النيابة الادارية دفعة 2009

ممكن اعرف هما باخدوا عدد معين من الاعضاء كل سنة زى القبلها ولا كل سنة ليها ظروفها ؟؟؟

أختى jojo
الارض الزراعيه ينفع اجيب ورقه من الجمعيه تكون مختومه وتثبت حيازتها ولا ايه
بكل تأكيد .... لكن المطلوب حالياً فى الملف هو مجرد صور أملاك وحيازات .... أما فى مرحلة التحريات ستحتاجى تلك الورقة المختومة لتقديمها لهم فى المقابلة .... فيمكن الآن إرفاق صورة الحيازة فقط ... وعند نزول التحريات إن شاءالله ويطلبوكى للمقابلة ستأخذى معك أصل أوراق الحيازة التى أرفقتى صورتها فى الملف ....

وبالنسه كده برده لمزارع دي تتثبت ازاي (ممكن التراخيص بتاعتها بس دي هتبقى صوره مش اصل) ده ينفع
بالفعل .... يمكنك أثبات ذلك بأى طريقة ... والصورة تنفع بكل تأكيد كما ذكرت ...

ولو فى حاجه كتبتها ومش عارفه اثبتها ايه اللي هيحصل طالما هما هيتاكدوا منها فى التحريات
من المفترض أن تأتى بما يثبت كل ما تملكيه والتحرى سيكون على ما أرفقتيه من صور أملاك وحيازات ... والتى سيتم طلب أصلها فى التحريات ... وأى شيئ يمكنك إثباته بأى طريقة ... فما هى الأشياء التى لايمكنك إثباتها .... فالحساب البنكى مثلاُ إذا أتيتى به شهادة معتمدة من البنك لاتتم عليها التحرى ... أما الأراضى فلابد أن تكون هناك أوراق ثابته لها ويتم التحرى عنها وعن الأرض ... وكذلك الشقة بكل تأكيد تكون لها أوراق ملكية .... أما أى شيئ أخر يصعب أثباته كالذهب مثلاُ لعدم وجود مايثبت ولأنه يصعب التحرى عنه فيتم إغفاله والتعامل مع تلك البيانات الخاصة بالذهب كأنها لم تكن ... أى كأنك لم تكتبيها من الأصل ...
فبإختصار شديد ... أى شيئ لا تستطيعى إثبات ماتدعيه ويصعب التحرى عنه .... كالذهب .... يعتبروه كأن لم يكن .... أى شيئ لا تستطيعى إثبات ماتدعيه ويسهل التحرى عنه ... شقه بدون أوراق لأنها ورث.... يتم التحرى عن ذلك لإثبات صدق ماتم كتابته ... أى شيئ تستطيعى إثبات ماتدعيه ويصعب التحرى عنه .... كحساب البنك ... يتم الأخذ بالإثبات دون التحرى .... أى شيئ تستطيعى إثبات ماتدعيه ويسهل التحرى عنه ... كالأراضى ... يتم طلب أصل الإثبات والتحرى عنه .....

وبالنسبه لبابا هوا موظف حكومي اكتب انه كمان صاحب مشاريع ولا موظف كفايه
طبعاً من الأفضل أن تذكرى ذلك ....

أختى sona tote
اولا:ينفع انى اقدم صوره من شهاده الميلاد يعنى مش الاصل لانى انا عندى شهاده واحده بس بالكمبيوتر ولو قدمتها هدوخ جدا على ما اطلع واحده تانيه ؟
للأسف لابد من أصل المستخرج الرسمى وليس صورة منه ....

ثانيا:وبيان الدرجات للسنوات الاربعه برده لزم اسلم الاصل وله ينفع اصورها واديهم الصوره؟
لابد من الأصل وليس الصورة ....

ثالثا:انا دورت كتير على عقد املاك عشان ماما تكتب الشقه بتاعتها فى العقد ده لان الشقه اصلا ورث ولسه متكتبش عقد بيها ملقتش خالص ينفع اكتبه فى عقد ايجار بس اشطب كلمه ايجار واكتب ملك وله مش ينفع؟
من الأفضل أن تبحثى عن عقد ملك .... لأن عقد الإيجار بياناته مختلفه إختلاف تام عن عقد الإيجار ... فتجدى فى عقد الإيجار بيان بالقيمة الإيجارية ومدة الإيجار وعلى المستأجر أن يراعى الشقة وغيره من البنود التى تخص الإيجار فقط ... فحاولى جاهده أن تأتى بعقد بيع .... وإذا لم تجدى فأرجوا إخبارى لننظر لحل أخر ...

رابعا:وشهاده تايده الخدمه العامه لزم اقدمها برده كاصل وله ينفع الصوره؟
الأصل سهل إخراجه فى نفس اليوم .... لكن على العموم هناك من قدم الصورة قياساً على الذكور الذين مطلوب منهم صورة الإعفاء وليس الأصل

أخى الحبيب عمرو حمزاوى
ممكن اعرف هما باخدوا عدد معين من الاعضاء كل سنة زى القبلها ولا كل سنة ليها ظروفها ؟؟؟
كل دفعه حسب ظروفها وحسب وجود عدد الدرجات الخالية فى النيابات ....

بالتوفيق إن شاءالله

مجهود رائع رامى وعاوزين نشوفك فى باقى اقسام المنتدى

شكرا استاذ رامي على مجهوداتك ويا رب يجعله فى ميزان حسناتك ان شاء الله

معلش يا أستاذ رامى اسئلتى كتيرة انا زوج بنت عمتى مستشار وهو ابن عم بابا وابن خالته فى نفس الوقت ينفع اكتبه تانى فى الاصدقاء والمعارف
وسؤال تانى ينفع بابا هو اللى يروح يسلم الملف ولا لازم اروح بنفسى ارجو من حضرتك الرد

استاذ رامي من فضلك كان ناقصني ورقه بيان الحاله الوظيفيه مش هينفع تتطلع غير يوم السبت الموافق 6/2 ممكن اسلم الملف 7/2 ولا هيبقى كده متأخر وهل هيبقى فى اى ضرر ولا عادي اول يوم زي اخر يوم مادام خلال المده المحدده

شكرا بجد على المجهود الجامد

أخى الحبيب محمود يونس
بإذن الله ... فوجودى بينكم شرف لى بكل تأكيد ... وفقك الله

أختى jojo
العفو .... جزاكى الله كل خير ... وإن شاءالله بالتوفيق ...

استاذ رامي من فضلك كان ناقصني ورقه بيان الحاله الوظيفيه مش هينفع تتطلع غير يوم السبت الموافق 6/2 ممكن اسلم الملف 7/2 ولا هيبقى كده متأخر وهل هيبقى فى اى ضرر ولا عادي اول يوم زي اخر يوم مادام خلال المده المحدده
أي يوم عادى جداً ... أمامك فرصة للتقديم حتى يوم 9/2 .... فيمكنك تقديم الملف من أول يوم لأخر يوم .... ولاتقلقى .... ولكن الشيئ الوحيد الذى يعد عقبه هو أن أخر يومين يكون زحمه فى التقديم .... لذلك يوم 7/2 سيكون نوعاً ما زحمه .... فإبتعدى عن يوم 8 و 9/2 ....

أختى nossa
أسئلى كما تريدى ونحن فى الخدمة إن شاءالله ..
انا زوج بنت عمتى مستشار وهو ابن عم بابا وابن خالته فى نفس الوقت ينفع اكتبه تانى فى الاصدقاء والمعارف
من يتم كتابته فى الأقارب لايتم كتابته فى المعارف والأصدقاء .... لذلك حاولى أن تكتبى من ينفع لأنه سيتم نزول عليهم تحريات كأقاربك ...

وسؤال تانى ينفع بابا هو اللى يروح يسلم الملف ولا لازم اروح بنفسى
ما تم الإعتياد عليه فى الدفعات السابقة هو الذهاب بنفسك للإمضاء ... ولكن لاتوجد إمضاءات فهو فقط تسليم الملف وإستلام وصل .... فيمكن لوالدك أن يسلمه لكى .....

أختى sonatote28
أهلا بكى فى المنتدى ... وإن شاءالله نرى تواجدك الكريم ... بالتوفيق

بجد يااستاذ رامى مجهود رائع مش عارفه اقول لحضرتك ايه ربنا يجعله فى ميزان حسناتك ويجازيك كل خير شكرا جدا جدا لمجهود حضرتك الجميل

أختى jojo
العفو .... جزاكى الله كل خير ... وإن شاءالله بالتوفيق ...

استاذ رامي من فضلك كان ناقصني ورقه بيان الحاله الوظيفيه مش هينفع تتطلع غير يوم السبت الموافق 6/2 ممكن اسلم الملف 7/2 ولا هيبقى كده متأخر وهل هيبقى فى اى ضرر ولا عادي اول يوم زي اخر يوم مادام خلال المده المحدده
أي يوم عادى جداً ... أمامك فرصة للتقديم حتى يوم 9/2 .... فيمكنك تقديم الملف من أول يوم لأخر يوم .... ولاتقلقى .... ولكن الشيئ الوحيد الذى يعد عقبه هو أن أخر يومين يكون زحمه فى التقديم .... لذلك يوم 7/2 سيكون نوعاً ما زحمه .... فإبتعدى عن يوم 8 و 9/2 ....

معلش استاذ رامي اسفه على الازعاج بس مفردات المرتب ولا بيان الحاله الوظيفيه مكتوبين ضمن الشروط اللى فى الملف بس كانت مكتوبه على المنتدى ايه رأى حضرتك اقدمهم ولا ايه لانهم هيبقوا سبب تأخيري فى التقديم

أختى memo dream
شكرك لى يدل على معدنك الأصيل ... جزاكى الله كل خير ... وجميع المتواجدون فى المنتدى من مدير ومراقبين ومشرفين وأعضاء وزوار يستاهلون كل الخير وأن أفعل أكثر من ذلك .... فأنا والله ما أفعل شيئ يستاهل ذلك .... بارك الله فيكى ....

أختى jojo
معلش استاذ رامي اسفه على الازعاج بس مفردات المرتب ولا بيان الحاله الوظيفيه مكتوبين ضمن الشروط اللى فى الملف بس كانت مكتوبه على المنتدى ايه رأى حضرتك اقدمهم ولا ايه لانهم هيبقوا سبب تأخيري فى التقديم
بالفعل .... لكنى قد نوهت عن تلك النقطه من قبل .... حيث قلت :
وجائنى إستفسار عن عدم وجود شهادة بالحالة الوظيفية للوالد وبيان المرتب من ضمن المطلوب....
أخوانى الأعزاء .... هناك من ضمن المطلوب رقم ( 11 ) ... وهو بيان عام وشامل ... أى أنك تضع بالملف كل ما يثبت البيانات التى تكتبها فى الملف .... فعندما تكتب فى الملف أن والدك يعمل كذا ... فتقوم بإرفاق شهادة بيان الحالة الوظيفية لتثبت أنه بالفعل يعمل كذا ... كتبت أن مرتبه كذا ... فترفق شهادة بيان المرتب لتثبت أنه يتقاضى مرتب كذا ... وبالطبع هناك شهادات بيانات حالة وظيفية يكون مثبت بها المرتب فهى قد جمعت بين الأثنين .... وهكذا ... فنجد أن رقم 11 من المطلوب هو شامل لكل البيانات التى سيتم كتابتها فى الملف وعليك إثباتها بالأوراق ... وخاصة الملكيات والحيازة كما هو مذكور

لذلك يجب عليكى إرفاق بيان الحالة الوظيفية ومفردات المرتب لإثبات ما تم كتابته بخصوصهم ... والأمر ليس بالبعيد ... يوم السبت قريب بإذن الله لكى تستلمى الورقة ... وتقومى بتسليم الملف يوم الأحد 7/2 إن شاءالله ... بالتوفيق

بالتوفيق للجميع إن شاءالله

استاذ رامى انا كتبت البيانات لملف التقديم للنيابة الادارية ولكن قمت سهوا بكتابة بيانات الاخوات محل بيانات الاخوة مع العلم انه ليس عندى اخوة ذكور فهل اقوم بالشطب على ما كتبته واعادة كتابته فى صفحة الاخوات ام اقوم بشطب كلمة الاخوة وكتابة الاخوات وكذلك فى صفحة الاخوات اشطب عليها واكتب مكانها الاخوة؟وانا كنت صورت الورق ده ومكتبتش فيه فهل يمكن ان احل محل الورقة التى اخطأت فى كتابتها نفس الورقة المصورة منها كحل اخرومع العلم ان الورق المصور يكاد يكون مطابق للاصل؟؟وهل يمكن الشطب فى خانات المهنة مثلاوالتصليح فيما تم كتابته ام لا؟اعتذر للاطالة وارجو الرد سريعا.
وفقكم الله وجزاكم عناخيرا وبالتوفيق لكل القائمين على المنتدى وكافة اعضائه.

بصى يا رورو وزى ما رامى قال قبل كده
انتى اشطبى كلمة اخوة وخليها اخوات وصلحى اللى انتى عاوزة تصلحيه عادى بس بعد ده كله صوريها تانى بعد التصليح مش تصلحى كمان فى الصورة
اوكى

أختى roro
بالفعل حل تلك المشكلة كما ذكرت والتى يقع فيها الكثير ... هو أن تشطبى على كلمة (الأخوه) وتكتبى بجوارها (الأخوات)... وتتركى بياناتهم فى الصفحة بشكل طبيعى ..... ثم تأتى على الصفحة الأخرى وتشطبى كلمة (الأخوات) وتكتبى بجوارها (الأخوه) ... ثم تكتبى فى البيانات (لايوجد) .... فلاتقومى بتعديل الأمر فى صفحة الخطأ وتتركى الأخر ... بل قومى بتبديل البيانات بالعناوين .... ولا أنصح بفكرة الصفحة التى قمتى بتصويرها فقد يتشتتون بها ... لذلك قومى بعمل هذا الحل ثم تصوير الملف صورتين لإرفاقه بالملف .... أما عن التصليح فى البيانات ... حاولى على قدر المستطاع أن يكون شكل الصفحة مقبول ولاتقومى بالشطب بشكل يسيئ شكل الصفحة .... فإذا كان الخطأ يسير فلا توجد مشكلة .... بالتوفيق إن شاءالله

شكرا استاذ رامى وشكرا استاذ محمود على الرد بس ايه المشكلة يا استاذ رامى لو استبدلت الورقة اللى فيها لخبطة اكثر من مرة بأخرى مثلها من النسخة التى قمت بتصويرها من الملف قبل ان املأه؟؟؟؟

لو مصوراها زى الاصل بالظبط ومش بتبان انها متصورة يبقى مفيش مشكلة عادى
لكن لو باينه انها صورة
منصحش

هو ممكن استخدم الكوريكتور فى الملف لو غلط فى بيانات حد

موضوع: جزاكم الله كل خير 6th فبراير 2010, 2:04 am

ربنا يوفقكم لما فيه الخير ويرضى

شكرا يا استاذ محمود على الرد بس بصراحة الصورة واضحة وكويسة بس مش فى درجة وضوح الاصل اقل شوية وبصراحة مش عارفة اعمل ايه؟وايه المشكلة لو حطيتها يعنى هيحصل ايه؟؟؟

ومعلش عندى كمان سؤال ياترى فيه مشكلة لو كتبت اسماء المعارف والاصدقاء دون كتابة ازواجهم او زوجاتهم والبيانات المتعلقة بهم لصعوبة الحصول عليها؟؟ولو ينفع اكتب البيانات الى خانة الحالة الاجتماعية فقط والباقى اعمل فيه خط ولا ايه؟
وعن سؤالى السابق الورقة اللى عايزة ابدلها دى الورقة الخاصة ببيانات والدة المرشح وهى تكاد تكون مطابقة للاصل الا لو دققنا يعنى هنلاقيها درجة اللون الاسود اخف حاجة بسيطة وياريت ياجماعة تردوا عليا سريعا لضيق الوقت المتبقى للتقديم.
وجزاكم الله خيرا وبالتوفيق للجميع ودعواتكم لينا

السلام عليكم .... من فضلك وانا بقدم الملف لازم البس بدلة رسمية ولا غير لازم ارجو الرد سريعا وشكرا مقدما

أختى roro
بس ايه المشكلة يا استاذ رامى لو استبدلت الورقة اللى فيها لخبطة اكثر من مرة بأخرى مثلها من النسخة التى قمت بتصويرها من الملف قبل ان املأه؟؟؟؟
إذا وجدتى أن شكل الصفحة سيئ للغاية يمكنك عمل ذلك بالفعل ... ضعى الورقة المصورة مكان الأصل ودبسيها ... وبالطبع فى التصوير لن يظهر الأمر إطلاقاً وذلك لأنك ستصورى الملف بعد التعديل وبعد إضافة الورقة المصورة لذلك نطمئن على النسختين المصورة ... وتبقى الأصل والذى أنصح أن ترفقى الصورة بشكل لائق وطبيعى دون أن يعمل حالة من التشتت لمن يتطلع على الملف أول مرة ...

بس بصراحة الصورة واضحة وكويسة بس مش فى درجة وضوح الاصل اقل شوية وبصراحة مش عارفة اعمل ايه؟وايه المشكلة لو حطيتها يعنى هيحصل ايه؟؟؟
لاتوجد أدنى مشكلة ولايحدث شيئ .. طالما أنك تقومى بمعالجة الخطأ بشكل لائق ....

ومعلش عندى كمان سؤال ياترى فيه مشكلة لو كتبت اسماء المعارف والاصدقاء دون كتابة ازواجهم او زوجاتهم والبيانات المتعلقة بهم لصعوبة الحصول عليها؟؟ولو ينفع اكتب البيانات الى خانة الحالة الاجتماعية فقط والباقى اعمل فيه خط ولا ايه؟
من الأفضل أن تتركى الخانات فارغة ... لأن بوضعك الخط سيظن من يطلع على الملف أنه لاتوجد لهم زوجات ...

وعن سؤالى السابق الورقة اللى عايزة ابدلها دى الورقة الخاصة ببيانات والدة المرشح وهى تكاد تكون مطابقة للاصل الا لو دققنا يعنى هنلاقيها درجة اللون الاسود اخف حاجة بسيطة وياريت ياجماعة تردوا عليا سريعا لضيق الوقت المتبقى للتقديم.
لاتوجد مشكلة ... توكلى على الله ... ويوفقك ونجدك من معاونين النيابة الإدارية لتلك الدفعة ... بالتوفيق

أختى shosho
هو ممكن استخدم الكوريكتور فى الملف لو غلط فى بيانات حد
لو بشكل لائق وبسيط .. فليس هناك مانعاً من ذلك ...

أخى الحبيب احمد ممدوح
السلام عليكم .... من فضلك وانا بقدم الملف لازم البس بدلة رسمية ولا غير لازم ارجو الرد سريعا وشكرا مقدما
النيابة الإدارية بها مقابلة واحدة فقط والتى يجب أن تلبس بها بدلة رسمية ... أما أثناء تقديم الملف فلن يأخذ الوقت معك سوى دقيقتين حتى تسلمه للموظف ويراجعه ويقوم بترتيب الأوراق بطريقة معينة وتأخذ وصل وتنصرف ... فقط ... وكذلك فى ميعاد 24/2 والذى ستتوجه إلى نفس المبنى لمعرفة تاريخ المقابلة لايحتاج الأمر فيه إلى بدلة ... فقط تذهب للمبنى لتجد جداول معلقه وتبحث عن أسمك بالجامعة لمعرفة يوم المقابلة ورقم اللجنة .... حتى أنه يمكنك أن تعطى لزميلك أسمك والجامعة ويأتى لك بيوم مقابلتك واللجنة ... فقط أرتدى البدلة فى يوم المقابلة ... بالتوفيق

بالتوفيق للجميع إن شاءالله
لاتنسوا .. الدعاء والتوكل والإستغفار
اللهم أكرمنا بالتعيين ... توكلنا على الله ... أستغفر الله العظيم

السلام عليكم ورحمة الله وبركاته

أولاً أدعوا الله عز وجل أن يكرم جميع الأعضاء بالتعيين فى الهيئات القضائية ... فهو القادر على كل شيئ ..

ثانياً .. كما ورد فى الإعلان أنه سيتم إعلان الأسماء من يوم 24/2 ... ولكل منا ظروفه ... فهناك من سيذهب فى الميعاد الذى أخبره به الموظف ... فأدعوا له بالتوفيق

وهناك من لايريد أو لايستطيع السفر أو له سبب أخر يمنعه أو يجعله لايريد الذهاب بشخصه لمعرفة ميعاد المقابلة .... فهؤلاء أعلن لهم أستعدادى التام أن أأتى لهم بميعاد المقابلة الخاصة بهم ورقم اللجنة ... فقط ضع إسمك والجامعه وإن شاءالله ويقدرنى على ان أأتى بالميعاد يوم 24 ... وبالتوفيق للجميع إن شاءالله

جزاك الله كل خير وبجد حضرتك انسان محترم وتستحق كل التقدير والاحترام

الف شكر لك وجزاك الله كل خير

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية