النيابة الادارية دفعة 2009

ممكن اعرف هى دفعة 2008 تعينو فى النيابة الادارية ولا لسة
وتحريات اسيوط هتنزل امتى فى النيابة الادارية والنيابة العامة

أنا من جامعة عين شمس ونزلى تحريات أمن دولة للنيابة الإدارية والكلام ده كان من يوم 11/4
ولحد دلوقتى تحريات القسم لم تنزل كده يبقى فى حاجة
مع العلم أنى لما روحت سألنى أسئلة عادية وبعدين قالى أنت أبن عمك أتقبض عليه قولتله معنديش علم بحاجة زى كده قالى هو ملتحى قلتله أيوه قالى علاقتك بى أيه قلتله محدوده قالى أتفضل
وبعدين لما روحت بابا كلم أبن عمى تانى يوم قاله أن هما عايزينه فى أمن الدولة ولما راح الضابط سأل أبن عمى عليا قاله تعرف عنه أيه قاله أعرف أن هو فى كلية تجارة
المهم قاله روح وتعالى بعد شهر
وأبن عمى كان مشتبه فيه لمدة 21 يوم فى أمن الدولة
لكن ليس له ملف ولا وجه له أتهام ولا فيه قضية حتى هو مبيصليش وهو قال كده للضابط حتى الضابط قاله لأ صلى
مش عارف بقى الموضوع ده لى تأثير على تعيينى وله علاقة بتأخر نزول تحريات القسم ولا لأ
أسف على الأطالة
وشكراً على سعة صدركم

أضافة إلى ماتم سرده فى المشاركة السابقة
مع العلم أن والدى يعمل بوزارة الخارجية وأبن عمى لما أشتبه فيه من سنة1998م والدى كان مسافر تبع الخارجية
فالمهم أستدعوه بس وبعدين رجع كمل مدة البعثة الخاصة بى
وبعد كده سافر فى بعثة اخرى
شكراً

إضافة إلى ماتم سرده فى المشاركة السابقة
والدى يعمل فى الخارجية وعندما أشتبه فى أبن عمى عام 1998م والدى كان فى بعثة تبع الخارجية فالمهم أستدعوه فى الخارجية بالقاهرة ليذهب لأمن الدولة وبالفعل ذهب
وبعد ذلك أكمل مدة البعثة الخاصة به ببساطة كان الأستدعاء عبارة عن أجازة
وبعد ذلك بفترة سافر بعثة أخرى

الى الاستاذ الثعلب العربى
المرة المية مليون بقولك يا باشا نقابلة امن الدولة مش روتينية خااااااالص والاسئلة اللى اتسألتها عادية جدا
واسماء البنات على موبايلك للاسف تعزز موقفك فى التحريات
والصلاة فى المسجد جميع الصلوات مش الجمعة بس مفهاش حاجة
والغرض من سهذا السؤال يشوف اجابتك عليه ويعرف انت بتسطنع الاجابة لتبعد نفسك عن الشبهة ولا اجاباتك صريحة
وكثرة سؤاله عن الاخوان لان اغلب الشباب يميلون الى الاخوزان ثم انها الجماعة المرفوضة سياسيا الان فاكيد مش هيقولك تعرف ايه عن حزب الوفد مثلا

وكل الاسئلة دى عادى جدا ومبرووووووووووووك يا باشا

بالنسبة للاستاذ احمد حسن
تحريات القسم لازم تنزل لحضرتك انتظرها شوية وان شاء الله تنزل على طول
بالنسبة للى حصل ده بقى بيعتمد على نشاط ابن عمنك ده
هل ليه نشاط ولا ده كان مجرد اشتباه سنة 1998
فلو ليه ثمة نشاط يبقى تعوض ربنا عن التعيين اما لو كان مجرد تشابه او اشتباه 1998 فان شاء الله دى تعتمد على الظابط وتقديره للموقف بعد ما استدعى ابن عمك
فلا تقلق ان شاء الله كله خير

ودفعة 2008 لسى متعينتش وان شاء الله هتععين على شهر يناير القادم وانتم شهر يناير اللى بعده

ياجماعة لو حد نزله تحريات القسم ياريت يبلغ الجميع

المدير العام كتب:: الى الاستاذ الثعلب العربى
المرة المية مليون بقولك يا باشا نقابلة امن الدولة مش روتينية خااااااالص والاسئلة اللى اتسألتها عادية جدا

طيب الحمد لله .تسلم يا غالى على المعلومة .

المدير العام كتب:: واسماء البنات على موبايلك للاسف تعزز موقفك فى التحريات

احم انت بتقول للأسف؟؟؟لييييييييية كدااااااااااا؟؟؟؟؟؟؟ Very Happy

؟

المدير العام كتب:: والصلاة فى المسجد جميع الصلوات مش الجمعة بس مفهاش حاجة

طيب الحمد لله .

المدير العام كتب:: والغرض من سهذا السؤال يشوف اجابتك عليه ويعرف انت بتسطنع الاجابة لتبعد نفسك عن الشبهة ولا اجاباتك صريحة

قشطة

المدير العام كتب:: وكثرة سؤاله عن الاخوان لان اغلب الشباب يميلون الى الاخوزان ثم انها الجماعة المرفوضة سياسيا الان فاكيد مش هيقولك تعرف ايه عن حزب الوفد مثلا

عندك حق وفعلا فى ظابط قال كدا .

المدير العام كتب:: وكل الاسئلة دى عادى جدا ومبرووووووووووووك يا باشا

ربنا يبارك فيك ادعلنا بس ويارب ربنا يكرم الجميع

السلام عليكم ورحمه الله وبركاته
أتوجه بالشكر لكل عضو من أعضاء هذا المنتدى
وكنت عاوز أسأل عن ما هى الفتره بين تحريات أمن الدوله وتحريات الشرطة وموضوع التشابه فى الاسماء ده بيكون فى تحريات أمن الدولة ولا فى تحريات الشرطة .وهل ممكن الشخص الى بينزله تحريات أمن دوله مينزلهوش تحريات الشرطة

أخى الحبيب الثعلب العربى
انا عاوز اعرف وجود اسماء بنات على الموبيل دا مشكلة مثلا؟؟
لاتوجد مشاكل ...

صلاة الجمعة فى الجامع غلط ولا اية؟
؟؟؟؟؟؟؟؟؟؟؟؟؟؟؟؟ .... لاحول ولاقوة إلا بالله ....

االامين الى جة دا مش من القسم بس جة لية امال فين شغل الكمبيوتر بقى؟؟؟
يتم التحرى أيضا عن طريق الأمين للمستوى الإجتماعى وحسن السمعه ...

انا كدا نضيف ولا علية مشكلة فى التحريات ؟؟
إذا لم يتم إستدعائك مره أخرى فإطمئن ...

انا مش انطلب منى فمعنى كدا انى فلة ولا هخبط نفسى قلة؟
يتم ذلك فى حالات التشابه فقط ... لاتقلق ..

أخى الحبيب بيمن سامح
ممكن اعرف هى دفعة 2008 تعينو فى النيابة الادارية ولا لسة
الدفعة لم تنتهى حتى الآن ....

وتحريات اسيوط هتنزل امتى فى النيابة الادارية والنيابة العامة
فى الإدارية .. بعد أخر مقابلة لتلك الجامعة بمدة من 45:30 يوم .... فى العامه فى النصف الأخير من يونيو أو فى شهر يوليو بمشيئة الله ....

أخى الحبيب أحمد حسن
حتى هو مبيصليش وهو قال كده للضابط حتى الضابط قاله لأ صلى
؟؟؟؟؟؟؟؟؟ ... لاحول ولاقوة إلا بالله ...

مش عارف بقى الموضوع ده لى تأثير على تعيينى وله علاقة بتأخر نزول تحريات القسم ولا لأ
إذا كان مجرد إشتباه فلاتأثير عليك فى شيئ ....

أخى الحبيب dashmala
وكنت عاوز أسأل عن ما هى الفتره بين تحريات أمن الدوله وتحريات الشرطة
لايوجد فارق زمنى محدد ... الطبيعى أن يكون بعد أسبوعين ... إلا أنه من الممكن أن تكون أكثر من ذلك بكثير ....

وموضوع التشابه فى الاسماء ده بيكون فى تحريات أمن الدولة ولا فى تحريات الشرطة
يوجد فى أمن الدوله تشابه ولكن يكون فى نطاق محدود ... لانه يختص فقط بالمشاكل السياسية .... أما فى القسم وبسبب كثرة القضايا فهناك تشابهات كثيره بأخرين عليهم قضايا ...

وهل ممكن الشخص الى بينزله تحريات أمن دوله مينزلهوش تحريات الشرطة
التحريات كلها جمله واحدة ... لابد إذا بدأت أن تنتهى جميعها ... فجهات التحريات لاتملك سلطة الرفض أو القبول ... فهى فقط جهة تحرى ... فبالتالى يأتى لها الملف لتتحرى عنه ثم تكتب النتجيه دون أن يكون لها تدخل فى قبوله أو رفضه ... فقط إعطاء الرأى والذى قد يأخذ به المجلس الأعلى أو لايأخذ ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

عندى سؤل بخصوص المدة مابين المقابلة فى النيابة الادارية والتحريات كم يوم ؟ وكنت عاوز اعرف البنات اللى نزلها تحريات هل بيستدعهم بردو فى امن الدولة ؟ ام يكتفوا بالتحرى عنهم ؟وكم تبلغ نسبة الاناث فى القبول فى النيابة الادارية ؟

سيادة النائب كتب:: عندى سؤل بخصوص المدة مابين المقابلة فى النيابة الادارية والتحريات كم يوم ؟ وكنت عاوز اعرف البنات اللى نزلها تحريات هل بيستدعهم بردو فى امن الدولة ؟ ام يكتفوا بالتحرى عنهم ؟وكم تبلغ نسبة الاناث فى القبول فى النيابة الادارية ؟

كما ذكر اخونا رامى بعد انتهاء مقابلة جامعتك انتظر من 30 الى 45 يوم.

طبعا يتم استدعاء الاناث الى امن الدولة والتحرى مثل باقى الشباب.

الفترة الماضية كان القبول بنسبة 50% ولكن اخونا المدير العام ذكر من قبل ان سيكون نصيبهم فى كل من دفعة 2008 و 2009 لن يتخطى حوالى 20 %

مين اللي قال ان نسبة البنات هتكون 20% بس استحالة

يا ميدوا الكلام ده هيبقى بجد لو المستشار تيمور مصطفى هو الللى مسك رئاسة الهيئة وهو كلام متداول فى الوسط وليست معلومة اكيدة

يا سيادة المدير العام دا لو عينو بنات المستشارين بس 20% مش هتكفيهم

أخى الحبيب سيادة النائب
عندى سؤل بخصوص المدة مابين المقابلة فى النيابة الادارية والتحريات كم يوم ؟
ما بين 30 : 45 يوم ...

وكنت عاوز اعرف البنات اللى نزلها تحريات هل بيستدعهم بردو فى امن الدولة ؟ ام يكتفوا بالتحرى عنهم ؟
يتم الإستدعاء كذلك ... ويتم طلب والدهم معهم ....

وكم تبلغ نسبة الاناث فى القبول فى النيابة الادارية ؟
ليست لها نسبة معينة ... فحسب الدفعات السابقة نجد ان النسبة تصل لـ40 - 50 - 60% ... وهذا بواقع الدفعات السابقة ...

أخى الحبيب mido6666_2010
مين اللي قال ان نسبة البنات هتكون 20% بس استحالة
كان هذا تصريح سابق للسيد المستشار تيمور مصطفى النائب الأول لرئيس الهيئة الإدارية ... والمنتظر تعيينه رئيساً للهيئة بعد خروج الرئيس الحالى على المعاش ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

يا اساتذه فيها تيمور يبقى بشرة خير للأناث ههههههه

بكل الحب لكل جميعا المهم الان الدعاء للجميع بالخير ثم الانتظار

ولا تقلقوا فامر الله نااااااافــــــذ

وما ذلك على الله بعزيز فتوكلوا على الله

يااستاذ رامى ويا حضرة المدير العام عايزة اعرف ايه سبب نزول التحريات من عدمه فى حين ان فيه ناس مجموعهم اقل منى ونزلتلهم التحريات .انا بدأت افقد الامل وبجد مش فاهمة الحكاية ماشية ازاى .على كل حال اللى ربنا عايزه هيكون.ربنا ييسرلناجميعاالخير حيثما كان.

انتى تقديرك ايه بالظبط يا رورو وساكنه تبع انهى مديرية امن؟

أختى roro
عايزة اعرف ايه سبب نزول التحريات من عدمه فى حين ان فيه ناس مجموعهم اقل منى ونزلتلهم التحريات
مازال الوقت مبكراً على قول إنتهاء التحريات ... لاتفقدى الأمل وتفائلى الخير ... توكلى على الله ...

بالتوفيق للجميع إن شاءالله
لاتنسوا دائما .. الدعاء والتوكل والإسغفار
اللهم أكرمنا بالتعيين ... توكلنا على الله ... أستغفر الله العظيم

السلام عليكم ,استاذنا الكبير / رامى . انا المقابله بتاعتى كانت يوم 12/5 وبالتالى اذا كانت هناك تحريات لى ستكون (ان شاء الله )_ حسب كلام حضرتك_ تكون من 10الى 30/6 وعلى ذلك هناك مشكله معى لان ان شاء الله سأسافر الى اسيوط وسأقيم هناك لمده شهر ونصف اى من اول شهر 6الى نصف شهر7 لنهايه امتحاناتى اولا :هل الاتصال سيكون على المحمول ام الارضى . ثانيا : هل سيكون الذهاب فى امن الدوله فى نفس اليوم ام فى اليوم التالى. ثالثا :هل لابد من حفظ بيانات اخواتى واعمامى واولادهم ...وغيرهم ممن هم موجودون فى الملف ام يكفى مجرد الاسم والوظيفه فقط. وشكرا وبالله التوفيق

السلام عليكوا لو سمحتوا يا جماعة هى تحريات جامعة اسكندرية نزلت ولا لسه وياريت يا استاذ رامى اول لما تنزل تكتب انها نزلت وليك جزيل الشكر

موضوع: منتدى راجعون الى الله 23rd مايو 2010, 10:22 pm

حبيت اطمن ايلى جايبين اقل من سبعين فى المية انا كنت جامعة بنها ومقابلتى كانت يوم 29 مارس واتصلوا بيا يوم 29 ابريل قالوليلى ليكى تحريات نيابة ادارية زتعالى بكرة الساعة 11 فى القسم التابع ليا فمتقلقوش خالص وربنا معاكوا ان شاء الله

وبعدها ب 15 يوم اتصلوا بيا وقالولى تيجى بكرة فى امن الدولة وروحت وقابلت عقيد هناك وكان فى منتهى الاحترام معايا وربنا يكرم ايلى منزلوش تحريات وتنزلة ان شاء الله وخلى عندكم ثقة فى الله لان ايلى مكتبلة حاجة هيشوفها غصب عن اى حد

أنامجموعى68%،وتبع مديرية أمن الشرقيةياخضرة المدير العام.
وبالنسبة لكلامك يا أستاذ رامى عن إن التحريات مازالت مستمرة إنت كمان قلت إنهابتنزل فى حدودمن 30 : 45 يوم والفترة دى عدت بالنسبالى.وبس عايزه أعرف إيه السبب فى نزول التحريات لأشخاص مجموعهم أقل؟؟....

nonalawyer تحريات جامعة الاسكندرية نزلت من اسبوع ونصف

» النيابة الادارية دفعة 2009
» النيابة الادارية دفعة 2010
» النيابة العامة دفعة 2009
» النيابة الادارية
» موقع جديد لهيئة النيابة الادارية