجعل له مخرجا ويرزقة من حيث لا يحتسب صدق الله العظيم
وربنا يوفقك ياعبد الرحمن ويارب يوفق الجميع قادر ياكريم

ياايهاب اولا بيدخلوكوا العشرة مع بعض انا هصورلك المشهد انت بينده عليك العامل برة بالاسماء ويوقفك طابور فى الطرقة وبعد كدة بينده بالترتيب تدخل اللجنة انتوا العشرة مع بعض بس كل واحد بيقعد على الكرسى بالترتيب يعنى محمد 1 يدخل يقعد على الكرسى الاول الا جنب الحائط ومحمود 2 يقعد جنبة وهكذا الكراسى مرصوصه جنب بعض وبعدين يعرض السؤال اذا الاول جاوب صح بيسألك انت سؤال تانى اذا مجاوبش بيسألك نفس السؤال ويعديه عليكم كلكم يقول (الابعدة) لغاية ما حد يجاوب السؤال ولو محدش جاوب بيقولكم اتفضلوا بتخرجوا. وبعدين بيسألوكم على طول مفيش كلام معاهم ولا قبل السؤال ولابعدة دا لو انت لحقت تتكلم عشان تجاوب اوتفكر اصلا هذا ماحدث فى مقابلتى وربنا يوفقك هما مش بيتكلموا فى اى حاجة غيرانهم يسالوا

يا besyans كان فى ناس لبسه تايرات وناس لبسه بدل عادى اى حاجة بس تكون شيك ورسمى وزى ما استاذ رامى اتفضل وقلنا ان يكون الوان غامقة وافضل تلبسى اسود رمادى فى يعنى لو هتلبسى جيب يفضل ان تلبسى من فوق جاكت

انا يا جماعه كانت مقابلتى اليوم والحمد الله عدت على خير وزى ما شوشو وضحت كده هو ده اللى بيحصل
اهم حاجه فى الموضوع الثقه ثم الثقه ثم الثقه يعنى بمعنى اصح حسسهم انك مفيش شعره منك تتهز اصلا والموضوع عادى جدا والمظهر مهم جداااااااااا لزم تكون شيك جدااااااا عشان ده شئ مهم عندهم جدا ولا تهتموا بلاجابه اصلا لانها شئ صورى فقط انا عن نفسى كنت لبسه رسمى جدا وشيك وكانت بدله واقعدت بكل ثقه اتسالت سوال وهو
ما هو المسئوليه العقديه والمسئوليه التقصيريه واركان التقصيريه ؟
والموضوع ان شاء الله خير وربنا يقدم اللى فيه الخير

SONATOTE28
ممكن تقوليلى انت اشتريتى البدله منين لان الموضوع ده محيرنى اوى

انا بعتذر للاعضاء انى بسال السؤال ده هنا بس المنتدى لم يسمحلى بارسال رساله

خاصه

مرسى ليكى يا شوشو

بس انت مش فهمتى قصدى

انا اقصد تايير كامل جيب وجاكيت بس الجيب قصيره شويه

ومن تحتها الوت طويل واللون غامق بالفعل

هل ينفع البس هذا التيير ولا الافضل انى اشترى بدله

استاذ عبد الرحمن انا مين فيهم احنا مش شياطين ولا ملايكة احنا بشر والحرام مبينفعش واكيد حضرتك عارف انا عن نفسى مقدم عشان ابقى عملت الى علية بس الواقع اى اى يا استاذ انك محتاج وسطة واى تانى ان فى قانون خفى اسمو نعم للرشوة ولا للمجهود وان فى قانون تانى بيقول ابن المستشار مستشار اكنهم فاكرنا بنختار ابهتنا وامهتنا وكمان مش بنختار مجتمعنا انا كل الى عايز اوصلو ان محدش يزعل لو موصلش ومحدش يحط امل كبير فيها بس مش معنا كدة انو ميعملش الى علية يارب ذكر كل زى سلطان بسلطانك وكل ذى ملك بملكك وكل ظالم بالنار وكل مسئول بكتابك الكريم يارب وفقنا الى ما تحبة وترضاة كفانى عزا ان تكون لى ربا وكفانى فخرا ان اكون لك عبدا

طيب ممكن نحط جيل على شعرنا وحنا داخلين ولا لا وكمان البدلة يتلبس تحتها صديرى ولا مش لازم واما اتكلم اعلى صوتى عشان ابينلو الثقة ولا اتكلم بصوت عادىولو افتكرت جزء بس من السؤال اعتزر ولا اسكت

أخى الحبيب spidervvvv
طيب ممكن نحط جيل على شعرنا وحنا داخلين ولا لا
أفعل ما تشاء فى سبيل إظهار مظهر جيد ورسمى ...

وكمان البدلة يتلبس تحتها صديرى ولا مش لازم
مش لازم ....

واما اتكلم اعلى صوتى عشان ابينلو الثقة ولا اتكلم بصوت عادى
لا تتحدث بصوت عالى جداً بمبالغه ولا منخفض جدا بمبالغه .... صوت معتدل ...

عادىولو افتكرت جزء بس من السؤال اعتزر ولا اسكت
أحمد الله إذا أستطعت أن تقول هذا الجزء الذى تعرفه .... فالساده المستشارون لايعطوت وقت ولا فرصة للرد على الإجابة .... فكما قلنا كثيراً .... الأسئلة نظام روتينى ولا يتم الإعتماد عليها فى القبول ....

بالتوفيق للجميع إن شاءالله
لاتنسوا ... الدعاء والتوكل والإستغفار
اللهم أكرمنا بالتعيين .... توكلنا على الله ... أستغفر الله العظيم

شكرا على الاسئلة هى جميلة جدا واكيد هتفدنى بس كنت عوزة اعرف بالنسبة للبنات اية اللبس المناسب اللى اقدر احضر المقابلة بية لانى محتارة وعيزة حد يفدنى فى موضوع النيابة الادارية

استاذ رامى انا عاجز عن شكرك يعنى لو اعرف بيتك هتلقينى جايب 2 كيلو برتقال واجيلة بصراحة حضرتك شخصية كويسة اوى وربنا يجعل دة كلو فى ميزان حسناتك

شكرا ياشوشو
وربنا يوفق الجميع

انا عايز اعرف لسه الكشوف متعلقه في الهيئه ولا اتشالت؟ Laughing

ياريت اجابه سؤال المسئوليه العقديه والتقصيريه ده؟؟
وياريت اى حد عمل المقابله واتسال سؤال يضيفه هنا

أنا كانت مقابلتى اليوم .........والموضوع سهل وبسيط
كل ما فى الامر انه تم تقسيمنا مجموعات كل مجموعة 9 مرشحين ودخلنا ع اللجنة
بالنسبة للاسئلة التى تم سؤالها فى لجنتى هى
1\ما هى مدة تقادم الدعوى الجنائية
2\ ما هى اسباب انقضاء الدعوى الجنائية
3\ما هى اسباب انقطاع مدة التقادم
وكل الاسئلة دى فى المنتدى....بارك الله فى القائمين علية

أختى نورا
أولاً مرحباً بكى فى المنتدى وأهلا وسهلاً ... وأتمنى أن أرى تواجدك وأن تتفاعلى معنا فى هذا المنتدى الكريم .... بالتوفيق
بس كنت عوزة اعرف بالنسبة للبنات اية اللبس المناسب اللى اقدر احضر المقابلة بية لانى محتارة وعيزة حد يفدنى فى موضوع النيابة الادارية
كنت قد ذكرت من قبل أن تكون تلك الملابس بألوان غامقه وتكون رسميه كبدله مثلاً .... وقد وضعت من قبل صور لأهم الملابس الرسميه للإناث ستجدى المشاركة فى صفحة 25 ....

أخى الحبيب spidervvvv
.... تسلم ... هذا بكل تأكيد شرف لى وتشرفنى .... بس ياريت يكونوا 4 كيلو لأنه بحبه ... ... جزاك الله كل خير

أخى الحبيب mahmoud22
انا عايز اعرف لسه الكشوف متعلقه في الهيئه ولا اتشالت؟
ما أعلمه أن الكشوف معلقه إلا بداية الشهر الحالى .... ولكنى أظنها مازالت موجودة ....

أخى الحبيب ايهاب
ياريت اجابه سؤال المسئوليه العقديه والتقصيريه ده؟؟
المسئولية العقدية : هى المسئولية التى تترتب على عدم تنفيذ الالتزام الناشئ عن العقد على الوجه المتفق عليه .
المسئولية التقصيرية : هى المسئولية التى تقوم على التزام قانونى مصدره نص القانون يقع على عاتق المسئول بتعويض المضرور دون علاقة عقدية بينهما .
أركان المسئولية التقصيرية : الخطأ والضرر وعلاقة السببية .

أخى الحبيب abd el rahman
وفقك الله وجعلك من المقبولين بإذن الله ....
1\ما هى مدة تقادم الدعوى الجنائية
2\ ما هى اسباب انقضاء الدعوى الجنائية
3\ما هى اسباب انقطاع مدة التقادم
لذلك كنت أحذر دائماً أن يتم الإعتماد على أسئلة القانون الإدارى فقط وأنه يجب الإطلاع على أسئلة النيابة العامة كذلك .... بالتوفيق

وكل الاسئلة دى فى المنتدى....بارك الله فى القائمين علية
الحمد لله .... وبارك الله فى الجميع ....

بالتوفيق للجميع إن شاءالله
لاتنسوا ... الدعاء والتوكل والإستغفار
اللهم أكرمنا بالتعيين .... توكلنا على الله ... أستغفر الله العظيم

بصوا يا بنات ان شاء الله الموضوع بسيط ومتقلقوش خالص
زى ما قولتلكم اهم حاجه الثقه والمظهر
ثانيا:انا جبت البدله من btm (ميس لويز)فرع المهندسين وده جنب المصل واللقاح علطول هى كانت غاليه شويه بس بجد حاجتهم مشكله ولو حبين تعرفوا السعر للافاده انا جبتها ب 750 بعد الخصم طبعا
ثالثا:بالنسبه للتاير ينفع طبعا لكن المهم يكون شيك ولونه غامق
وبالتوفيق للجميع يارب

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية