النيابة الادارية دفعة 2009

minoo_106 كتب:

انا فى مشكلة كبيرة جدا ، ان نزل لى تحريات وروحت القسم وطلع لعمى قضية
من سنة 1980 روحت اجيب افادة قالو لى مفيش دفتر سنة 1980
وكتبوا تعذر الوصول لانة رقم احوال سنة 1980 هل خلاص مفيش امل
واعمل اية لو كان عمى فعلا عند قضية سنة 1980 بس مفيش اي ورق يثبت
انة مخالفة مرور وعلى فكرة مكتوب فى الملف التحريات اتهام

اطمئن يا اخى ولا تقلق فقضية عمك دى كانت من 30 سنة وتقريبا مفروض تسقط لوحدها. وطالما اتهام يبقى عادى , المتهم برىء حتى تثبت ادانته. وكمان المخالفات عادية جدا ومش بتأثر

وانتظر رد المدير العام او اخونا رامى ولكن اطمئن يا اخى فأنت لست فى اى مشكله

السلام عليكم - ممكن استفسار بسيط. هل نزول التحريات يتم بعد ما تتم مقابلات الجامعه كلهم . ام ممكن ان تكون مجموعه مجموعه؟ مثلا ان جامعه اسيوط تمت مقابلتى يوم 12/5 وعلى ما اعتقد ان اخر يوم لجامعه اسيوط 18 او 19/5 .. ما هو الميعاد المتوقع لنزول التحريات؟ وشكرا وبالله التوفيق

السلام عليكم انا لى واحد صحبى جاله واحد من امن الدوله واعد مهاه فى البيت وكتب كل البينات وبعدين فى ورقه وبعدين ساب الاورقه وقال له انه يكتبها على الكمبيوتر ويصورها 3نسخ ويجبهاله بكره فهو سالنى هى التحريلت بتكون كده قولتيله انا اول مره اسمع الكلام ده فحد يفدنى لو سمحتم

يا جماعة ارجو الافادة
لو حد يعرف .. ايه اخبار التحريات الخاصه بجامعه حلوان

وشكرا لكم مسبقاً,, وسلام خاص لجميع اصدقائنا في المنتدي الرائع ده وسلام خاص جدااااااااا للاستاذ رامي كمال

ميرسي يا جماعه شكرا على كل اللي فادوني,بس أنا ببايا مش محامي الحكايه وما فيها ان مدينتنا صغيره جدا,والشخص اللي جالي مأمور او أمين أيا كان قالنا نروح للرائد /علاء محلب وفعلا رحنا وجينا وعادي.
تاني حاجه لأ الحمد لله ولا غد ولا أخوان برده مع احترامي بس وفد
وشكـــــــرا

انا فعلا تمكنت من الحصول على ورقة بس مش هى انه دشتت بل تعذر تنفيذ الطلب الموجود بالجواب عايز اعرف اعمل ايه علما بان الورقة التى شاهدها عند امين الشرطة مكتوب فيه اتهام ورقم قضية احوال وجرائم اخرى سنه 1980 وهل له تاثير فى التقرير
انا اسف على الازعاج واسئلة الكتيرة

اسلام شاكر كتب:

السلام عليكم انا لى واحد صحبى جاله واحد من امن الدوله واعد مهاه فى البيت وكتب كل البينات وبعدين فى ورقه وبعدين ساب الاورقه وقال له انه يكتبها على الكمبيوتر ويصورها 3نسخ ويجبهاله بكره فهو سالنى هى التحريلت بتكون كده قولتيله انا اول مره اسمع الكلام ده فحد يفدنى لو سمحتم

دى نفس الطريقة اللى اطلب منى التحريات بيها
فعلا معلومة صحيحة

ahmed saleh كتب:

يا جماعة ارجو الافادة
لو حد يعرف .. ايه اخبار التحريات الخاصه بجامعه حلوان

وشكرا لكم مسبقاً,, وسلام خاص لجميع اصدقائنا في المنتدي الرائع ده وسلام خاص جدااااااااا للاستاذ رامي كمال

بدء تزول التحريات لجامعة حلوان
خفيف جدااااااااا

الى الاستاذة خلود
لا تقلقى خاااااالص الوفد اى نعم اكبر حزب بعد الوطنى ولكن اعضاؤه لا يكتسبون صفة الغير مرغوب فيهم فلا تقلقى مطلقا


الى الاستاذ منو
معنى كلمة اتهام اى انه لم يصدر فيها حكم وللاطكئنان نفس المشكلة قد حدثت معى واحضرت شهادة ان القضية دشتت والحمد لله عدت بسلام
وللعم التشابه كان فى قضية خطيرة
كان فى قضية سرقة
اذا فشهادت دشتت معتمدة لدى المباحث

اما المقصود باتهام زى ما قولت لحضرتك ان الكشف بيبقى نوعين كشف اتهامات وكشف احكام ودى حاجات رجال الشرطة بيعرفوا ولا يتم ابلاغ الهيئة عن الاتنين وكل ما يبلغ به الهيئة التقرير النهائى فقط وهو مقبول او لا ينصح بتعيينه

المهم يا سيدى الاتهام ده يعنى واحد اكتشفوا ان سبق اتهامه بجريمة كذا ولكنه لم يقضى فترة عقوبه سواء لان القضية مازالت مفتوحة ولم يصدر فيها حكم وده طبعا مستحيل فى قضية زى بتاعت حضرتك او ان الشخص خد براءة او تصالح او خلافه
ففى تلك الحالة الامين بيطلب منك الاقضية اتقفلت على ايه علشانيبان قصاد رئيس المباحث انه اشتغل يعنى وعمل التحريات يعنى انت لو معرفتش تجيب هى اتقفلت على ايه وجبت شهادة دشتت هيبقى التقرير على النحو التالى .
(( حيث تبين لنا ونحن بصدد التحريى عن القضية رقم كذا من جدول عموم النيابة انها قد دشتت لمرور اكثر من 15 عام عليها وباجراء التحريات عن الشخص المطلوب تبين انه القضية له \ ليست تخصه وانها مجرد تشابه ---- وفى كلا الفرضين سيكتب الاتى ---- وان تلك القضية لم يصدر فيها حمكم نهائى ول يقضى فيها فترة عقوبة وانها قد انتهت على --- الامين بقى اللى هيكتب اى سبب من اسباب انقضاء الدعوى ----))

بس يا سيدى فمتقلقش نفسك خالص بس انت ظبط الامين علشان يقول القضية لا تخصه
وحتى لو قال تخصه فمش هتأثر على التقرير ان شاء الله

متقلقيش ياخلود انا حصل معايا زى ماحصل معاكى امين الشرطة طلب بابا الاول وقبله وبعد كدة طلبونى فى المديرية الامن ورحت المقابلة كانت مع ظابط فى امن الدولة متقلقيش

انتى معايا فى نفس البلد ياخلود انا روحت قبلت نفس الظابط اللى انتى قبلتيه

ربنا يوفقنا واياكم ويكرمنا بالتعيييييييييييييين يا رب ان شاء الله

مجهود رائع من المدير

شكراااااااااا جدا على الرد

ما هو المعيار الضمنى الى نزلة تحريات السنادى

هل هو 75 ولا 70 ولا 65 ولا كام فى المية ؟؟؟؟؟؟؟؟؟؟

الف شكرللمدير العام ولرامى باشا على الافاده بس اقول لصحبى ده ميقلقش

دلوقتى التحريات طلعت ابن عمى عندة جنحة سرقة كهربا وعلية حكم غيابى شهر حبس وابن عمى ميعرفش اى حاجة عنة واصلا محاسب ووالدة عميد كلية الزراعة الامين قالى ظبطنى وهشيلهالك وكدة هوة دة كلام ولا فعلا ممكن يشيلها ارجو الرد

طبعا يقدر يشلها
وطالما انت مضطر للاسف الى ذلك
يبقى اتعامل معاه وبعدين ادعى ربنا ياخده

memo dream كتب:

طبعا يقدر يشلها
وطالما انت مضطر للاسف الى ذلك
يبقى اتعامل معاه وبعدين ادعى ربنا ياخده

هههههههههههههه

انا لسة جاى حالا من مقابلة امن الدولة

سالنى انت بتصلى ولا لا ؟ وهل بتصلى فى جامع ولا لا؟ واية علاقتك باالاخوان ورايك فيهم.

مسك الورق الى فية بيانات وقعد يقلب فى اسماء العيلة كدا وسالنى على ابن خالى (مستشار). وقالى ماسك فين.

بعد كدا قالى انت محامى ولا لا؟ نزلت المحكمة قبل كدا ؟اية رايك فى الاخوان تانى ؟ انت بتتشغل اية دلوقتى ؟

قوتلة لا ولا نزلت قبل كدا, اما الاخوان فانا راجل معتدل مليش اى تيار سياسى وبعدين انا عمرى لسة 22 سنة و السياسة عايزة ناس كبيرة تقدر على متاعبها.

فلقيتة بيهز راسة كدا وبيسمع بأنصات

وبعدها مسك الموبيل وفتح الصور وعجبتة صورة نانسى عجرم.
فتح الاسماء و سأل على بنتين .
فتح الرسائل و قراء كذا رسالة بس لم يعلق عليهم.

وبعد كدا سال على الاخوان تانى فأتخنقت منة وبجد كنت على اخرى منه فقولتلة حضرتك انا عندى فى العيلة ناس قضاه وانت لسة سالنى حالا على ابن خالى ازاى يكون هو مستشار وازاى اكون انا ليا نشاط.

وبعد كدا لقيتة بيتصل على امين شرطة بيقولة جبلى تحريات الاستاذ ..... (( انا يعنى )) , يلا 5 دقايق وبلغنى.

وبعدها قالى انتظر 5 دقائق فى الاستراحة , كان البيت عندى اتصلوا بيا على موبيلى التانى وقالولى ان فى امين شرطة جاى يسال ويجمع معلومات ورفض كمان انة ياخد فلوس او انة يضايف اصلا .بس اخويا سمعة بيتكلم فى الموبيل مع ظابط وبيقولة انهم ناس محترمين وكدا (( انايعنى )) .الامين دا نازل يسأل اصلا لكل الناس المتقدمين فى بلدى يعنى مش انا وبس .

وبعدها جالى امين شرطة وادانى البطاقة والموبيل بتاعى الى انا سلمتة اول ما دخلت اصلا وقالى اتفضل روح .
وانا خارج قولت اسأل الامين دا فوقفت ادردش معاة كدا وقالى ان تحريات القسم مفروض تيجى كمان بعد اسبوع او اسبوعين.

كل الناس الى راحوا معايا اتسألوا كدا برضوا وانا سالت ظابط بقولة اية قصة سؤال الاخوان دا قالى عادى دا سؤال بيتسأل للكل , وفعلا سالت كل الناس الى قابلوا معايا قالوا انهم اتسألوا نفس الاسئلة وراحلهم برضوا امين البيت.


انا عاوز اعرف وجود اسماء بنات على الموبيل دا مشكلة مثلا؟؟
صلاة الجمعة فى الجامع غلط ولا اية؟
االامين الى جة دا مش من القسم بس جة لية امال فين شغل الكمبيوتر بقى؟؟؟

انا كدا نضيف ولا علية مشكلة فى التحريات ؟؟

ملحوظة: فى كذا واحد الظابط طلب منة ارقام بطايق لناس اقاربهم يمكن دا التشابة ؟ انا مش انطلب منى فمعنى كدا انى فلة ولا هخبط نفسى قلة؟


بس بجد مقابلة تقيلة ورخمة والسباعية كانت سهلة جدا بالنسبالها.

انا كملت ظابط دلوقتى وسالتة على وجود البنات فقالى عادى جدا

وسالتة على سؤال انى بصلى فى الجامع وانى بصلى فلقيتة زعل كدا من السؤال وقالى عادى هو يعنى مفروض متصليش ولا اية , المهم قالى عادى دا عادى جدا وسالتة على سؤال الاخوان قالى دا طبيعى وكل تحريات بيسالوا كدا فى كل المحافظات.