النيابة الادارية دفعة 2009

medhat osman كتب:

انا بردو منزليش تحريات لغاية د­لوقتى انا جامعة بنها ومعايا واحد ساكن جنبى وجايب تقدير اقل منى جالو السبت اللى فات تحريات امن الدوله­ انا كده انقلشت بدرى ولا ايه­

لا تقلق يا اخى فيوجد الان التحضير الى الانتخابات لذلك الاتصال بيكون ببطىء شوية

بص لى صديق اتصلوا بيه امس الاحد وكان جايب 80%

وصديق تانى بيته فى الشارع الى جنبه وجايب 77% وكلموه يوم الخميس الى فات .

ابو 80% كان خايف ومرعوب جدا وكان بيشد فشعره بس دخل اتوضأ وصلى وهدا كدا واهو كلموة امبارح والحياة بقت قشطة

فأهدى كدا وصلى و ريح بالك خالص دا لسة اسبوعين يا باشا

مقابلتي كانت امبارح والحمدلله الامور كانت بخير وبجد شكرا لاستاذ رامي كمال علي اسئله النيابه مفيش حاجه خرجت منها جزاك الله كل خير يا استاذ رامي والاسئله اللي كانت في مقابلتي هي:الشروع وفي تعريف الشروع قالوا هاتوا مثال علي اوقف اثره ومثال علي خاب اثره والبنات قعدوا يتلخبطوا في الامثله وكانوا المستشارين بيقاطعوهم وسط الاجابه وانواع الجريمه والتبديد وهل يتصور الشروع في الاختلاس وده كان سؤالي وبالنسبه لاسئله اللجان التانيه القرار الاداري واختصاص مجلس الدوله واجازات المراه والاستيلاء و الاختلاس

لو سمحت كنت عاوزه اعرف التحريات بتزل بعد قد ايه من المقابله

على حد علمى من 40 الى 50 يوم فممكن فى اول تلك الفترة او فى وسطها او اخرها

ولكن تلك الفترة من تاريخ انتهاء مقابلة الجامعة باكملها

من له الحق فى رفع الدعوي و تحريك الدعوي و مباشرة الدعوي التاديبية؟
يتمثل الحق فى رفع الدعوى لمن له مصلحه وصفه فيها , ويتمثل تحريك الدعوى لجهة النيابة الإدارية , ويتمثل مباشرة الدعوى لكل من صاحب المصلحة والنيابة الإدارية .


معلش يا استاذ رامى انا عندى تحفظ على هذه الاجابة
هل يعنى ذلك ان الذى يرفع الدعوى التأديبية ويقدم صحيفتها امام المحكمة التاديببية قد يكون احدا غير النيابة الادارية
وهل يمثل الادعاء احد غير النياة الادارية
اجابتك حضرتك للاسف غير صحيحة
الحق فى رفع الدعوى التأديبية يثبت للنيابة الادارية والجهة الادارية التى يتبعها المخالف والجهاز المركزى للمحاسبات وتباشرها منفردة النيابة الادارية

انا عاوز اعرف هوة تقبيض امين الشرطة لزمتة اية عاوز اعرف ممكن يسهلى اية دة اصلا ممرمطنى مشاوير وورق

ارجو الاجابة:
ماهو التبديد ؟
مثال للشروع؟
الهيئات القضائية 3/ 6

التبديد هو صورة من صور الركن المادى لجريمة خيانة الامانة وقد يأخذ صورة الركن المادى لجريمة الاختلاس.
ويقصد بالتبديد تغيير حيازة الشئ من حيازة ناقصة الى حيازة كاملة
والحيازة ثلاثة انواع
حيازة كاملة وهى تثبت لمالك الشئ
حيازة ناقصة وهى تثبت لمستلم الشئ دون ان يكون مالك له ولكن بحكم طبيعة معينة مثل طبيعة العمل مثلا
حيازة عارضة وهى تثبت لمستلم الشئ دون اى طبيعة ولكنها حيازة عرضية سريعة مثل الشخص الذى يقوم بمعاينة سيارة قبل الشراء او ملابس قبل الشراء فهى حيازة عارضة

اذا قام الشخص بتغيير الحيازة العارضة الى حيازة كاملة فهى جريمة سرقة
اذا قام الشخص بتغير الحيازة من ناقصة الى كاملة فهى صورة خيانة الامانة.

فذا قام الشخص بتغيير الحيازة الناقصة الى حيازة كاملة فان ذلك لا يكفى لقيام صورة التبديد وان كان يكفى لجريمة الاختلاص او خيانة الامانة ولكن لكى يثبت وصف التبدي يجب بعد تغيير الحيازة ان يقوم كذلك بأخراج الحيازة من تحت يده الى شخص اخر اخراج يخرج الشئ من يده


الشروع اولا هو وقف تنفيذ الجريمة لسبب لا دخل لارادة المتهم فيها ويأخذ صورتان
الجريمة الخائبة والجريمة الموقوفة

الجريمة الخائبة هو قيام المتهم باستنفاذ كامل النشاط الاجرامى دون حدوث النتيجة
فمن قام بالترصد لشخص وصوب السلاح النارى تجاهه وقان بالضغط على الزر وانطلقت الرصاصة ولكنها لم تصيب المجنى عليه او اصابته ولمنه لم يمت فتلك هى الجريمة الخائبة

الجرمة الموقوفة هى تلك الصورة التى لم يكن المتهم قد استنفذ كل النشاط الاجرامى ولكنه تعدى مرحلة البدء فى التنفيذ فمن يقوم بالترصد لشخص ويصوب النار تجاهه وقد هم بالاطلاق لولا تدخل اخر فقام بخطف السلاح النارى منه ففى تلك الحالة قد اوقف اثره نتيجة لتدخل شخص اخر فهى تلك الجريمة الموقوفة
وكلا الصوريتن سواء الجريمة الخائبة او الجريمة الموقوفة صورتين للشروع

فعلا يا باشا ليها الحق فى طلب طلب طلب طلب طلب رفع الدعوى فقط دون ان تباشر اى اجراء

وكما تريد يا باشا نغلق النقاش مؤقتا ومن الممكن النقاش فى غرفة الشات فى القسم العام

يا جماعة انا عاوز اعرف عدد الهيئات القضائة فى مصر كام 3ولا 6
سعدونى

استاذ رامى ارجو من حضرتك وضع الرابط لاسئلة النيابه الاداريه لعام 2009والتى تم طرحهافى المقابلات التى مضت .جزاك الله عنا خير الجزاء وجعلك من الامنين يوم القيامه .

انا اتصلوا بيا امبارح بالليل الساعة 12 و كلمنى وقال تعال النهاردة الساعة 10 صباحا

وروحت النهاردة و قعدت مع امين شرطة فى امن الدولة ومليتة الاسماء الى كتبتها فى الملف والوظاايف والعمر وكلة.

وقال تقريبا بعد اسبوع هنتصل بيك علشان تقابل رئيس المباحث فى امن الدولة .

ونفس الكلام للى جة معايا النهاردة

شباب حصل موقف غريب جدا مع بعض الاصدقاء الذين عملوا مقابلة امن الدولة

ففى المقابلة الثانية لهم هناك اصر الظابط على اخد التليفون المحمول وانه يقلب فى الصور والرسائل .

ومع صديق اخر , راح الظابط مقلب فى الموبيل كلة صور واغانى ورسائل .

ومع صديق اخر علم بما مر بة الاخرون فعمل موبيله لغة فرنسى واعتمد على حفظة اماكن تغيير اللغة لكى يغيرها بعد ما الظابط يقولة مش فاهم حاجة فى الموبيل , ولكن الظابط اصر انة يغير اللغة الى عربى و مسك التليفون وقعد يقلب فية كتييييييييييييييييير .

هل هذا قانونى ؟؟؟؟؟ اعتقد ان الموبيل من الاشياء الخاصة ولا يجوز ذلك قانونا .


ملحوظة: كدا كدا اول ما دخلوا المبنى تم تسليم الموبيلات وقفلها ووضعها فى درج مكتب الاستقبال ولكن عند مقابلة الظابط بييجى موبيلك كدا وتفتحة وتورية للظابط. وطبعا كل واحد بيكتب اسمة فى ورقة ويحطها على الموبيل

ملحوظة: المقابلة الاولى كانت مع امين شرطة وكلة كان عادى جدا

ههههههههههههههه
ده ردا على من قال ان المقابلة روتينية
المقالة عمرها ما تبقى روتينيه ولكن كل ضابط وله اسلوبه
بص يا باشا
مدى قانونية اللى بيحصل
انت من حقك تعترض ولكن ابقى قابلنى لو اتكتب فيك تقرير حلو
علشان كده ده يعتبر برضاك انت وبناء عليه فهو قانونى مليون المائة
واشرب يا معلم

االسلام عليكم ورحمة الله

انا جامعة المنمصوره ولسه منزلتليش تحريات وانا قلقلن جدا وهل معنى ذلك انى اتقلبت انا
بجد قلقا ن بالله عليكم تدعولى باخلاص
استغفر الله العظيم
استغفر الله العظيم
استغفر الله العظيم
واحب ان اهنى السيد المدير العام على عقد قرانه (بارك الله لكما وبارك عليكما وجمع بينكم فى خير )ارجو من اعضاء المنتدى ان يكررها

المدير العام كتب:

ههههههههههههههه
ده ردا على من قال ان المقابلة روتينية
المقالة عمرها ما تبقى روتينيه ولكن كل ضابط وله اسلوبه
بص يا باشا
مدى قانونية اللى بيحصل
انت من حقك تعترض ولكن ابقى قابلنى لو اتكتب فيك تقرير حلو
علشان كده ده يعتبر برضاك انت وبناء عليه فهو قانونى مليون المائة
واشرب يا معلم

هههههههههههه , خلاص انا هسيبة يلعب فى المبويل بتاعى زى ماهو عاوز علشان خاطر عيون التقرير .

انا هقابل الراجل دا بعد اسبوع اصلا , وبفكر اعمل حركة اصلى : هشيل الميمورى من الموبيل واسيب على العدة شوية صور عادية لممثلين وكذا اغنية كدا سلو مثلا او اغانى هادية كدا. بس المشكلة فى الرسائل هههههههه.

او اروح اجيب مومرى دلوقتى واخزن علية شوية حاجات من دى بس برضوا هيبص فى الارقام , دا ظابط رخم اوى , مش عارف اتصرف ازاى ههههههههه.

ولو سبت الموبيل برا مبنى امن الدولة , يمكن احتاج الموبيل اصلا وانا جوة وساعتها هتبقى بايخة اطلع برا وادخل تانى .

ولو خليت حد يوصى عليا ممكن ياخد الموبيل على اساس صحوبية و غلاسة الاصحاب وكدا .هههههههههه

بصراحة مش عارف اعمل اية ؟؟؟ خصوصا ان انا معايا موبيلين


لو حد يعرف يقول يا شباب , ازاى اخلى الظابط مش ياخد الموبيل ولية عندى مكافأة حلوة , رصيد لاى شبكة

احمد ممدوح كتب:

الدنيا اتعقدت فى يوم وليلة القيد العائلى بتاع الجدين بعد ما جمعت كل صور بطايق عيلتى وهما بسم الله ماشاء الله كتير جدا وفى 4 محافظات مختلفة ومنهم متوفييين واولادهم مش مترابطين معانا وبعد كل العناء الا قى اسم جدى والد امى واحنا بنطلعلة شهادة ميلاد فى فى اسمة ابوة غلطة ولازم يغيرو اسمة لان اسمة مش موجود فى اسماء ولادة ومفيش قيد هيطلع قبل كدةوالحكاية دى هتاخد وقت وورق كتير وتحديد جلسة وليلة وكمان جدى التانى ابو والدى بيقولو القيد بتاعة مقفول من المنصورة منصورة ايةةةةةة انا من بورسعيد وملناش حد هناك وبالرغم من كدة سافر والدى هناك قالولو مفيش حاجة زى دى عندنا بعد مادورو والى هنا بيقولو مبناش دعوة وهناك ملناش دعوة وامين الشرطة بيقولى لازم تجيبلى الورق يوم السبن انا اديتك اسبوعين والداخلية يتزن علية انا اسف جد انى طولت بس بجد انا فى قمة الخنقة وعاوز اعرف الحل ولو مقدمتش الورق دة هبيحصل اية واخر فترة ممكن اقدم فيها فعلا؟

بص يا احمد اعمل اللى عليك عشان ربنا يقدرلك تعبك ومفيش حاجة بالساهل ويمكن دة امتحان من ربنا عشان يختبر ايمانك بربنا عز وجل لكن متلبسش النضارة السوده وتقول خلاص هيا كدة قفلت لا حاول وحاول وحاول وربنا معاك مش هيسيبك ولو ربنا كتبهالك والله لو فى اية فى تحرياتك وورقك هتدخل خلى ايمانك برنا كبير وان شاء الله المولى هتتيسر الامور وبدعيلك والله ولكل الناس ربنا يوفقنا جميعا

الثعلب العربى كتب:

المدير العام كتب:

ههههههههههههههه
ده ردا على من قال ان المقابلة روتينية
المقالة عمرها ما تبقى روتينيه ولكن كل ضابط وله اسلوبه
بص يا باشا
مدى قانونية اللى بيحصل
انت من حقك تعترض ولكن ابقى قابلنى لو اتكتب فيك تقرير حلو
علشان كده ده يعتبر برضاك انت وبناء عليه فهو قانونى مليون المائة
واشرب يا معلم

هههههههههههه , خلاص انا هسيبة يلعب فى المبويل بتاعى زى ماهو عاوز علشان خاطر عيون التقرير .

انا هقابل الراجل دا بعد اسبوع اصلا , وبفكر اعمل حركة اصلى : هشيل الميمورى من الموبيل واسيب على العدة شوية صور عادية لممثلين وكذا اغنية كدا سلو مثلا او اغانى هادية كدا. بس المشكلة فى الرسائل هههههههه.

او اروح اجيب مومرى دلوقتى واخزن علية شوية حاجات من دى بس برضوا هيبص فى الارقام , دا ظابط رخم اوى , مش عارف اتصرف ازاى ههههههههه.

ولو سبت الموبيل برا مبنى امن الدولة , يمكن احتاج الموبيل اصلا وانا جوة وساعتها هتبقى بايخة اطلع برا وادخل تانى .

ولو خليت حد يوصى عليا ممكن ياخد الموبيل على اساس صحوبية و غلاسة الاصحاب وكدا .هههههههههه

بصراحة مش عارف اعمل اية ؟؟؟ خصوصا ان انا معايا موبيلين


لو حد يعرف يقول يا شباب , ازاى اخلى الظابط مش ياخد الموبيل ولية عندى مكافأة حلوة , رصيد لاى شبكة

طيب حاقولك الحل بس تحول الرصيد دلوقتى ها
بص ياسيدى انت تجيب الموبايل تديهونى قبل ماتدخل وانا اتفرج علية واوعدك انى مش هاقول للظابط حاجة هههههههههههههههه

اسئله يوم 12/5 فى* لجنتى* الاسئله هى (اختصاصات النيابه الاداريه)(المسئوليه العقديه والتقصيريه)(ايهما اسهل فى الاثبات)(تعريف الشروع ) فى *اللجان الاخرى *&اختصاصات المحاكم التاديبيه&&مجلس الدوله تشكيله واقسامه واختصاصاته&&الرشوه&&انواع التزوير&&انواع التقادم&& &&&وشكرا وبالله التوفيق